Ɣöth 2:11 - RUAC KUƆTH IN RƐL RƆ

¹¹ Kɛ cäŋ kɛl mëë ci Muthɛ kua wut, cuɛ nɛɛkɛ wä gui̱l kä cuɛ di̱t lätnikiɛn wä nɛn. Cuɛ raan I-jëp nɛn duääcɛ raan Ɣi-bɛ-ru mi raan nɛɛnikɛ.

Ɣöth 2:11 Iomraidhean Croise

Ɣöth 1:11

Kɛ kui̱ ɛmɔ, cu ji̱ I-jëp kɛ kue̱ny kua̱r lätni ti jiäk kɛ ɣöö bikɛ kɛ ciɛŋ kɛ ciaŋ mi bɛc bɛc kɛ muɔ̱cdiɛn la̱t mi thiɛk ɛlɔ̱ŋ, kä cu ji̱ I-thɛ-rɛl Pɛro ta̱th rɛ̈k tɔ̱wä ŋɔaani, rɛk mi cɔal i̱ Pi-thom kɛnɛ rɛk mi cɔal i̱ Ra-mɛ-theth.

Ɣöth 3:7

Cu Kuoth Nhial ɛ jiök i̱, “Ɣän cä bɛ̈c bɛ̈ɛ̈c nɛɛnikä ŋäc kä gua̱a̱th kä I-jëp, cä lulliɛn in ci ränh kä ɣä kɛ kui̱ kua̱ri La̱tdiɛn liŋ, kä cä jiɛ̈th lɔaaydiɛn nɛn ɛpuc.

Ɣöth 5:14

Kua̱r wec lätni kä ji̱ I-thɛ-rɛl tin ca la̱th wi̱i̱ la̱t ɛ kua̱r Pɛro, cukɛ kɛ la dua̱ckɛ kä ba kɛ thiëc i̱, “Ɛŋu pan kiɛ wa̱lɛ mi, mɔ /ken yɛn pe̱k tuɔpni tin la la̱tdɛ la̱t kɛɛliw ɔ ce̱tkɛ ta̱a̱dun in wen?”

Ɣöth 5:4

Cu kuäär I-jëp in di̱i̱t kɛ jiök i̱, “Muthɛ yɛnɛ Ä-ron, ɛŋu mɔ ka̱mɛ naath raar lätnikiɛn ɔ? Luɔcɛ lätnikun tɔ̱ di̱t tɔ̱tɔ̱.”

Ɣöth 5:5

Kä cu Pɛro kɛ jiök i̱, “Nɛ̈nɛ jɛ, ci ji̱ I-thɛ-rɛl ŋuan muun ɛmɛ, kä cu yɛn kɛ lɛni jɛn lɔ̱ŋ lätnikiɛn.”

Ɣöth 5:9

Kɛn wutni tɔ̱tɔ̱ ɛ kɛ ba moc la̱t mi di̱i̱t, ɛ jɛn bi wuɔ̱thkiɛn cu ruec lät ɔ, /cikɛ bi lɛ käp ni laat nɛɛni tin mɛ̈tkɛ kɛ.”

Ɣöth 6:6

Kɛ kui̱c ɛmɔ, yɛn jiökɛ ji̱ I-thɛ-rɛl i̱, ‘Ɛ ɣän Kuoth Nhial, ɣän bä yɛ kuëk raar lätni ji̱ I-jëp ti bɛ̈c bɛ̈ɛ̈c. Ɣän bä yɛ dhi̱eel raar yie̱e̱nädiɛn in bɛc bɛc, kä bä yɛ kän kɛ tet mi bumbum kɛnɛ luk mi di̱i̱t.

Ɣöth 6:7

Ɣän bä yɛ ka̱n ala nɛɛkä, kä ba̱a̱ Kuothdun, kä bia jɛ cu ŋa̱c i̱ ɛ ɣän Kuoth Nhial Kuothdun ëë käm yɛ raar ɣa̱a̱cni ji̱ I-jëp.

I-ca-yaa 58:6

“Kä thëk in cä mɛk, /ciɛ ɣöö bi kuatni jiäkni lony, kä bi dep gäkä lony, bi ram in ciaŋkɛ ɛ jiäk lony ɛ lɔr, kä bi gäkni diaal töl?

Mɛ̈t 11:28

Bia kä ɣä, yɛn nɛy diaal tin ci cuuc kɛ la̱t kä thiɛk ɣa̱cdun, ɣän bä yɛ moc lɔ̱a̱ŋ.

Luk 4:18

“Te Yiëë Kua̱r ni Kuɔth puɔ̱nydä, kɛ ɣöö cɛ ɣä mɛk ɛn ɣöö bä thuk ti gɔw nöŋ can. Cɛ ɣä ja̱k kɛ ɣöö bä luɔ̱ny nath tëë ca pɛc lat, kɛnɛ ɣöö bä nyin ciööri lɛp, kä bä nɛy tin ciaŋkɛ a jiäk woc.