Ɣöth 16:3 - RUAC KUƆTH IN RƐL RƆ

³ cukɛ kɛ jiök i̱, “Görkɔ ni mi ci Kuoth Nhial kɔ näk mëëdan, mëë ta̱kɔ kä I-jëp guäth ëë la nyuɔ̱ɔ̱rkɔ gëëkni cuɔ̱ɔ̱knikɔ tin te gɔɔl, kä ro̱ŋ ri̱ŋda kɛnɛ kuända, a bakɔ mi̱th a bi nɛy ria̱ŋ ɛlɔ̱ŋ, ɛnɔ no̱o̱ŋɛ ni kɔ raar kɛ jɛ mɔ, kɛ ɣöö bi buɔth nɛy ben näk rɛy dɔaar mi ce̱tkɛ nɛ, bia lar.”

Ɣöth 16:3 Iomraidhean Croise

2 Tham 18:33

Kä cu kuäär lɔcdɛ jiath ɛlɔ̱ŋ, kä cuɛ wä duëël nhial min te wi̱i̱ thiek, kä cuɛ wiee. Kä min wee kɛ cuɛ wee i̱, “Aɣ gatdä ni Ɛ̈b-ca-lom, ni Ɛ̈b-ca-lom! Dëë nhɔk ni mi ci li̱w ni ɣän kɛ gua̱a̱thdu, lö gatdä ni Ɛ̈b-ca-lom, gatdä, gatdä!”

I-yob 3:1

Kɛ kɔrɛ cu I-yob cäŋ ëë dapkɛ ni jɛ lam.

I-yob 3:10

kɛ ɣöö /kenɛ maar pen ɣöö bɛ ɣä dap, a cä rik ti̱ti̱ dee nɛn.

I-yob 3:20

“Ɛŋu mɔ bä buay kä nɛy ti te kɛ riɛk ɔ, mɔ bä tëk kä nɛy ti bɛc ciaaŋdiɛn ɔ?

Diit 107:5

kä näk buɔthkɛ kɛnɛ rɛw, kä ci lo̱ckiɛn baath.

Diit 78:19

Kä cukɛ Kuoth lat jɔ̱ɔ̱r wäkɛ i̱, “Dëë Kuoth mi̱eth ku ŋun rɛy dɔaar?

Diit 78:25

Cu naath mi̱th kɛ mi̱th jaakni Kuɔth, cuɛ kɛ jäk kä mi̱th ti ŋuan.

Ɣöth 14:11

Cukɛ Muthɛ jiök i̱, “Dera thil muɔ̱ni ti dëë kɔ kony thi̱n kä I-jëp ɛn ɔ no̱o̱ŋi ni kɔ raar kɛ jɛ mɔ, a bakɔ ben li̱w rɛy dɔaar mi ce̱tkɛ nɛ? Kua mi ce̱t ŋuään ci lät kä kɔ mi, ɛn ɣöö curi kɔ no̱o̱ŋ raar kä I-jëp?

Ɣöth 17:3

Cua naath näk ɛ rɛw ɛn wan i̱ kɛ ɣöö thilɛ pi̱, kä cukɛ göny kä Muthɛ, cukɛ wee i̱, “Ɛŋu ɛ nëë kämi ni kɔ raar kä I-jëp ɛ bi kɔ ben näk kɛ rɛw kɛɛl kɛ gaatkɔ, kɛ ɣɔ̱ɔ̱kɔ?”

Ɣöth 2:23

Kɛ gua̱a̱th mi bäär, cu kuäär I-jëp li̱w, cu ji̱ I-thɛ-rɛl lɔcdiɛn ŋot kɛ dɛ̈t kɛ yaakdiɛn, kä cukɛ wiee kɛ ɣöö baak kɛ luäk, kä cu wieediɛn cop nhiam Kuɔth.

Ɣöth 5:21

Cukɛ kɛ jiök i̱, “Bi Kuoth Kamdan guic, bɛ mɔ te thi̱n ɔ luk, kɛ ɣöö cia kɔ ya̱r nhiam Pɛro kɛnɛ kua̱r kɔaarɛ, kä kɛ yɛn jakɛ kɛ kä na̱kɛ kɔ tɔ̱.”

Bok Go̱kä ni Yir-mɛ-yaa 2:6

Kä /kenkɛ ɣä go̱r, ‘Ɣän Kuoth Nhial ëë no̱o̱ŋkɛ raar ro̱o̱l I-jëp, mëë bo̱o̱th kɛ rɛy dɔaar mi luɔ̱t, dɔr rɛ̈w kɛnɛ muth mi col, rɛy dɔaar mi /ka̱n met döny cio̱o̱k kä thilɛ ram mi ciɛŋ jɛ?’

Bok Go̱kä ni Yir-mɛ-yaa 42:14

kä lar yɛnɛ i̱, ‘Eey, kɔn bakɔ wä muun I-jëp, guäth in cakɔ ko̱r bilɛ nyɔk kɛ nën, kä cakɔ jɔw kaaŋä bi lɛ nhɔk kɛ li̱eŋ kiɛ ci buɔth kɔ bi lɛ nyɔk kɛ näk bakɔ wä cieŋ ɛn thɔ̱ŋi.’

Bok Go̱kä ni Yir-mɛ-yaa 44:17

Duundɛ ɣöö bi nɛy la̱t ni tin diaal tin cakɔ yac ni rɔ̱, bakɔ wäl in kur kur wëŋ ni kuäär ciëk nhial, kä bi nɛy ɛ thöp kɔaŋ, ce̱tnikɛ mëë cakɔ kɔŋ la̱t kɛ gua̱a̱rikɔ, kɛ kua̱rkɔ kɛnɛ ruëëckɔ rɛy wi̱i̱ni Juda kɛnɛ rɛy duɔ̱pni Jɛ-ru-tha-lɛm. Kä ɛ nëë la te nɛy kɛ mi̱eth mi di̱i̱t kɛnɛ ria̱ŋ, kä thilɛ mi jiääk mi lɛ̈ kɔ nɛn.

Jiɛth 4:9

Gɔw ni nɛy tin na̱kɛ kɛ thɛp, kä nɛy tin li̱w kɛ buɔth, kɛn nɛy tin li̱w kɛ luaaŋ, kɛ thil kä mi camkɛ.

Kuen 11:15

Mi ɛ jɛn duɔ̱p in bi cieŋ kɛ ɣä ɛn nɛmɛ, jak ni ɣä kä li̱w ɛn täämɛ, kä mi jëkä mal waaŋdu, cu ɣä jak kä nɛnä da̱kdä.”

Kuen 11:20

bia cam kɛ pay kɛɛliw, amäni mi cɛ ŋuäny wuɔ̱thnikun, kä ba mi jiääk kä yɛ, kɛ ɣöö cia Kuoth Nhial in te rɛydun lo̱k, kä cia wiee nhiamdɛ wä yɛn i̱, “Ɛŋu mi bäny nɛy I-jëp piny?” ’ ”

Kuen 14:2

Kä cu ji̱ I-thɛ-rɛl diaal gaak kɛ Muthɛ kɛnɛ Ä-ron. Cu duɔl kɛɛliw kɛ jiök i̱, “Ci dëë gɔaa ni mi cakɔ li̱w ro̱o̱l I-jëp! Kiɛ dëë ŋua̱n ni lia̱a̱da däärdɔaar ɛ mi!

Kuen 14:3

Ɛŋu mi no̱o̱ŋ Kuoth Nhial nɛy ɛn muun ɛ mi, ɛ ɣöö bakɔ li̱w kɛ mut? Kä bi mänkɔ kɛnɛ nyintiɛnikɔ a pɛ̈ɛ̈c. Ci dëë gɔaa ni ɣöö bakɔ loc kä I-jëp?”

Kuen 16:13

Ɛ mi tɔt ɛn ɣöö cikɔ nööŋ raar i̱, naŋikɔ muun caak kɛnɛ liɛth tuar, gula ɣöö bikɔ ben näk däärdɔaar, kä ɛ jɛn jaki rɔ kä kuäära mɔ?

Kuen 16:41

Kɛ cäŋ in rɛwdɛ cu duɔl ji̱ I-thɛ-rɛl kɛɛliw gaak kɛ Muthɛ kɛnɛ Ä-ron laarkɛn ɛ i̱, “Cia nɛɛ Kuɔth Nhial näk.”

Kuen 21:5

Kä cu naath ruac a jiäk kɛ Kuoth kɛnɛ Muthɛ wäkɛ i̱, “Ɛŋu no̱o̱ŋi nɛy raar kä I-jëp ɔ kɛ ɣöö ba̱kɔ ben li̱w rɛy dɔaar ɔ? Kä thilɛ mi̱eth kä thilɛ pi̱w, kä ci nɛy ŋɔ̱a̱ŋ kɛn mi̱eth ɛ jiäk ɛ mi.”

Lät Jaakni Yecu 26:29

Kä cu Puɔl ɛ loc i̱, “Cäŋɛ mi ɛ gua̱a̱th mi tɔt kiɛ gua̱a̱th mi bäär, ɣän palä Kuɔth ɛn ɣöö bi ji̱n yɛnɛ nɛy diaal tin liɛŋkɛ ɣä wa̱lɛ, dee yɛn ce̱tkɛ ɣä a thil ni kuatni ciikni ti̱ti̱.”

1 Kor 4:8

Cia ro̱ŋ kɛ tin görɛ! Kä cia ria̱ŋ! Kä ci yɛn a kua̱r a thilɛ kɔ thi̱n! Kɛ thuɔ̱k, ɣän göörä jɛ ɛn ɣöö dee yɛn a kua̱r, kɛ ɣöö dee nɛy a kua̱r kɛ yɛ kɛɛl!

2 Kor 11:1

Ɣän dëë go̱r ni ɣöö bi yɛn ɣä rut, a cäŋ ɛ ɣän dɔ̱a̱r kä mi tɔt. Ruɔ̱tdɛ jɛ kɛ ɣä kɛɛl.

Ŋuɔ̱t 28:67

Kä kɛ runwaŋ bi wee, ‘Ɛn duɔ̱ɔ̱r ɛ thiaŋ inu!’ kä kɛ thiaŋ bi wee, ‘Ɛn duɔ̱ɔ̱r ɛ runwaŋ inu!’ kɛ dual in bi dual kɛ ji̱, kɛnɛ nën in bi nën kɛ ji̱.

Ŋuɔ̱t 8:3

Kä cuɛ yɛ pa̱l buɔth, kä cuɛ yɛ mi̱eeth kɛ mana mi kuecɛ, kä kui̱c guuri jɛ bä. Nyuthɛ ni jɛ yɛ ɛn ɣöö ciɛ mi̱eth kä rɔa dëë raan tëkɔ. Tëk raan kɛ riet mi bä raar kä Kuoth Nhial.

Jɔ-cua 7:7

Kä cu Jɔ-cua la̱ŋ, cuɛ wee i̱, “Aɣ, Kuäärä ni Kuoth Nhial. Ɛŋu mëë curi kɔ nyäk kɛ nooŋ kui̱c Jɔr-dɛn ɛmɛ kä bi kɔ cu ben thöp ji̱ Ɛ-mor, kɛ ɣöö ba kɔ cu nor? /Ci dëë gɔaa ni mi cakɔ cu te kui̱c in dɔ̱ŋ kä Jɔr-dɛn?