Ɣöth 1:7 - RUAC KUƆTH IN RƐL RƆ

⁷ Kä cu ji̱ I-thɛ-rɛl rɔ̱ di̱eth, cukɛ rɔ̱ re̱p kɛ rëp mi di̱i̱t, kä cukɛ buɔ̱m jek kä cu mun I-jëp thia̱a̱ŋ kɛ kɛ.

Ɣöth 1:7 Iomraidhean Croise

Tuk Cäkä Ɣɔaa 1:20

Cu Kuoth wee i̱, “A yiër thiäŋ kɛ rual le̱e̱yni ti tëk rɛy pi̱i̱ni, kä a ɣɔw tekɛ diit ti pär wi̱i̱ muɔ̱ɔ̱n rɛy puɔ̱rä nhial.”

Tuk Cäkä Ɣɔaa 1:28

Kä cuɛ kɛ poth, jio̱kɛ kɛ i̱, “Ta̱yɛ kɛ gaat kä diëthɛ rɔ̱, kä thia̱ŋɛ wi̱c muɔ̱ɔ̱n kä ruacɛ jɛ, kä ta̱yɛ kɛ ruec kɛ rɛc yiëri kɛnɛ diit nhial amäni le̱y diaal tin jäl wi̱i̱ muɔ̱ɔ̱n.”

Tuk Cäkä Ɣɔaa 12:2

Bä do̱r mi di̱i̱t cak kɛ ji̱. Bä ji̱ poth kä bä kɛ̈kdu jak kä jɔc kɛ ɣöö bi naath nöŋ puɔ̱th.

Tuk Cäkä Ɣɔaa 13:16

Bä kuayku re̱p a bikɛ ŋuan ce̱tnikɛ tur piɛny in /ci raan ɛ dëë luäŋ kɛ kuën?

Tuk Cäkä Ɣɔaa 15:5

Cuɛ Ab-ram cɔal raar rɛy duëël kä cuɛ jɛ jiök i̱, “Liɛc pua̱a̱r, kä guic ciɛrkɛ tin /ci dëë luäŋ kɛ kuën. Inɔ kɛn kuayku bi pe̱kdiɛn pa̱a̱r nikɛ kɛ.”

Tuk Cäkä Ɣɔaa 17:16

Bä jɛ poth kä (bä ji̱ moc gat kɛ jɛ) (bɛ ji̱ da̱p gat). Kä puɔ̱thdä min bä poth ni jɛ bɛ döör kɛnɛ kua̱r tin ŋuan dap.”

Tuk Cäkä Ɣɔaa 22:17

Ɣän bi̱i̱ poth kɛ puɔ̱th mi bä kuayku jak kä ŋuan ce̱tnikɛ ciɛr nhial kiɛ liɛt thuɔk yiëër. Kä bi kuayku rɛ̈k ji̱ tɛ̈riɛn mac.

Tuk Cäkä Ɣɔaa 26:22

Cuɛ rɔ lɛ kap guäth dɔ̱diɛn kä cuɛ jiw mi dɔ̱ŋ wä nyɔk kɛ tët thi̱n, ɛn kɛ̈ɛ̈l ɛ cuɛ cu thil mi cua lɛ gak thi̱n. Ɛ jɛn, cuɛ ciötdɛ cu cɔl i̱ Rɛ-böth (min lot ni ɣöö gua̱a̱th mi ro̱ŋ), ɛ jɛn i̱, “Ɛn kɛ̈ɛ̈lɛ, ci Kuoth Nhial kɔn moc kɛ gua̱a̱th mi banɛ rɔ̱ di̱eth thi̱n ɛn ro̱o̱lɛ.”

Tuk Cäkä Ɣɔaa 26:4

Kä nɛn ɛ, ɣän bä kuayku re̱p ce̱tnikɛ ciɛr nhial, kä bä wi̱i̱ ti̱ti̱ diaal ka̱m kɛ ala nyinkiɛn. Kä bi döör diaal wi̱i̱ muɔ̱ɔ̱n puɔ̱th jek kɛ kuayku.

Tuk Cäkä Ɣɔaa 28:14

Ɣän bä kuayku re̱p kä bi pe̱kdiɛn ŋuan ce̱tnikɛ liɛt piɛny. Kä bi rɔ di̱eth amäni mi ci ɣɔw thiäŋ kɛɛliw, cam ɣɔaa, cuec ɣɔaa, kɛ nhiam kɛnɛ jɔk ɣɔaa. Kɛ puɔ̱th in cä poth ni ji̱ yɛnɛ kuayku, döör diaal wi̱i̱ muɔ̱ɔ̱n bikɛ ɣä thi̱ec kɛ ciötdu ɛn ɣöö bä kɛ poth bä.

Tuk Cäkä Ɣɔaa 35:11

Ɛ jɛn cu Kuoth ɛ ku jiök i̱, “Ɛ ɣän Kuoth in le̱ny buɔ̱mdɛ ti diaal, di̱eth rɔ kä a kuayku rëpkɛ rɔ̱, kä ɛpuc bikɛ a mat dööri ti ŋuan, kä bi rɛydiɛn tekɛ kua̱r ti di̱t.

Tuk Cäkä Ɣɔaa 46:3

Kä cu Kuoth ɛ ku jiök i̱, “Ɛ ɣän Kuoth in la Kuoth guur. /Cu dual kɛ wädu ro̱o̱l I-jëp, kɛ ɣöö ɣän bä te kɛɛl kɛ ji̱ kä bä kuayku wä jak kä do̱r mi di̱i̱t ɛn wi̱ni.

Tuk Cäkä Ɣɔaa 47:27

Inɔ, cu I-thɛ-rɛl kɛnɛ nɛɛkɛ cu cieŋ kä I-jëp kä cukɛ rɔ̱ jëk gua̱a̱th ciɛŋä kä Go-cɛn. Cukɛ rɔ̱ re̱p kä wäkɛ kɛ ŋuan.

Tuk Cäkä Ɣɔaa 48:16

Kä akɛ puɔthkɛ ɛ jääk Kuɔth Nhial ëë ci ɣä kän rɛy rikni diaal kɛ ɣöö dëë kɛ ciöl ɣä kɔnɛ gua̱a̱ri ni A-bɛ-ram kɛnɛ Ay-dhɛk, kä a thuk duëlikiɛn rëpkɛ rɔ̱ wi̱i̱ muɔ̱ɔ̱n.”

Tuk Cäkä Ɣɔaa 48:4

kä cɛ ɣä jiök i̱, ‘Ɣän bä kuayku re̱p kɛ ɣöö bi gaatku a döör ti nyin ŋuan kä bä mun ɛmɛ ka̱m kuayku tin ba gua̱a̱thdu guäl ala duŋdiɛn mi do̱raar.’ ”

Tuk Cäkä Ɣɔaa 9:1

Kɛ kui̱ ɛmɔ, cu Kuoth Nowa kɛnɛ gaatkɛ cu poth, kä cuɛ kɛ jiök i̱, “Diëthɛ rɔ̱ a bia wi̱c muɔ̱ɔ̱n thiäŋ.

Nɛ-ɣɛm-yaa 9:23

Kä curi gaatkiɛn jak kä ŋuan ce̱tnikɛ kuɛl nhial, kä curi kɛ nööŋ muun ëë ci la̱r gua̱ni kɛ ɣöö ba wä ciɛŋ.

Diit 105:24

Kä cu Kuoth Nhial nɛɛkɛ jakä repkɛ rɔ̱, kä cu buɔ̱m nikɛn kä ji̱ tɛ̈riɛn.

Diit 107:38

Kɛ puɔ̱th Kuɔth Nhial cukɛ rɔ̱ rep ɛlɔ̱ŋ, kä /ci ɣɔ̱ɔ̱kiɛn bi met kuɛ̈ɛ̈.

Ɣöth 1:12

Guäth in kua lɛ wee mi muɔckɛ kɛ riɛk mi di̱i̱t, bikɛ gul tuɔ̱ɔ̱l kɛ mi wäkɛ kɛ ŋuan, kä tuɔ̱l ni kɛn kɛ mi thia̱ŋkɛ piny, kä cu ji̱ I-jëp dual kɛ ji̱ I-thɛ-rɛl.

Ɣöth 12:37

Cu ji̱ I-thɛ-rɛl tɛth piny kä Ra-mɛ-theth, wäkɛ kä Thu-koth, wutni ti bathdɔɔri ti kur bäkɛl ti jäl kɛ ciökiɛn, a /ca män kɛnɛ dho̱li kuɛn thi̱n.

Ɣöth 5:5

Kä cu Pɛro kɛ jiök i̱, “Nɛ̈nɛ jɛ, ci ji̱ I-thɛ-rɛl ŋuan muun ɛmɛ, kä cu yɛn kɛ lɛni jɛn lɔ̱ŋ lätnikiɛn.”

Yɛdh 16:7

Kä cua̱ ji̱ jakä pith ce̱tnikɛ jiath rɛy kakä.” Kä curi piith a bi bär, a curi gua̱a̱th määnä cop. Cu thinku ben, kä cu miemku piith ɛ bär, duundɛ ɣöö curi ŋot ti̱i̱ juutdä kä jäli kɛ pa̱a̱tku.

Lät Jaakni Yecu 13:17

Kuoth döör I-thɛ-rɛl ɛmɛ, cɛ gua̱ndɔɔŋnikɔn mɛk, kä cuɛ do̱r jakä di̱t, kɛ gua̱a̱th ëë cieŋkɛ kɛ ro̱o̱l I-jëp, kä cuɛ kɛ nööŋ raar kɛ tet mi bum.

Ŋuɔ̱t 10:22

Ɛn täämɛ ci Kuoth Nhial Kuothdun yɛ jak kä ŋuan ce̱tnikɛ kuɛl Nhial. Kä mëëdan wä guurikun kä I-jëp ala nɛy ti jiɛɛn bärɔw.”

Ŋuɔ̱t 26:5

“Kä bi rieet ɛ ti lat nhiam Kuɔth Nhial Kuothdu i̱, ‘Gua̱a̱r ɛ raan Ä-ram mi yiëc dɔɔr. Kä cuɛ wä cieŋ kä I-jëp ala nɛy ti tɔt. Ɛn wi̱ni cukɛ a dör mi di̱i̱t, ti ŋuan kä bum.