Ji̱ Ɛ-pɛ-thäth 5:3 - RUAC KUƆTH IN RƐL RƆ

³ Kä leer kɛnɛ nyuɔɔn diaal kiɛ di̱t lɔaac, akɛ /ca cak kɛk rɛydun, kɛ ɣöö jiäkɛ rɛy nɛɛni tin ci Kuoth kɛ lɛy.

Ji̱ Ɛ-pɛ-thäth 5:3 Iomraidhean Croise

Diit 10:3

Kɛ ɣöö ji̱ nyuɔɔni la liakɛ ni rɔ̱ kɛ cär lo̱cnikiɛn, la nhɔakɛ ni nyin ɣɔaa lökɛ Kuoth Nhial.

Diit 119:36

Ri̱tni lɔcdä kä ŋuɔ̱tku, ɛ /ci mua duɔ̱ɔ̱p jek ŋɔaani.

Ɣöth 18:21

Kä ji̱n, bi nɛy ti ro̱ŋ kɛ ŋäc luɔ̱ɔ̱kni rɛy nɛɛni diaal kuany, kä bikɛ a nɛy ti luɔ̱thkɛ Kuoth ti cieŋ thuɔ̱ɔ̱kni, ti lökɛ kök kua̱r, bi kɛ kuany ala kua̱r wec nath, bi nɛy ti bath dɔɔr, kɛ nɛy ti kuɔ̱r, kɛ nɛy ti jiɛn dhieec amäni nɛɛ wäl a kue̱nyi kuääriɛn.

Ɣöth 20:17

“A lɔcdu /ci di̱t kɛ cieeŋ raam mi thie̱e̱k kɛ ji̱. /Cu ciek raam mi thie̱e̱k kɛ ji̱ bɛc, kiɛ lätku kɛɛl, kiɛ thääkdɛ, kiɛ muulɛ, kiɛ mi dɔ̱ŋ mi la duundɛ, /cu jɛ go̱r kɛ lɔcdu.”

Ɣöth 23:13

Tiɛtdɛ ti diaal ti cä la̱r yɛ, kä /cuɔrɛ kuth kɔ̱kiɛn lam ciöötnikiɛn kä /cuɔrɛ kɛ nyäl kɛ thukun.

Ruac Pɛli 28:16

Rueec mi thil pɛl, ɛ rɛŋ mi tekɛ ciaŋ mi jiääk. Kä ram lat cuɔ̱ŋ bi ni̱nkɛ jääny wi̱i̱ muɔ̱ɔ̱n.

Bok Go̱kä ni Yir-mɛ-yaa 22:17

Duundɛ ɣöö wäŋku kɛnɛ lɔcdu ci la̱th nikɛ kä ɣöö bi duɔ̱ɔ̱r jek kɛ duɔ̱ɔ̱p po̱cä kä rɔa, kɛnɛ ɣöö bi riɛm nɛɛni ti kuec kɛ ŋu wuɔ̱th piny baaŋ, kɛ ciaŋ jiääk kɛnɛ ko̱o̱ri,” ruac ni ɣän Kuoth Nhial.

Bok Go̱kä ni Yir-mɛ-yaa 6:13

“Ni kä ram in tɔt amäni ram in di̱i̱t kä kɛ, di̱t lo̱ckiɛn kɛ mi ba jek kɛ duɔ̱ɔ̱p dui̱rä, amäni go̱o̱k kɛnɛ bööth palä cukɛ la̱t ni ka̱a̱cni.

Bok Go̱kä ni Yir-mɛ-yaa 8:10

Kɛ kui̱c ɛmɔ, bä mänkiɛn ka̱m nɛy ti kɔ̱kiɛn, kä ba ka̱a̱kiɛn ka̱n bä, kɛ ɣöö ni kä ram in tɔt wä amäni ram in di̱i̱t kä kɛ, di̱t lo̱ckiɛn kɛ mi ba jek kɛ duɔ̱ɔ̱p dui̱rä, amäni go̱o̱k kɛnɛ bööth palä cukɛ la̱t ni ka̱a̱cni.

Yɛdh 33:31

“Cukɛ ben kä ji̱ ce̱tkɛ min la naath a bä, kä cukɛ ben nyuur nhiamdu ce̱tkɛ mi kɛ nɛɛkä, cukɛ rieetku liŋ, kä /ken kɛn kɛ luɔ̱th. Pɛlkɛ ni ji̱ ɛ kɛn kɛ lëëpkiɛn, kä cikɛ lo̱ckiɛn la̱th kä ŋɔak tin jëkɛ.

Liib 15:18

Kä mi ci wut tɔ̱ɔ̱c kɛ ciek, akɛ puakɛ rɔ, kä bikɛ jiääk mäni thiaŋ.

Mikaa 2:2

Kä mɔ cikɛ kak bɛc ɔ, naŋ kɛn kɛ, kä mi kɛ duel, naŋ kɛn kɛ. Kä la kɛn raan a mac kɛ dhɔrɛ, kä mackɛ raan kɛ kakdɛ.

Kuen 25:1

Mëë cieŋ ji̱ I-thɛ-rɛl kä Ci-tim cu naath ɛ tok kɛ mi tɔ̱ɔ̱ckɛ kɛ nyier Mo-ab.

Mɛ̈t 15:19

Kɛ ɣöö cär ti jiäk ti̱ti̱ bäkɛ raar lɔɔc ran, luc nath, dhöm kɛnɛ leer, kuël, nën kacä, kɛnɛ guer.

Luk 12:15

Kä cu Yecu naath jiök i̱, “Tiɛtdɛ rɔ̱ kä gaŋɛ rɔ̱ agɔaa kɛ nyin di̱tdä lɔaac diaal kɛ ɣöö /ci tëk ran a pek ŋɔaani ti ŋuan tin tekɛ jɛ.”

Luk 16:14

Cu ji̱ Pa-ri-thii tin nhɔakɛ yio̱w, ti̱ti̱ diaal liŋ, kä cukɛ Yecu cany.

Lät Jaakni Yecu 15:20

kä duundɛ ɣöö banɛ kɛ gɔ̱a̱r warɛgak ɛn ɣöö bikɛ rɔ̱ guɔk kä ca thöp kuth jiɛn, kɛnɛ ciaŋ riäärä kä /cikɛ mi ca dɛc bi cam amäni riɛm.

Lät Jaakni Yecu 20:33

Kä ɣän thilɛ ciɛk in bo̱r kiɛ da̱a̱p kiɛ bi̱i̱ ran mi cä go̱r.

Ji̱ Röm 1:29

Cikɛ cu thia̱a̱ŋ kɛ ciaŋ dueeri diaal kɛ jiäk, kɛ di̱t lɔaac, kɛnɛ nyi̱r. Thiäŋkɛ kɛ tiɛɛl, kɛ luc nath, gak, kac, kaŋ, kɛ ji̱ guɛɛri,

Ji̱ Röm 16:2

kɛ ɣöö dee yɛn ɛ nyuɔ̱ɔ̱r agɔaa rɛy Kua̱r kɛ ciaaŋ ji̱ Kuɔth tin cɛ lɛy. Kä lua̱kɛ jɛ kɛ ti diaal tin bɛ go̱r kä yɛ, kɛ ɣöö cɛ kɔŋ a luääk nɛɛni ti ŋuan amäni ɣän bä.

Ji̱ Röm 6:13

/Cuarɛ cuɔ̱ɔ̱ŋ pua̱nynikun käm duer kɛ kui̱ kä mi jiääk, kä ka̱mɛ rɔ̱ Kuoth ce̱tkɛ nɛy ti ca luɔ̱c jɔk li̱th, no̱o̱ŋdiɛn teekä, kä ka̱mɛ cuŋ pua̱nynikun Kuoth kɛ kui̱ cuŋni.

1 Kor 10:8

/Cuarnɛ duer lät kɛ leer ce̱tkɛ min ci tha̱a̱ŋkiɛn ɛ la̱t, kä cu nɛy ti bathdɔɔri ti jiɛn rɛw wi̱cdɛ diɔ̱k li̱w kɛ jɛn cäŋɔ kɛlɔ.

1 Kor 5:1

Ca jɛ lat ɛpuc ɛn ɣöö te rɛydun kɛ ciaaŋ leerä, ɛn ni ce̱tkɛ nɔ, ɛ mi /ca dee jek a cäŋɛ ni rɛy nɛɛni ti kueckɛ Kuoth. Cä jɛ liŋ ɛn ɣöö nyuur raan kɛɛl kɛ ciek gua̱n.

1 Kor 6:13

Kä dee raan wee i̱, “Mi̱eth lotdɛ ni jic, kä jic lotdɛ ni mi̱eth,” kä bi Kuoth kɛnɛ da̱ŋ rɛw däk. Kä puɔ̱ny /cɛ lot ni leer, lotdɛ ni Kuäär, kä Kuäär lotdɛ ni puɔ̱ny.

1 Kor 6:18

Yiënɛ rɔ̱ kä leer! Dueer diaal kɔ̱kiɛn tin lät raan kɛ tekɛ raar pua̱ny, kä duundɛ ɣöö ram mi duer kɛ leer dui̱r ni puɔ̱nydɛ duer pa̱ny.

2 Kor 12:21

Ɣän dualä ɛn ɣöö mi wa̱a̱ rɔ nyɔk kɛ ben, bi Kuothdä ɣä jakä po̱c nhiamdun, kä bä ben pa̱r kɛ ruɔ̱t kɛ kui̱ nɛɛni ti ŋuan tëë ci duer mëëdan, kä /ka̱n rɔ̱ ri̱t nyuɔɔni, kɛ ciaŋ leerä, kɛnɛ nyin po̱cä tin jiäk tin ci kɛn kɛ la̱t.

Ji̱ Ɛ-pɛ-thäth 5:12

Kɛ ɣöö ɛ pöc, a cäŋ nyääl raan ni min ca lat ɛ nɛy ɛ tɔ̱ kɛ tɛ̱̈ɛ̱̈.

Ji̱ Ɛ-pɛ-thäth 5:5

Kä ŋa̱cɛ nɛmɛ agɔaa, ɛn ɣöö thilɛ ram mi lät leer kiɛ mi jiääk kiɛ ram mi di̱t lɔc (mi pääl kuthni guääyni) mi bi tekɛ kui̱c rɛy Kuäärä Kritho kɛnɛ Kuoth.

Ji̱ Pi-li-pi 1:27

Min la kɛl in göörä kärɔa a ciaŋ teekädun ro̱ŋ kɛ gɔɔy thukni Kritho ti gɔw. Kɛ ɣöö cäŋ wa̱a̱ ben a bä yɛ ben gui̱l, kiɛ ta̱a̱ jɔ̱ɔ̱r, dëë jɛ liŋ ɛn ɣöö cuŋ yɛn kɛ yiëë kɛl a bum, kä la̱tdɛ ɛlɔ̱ŋ kɛ ca̱r kɛl ramɔ kɛnɛ ramɔ kɛ kui̱ ŋäthä thukni ti gɔw,

Ji̱ Ko-lɔ-thi 3:5

Kɛ kui̱ ɛmɛ la̱thɛ tin la nyin ɣɔaa rɛy teekädun ɛmɛ li̱th, ce̱tkɛ leer, kɛ nyuɔɔn, lät jiäkni, kɛ di̱t lɔaac, min la pal kuthni ti guäy.

1 Thɛ 4:3

Kɛ ɣöö nɛmɛ ɛ jɛn ciaŋ in nhɔk Kuoth ɛ, ɛn ɣöö bia rɔ̱ cu rɛl kä bia nɔ̱a̱n kä nyin leerä.

1 Thɛ 4:7

Kɛ ɣöö /ken Kuoth kɔn cɔal ciɛɛŋä mi jiääk, cɔlɛ ni kɔn rɛy ciɛɛŋä mi rɛl rɔ.

1 Tim 2:10

Kä akɛ la̱tkɛ ni lät ti gɔw ti ro̱ŋ kɛ män ti palkɛ Kuoth.

1 Tim 3:3

Kä /ciɛ yɔ̱ŋ kɔŋä, kä /ciɛ gua̱n gaak, duundɛ ɣöö wuɔ̱t, kä /ciɛ gua̱n rɔlä, kä /ciɛ nho̱o̱k yio̱o̱ni.

1 Tim 6:10

Kä nhök yio̱o̱ni ɛ jɛn tuk jiäkni diaal. Kä kɛ göriɛn kɛ göriɛn kɛ ria̱ŋ, cu tha̱a̱ŋkiɛn ciɛc raar rɛy ŋäthä, cikɛ nöŋ ni tɔ̱ bɛ̈c bɛ̈ɛ̈c ti ŋuan.

2 Tim 3:2

Kɛ ɣöö bi naath a nhɔk ni pua̱nykiɛn, bi kɛn a nhöök yio̱o̱ni, kä ji̱ liakä, ti ji̱ thuɔk jiääk, ji̱ kueethä, ti /ca diëëthkiɛn luth, ti thil tɛ̈th lɔaac, ti thil Kuoth,

Tay-täth 1:11

Bakɛ jakä bit, kɛ ɣöö nyuɔnkɛ dho̱r diaal kɛ ŋi̱i̱cdiɛn kɛ ti /ca dee ŋi̱eec. Kä lät kɛn ɛ kɛ ɣöö ba duɔ̱ɔ̱r jek thi̱n.

Tay-täth 1:7

Kɛ ɣöö bo̱o̱th duëël Kuɔth, ɛ yuup la̱t Kuɔth, bɛ a ram mi thil bɛl. Kä /cɛ rɔ bi dhil liakä, kiɛ mi la mal a kɛ̈c, kiɛ yɔ̱ŋ kɔaŋ, kiɛ gua̱n rɔlä, kiɛ di̱t lɔc kɛ jek ŋɔaani.

Tay-täth 2:3

Lätni jɛ män tin di̱t bä, kɛ ɣöö bikɛ cieŋ kɛ luth Kuɔth, /cikɛ bi a ji̱ luɔm kiɛ nhöök kɔaaŋni, kä bikɛ ŋi̱eec ni mi gɔaa,

Ji̱ Ɣi-bɛ-ru 12:16

Kä a jɛ thil ram mi gua̱n nyuɔɔni mi thil kuoth ce̱tkɛ E-thɔ, mëë ci gua̱a̱th di̱tdä diëëthdɛ kɔk ni tuɔk kua̱n kɛl.

Jɔ-cua 7:21

Rɛy kuakni tëë canɛ pɛc cä bi̱i̱ mi bëë kä Bɛ̈-bi-lɔn bɛc kɛnɛ ti ce̱tkɛ rɛɛm yie̱e̱thä ti tɔt kɛnɛ ciɛk dääpä mi tɔt. Täämɛ, cä kɛ muɔl piny rɛy kɛmɛkädä, kä te yieeth piny i̱.”

1 Pit 5:2

Yienɛ det Kuɔth tin ca ka̱m yɛ, kä la̱tdɛ ce̱tkɛ yuɔ̱ɔ̱p ti gɔw. La̱tdɛ jɛ, kä /ciɛ ɣöö kuɔkɛ ni yɛ, ɛ ɣöö nhɔk yɛn ɛ i̱ bia jɛ la̱t ce̱tkɛ min go̱o̱r Kuoth ɛ. Kä /cuarɛ jɛ lät kɛ ɣöö bia yio̱w jek thi̱n, kä ɛ ɣöö go̱o̱r yɛnɛ i̱ bia jɛ la̱t kɛ lɔcdun kɛɛliw.

2 Pit 2:10

Kä bɛ di̱t kä nɛy tin guɔ̱ɔ̱rkɛ ni tin go̱o̱r pua̱nykiɛn kɛ kɛnɛ nɛy tin lo̱k luth Kuɔth. Kɛn ŋi̱eec kacä ti̱ti̱ kɛn bumkɛ kä ruackɛ ni nyiäthä. /Cikɛ dual kɛ ɣöö bikɛ ja̱a̱k nhial ti gɔw lat jɔ̱ɔ̱r.

2 Pit 2:14

Kɛ wäŋ ti ci thia̱a̱ŋ kɛ dhöm, /ka̱n lätni dueeri ka̱p cuɔ̱ŋ. La buathkɛ nɛy tin kɔ̱c dui̱rä. Tekɛ kɛ lo̱c ti ca ŋi̱eec kɛ da̱r. Kɛ gaat ti ca bit!

2 Pit 2:3

Kä kɛn ŋi̱eec ka̱a̱cni ti̱ti̱ kɛ di̱t lɔaacdiɛn ba nyinkun pɛl kɛ ruaacni ka̱a̱cni. Kä luk ëë ca lar kɛ kui̱diɛn ni wal /ka̱n jɛ päl, kä /ken dääkdiɛn niɛɛn.

Nyuuth 2:14

Kä duundɛ ɣöö ɣän ta̱a̱kɛ ti tɔt ti dɛ̈ɛ̈cä kä yɛ. Tëë tha̱a̱ŋkun ɛn wi̱ni ti ka̱pkɛ ŋi̱i̱c Bil-am, mëë ŋi̱i̱c Ba-lak kɛ ɣöö bɛ ji̱ I-thɛ-rɛl jakä la̱tkɛ duer, kɛ mi̱ethdiɛn kɛ mi̱th ti ca thöp kuth jiɛn, kɛnɛ ɣöö bikɛ la̱t leerä la̱t.

Nyuuth 2:21

Ɣän cä jɛ moc gua̱a̱th kɛ ɣöö bɛ rɔ ri̱t kä jiäkɛ, kä duundɛ ɣöö lo̱kɛ riet kɛ rɔ kä leerɛ.

Nyuuth 21:8

Kä kɛ kui̱ nɛɛni ti dual duaal, ti thil ŋa̱th, kɛ ji̱ nyuɔɔni kɛnɛ na̱a̱k nath, kɛ lëër, kɛnɛ ti̱t, kɛ pa̱a̱l kuthni jiɛth, kɛnɛ ji̱ ka̱a̱cni diaal, bi gua̱a̱thdiɛn a bar maac mi pɛt kɛ wäl mi kɛc ŋuänydɛ min la lia̱a̱ in rɛwdɛ.”

Nyuuth 22:15

Kä te ni jio̱o̱k kɛnɛ ti̱t, kɛ lëër kɛnɛ na̱a̱k nath, kɛ ji̱ palä kuthni jiɛn, kɛ nɛy diaal tin nhɔakɛ ciaŋ kacä raar wec.

Nyuuth 9:21

Kä /kenkɛ rɔ̱ ri̱t kä näk nath, kiɛ lät ti̱i̱tädiɛn, kiɛ ciaŋ leerädiɛn, kɛnɛ kuëliɛn.

1 Tham 8:3

Duundɛ ɣöö /ken gaatkɛ guɔ̱ɔ̱r ni duɔ̱ɔ̱pdɛ, cukɛ nhɔk ni ɣöö bikɛ tekɛ ŋɔak. Ca nhɔk ni kök /ca thuɔ̱k lat.