Ji̱ Ɛ-pɛ-thäth 5:2 - RUAC KUƆTH IN RƐL RƆ

² Kä ciëŋɛ rɛy nho̱kä, ce̱tkɛ min ci Kritho kɔn nhɔk, kä cɛ tëkdɛ thöp kɛ kui̱dan, ala ŋuäny mi gɔaa kä muc mi tɛɛth lɔc Kuɔth.

Ji̱ Ɛ-pɛ-thäth 5:2 Iomraidhean Croise

Tuk Cäkä Ɣɔaa 8:21

Kä cu ŋuänydiɛn lɔc Kuɔth jak kä tɛth, kä cuɛ jɛ lar kɛ lɔcdɛ, “/Cä piny bi me̱t nyɔk kɛ däk kɛ kui̱ nath, kɛ ɣöö ca̱r wuɔ̱thnikiɛn ɛ mi jiääk ni kuɛɛkädiɛn, kä thilɛ yi̱ey kä tin diaal tin cä cak ti bä lɛ nyɔk kɛ ba̱th ce̱tkɛ mi cä la̱t ɛ.

Ɣöth 29:18

Bi ruath dɛ̈ɛ̈l ɛmɔ waŋ kɛɛliw wi̱i̱ yi̱kä. Ɛ luur mi wa̱ŋkɛ ɣä, ɣän Kuoth Nhial, ɛ miɛl mi kur kur mi tɛɛth lɔc. Ɛ luur maac kä Kuoth Nhial.

Ɣöth 29:25

Bi kɛ cu ka̱n te̱tnikiɛn, bi kɛ waŋ wi̱i̱ yi̱kä. Mati kɛ kɛɛl kɛ luur in la waŋkɛ ala miɛl tɛthkä lɔaac mi kur kur kä ɣä. Min mɔ luur maac kä jɛ.

Liib 1:13

Kä bɛ jia̱c kɛnɛ koc dɛ̈ɛ̈l lak, kä bi bööth palä jɛ thöp Kuoth Nhial, kä bɛ jɛ cu waŋ kɛ li̱w wi̱i̱ yi̱kä, kä bi ŋuänydɛ cua̱ mi gɔaa kä Kuoth Nhial.

Liib 1:17

Kä a bak jɛ däär, kä a /ci jɛ bak piny, kä bɛ cu waŋ kɛ li̱w wi̱i̱ yi̱kä ala muc mi waŋkɛ. Kä bi ŋuänydɛ cua̱ mi gɔaa kä Kuoth Nhial.”

Liib 1:9

Kä ɛn ram min thöp muc bɛ jia̱cdɛ kɛ kockɛ lak, kä bi bööth palä kɛ waŋ kɛn diaal wi̱i̱ yi̱kä ala muc mi waŋ, bi ŋuänydɛ cua mi gɔaa kä Kuoth Nhial.

Liib 3:16

Kä bɛ kɛ waŋ wi̱i̱ yi̱kä ala luur mi̱th mi tɛth lɔc Kuɔth Nhial.

A-mɔth 5:21

Ɣän lökä mi̱th matädun kä caanyä kɛ, kä thilɛ mi nhɔakä kä palun.

Kuen 7:21

Kɛ ruath tha̱a̱k kɛl, dɛl kɛl, ruath dɛ̈ɛ̈l kɛl mi gur kɛl, ala muc mi waŋkɛ.

Mɛ̈t 20:28

Ce̱tkɛ ɣöö /ken Gat Ran ben kɛ ɣöö ba jɛ lätikä, bëë kɛ ɣöö bɛ naath lätikä, kä bɛ tëkdɛ thöp ala lueel kɛ kui̱ nɛɛni ti ŋuan.”

Jɔ̱ɔ̱n 13:34

Ɣän ka̱mä yɛ ŋut mi pay tuɔɔk ɛn ɣöö, ramɔ nhɔk ram ɔ. Ce̱tnikɛ min cä yɛ nhɔk, a ramɔ nhɔk ram in dɔ̱ŋ bä.

Jɔ̱ɔ̱n 6:51

Ɛ ɣän juray teekä min bä piny nhial, kä ram ɔ bi mi̱th kä juray ɛmɛ ɔ, bɛ tëk kɛ tëk mi thil pek, kä juray in bä thöp kɛ kui̱ teekä ɣɔaa ɛ jɛn ri̱ŋdä.”

Ji̱ Röm 15:16

kɛ ɣöö bi ɣän a läät Kritho Yecu kɛ kui̱ Juri. La̱tdä ala bo̱o̱th palä mi ŋi̱i̱c thuk tin gɔw kɛ kui̱ Kuɔth, kɛ ɣöö dee Juri a muc ti nhɔk Kuoth kɛ ti ca lɛy ɛ Yiëë in Gɔaa in Rɛl Rɔ.

Ji̱ Röm 4:25

Kä ca Yecu jakä li̱w kɛ kui̱ dueerikɔn, kä ca jɛ jiɛc kɛ ɣöö ba kɔn moc kɛ cuɔ̱ɔ̱ŋ.

Ji̱ Röm 8:3

Min /ci ŋut ɛ luäŋ kɛ lätni, kɛ ɣöö puɔ̱ny kɔ̱cɛ, ci Kuoth ɛ la̱t. Cɛ duer kuɛ̈th rɛy ri̱eŋ kɛ jäknidɛ kɛ Gatdɛ in kɛl kärɔa, mëë cu ben kɛ puɔ̱ny mi ce̱tkɛ puɔ̱ny ran in tekɛ duer, kɛ ɣöö bɛ duer woc.

Ji̱ Röm 8:37

Ëëy, rɛy ŋɔaani diaal ti̱ti̱ leny kɔn nɛy tin pua̱tkɛ naath rɛy Yecu min nhɔk kɔn.

1 Kor 16:14

La̱tdɛ lätkun diaal kɛ nhök.

1 Kor 5:7

Lɛ̈yɛ thuɔp ëë wal raar, kɛ kui̱ kä ɣöö bi yɛn a nup mi gɔaa, mi /ka̱n liɔm kɛ thuɔp ce̱tkɛ mɔ te yɛn ɔ. Kɛ ɣöö ca Kritho min la Ruath Ca̱ŋ Bälä thöp.

2 Kor 2:14

Duundɛ ɣöö a tɛ̈th lɔaac tekɛ Kuoth, min bo̱th kɔn rɛy jucä kɛ Kritho min ci ŋäcdɛ dääk gua̱thni diaal kɛ kɔn ce̱tkɛ ŋuäny mi gɔaa.

2 Kor 2:15

Kɛ ɣöö lapnɛ wäl mi waŋkɛ kɛ Kritho kɛ kui̱ Kuɔth rɛy nɛɛni tin ca kän kɛnɛ rɛy nɛɛni tin ci bath.

2 Kor 8:9

Kɛ ɣöö yɛn ŋa̱cɛ puɔ̱th Kua̱ran ni Yecu Kritho, kä cäŋ ni mëë riäŋɛ cɛ ben a can kɛ kui̱dun, kä kɛ ciaŋ canädɛ dee yɛn a nɛy ti ria̱ŋ ria̱a̱ŋ.

Ji̱ Gä-lëë-cia 1:4

Jɛn Yecu cɛ rɔ thöp kɛ kui̱ dueerikɔn, kɛ ɣöö bɛ kɔn kän kɛ gua̱a̱th ɛ jiääk ɛmɛ, ce̱tnikɛ ruac Kuɔthdan kä Gua̱a̱ra.

Ji̱ Gä-lëë-cia 2:20

/ci lɛ ŋot ni ɣän teekä, kä duundɛ ɣöö ɛ Kritho tëk rɛydä mɔ. Kä tëk in tëk kɛ ɣä täämɛ rɛy pua̱ny, ɛ jɛn tëk in tëk kɛ ɣä kɛ ŋa̱th kɛ Gat Kuɔth, min nhɔk ɣä, kä cuɛ rɔɔdɛ thöp kɛ kui̱dä.

Ji̱ Ɛ-pɛ-thäth 1:4

Kä cɛ kɔn mɛk a /ka̱n ɣɔw ni cak rɛy Kritho kɛ ɣöö bi kɔn a nɛy ti rɛ̈l kɛ rɔ̱, ti thil bɛ̈l nhiamdɛ rɛy nho̱kä.

Ji̱ Ɛ-pɛ-thäth 3:17

Ɣän palä kɛ ɣöö dee Kritho cieŋ lo̱cnikun kɛ ŋa̱th. Kä palä bä kɛ ɣöö dee nhökdun buɔ̱m,

Ji̱ Ɛ-pɛ-thäth 3:19

Kɛnɛ ɣöö bia nhök Kritho min leny ti diaal ŋa̱c, kɛ ɣöö dee yɛn ro̱ŋ kɛ pek tääkä Kuɔth kɛɛliw.

Ji̱ Ɛ-pɛ-thäth 4:15

Kä duundɛ ɣöö banɛ thuɔ̱k dhil lat rɛy nho̱kä, banɛ piith kɛ dup diaal rɛy Kritho min la bo̱o̱th.

Ji̱ Ɛ-pɛ-thäth 4:2

Ni ciaŋ jakni rɔ kä muɔ̱l, kä jakni rɔ kä wut pa̱ny, kɛ li̱ep bitdä, kä nhɔakɛ rɔ̱ kamnikun rɛy nho̱kä,

Ji̱ Ɛ-pɛ-thäth 5:15

Niɛkɛ rɔ̱ kɛ ɣöö bia cieŋ i̱di. /Cuarɛ cieŋ ce̱tkɛ nɛy ti dɔa̱a̱r, duundɛ ɣöö ciëŋɛ ti pɛl.

Ji̱ Ɛ-pɛ-thäth 5:25

Wutni, nhɔakɛ mänkun ce̱tkɛ min nhɔk Kritho duel Kuɔth, kä cuɛ rɔ thöp kɛ kui̱dɛ,

Ŋuɔ̱t 27:6

Yi̱k päämni ti /ka̱n kuac biɛ ta̱th Kuoth Nhial Kuothdun, kä bi muc tin waŋkɛ thöp Kuoth Nhial Kuothdu wi̱i̱dɛ.

Ji̱ Pi-li-pi 4:18

Kä ɣän ca ɣä ka̱m ti diaal, a cä tekɛ ti ŋuan. Cä ria̱ŋ kɛ muckun tin cia jäkä ɣä kɛ Ɛ-pa-pro-day-täth, ce̱tdɛ kɛ muc mi tekɛ ŋuäny mi gɔaa, mi ca thöp Kuoth mi cɛ nhɔk, kä tɛɛthɛ lɔcdɛ.

Ji̱ Ko-lɔ-thi 3:14

Kä wi̱i̱ kä ti diaal ti̱ti̱ kuɔ̱mɛ rɔ̱ kɛ nhök, min jak ŋɔak diaal kä matkɛ rɔ̱ kɛɛl kɛ mat mi thuɔ̱k.

1 Thɛ 4:9

Kä thilɛ ram mi go̱o̱r ɣöö bɛ yɛ gɔ̱a̱r warɛgak kɛ kui̱ nhökdun kɛ dämuɔɔrikun, kɛ ɣöö ca yɛ ŋi̱eec ɛ Kuoth ɛn ɣöö bia rɔ̱ nhɔk kamnikun.

1 Tim 2:6

min ci rɔ thöp ala lueel nɛɛni diaal, kä a jɛn thuɔ̱k in ci jɔɔc kɛ gua̱a̱thdɛ.

1 Tim 4:12

A thil ram mi lat ji̱ jɔ̱ɔ̱r kɛ ɣöö ɛ ji̱n ŋuɛ̈t, kä lapni a nyuuth kä ji̱ ŋäthä rɛy ruacdu kɛnɛ ciaaŋdu, kɛ rɛy nho̱kä, kɛnɛ rɛy ŋäthä, rɛy wic wiicä.

Tay-täth 2:14

Jɛn cɛ rɔɔdɛ thöp kɛ kui̱dan, kɛ ɣöö bɛ kɔn luɛl kä jiäk diaal, kä bɛ kɔn jakä wiɛc wiɛɛc ti la nɛɛkɛ, ti di̱t lo̱ckiɛn kɛ lätni kä ti gɔw.

Ji̱ Ɣi-bɛ-ru 8:3

Kä ca bööth palä tin di̱t diaal kuany kɛ ɣöö bikɛ muc kɛnɛ luuri thöp Kuoth, kɛ kui̱ ɛmɔ bo̱o̱th palä ɛmɛ bɛ dhil tekɛ duɔ̱ɔ̱r mi bɛ thöp bä.

Ji̱ Ɣi-bɛ-ru 9:14

Kä bi riɛm Kritho kulɛ la̱t ni mi ni̱n di. Jɛn cɛ rɔ thöp kɛ Yiëë mi do̱raar ala muc mi thil mɛ̈ɛ̈ny kä Kuoth. Kä bi riɛmdɛ lo̱ckɔn jak kä gɔw kä lät tin jiäk kɛ ɣöö dënɛ cu lät ni Kuoth in tëk ikä.

Ji̱ Ɣi-bɛ-ru 9:23

Kä kɛn tin la cäätni nyinä nhial bakɛ jakä puɔth a thil diw kɛ jɛn duɔ̱ɔ̱p ɛmɔ, kä kɛn nyin nhial pua̱nykiɛn bakɛ jakä puɔth kɛ muc ti gɔw ni kɛn.

Ji̱ Ɣi-bɛ-ru 9:26

kɛ ɣöö inɔ derɛ bɛ̈c bɛ̈ɛ̈c rut ni kä ti nyin ŋuan ni mëë cakɛ ɣɔw. Kä kɛ ta̱a̱dɛ cuɛ jɔɔc kä kɛɛl kärɔa kɛ guut ɣɔaa kɛ ɣöö bɛ duer woc kɛ tho̱pdɛ kɛ rɔ ala muc.

1 Pit 4:8

Kä min di̱t ni jɛn kä ti diaal nhɔakɛ rɔ̱ kɛ nhök mi thuɔ̱k, kɛ ɣöö nhök kumɛ dueer ti ŋuan piny.

1 Jɔ̱ɔ̱n 3:16

Ŋa̱cnɛ nhök kɛ nɛmɛ, kɛ ɣöö ci Yecu tëkdɛ thöp kɛ kui̱dan, kä banɛ tëkdan lɛ thöp kɛ kui̱ dämanikɔn.

1 Jɔ̱ɔ̱n 3:23

Kä nɛmɛ ɛ jɛn luekdɛ, kɛ ɣöö banɛ ciöt Gatdɛ ni Yecu Kritho ŋäth, kä banɛ rɔ nhɔk, ce̱tkɛ min cɛ la̱r kɔn.

Nyuuth 1:5

kä bä kä Yecu Kritho in la neen in ŋa̱thkɛ, jɛn kɛ̱̈ɛ̱̈ nɛɛni ti ci li̱w, kä kuäär kua̱ri wec muɔ̱ɔ̱n. Kä jɛn nhɔkɛ kɔn, kä cɛ kɔn lony rɛy dueerikɔn kɛ riɛmdɛ.

Nyuuth 5:9

Kä cukɛ dit mi pay cak kɛt, wäkɛ i̱, “Ji̱n ro̱ŋi kɛ ɣöö bi ko̱l gɔ̱rä ka̱n, kä bi di̱i̱likɛ lɛp, kɛ ɣöö ca ji̱ näk, kä kɛ riɛmdu ci naath luël Kuoth, kä thuk duëli diaal kɛnɛ thuk ti gööl, kɛ döör, amäni ji̱ röli diaal,