Ji̱ Ɛ-pɛ-thäth 4:9 - RUAC KUƆTH IN RƐL RƆ

⁹ Kä min wëë i̱, “Cɛ wä nhial,” lotdɛ ni ɣöö? Jɛn lotdɛ ni ɣöö cɛ wä piny muɔ̱ɔ̱n guäth jɔɔkni?

Ji̱ Ɛ-pɛ-thäth 4:9 Iomraidhean Croise

Tuk Cäkä Ɣɔaa 11:5

Ni ɛn wa̱nɔ cu Kuoth Nhial ben piny kɛ ɣöö bɛ wec kɛnɛ luak ëë ci naath ɛ täth ben gui̱l.

Diit 139:15

Kä ji̱n ŋäci ɣä agɔaa, ni mëë tuɔɔkä rɔ kɛ ca̱k jic maar, mëë duɔ̱ɔ̱lkɛ ɣä ni jic maar.

Diit 63:9

Duundɛ ɣöö nɛy tin görkɛ näkdä, bi kɔŋ li̱w nikɛn kä ɣä.

Diit 8:5

Kä cikɛ cak a kuiy ni kɛn kä ji̱, kä cikɛ ka̱m wuɔ̱t kɛnɛ luth.

Ɣöth 19:20

Cu Kuoth Nhial ben wi̱i̱ Pa̱a̱m Thi-nay, kä cuɛ Muthɛ cɔal biikä pa̱a̱m, cu Muthɛ wä nhial.

Ruac Pɛli 30:4

Kä ɛŋa ci wä nhial ɔ kä cɛ luny piny? Kä ɛŋa ci jiɔam kɔn käp kɛ tetdɛ mɔ? Kä ɛŋa ci pi̱w kɔn yiɛn kɛ bi̱i̱ ɔ? Kä ɛŋa ci pek ɣɔaa kɔn la̱t ɔ? Kä cɔal kɛ jɛ i̱di, kä cɔal kɛ gatdɛ i̱di? Läri jɛ ɣä mi ŋäci jɛ!

I-ca-yaa 44:23

Kiɛtdɛ diit tɛthkä lɔaac lö pua̱a̱r, kɛ ɣöö ci Kuoth Nhial nɛmɛ la̱t, kä kɛ̈tdɛ diit lö piny muɔ̱ɔ̱n, kä kɛ̈tdɛ diit lö pääm, kɛ yɛn ruɔ̱p amäni jiɛn diaal tin te thi̱n! Kɛ ɣöö ci Kuoth Nhial Je-kɔb luɛl, kä cuɛ buɔ̱mdɛ nyoth kɛ ka̱ndɛ kɛ I-thɛ-rɛl.

Yɛdh 31:14

“Kɛ kui̱ kä ti̱ti̱ diaal ɛ ɣöö bɛ thil jiath mi bi rɔ lɛ nyɔk kɛ liak kɛ bärɛ kä jiɛn tin pith gekä pi̱i̱ni, mi bi biɛɛdɛ pua̱a̱r cop. Kä thilɛ jiath mi dɔ̱ŋ mi bi bär ce̱tkɛ jɛ kä jiɛn tin ca wac agɔaa. Kɛ ɣöö ca kɛn diaal ka̱m lia̱a̱, bikɛn diaal wä jɔɔkni, bikɛ li̱w kɛɛl kɛ nɛy diaal tin kɔ̱ŋ, nɛy diaal tin li̱w.”

Mɛ̈t 12:40

Ce̱tkɛ mëë te Jona jic rɛ̱̈c mi di̱i̱t kɛ ni̱n da̱ŋ diɔ̱k, bi Gat Ran tekɛ ni̱n da̱ŋ diɔ̱k piny.

Jɔ̱ɔ̱n 20:17

Cu Yecu jɛ jiök i̱, “/Cu ɣä gueer, kɛ ɣöö ŋuɔtdä /ka̱n ni wä nhial kä Gua̱a̱r. Duundɛ ɣöö wër jio̱kni dämaari i̱, ‘Ɣän wa̱a̱ nhial kä Gua̱a̱r in la Guurun, kä Kuothdä min la Kuothdun.’ ”

Jɔ̱ɔ̱n 3:13

Thilɛ ram mi ci wä nhial, ɛ ni jɛn min bëë piny nhial, in la Gat Ran.

Jɔ̱ɔ̱n 6:33

Juray Kuɔth ɛ jɛn mi̱eth mi bä piny nhial, kä kämɛ ji̱ wec muɔ̱ɔ̱n tëk.”

Jɔ̱ɔ̱n 6:38

/Ka̱n ben piny nhial kɛ ɣöö bä la̱t ni ruacdä, ba̱a̱ kɛ ɣöö bä la̱t ni ruac raam min jäk ɣä.

Jɔ̱ɔ̱n 6:41

Kä cu ji̱ Juudh ŋɛ̈r kɛ kui̱dɛ, kɛ ɣöö cɛ wee i̱, “Ɛ ɣän juray in bä piny nhial.”

Jɔ̱ɔ̱n 6:51

Ɛ ɣän juray teekä min bä piny nhial, kä ram ɔ bi mi̱th kä juray ɛmɛ ɔ, bɛ tëk kɛ tëk mi thil pek, kä juray in bä thöp kɛ kui̱ teekä ɣɔaa ɛ jɛn ri̱ŋdä.”

Jɔ̱ɔ̱n 6:58

Mɛmɛ ɛ jɛn juray min bä piny nhial, a /ci mɔ a mëë cam gua̱ndɔɔŋnikun ɛ, kä cukɛ li̱w. Kä ram mi cam juray ɛmɛ bɛ tëk kɛ tëk mi thil pek.”

Jɔ̱ɔ̱n 6:62

Kä derɛ kulɛ tee i̱di, mi dee yɛn Gat Ran nɛn a wee nhial, guäth ëë cɛ kɔŋ te thi̱n?

Jɔ̱ɔ̱n 8:14

Kä cu Yecu ɛ loc i̱, “A cäŋ latdä ruac nenädä kɛ kui̱dä, nëndä ɛ thuɔ̱k, kɛ ɣöö ŋa̱cä gua̱a̱th in ba̱a̱ thi̱n, kä ŋa̱cä gua̱a̱th in wa̱a̱ thi̱n. Duundɛ ɣöö kui̱c yɛn gua̱a̱th in ba̱a̱ thi̱n, kä kui̱c yɛn gua̱a̱th in wa̱a̱ thi̱n.

Ji̱ Ɣi-bɛ-ru 2:7

Kä cikɛ cak a kuiy ni kɛn kä ja̱a̱k nhial kɛ gua̱a̱th mi tɔt, kä cikɛ ka̱m wuɔ̱t kɛnɛ luth,

Ji̱ Ɣi-bɛ-ru 2:9

Kä duundɛ ɣöö canɛ Yecu nɛn, mi ca jakä kuiy ni jɛn kä ja̱a̱k kɛ gua̱a̱th mi tɔt. Kä täämɛ cɛ kum buɔyä kɛnɛ luth la̱th kɛ ɣöö cɛ cuuc kä cɛ li̱w. Kä kɛ puɔ̱th baaŋ Kuɔth cɛ li̱w kɛ kui̱ nath diaal.