Ji̱ Ɛ-pɛ-thäth 4:1 - RUAC KUƆTH IN RƐL RƆ

¹ Ɣän ram mi ca yian kɛ kui̱ Kua̱r ni Yecu, la̱ŋä yɛ kɛ ɣöö bia cieŋ kɛ ciaŋ mi ro̱ŋ kɛ ciöt ëë cɔalkɛ yɛ.

Ji̱ Ɛ-pɛ-thäth 4:1 Iomraidhean Croise

Tuk Cäkä Ɣɔaa 17:1

Mëë ci Ab-ram tekɛ run ti jiɛn bäŋuan wi̱cdiɛn bäŋuan, cu Kuoth Nhial rɔ nyuɔ̱th jɛ kä cuɛ jɛ jiök i̱, “Ɛ ɣän Kuoth in le̱ny buɔ̱mdɛ ti diaal. Liŋ ruaacnikä kä lätni ni min la thuɔ̱k.

Tuk Cäkä Ɣɔaa 5:24

Cu Ä-nɔk ja̱l kɛɛl kɛnɛ Kuoth, kä cuɛ thil kɛ ɣöö ci Kuoth ɛ riw.

Bok Go̱kä ni Yir-mɛ-yaa 38:20

Kä cu Yir-mɛ-yaa jɛ jiök i̱, “/Ca ji̱ bi ka̱m kɛ. Luthni ni jɔw Kuɔth Nhial kɛ min payä la̱r ji̱, bi gɔaa ni jɛn kɛ ji̱, kä bi tëkdu kään.

Lät Jaakni Yecu 9:31

Kä ɛnɔ cu duel Kuɔth kɛɛliw kä Ju-dia kɛ Gɛ̈-lɛ-li kɛnɛ Tha-mɛ-ria tekɛ mal. Kä cuɛ ciëŋ rɛy luthä Kua̱r ni Kuoth kä buɔ̱mkɛ jɛ ɛ Yiëë in Gɔaa in Rɛl Rɔ, kä cuɛ rɔ rep.

Ji̱ Röm 11:29

Kɛ ɣöö /ca muc kɛnɛ ciöt Kuɔth nyɔk kɛ loc jɔk.

Ji̱ Röm 12:1

Kɛ kui̱ ɛmɔ, dämaari, la̱ŋä yɛ kɛ kɔ̱a̱c lɔaac Kuɔth, ɛn ɣöö thöpɛ rɔ̱, Kuɔth ala muc ti tëk, ala ti rɛ̈lkɛ rɔ̱, kä nhɔk Kuoth kɛ, min la duɔ̱ɔ̱p palä yieenikun in thuɔ̱k.

1 Kor 4:16

Ɣän la̱ŋä yɛ ɛn ɣöö bi yɛn a nyiath ni ciaaŋdä.

2 Kor 10:1

Ɣän Puɔl puɔ̱nydä la̱ŋä yɛ, kɛ ciaŋ thiɛkä kɛnɛ gɔɔy Kritho. Laar tha̱a̱ŋ nath jɛ lapä ram mi muɔ̱l muɔ̱l, kä mi ta̱a̱ jɔ̱ɔ̱r ɛ ɣän ram mi bum bum!

2 Kor 5:20

Inɔ lapnɛ ja̱a̱k kɛ kui̱ Kritho, a cɔɔl Kuoth naath kɛ kɔn. La̱ŋkɔ yɛ kɛ kui̱ Kritho, luɔcɛ maarä kɛ Kuoth.

2 Kor 6:1

Kɛ ɣöö min la̱tkɔ kɛɛl kɛ jɛ, inɔ, la̱ŋkɔ yɛ i̱ /cia puɔ̱th Kuɔth bi ka̱n baaŋ.

Ji̱ Gä-lëë-cia 4:12

Dämaari, ɣän la̱ŋä yɛ, gɔaani ɣöö bia ce̱tkɛ ɣä, kɛ ɣöö bä cu ce̱tkɛ yɛ bä. Thilɛ duer mi cia lät kä ɣä.

Ji̱ Ɛ-pɛ-thäth 2:10

Kɛ ɣöö Kuoth cɛ kɔn la̱t kɛ ta̱a̱dan ɛmɛ, cakɛ kɔn rɛy Kritho Yecu kɛ kui̱ lätni ti gɔw, min ci Kuoth ɛ rialikä nikɛ nhiam, kɛ ɣöö ba duɔ̱ɔ̱p teekädan.

Ji̱ Ɛ-pɛ-thäth 3:1

Kɛ kui̱ ɛmɔ, ɣän Puɔl, min la raan yieenä kɛ kui̱ Yecu Kritho, ka̱mä rɔ mua̱a̱l kɛ kui̱dun yɛn Jur.

Ji̱ Ɛ-pɛ-thäth 4:17

Täämɛ ɣän la̱rä yɛ kä la̱tdä yɛ nɛmɛ kɛ ciöt Kua̱r ni Yecu, ɛn ɣöö /canɛ bi lɛ yi̱k ŋot kɛ ciaŋ mi ce̱tkɛ ciaaŋ Juri ala ciaŋ cärä wuɔ̱thnikiɛn mi baŋ.

Ji̱ Ɛ-pɛ-thäth 4:4

Tëëkɛ puɔ̱ny kɛl, kɛnɛ Yiëë kɛl, ce̱tkɛ mëë ca yɛ cɔal kä ŋa̱th kɛl min ca yɛ cɔal thi̱n.

Ji̱ Ɛ-pɛ-thäth 5:2

Kä ciëŋɛ rɛy nho̱kä, ce̱tkɛ min ci Kritho kɔn nhɔk, kä cɛ tëkdɛ thöp kɛ kui̱dan, ala ŋuäny mi gɔaa kä muc mi tɛɛth lɔc Kuɔth.

Ji̱ Pi-li-pi 1:27

Min la kɛl in göörä kärɔa a ciaŋ teekädun ro̱ŋ kɛ gɔɔy thukni Kritho ti gɔw. Kɛ ɣöö cäŋ wa̱a̱ ben a bä yɛ ben gui̱l, kiɛ ta̱a̱ jɔ̱ɔ̱r, dëë jɛ liŋ ɛn ɣöö cuŋ yɛn kɛ yiëë kɛl a bum, kä la̱tdɛ ɛlɔ̱ŋ kɛ ca̱r kɛl ramɔ kɛnɛ ramɔ kɛ kui̱ ŋäthä thukni ti gɔw,

Ji̱ Pi-li-pi 3:14

Kä ɣɔ̱a̱nä jɛ bä riŋ nhiam kɛ ɣöö bä min göörä jek min ci Kuoth ɣä cɔal thi̱n kɛ Kritho Yecu.

Ji̱ Ko-lɔ-thi 1:10

Kɛ ɣöö bi yɛn tëk kɛ tëk mi ro̱ŋ kɛ Kuäär ni Yecu kɛ dup diaal. Kä bia dɛy kuir rɛy lätni diaal ti gɔw, kä bia piith rɛy ŋäcä Kuɔth.

Ji̱ Ko-lɔ-thi 2:6

Kä ce̱tkɛ min cia Kritho Yecu nhɔk ala Kuäär, kua cieŋ rɛydɛ,

Ji̱ Ko-lɔ-thi 4:12

Ɛ-pa-rath, ram kɛl kä yɛ mi ja̱ŋ Kritho Yecu, neerɛ yɛ. Kä palɛ ɛlɔ̱ŋ kɛ kui̱dun, kɛ ɣöö bia piith a bia di̱t rɛy yieekä, kä bia jɛ ŋa̱c rɛy kä ti diaal tin go̱o̱r Kuoth kɛ.

1 Thɛ 2:12

cuɔmkɔ yɛ kä buɔ̱mkɔ yɛ, kä läŋ nɛy yɛ, ɛn ɣöö bia tëk kɛ tëk mi ro̱ŋ gɔɔydɛ kɛ Kuoth, min ci yɛ cɔal rɛy kuäärädɛ kɛnɛ buaydɛ.

2 Thɛ 1:11

Kɛ jɛn luɔt ɛmɔ la nɛy a pal ni ciaŋ kɛ kui̱dun, thiec nɛy Kuothdan ɛn ɣöö derɛ yɛ jakä cieŋ kɛ ciaaŋ in cɛ cɔl ni yɛ. Kä pal nɛy ɛn ɣöö bɛ yɛ luäk kɛ lätnidun kɛ gɔy diaal tin görɛ, kä dërɛ la̱t ŋäthädun thuk.

2 Tim 1:9

Kä cɛ kɔn kän, kä cɛ kɔn cɔl ala nɛɛkɛ ti rɛl rɔ, kä /ciɛ kui̱ lätnikɔn kä duundɛ ɣöö ɛ kui̱ cäpädɛ pa̱ny kɛnɛ puɔ̱thdɛ. Jɛn puɔ̱th ɛmɔ ca jɛ ka̱m kɔn rɛy Kritho Yecu /ka̱n gua̱a̱th ni tok.

Tay-täth 2:10

kä akɛ /ci kuel. Akɛ nyuɔthkɛ ni ciaŋ mi dëë ŋäthkɛ mi gɔaa, kɛ ɣöö rɛy ŋɔaani diaal tin la̱tkɛ bikɛ ŋi̱i̱c Kuɔth in la Käändan jakä mi gɔaa.

Ji̱ Ɣi-bɛ-ru 13:21

kämɛ yɛ ciɛŋ gɔyni diaal kɛ ɣöö dërɛ ruacdɛ la̱t, kä derɛ min tɛɛth lɔcdɛ la̱t rɛydan kɛ Yecu Kritho. Kä a liak tekɛ jɛ a thil pek. Inɔnɔ.

Ji̱ Ɣi-bɛ-ru 3:1

Kɛ kui̱ ɛmɔ, dämaari ti rɛl gɔɔydun rɔ̱, tin ca cɔl bä ɛ Kuoth, guɛcɛ Yecu in ca ja̱k ɛ Kuoth kɛ ɣöö ba bo̱o̱th palä in di̱i̱t ŋäthädan.

1 Pit 2:11

Nhöökä, ɣän la̱ŋä yɛn tin ce̱tkɛ rööl kɛnɛ ja̱a̱l ti ci jiɛɛn ro̱o̱liɛn ɛn ɣöö /ci lo̱ckun bi di̱t kɛ nyin jiäkni pua̱a̱ny tin tɛ̈rkɛ ko̱r kɛ tieydun.

1 Pit 3:9

/Cuarɛ mi jiääk col kɛ mi jiääk, kiɛ kuëth kɛ kuëth, kä duundɛ ɣöö cuɔ̱lɛ naath ni mi gɔaa. Kɛ ɣöö ca yɛ cɔl kɛ jɛn nɛmɛ, kɛ ɣöö dee yɛn puɔ̱th jek.

1 Pit 5:10

Kɛ kɔr kä mi cia cuuc kä mi tɔt, bi Kuoth in tekɛ puth diaal min ci yɛ cɔal rɛy buɔyädɛ min do̱raar rɛy Kritho, jɛn puɔ̱nydɛ bɛ yɛ luäk kä bɛ yɛ jakä bum, kä bɛ yɛ jakä cuŋ a bum.

2 Pit 1:3

Kä buɔ̱m kuoothä Kuɔth cɛ kɔn ka̱m ti diaal tin görnɛ kɛ kui̱ teekä ŋäthä mi thuɔ̱k kɛ ŋäcdan kɛ ram in cɔɔl kɔn kɛ buaydɛ kɛnɛ gɔɔydɛ.

2 Jɔ̱ɔ̱n 1:5

Kä täämɛ, nyimaar, ɣän la̱ŋä ji̱, /cä gɔ̱r ni ji̱ luek mi pay jek, gɔ̱a̱rä ji̱ luek ëë tekɛ kɔn nikɛ nhiam ɛn ɣöö banɛ rɔ nhɔk.