Ji̱ Ɛ-pɛ-thäth 3:8 - RUAC KUƆTH IN RƐL RƆ

⁸ Ɣän kuiy ni ɣän kä nɛɛ Kuɔth diaal, kä duundɛ ɣöö ci Kuoth ɣä ka̱m muc kä ɣöö bä Jur la̱t thuk ti gɔw riäŋä Kritho.

Ji̱ Ɛ-pɛ-thäth 3:8 Iomraidhean Croise

1 Kuɛ̈n 17:16

Kä cu kuäär ni Dee-bid wä nhiam Kuɔth Nhial, kä cuɛ wee “Ɛ ɣän ŋa, lö Kuoth Nhial, kä ɛ kui̱ dhɔaarä min mi̱th, mɔ curi ɣä nööŋ nhial i̱ nɔmɔ?

Diit 31:19

Kä ku gɔyku lɛ ŋuan i̱di tin ci lät kä nɛy tin luɔ̱thkɛ ji̱, tin ci la̱t ni nhiam nath kɛ kui̱ nɛɛni tin lua̱kɛ rɔ̱ ji̱!

Luk 14:22

Kä cu läät ɛmɔ wee i̱, ‘Kuäär, ca min ci lar ku thuŋ la̱t, kä ŋot gua̱a̱th di̱tdɛ.’

Jɔ̱ɔ̱n 1:16

Kɛ ro̱ŋ kɔ̱a̱cä lɔaacdɛ cɛ kɔn diaal poth, guɔ̱ɔ̱rkɛ puɔ̱th kɛ puɔ̱th mi dɔ̱ŋ.

Lät Jaakni Yecu 5:41

Kä min ca gua̱a̱th luɔ̱k ba̱ny piny, cu lo̱ckiɛn tɛɛth kɛ ɣöö cakɛ car i̱ ro̱ŋkɛ kɛ ruɔ̱t yaakä kɛ kui̱ cio̱tdä Yecu.

Lät Jaakni Yecu 9:15

Kä duundɛ ɣöö cu Kuäär ni Kuoth ɛ jiök i̱, “Wër, kɛ ɣöö ɛ duŋ läätädä mi cä mɛk, kɛ ɣöö bɛ ciötdä lat nhiam juri, kɛnɛ kua̱r kɛ nhiam ji̱ I-thɛ-rɛl.

Ji̱ Röm 11:33

Kua di̱t riäŋä kɛnɛ pɛl amäni ŋäc Kuɔth mi ŋuɛɛnɛ! Kä ɛŋa mi dee lukdɛ ŋa̱c? Kä ɛŋa ŋäc dupkɛ mɔ?

Ji̱ Röm 12:10

Nhɔakɛ rɔ̱ ala raan kɛnɛ däman, kä görɛ jɛ i̱ bia rɔ̱ nyuɔ̱th luth kamnikun.

Ji̱ Röm 2:4

Kiɛ dɔ̱ŋ bi gɔɔydɛ min di̱i̱t kɛnɛ ruɔ̱tdɛ, amäni li̱ep bitädɛ lo̱k? Kui̱c ji̱n ɛn ɣöö Kuoth gɔaa lɔcdɛ kɛ ɣöö bɛ ji̱ böth kä ɣöö bi rɔ ri̱t kä dueerku?

1 Kor 1:30

Kä duundɛ ɣöö ɛ jɛn la tëkdun ɔ rɛy Yecu Kritho, min ci Kuoth ɛ jakä pɛlädan. Kɛ jɛ cakɔn moc cuɔ̱ɔ̱ŋ ɛ Kuoth, kä cikɔn a nɛɛkɛ ti rɛl rɔ̱ ti ca lony ɛ lɔr.

1 Kor 15:9

Kɛ ɣöö ɛ ɣän jak in kuiy ni jɛn, mi /ci ro̱ŋ kɛ ɣöö ba cɔl i̱ jak, kɛ ɣöö cä duel Kuɔth kɔŋ moc riɛk.

1 Kor 2:9

Ce̱tkɛ mëë ca gɔ̱r i̱, “Min /ken waŋ ɛ met nɛn, /ken ji̱th ɛ met liŋ, kä mi /ken raan ɛ car kɛ lɔcdɛ, ɛ jɛn min ci Kuoth ɛ rialikä, kɛ kui̱ nɛɛni tin nhɔakɛ jɛ.”

Ji̱ Gä-lëë-cia 1:16

kä cuɛ ɣä nyuɔ̱th Gatdɛ, kɛ ɣöö bä thuk ti gɔw lat kɛ kui̱dɛ rɛy Juri. Kä /ka̱n lui̱k wä go̱r kä raan,

Ji̱ Gä-lëë-cia 2:8

Kɛ ɣöö Kuoth cɛ Pi-tɔr moc buɔ̱m kɛ ɣöö bɛ lät rɛy ji̱ Juudh ala jak, amäni ɣän bä cɛ ɣä moc buɔ̱m kɛ ɣöö bä lät rɛy Juri ala jak.

Ji̱ Ɛ-pɛ-thäth 2:7

Cɛ nɛmɛ la̱t kɛ ɣöö kɛ gua̱a̱th ɔ bi ben ɔ bɛ kɔn nyuɔ̱th ria̱ŋ puthädɛ min di̱i̱t kɛ gɔɔydɛ kɛ kɔn rɛy Kritho Yecu.

Ji̱ Ɛ-pɛ-thäth 3:1

Kɛ kui̱ ɛmɔ, ɣän Puɔl, min la raan yieenä kɛ kui̱ Yecu Kritho, ka̱mä rɔ mua̱a̱l kɛ kui̱dun yɛn Jur.

Ji̱ Ɛ-pɛ-thäth 3:16

Ɣän palä Kuoth ɛn ɣöö rɛy riäŋädɛ derɛ yɛ moc kɛ buɔ̱m rɛy lo̱cnikun kɛ buɔ̱m Yieekädɛ.

Ji̱ Ɛ-pɛ-thäth 3:19

Kɛnɛ ɣöö bia nhök Kritho min leny ti diaal ŋa̱c, kɛ ɣöö dee yɛn ro̱ŋ kɛ pek tääkä Kuɔth kɛɛliw.

Ji̱ Ɛ-pɛ-thäth 3:2

Kɛ thuɔ̱k cia jɛ liŋ ɛn ɣöö ci Kuoth ɣä ka̱m la̱t ɛmɔ kɛ puɔ̱thdɛ kɛ kui̱ gɔɔyädɛ.

Ji̱ Pi-li-pi 2:3

/Cuarɛ tekɛ mi lät yɛn ɛ kɛ di̱t lɔaac kiɛ liak, kä luɔcɛ ni rɔ̱ piny carɛ ni nɛy kɔ̱kiɛn ɛn ɣöö gɔw ni kɛn kä yɛn pua̱nykun.

Ji̱ Pi-li-pi 4:19

Kä bi Kuothdä yɛ ka̱m ŋɔaani diaal tin dak kä yɛ ce̱tkɛ pek riäŋädɛ rɛy buɔyädɛ kɛ Kritho Yecu.

Ji̱ Ko-lɔ-thi 1:27

Kä ca̱r Kuɔth ɛ ɣöö bɛ tɛ̱̈ɛ̱̈dɛ nyuɔ̱th nɛɛkɛ, jɛn ruac ti̱lä mɛ cuääŋ naath ɛ min cɛ rialikä kɛ kui̱ nɛɛni diaal. Kä ruac ɛ cuääŋ naath ɔ ɛ ɣöö te Kritho rɛydun, min lot ni ɣöö bia tekɛ nyuaak rɛy buɔyä Kuɔth.

1 Tim 1:13

A cäŋ ni mëë jɛ kɔŋ kuëth, kä cä jɛ moc riɛk, kä ɛ ɣän ram mi gua̱n köör. Kä duundɛ ɣöö cä kɔ̱a̱c lɔaac jek kɛ ɣöö cä lät ala ram mi kui̱c ŋu kɛ thil ŋäthä.

1 Tim 1:15

Ɛ ruac mi thuɔ̱k pa̱ny, kä ɛ mi gɔaa ɛn ɣöö dëë nhɔk kɛɛliw, ɛn ɣöö Kritho Yecu cɛ ben rɛy ɣɔaa kɛ ɣöö bɛ ji̱ dueeri ben kän, tin jiäk ni ɣän rɛydiɛn ɛlɔ̱ŋ.

1 Tim 2:7

Kɛ kui̱ ɛmɛ ca ɣä mɛk ala dääk thukni ti gɔw kä bi ɣä a jak. Ɛ ɣän ŋi̱i̱c Juri rɛy ŋäthä kɛnɛ thuɔ̱k. (Ɣän latdä ni thuɔ̱k. /Ci ɣän kac ni kac.)

2 Tim 1:11

Kɛ kui̱ thukni ti gɔw ti̱ti̱ ca ɣä mɛk ala läätdiɛn, kä jak, kä ŋi̱i̱c,

Nyuuth 3:18

Kɛ kui̱ ɛmɔ ɣän cuɔmä ji̱ ɛn ɣöö bi da̱a̱p mi ca jakä lɛy lɛy kɛ mac kɔk kä ɣä, kɛ ɣöö deri ria̱ŋ. Kɛnɛ bieyni ti bo̱o̱r, kɛ ɣöö bi rɔ rony kɛ kɛ, kɛ ɣöö bi rɔ kum kä ta̱a̱ juutädu in no̱ŋ ji̱ pöc. Kä bi wäl mi yi̱ri nyinku kɔk kɛ ɣöö deri nën.