Ji̱ Ɛ-pɛ-thäth 3:3 - RUAC KUƆTH IN RƐL RƆ

³ Kä cɛ ruacdɛ min cuäŋ naath jakä ŋa̱cä jɛ kɛ ɣöö cɛ nyuɔ̱th ɣä. Ɣän cä mi tɔt gɔ̱r kɛ kui̱dɛ.

Ji̱ Ɛ-pɛ-thäth 3:3 Iomraidhean Croise

Lät Jaakni Yecu 22:17

“Kä kɛ kɔr kä mëë cä luny kä Jɛ-ru-tha-lɛm mëë palä rɛy luaak Kuɔth, cua nyuuth nɛn,

Lät Jaakni Yecu 22:21

Kä cuɛ ɣä jiök i̱, ‘Jiɛyni kɛ ɣöö bä ji̱ jäkä Jur guäth mi na̱n.’ ”

Lät Jaakni Yecu 23:9

Kä cuɛ tekɛ wuɔ̱w mi di̱i̱t, kä cu tha̱a̱ŋ gɔa̱a̱ri ji̱ Pa-ri-thii rɔ̱ jiɛc, cukɛ ruac a bum i̱, “Thilɛ duer mi cakɔ jëk kä jɛn wut ɛmɛ. Kä dɔ̱ŋ ci yiëë kiɛ jääk nhial ruac kɛ jɛ.”

Ji̱ Röm 11:25

Göörä ɣöö bi yɛn mi cuäŋ naath ɛmɛ ŋa̱c, dämaari, kɛ ɣöö /cia rɔ̱ bi lɛ lat i̱ pɛl yɛn. Cu buɔ̱m wec cu ben kä tha̱a̱ŋ ji̱ I-thɛ-rɛl, amäni mëë ci Juri diaal ben thi̱n.

Ji̱ Röm 16:25

A puɔny tekɛ Kuoth! Jɛn tëë kɛ lua̱ŋ kɛ ɣöö bɛ yɛ jakä bum rɛy ŋäthädun ce̱tnikɛ thuk ti gɔw tëë cä la̱t yɛ kɛ kui̱ Yecu Kritho. Kä ce̱tkɛ thuɔ̱ɔ̱k tëë ca nyoth tëë /ca ŋäc ni wal kɛ run tëë ci wä.

2 Kor 12:1

Ɣän bä rɔ liak, a cäŋ thilɛ mi gɔaa mi bä jek thi̱n, kä duundɛ ɣöö bi ɣän wee wä nhiam kɛ tin ci Kuäär ni Yecu kɛ nyuɔ̱th ɣä.

Ji̱ Gä-lëë-cia 1:12

Kɛ ɣöö /cä jɛ jek kä raan, kä thilɛ ram mi ci ɣä ŋi̱eec kɛ jɛ, kä duundɛ ɣöö jëkä jɛ kɛ nyuuth kä Yecu Kritho.

Ji̱ Ɛ-pɛ-thäth 1:17

Ɣän la̱ŋä Kuoth Kua̱ran ni Yecu Kritho, min la Gua̱n buɔyä, ɛn ɣöö derɛ yɛ ka̱m yiëë pɛlä kɛnɛ nyuuth kɛ ɣöö bi yɛn ɛ ŋa̱c.

Ji̱ Ɛ-pɛ-thäth 3:4

Kä mi cia min cä gɔ̱r kuɛn, dee yɛn ɛ nɛn kɛ thuɔ̱k ɛn ɣöö cä tɛ̱̈ɛ̱̈ ŋa̱c kɛ kui̱ Kritho.

Ji̱ Ɛ-pɛ-thäth 3:6

Kä tɛ̱̈ɛ̱̈ ɛmɛ, ɛ ɣöö kɛ thuk ti gɔw nɛy tin /ci tɔ̱ a ji̱ Juudh bikɛ puɔ̱th Kuɔth nyuak kɛ ji̱ Juudh. Kɛn diaal kɛ ji̱ pua̱a̱ny ɔ kɛl ɔ, kä nyuaak kɛn min ca lar ɛ Kuoth kɛ Kritho Yecu.

Ji̱ Ɛ-pɛ-thäth 3:9

Kä ci Kuoth ɣä ka̱m ɣöö bä nɛy diaal la̱t ca̱p ëë ca tɛ̱̈ɛ̱̈, min ci rɔ tɔ̱w rɛydɛ ni tukä jɛn Kuoth in cak ti diaal.

Ji̱ Ɛ-pɛ-thäth 6:19

Kä palɛ bä kɛ kui̱dä, kɛ ɣöö bi Kuoth ɣä ka̱m ruac thuɔk in cuääŋ naath. Kä palɛ kɛ ɣöö bä jɛ lat kɛ buɔ̱m lɔaac guäth ɔ bä gua̱a̱th jek thi̱n ɔ.

Ji̱ Ko-lɔ-thi 2:2

Ɣän göörä ɣöö bi lo̱ckiɛn buɔ̱m, kä bikɛ mat rɛy nho̱kä, kɛ ɣöö bikɛ tekɛ ti̱el ŋäcä ŋɔaani, kä bikɛ ruac Kuɔth in cuääŋ naath ŋa̱c, min la Kritho.

Ji̱ Ko-lɔ-thi 4:3

Kä palɛ kɛ kui̱da bä, kɛ ɣöö dee Kuoth kɔ lëp thi̱i̱k kɛ ɣöö dëëkɔ ruac lat, kɛ kui̱ ruac Kritho mi cuäŋ naath, min ta̱a̱ yieenä kɛ kui̱dɛ.

Ji̱ Ɣi-bɛ-ru 13:22

Ɣän thiëëcä yɛ dämaari, ɛn ɣöö bia ruac comädä liŋ, kɛ ɣöö cä yɛ gɔ̱rikä a ciɛk.

1 Pit 5:12

Cä yɛ gɔ̱a̱r warɛgak ɛ ciɛk ɛmɛ kɛ luäk Thil-ba-näth, min caarä ɛn ɣöö ɛ dämandan mi ŋa̱a̱thä. Ɣän cuɔmä yɛ kä latdä ŋäcdä ɛn ɣöö nɛmɛ ɛ puɔ̱th Kuɔth in thuɔ̱k. Cuɔ̱ŋɛ rɛydɛ a bum.

2 Pit 3:15

Kä carɛ jɛ ɛn ɣöö päl lɔaac Kua̱ran piny ɛ jɛn la ka̱ndan ɔ. Ce̱tkɛ mëë ca gɔ̱a̱r yɛ ɛ dämandan min nhɔaknɛ ni Puɔl, kɛ pɛl ëë ca ka̱m jɛ.