Ji̱ Ɛ-pɛ-thäth 3:2 - RUAC KUƆTH IN RƐL RƆ

² Kɛ thuɔ̱k cia jɛ liŋ ɛn ɣöö ci Kuoth ɣä ka̱m la̱t ɛmɔ kɛ puɔ̱thdɛ kɛ kui̱ gɔɔyädɛ.

Ji̱ Ɛ-pɛ-thäth 3:2 Iomraidhean Croise

Lät Jaakni Yecu 13:2

Kä min palkɛ Kuäär ni Kuoth kä thɛ̈kɛ mi̱th, cu Yiëë in Gɔaa in Rɛl Rɔ wee i̱, “Kuɔ̱cɛ ɣä Bar-na-bäth kɛnɛ Thɔɔl kɛ kui̱ läätdä min cä kɛ cɔal thi̱n.”

Lät Jaakni Yecu 13:46

Kä cu Puɔl kɛnɛ Bar-na-bäth ruac kɛ buɔ̱m lɔaac, wäkɛ i̱, “Cɛ ku gɔaa pa̱ny ɛn ɣöö dëë ruac Kuɔth kɔŋ la̱t yɛ. Kä täämɛ min cia jɛ lo̱k, kä cia rɔ̱ luk ɛn ɣöö /cia gɔw kɛ kui̱ teekä mi do̱raar, kä täämɛ, bakɔ wä kä Jur.

Lät Jaakni Yecu 22:21

Kä cuɛ ɣä jiök i̱, ‘Jiɛyni kɛ ɣöö bä ji̱ jäkä Jur guäth mi na̱n.’ ”

Lät Jaakni Yecu 9:15

Kä duundɛ ɣöö cu Kuäär ni Kuoth ɛ jiök i̱, “Wër, kɛ ɣöö ɛ duŋ läätädä mi cä mɛk, kɛ ɣöö bɛ ciötdä lat nhiam juri, kɛnɛ kua̱r kɛ nhiam ji̱ I-thɛ-rɛl.

Ji̱ Röm 1:5

Kä kɛ Yecu Kritho Kuääran, ci Kuoth ɣä ka̱m cuɔ̱ɔ̱ŋ kɛ ɣöö bi ɣän a jääk kɛ ɣöö bä jur diaal nööŋ rɛy luthä ŋäthä kɛ kui̱ cio̱tädɛ.

Ji̱ Röm 11:13

Täämɛ ruacä kɛ yɛn Jur. Ce̱tnikɛ mɔ ɛ ɣän jääk kä Jur, jakä la̱tdä kä di̱t.

Ji̱ Röm 12:3

Ɣän ruacä kɛ ramɔ kä yɛn diaal kɛ puɔ̱th baaŋ in ci Kuoth ɛ ka̱m ɣä, kɛ ɣöö /ci raan rɔɔdɛ bi car i̱ di̱tni jɛn a leny ca̱r in dee ca̱r kɛ jɛ, kä bi raan ca̱r muɔ̱lä, ramɔ kɛ pek ŋäthä min ci Kuoth ɛ ka̱m ɛ.

1 Kor 4:1

Carɛ kɔ inɛ, lapkɔ ji̱ läätdä Kritho, ti ci Kuoth kɛ jakä yuɔ̱ɔ̱p tɛ̱̈ɛ̱̈nikɛ.

Ji̱ Gä-lëë-cia 1:13

Kɛ ɣöö ci yɛn tëkdä ëëdan rɛy ciɛŋä ŋäthä ji̱ Juudh liŋ. Ɣän cä duel Kuɔth ciɛŋ a jiäk ɛlɔ̱ŋ, cä jɛ go̱r ɛn ɣöö bä jɛ däk.

Ji̱ Ɛ-pɛ-thäth 1:10

Kä ca̱p ɛmɛ ba jɛ thuk mi wä gua̱a̱thdɛ wä cop, kɛ ɣöö ba ŋɔaani diaal mat kɛɛl tin te nhial kɛnɛ tin te piny bi Kritho ku la wi̱cdiɛn.

Ji̱ Ɛ-pɛ-thäth 3:7

Cu ɣän a läät thuɔk in gɔaa ɛmɛ kɛ muc puthä Kuɔth min cɛ ka̱m ɣä kɛ la̱t bumädɛ.

Ji̱ Ɛ-pɛ-thäth 3:8

Ɣän kuiy ni ɣän kä nɛɛ Kuɔth diaal, kä duundɛ ɣöö ci Kuoth ɣä ka̱m muc kä ɣöö bä Jur la̱t thuk ti gɔw riäŋä Kritho.

Ji̱ Ɛ-pɛ-thäth 3:9

Kä ci Kuoth ɣä ka̱m ɣöö bä nɛy diaal la̱t ca̱p ëë ca tɛ̱̈ɛ̱̈, min ci rɔ tɔ̱w rɛydɛ ni tukä jɛn Kuoth in cak ti diaal.

Ji̱ Ɛ-pɛ-thäth 4:21

Kä ŋa̱cä jɛ ɛn ɣöö cia liɛŋ kui̱dɛ, kä ca yɛ ŋi̱eec kɛ thuɔ̱k in te rɛy Yecu.

Ji̱ Ɛ-pɛ-thäth 4:7

Kä duundɛ ɣöö ca ram ɔ ka̱m mucdɛ kä puɔ̱th Kuɔth, ce̱tkɛ pek theemä mucä Kritho.

Ji̱ Ko-lɔ-thi 1:4

Kä cakɔ ŋa̱thdun kɛ Kritho Yecu liŋ, kɛnɛ nhök in nhɔk yɛn ɛ ji̱ Kuɔth diaal tin ca lɛy.

Ji̱ Ko-lɔ-thi 1:6

min ci ben kä yɛ. Kä ce̱tkɛ min kuiirɛ dɛy kä pithɛ rɛy ɣɔaa kɛɛliw, kɛ jɛn duɔ̱ɔ̱p ɛmɔ kuiirɛ dɛy rɛydun nikɛ cäŋ ëë cia liŋ ni jɛ, kɛ thuɔ̱k cia thuɔ̱k Kuɔth ŋa̱c.

1 Tim 1:11

Jɛn ŋi̱i̱c ɛmɔ jëkɛ jɛ kä thuk ti gɔw kɛ kui̱ Kuɔth in ca poth tëë ca ka̱m ɣä i̱ bä lat.

1 Tim 1:4

Akɛ /ca car ni cäätni ti thil luɔt kɛnɛ ciööt käkni nath ti thil pek, tin nööŋkɛ ni ŋaknɔmni a /ca ŋi̱i̱c ni cär Kuɔth tin ŋa̱ckɛ kɛ ŋa̱th.

1 Tim 2:7

Kɛ kui̱ ɛmɛ ca ɣä mɛk ala dääk thukni ti gɔw kä bi ɣä a jak. Ɛ ɣän ŋi̱i̱c Juri rɛy ŋäthä kɛnɛ thuɔ̱k. (Ɣän latdä ni thuɔ̱k. /Ci ɣän kac ni kac.)

2 Tim 1:11

Kɛ kui̱ thukni ti gɔw ti̱ti̱ ca ɣä mɛk ala läätdiɛn, kä jak, kä ŋi̱i̱c,