Ji̱ Ɛ-pɛ-thäth 2:6 - RUAC KUƆTH IN RƐL RƆ

⁶ Kä cɛ kɔn jiɛc kɛ Kritho kɛɛl, kä cɛ kɔn jakä nyuur kɛ jɛ kɛɛl nhial rɛy Kritho Yecu.

Ji̱ Ɛ-pɛ-thäth 2:6 Iomraidhean Croise

Mɛ̈t 26:29

Ɣän la̱rä jɛ yɛ, /cä rɔ bi nyɔk kɛ ma̱th kɛ jɛn liɛɛr ɛmɛ, amäni mi wä cäŋ ɛmɔ ben min bä lɛni math kɛɛl kɛ yɛ rɛy ciëŋ kuäärä Gua̱a̱r.”

Luk 12:37

Puɔ̱th akɛ la̱a̱t tin bi kuääriɛn kɛ jek jinä mi wëë ben. Ɛpuc, ɣän la̱rä jɛ yɛ, bɛ la̱a̱kdɛ yian agɔaa, kä bɛ la̱a̱tkɛ jakä nyuur guäth mi̱eth, kä jɛn puɔ̱nydɛ bɛ kɛ lätikä.

Jɔ̱ɔ̱n 12:26

Kä ram ɔ lät ɣä ikä mɔ, bɛ ɣä dhil guɔ̱ɔ̱r. Kä gua̱a̱th ɔ ta̱a̱ thi̱n ɔ ɛ jɛn gua̱a̱th in bi läätdä te thi̱n bä. Ram ɔ bi ɣä lätikä mɔ, bi Gua̱a̱r ɛ thiɛk.”

Jɔ̱ɔ̱n 14:3

Kä mi bä wä kä bä gua̱a̱th ɛmɔ wä rialikä kɛ kui̱dun, ɣän bä lɛni luny jɔk, kä bä yɛ ben ka̱n ala nɛɛkä, kɛ ɣöö dee yɛn wä te guäth in ta̱a̱ thi̱n bä.

Ji̱ Ɛ-pɛ-thäth 1:1

Ɣän Puɔl, jak Kritho Yecu kɛ ruac Kuɔth, gɔ̱a̱rä jɛ yɛ, yɛn nɛy tin ci Kuoth kɛ lɛy tin te kä Ɛ-pɛ-thäth, amäni nɛy tin tekɛ ŋa̱th rɛy Kritho Yecu.

Ji̱ Ɛ-pɛ-thäth 1:3

A liak te kɛ Kuoth in la Gua̱n Kua̱ran ni Yecu Kritho, min ci kɔn poth rɛy Kritho kɛ nyin yieekä diaal tin te ro̱o̱l nhial.

Ji̱ Ɛ-pɛ-thäth 2:10

Kɛ ɣöö Kuoth cɛ kɔn la̱t kɛ ta̱a̱dan ɛmɛ, cakɛ kɔn rɛy Kritho Yecu kɛ kui̱ lätni ti gɔw, min ci Kuoth ɛ rialikä nikɛ nhiam, kɛ ɣöö ba duɔ̱ɔ̱p teekädan.

Ji̱ Ɛ-pɛ-thäth 2:13

Kä täämɛ rɛy Kritho ca yɛn tin ci kɔn na̱n ɛlɔ̱ŋ, nöŋ thiäkä kɛ riɛm Kritho.

Ji̱ Ko-lɔ-thi 1:18

Ɛ jɛn la wi̱c pua̱a̱ny in la duel Kuɔth, ɛ jɛn tuk kä ɛ jɛn min nhiam in kɔn ben raar li̱th, kä ɛ jɛn tekɛ gua̱a̱th in di̱t ni jɛn kä ŋɔak diaal ɔ.