Ji̱ Ɛ-pɛ-thäth 2:2 - RUAC KUƆTH IN RƐL RƆ

² Kɛ gua̱a̱th ëëdan cia guɔ̱ɔ̱r ni dup ɣɔaa ɛ jiääk ɛmɛ, kä guur yɛn ni buɔ̱m kua̱r jiɔam mi jiääk, ɛ jɛn yiëë in lät täämɛ rɛy nɛɛni tin /ca Kuoth luth.

Ji̱ Ɛ-pɛ-thäth 2:2 Iomraidhean Croise

I-yob 1:16

Kä min ŋot jääk kɛ ruac, cu jääk mi dɔ̱ŋ ben, cuɛ I-yob ben jiök i̱, “Ci mac pɛ̈ɛ̈n ni nhial kä Kuoth, cɛ det kɛnɛ kuaany waŋ. Ci kään ni ɣän kärɔa kɛ ɣöö bä ji̱ ben la̱r lär.”

I-yob 1:19

cu jiɔam mi di̱i̱t puɔ̱t, bëë rɛy dɔaar kä cɛ duel kuɛr wi̱i̱diɛn, a cikɛ li̱w. Ɛ ɣän kärɔa ci kään ɔ, kɛ ɣöö bä ji̱ ben la̱r lär.”

I-yob 1:7

Kä cu Kuoth Nhial Gua̱n jiäkni thiec i̱, “Bi̱i̱ nikä?” Kä cuɛ Kuoth Nhial loc, “Ba̱a̱ rɛy ɣɔaa, wiɛlä rɔ thi̱n.”

I-yob 31:7

Kä mi cä ciɛc rɛy duɔ̱p, kä ci lɔcdä guɔ̱ɔ̱r ni tin nhɔakä, kä la̱tdä ni dueer,

Diit 17:14

Bër kän ɣä lö Kuoth Nhial kɛ buɔ̱mdu kä nɛy tin ca tëkdiɛn la̱th kä nyin ɣɔaa ɛmɛ. Dëë jia̱a̱ckiɛn thia̱a̱ŋ kɛ tɔ̱ɔ̱ŋ in ci tɔ̱w kɛ kui̱diɛn, a dëë gaatkiɛn tekɛ kui̱c in di̱t ni jɛn thi̱n, a dëë tha̱a̱ŋdɛ jek ɛ gaat gankiɛn.

I-ca-yaa 30:1

Cu Kuoth Nhial wee i̱, “Riɛk akɛ gaat tin ci kac raar, tin la̱tkɛ cär ti /ci tɔ̱ a cärkä, tin la̱tkɛ mat ruac mi /ka̱n car, matkɛ ni duer wi̱i̱ dui̱rä.

I-ca-yaa 57:4

Ɛŋa mi yɔŋ yɛn ɛ? Ɛŋa mi buuy yɛn ɛ min ɣo̱o̱k yɛn lëëpkun raar kɛ jɛ? Kɛ yɛn gaat ti ji̱ nyuɔɔni, kuay ti ji̱ mɛɛtdä,

Bok Go̱kä ni Yir-mɛ-yaa 23:10

Ci mun thia̱a̱ŋ kɛ dhööm kɛ kui̱ kä ti̱ti̱ pär mun, kä ci wal dɔaar kööt. Kɛ ɣöö guur go̱o̱k ni jiäk, kä lät kɛn ni dueer kɛ buɔ̱mdiɛn.

Ɣocä 10:9

Ji̱ I-thɛ-rɛl /ka̱n ɣöö lät kɛn ɣä kä dueer ni päl, nikɛ gua̱a̱th ëë dui̱rkɛ kɛ kä Giba. Kä niɛ wi̱ni kä Giba /ci ko̱r kɛ ŋal jëk thi̱n?

Liib 11:16

jakɔa̱a̱k kɛ cätdiɛn, wawaw,

Mɛ̈t 11:19

Kä ci Gat Ran ben mi̱thɛ kä mäthɛ, kä wäkɛ i̱, ‘Nɛnɛ, ɛ gua̱n da̱r kä ɛ yɔ̱ŋ kɔaaŋni, kä ɛ määth thuɔ̱ɔ̱li tho̱lbo̱kä kɛnɛ ji̱ dueeri.’ Kä pɛl bɛ cuɔ̱ɔ̱ŋ jek kɛ lätkɛ.”

Mɛ̈t 13:22

Kä kɛ kui̱ kä tin ca piɛth rɛy jiɛn kuiyni ce̱tkɛ kɛ ram mi liŋ ruac, kä miɛtkɛ ruac Kuɔth in tekɛ jɛ ɛ gör nyinä ɣɔaa kɛnɛ tɛth lɔaac riäŋä, kä thilɛ jɛ dɛy.

Mɛ̈t 13:38

Kä kak ɛ jɛn ɣɔw, kä kuay ti gɔw kɛ kɛn gaat kuäärä nhial. Kä jol kɛ kɛn gaat gua̱n jiäkni.

Mak 4:19

kä duundɛ ɣöö cu diɛɛr kɛ kui̱ nyinä wec muɔ̱ɔ̱n kɛnɛ gör riäŋä ɣɔaa, amäni di̱t lɔaac kɛ ŋɔaani kɔ̱kiɛn ben, cukɛ ruac Kuɔth ben miɛt, kä cukɛ thil dɛy ti cua kuir.

Luk 16:8

Kä cu kuäär ɛmɔ raan la̱tdɛ min /ca ŋäth liak kɛ kui̱ pɛlädɛ, kɛ ɣöö pɛl ni ji̱ ɣɔaa ɛmɛ kɛ lätnidiɛn kɛ ŋɔak kä nɛy tin la gaat buɔyä.

Luk 22:31

“Thay-mɔn, Thay-mɔn, liŋɛ! Cia Cɛy-tan nhök ɣöö bɛ yɛn diaal ciɛth ce̱tkɛ bɛl.

Jɔ̱ɔ̱n 12:31

Ɛn täämɛ ɛ luk kɛ kui̱ ɣɔaa ɛmɛ. Kä täämɛ, ba kuäär ɣɔaa ɛmɛ tuɔ̱k raar.

Jɔ̱ɔ̱n 13:2

Min nyuurkɛ guäth mi̱eth, kä ci gua̱n jiäkni ku thuŋ wä lɔɔc Ju-däth Ith-kɛ̈-ri-ɔt, gat Thay-mɔn, kɛ ɣöö bɛ Yecu kɔak.

Jɔ̱ɔ̱n 13:27

Mëë ci Ju-däth möm ɛmɔ ka̱n, cu gua̱n jiäkni wä lɔɔcdɛ. Kä cu Yecu jɛ jiök i̱, “Lätni mɔ bi la̱t ɔ, kɛ pɛ̈th.”

Jɔ̱ɔ̱n 14:30

/Cä bi ruac kɛ yɛ ɛlɔ̱ŋ, kɛ ɣöö kuäär ɣɔaa ɛmɛ a bëëni. Kä thilɛ jɛ lua̱ŋ kɛ ɣä.

Jɔ̱ɔ̱n 15:19

Mi lapɛ ji̱ ɣɔaa, dee ɣɔw yɛ nhɔk. Kä kɛ ɣöö /ci yɛn a ji̱ ɣɔaa, kä cä yɛ mɛk rɛy ɣɔaa. Kɛ kui̱c ɛmɔ ɛ jɛn nyir ɣɔw ɛ yɛ mɔ.

Jɔ̱ɔ̱n 16:11

Kä tekɛ kɛ duer kɛ kui̱ luɔ̱k, kɛ ɣöö ca kuäär ɣɔaa ɛmɛ kuɛth luk.

Jɔ̱ɔ̱n 7:7

/Ci ɣɔw yɛ dee nyir, kä nyiirɛ ɣä, kɛ ɣöö cä ruac nenä lat ɛn ɣöö jiäk lätkɛ.

Jɔ̱ɔ̱n 8:23

Cuɛ kɛ jiök i̱, “Kɛ yɛn ji̱ piɛny ɛmɛ, kä ɛ ɣän raan nhial, kä kɛ yɛn ji̱ ɣɔaa ɛmɛ, /ciɛ ɣän raan ɣɔaa ɛmɛ.

Jɔ̱ɔ̱n 8:44

Kɛ yɛn gaat guurun ni gua̱n jiäkni, kä cia nhɔk ni ɣöö bia la̱t ni tin go̱o̱r guurun kɛ. Ɛ luuc nath ni tukä ɣɔaa, kä thilɛ jɛ thuɔ̱k, kɛ ɣöö thilɛ thuɔ̱k rɛydɛ. Kä jɛn la ruacɛ, kɛ ciaaŋdɛ pa̱ny, kɛ ɣöö ɛ gua̱n kacä, kä ɛ gua̱n ka̱a̱cni.

Lät Jaakni Yecu 19:35

Kä duundɛ ɣöö mëë ci bulkamiin wec naath jakä bit, cuɛ wee i̱, “Wutni Ɛ-pɛ-thäth, ɛŋa mi kui̱c jɛ ɛn ɣöö wec Ɛ-pɛ-thäth ɛ yuup luaak kuɔth Ar-tɛ-mith in di̱i̱t, kɛnɛ päm in kui̱th kui̱th mëë pɛn ni nhial?

Lät Jaakni Yecu 5:3

Kä cu Pi-tɔr wee i̱, “A-na-ni-ath, ɛŋu ci Cɛy-tan lɔcdu thiäŋ ɔ a käci ni Yiëë in Gɔaa in Rɛl Rɔ kac, kɛ bäny tha̱a̱ŋ yio̱wni kuakni piny?

Ji̱ Röm 12:2

/Cuarɛ ce̱tkɛ ji̱ ɣɔaa ɛmɛ, gɛ̈rɛ ciaaŋ cärädun, ɛn ɣöö dee yɛn min go̱o̱r Kuoth ɛ ŋa̱c agɔaa, mi gɔaa, min nhɔkɛ, kä thil diw ŋa̱c.

1 Kor 5:10

Ɣän /cä lot ni leer ɣɔaa ɛmɛ, kiɛ ji̱ da̱r kɛnɛ ma̱a̱c nath, kiɛ nɛy tin palkɛ kuth baaŋ. Kä kɛ ɣöö dërɛ jiɛɛn kä kɛ, dërɛ dhil ben raar rɛy ɣɔaa ɛmɛ.

1 Kor 6:11

Kä tha̱a̱ŋkun ce̱tkɛ kɛ nɛy ɛ tɔ̱. Kä duundɛ ɣöö ca yɛ lak, ca yɛ jak kä gɔaa ci Kuoth yɛ lɛy, kä ca yɛ moc cuɔ̱ɔ̱ŋ kɛ ciöt Kua̱r ni Yecu Kritho kɛnɛ rɛy Yieekä Kuɔthdan.

2 Kor 4:4

Kɛ kui̱ nɛɛni ti̱ti̱ ci kuoth ɣɔaa ɛmɛ ca̱r nɛɛni tin thil ŋa̱th cɔr, kɛ ɣöö bɛ kɛ pën guec buɔyä thukni ti gɔw kɛ kui̱ buɔyä Kritho, min la cät Kuɔth.

Ji̱ Gä-lëë-cia 1:4

Jɛn Yecu cɛ rɔ thöp kɛ kui̱ dueerikɔn, kɛ ɣöö bɛ kɔn kän kɛ gua̱a̱th ɛ jiääk ɛmɛ, ce̱tnikɛ ruac Kuɔthdan kä Gua̱a̱ra.

Ji̱ Ɛ-pɛ-thäth 1:21

Cu Yecu a rueec mi te wi̱i̱ ruëëcni, wi̱i̱ luäŋni, kɛnɛ bum kɛ Kua̱r. Kä di̱tni ciötdɛ kä ciööt diaal tin ca cɔal, rɛy ɣɔaa ɛmɛ amäni rɛy ɣɔaa ɛ bi ben ɔ.

Ji̱ Ɛ-pɛ-thäth 2:11

Kɛ kui̱ ɛmɛ tiɛmɛ jɛ ɛn ɣöö mëëdan yɛn nɛy tin diëthkɛ ala Jur tin cɔalkɛ i̱ “nɛy ti /ka̱n cuɛl” ɛ nɛy tin “ca cuɛl”, min la̱tkɛ kä puɔ̱ny kɛ tet nath.

Ji̱ Ɛ-pɛ-thäth 2:13

Kä täämɛ rɛy Kritho ca yɛn tin ci kɔn na̱n ɛlɔ̱ŋ, nöŋ thiäkä kɛ riɛm Kritho.

Ji̱ Ɛ-pɛ-thäth 2:3

Kɛ thuɔ̱k ce̱t kɔn diaal kɛ kɛ, ce̱tkɛ min go̱o̱r pua̱nykɔn ɛ, kä guur kɔn ni tin go̱o̱r puɔ̱nykɛ kɛnɛ ca̱r. Kä kɛ ta̱a̱ ciɛŋädan ce̱t kɔn kɛ nɛy tin kɔ̱kiɛn, bi kɔn waŋ lɔaac Kuɔth jek.

Ji̱ Ɛ-pɛ-thäth 4:17

Täämɛ ɣän la̱rä yɛ kä la̱tdä yɛ nɛmɛ kɛ ciöt Kua̱r ni Yecu, ɛn ɣöö /canɛ bi lɛ yi̱k ŋot kɛ ciaŋ mi ce̱tkɛ ciaaŋ Juri ala ciaŋ cärä wuɔ̱thnikiɛn mi baŋ.

Ji̱ Ɛ-pɛ-thäth 4:22

Ca yɛ ŋi̱eec kɛ ɣöö bia ciaaŋdun ëëdan päl, puɔ̱nydun ëëdan cɛ jiääk, ca jɛ ya̱r ɛ tin go̱o̱rɛ i̱ bia la̱t.

Ji̱ Ɛ-pɛ-thäth 5:6

A thil ram mi mɛɛt yɛ kɛ rieet ti thil luɔt, kɛ ɣöö kɛ kui̱ ŋɔaani ti̱ti̱ bä waŋ lɔaac Kuɔth wi̱i̱ nɛɛni ti thil luth.

Ji̱ Ɛ-pɛ-thäth 5:8

Kɛ ɣöö mëëdan lapɛ ji̱ muɔ̱th, kä täämɛ rɛy Kua̱r ni Yecu lapɛ ji̱ buɔyä. Ciëŋɛ ce̱tkɛ gaat buɔyä,

Ji̱ Ɛ-pɛ-thäth 6:12

Kɛ ɣöö /ci kɔn ko̱r tɛr kɛ naath ti tekɛ ri̱ŋ kɛnɛ riɛm, kä duundɛ ɣöö ɛ tɛ̈r kɛ ruëëc, kɛnɛ lua̱ŋ, kɛ buɔ̱m kua̱ri muɔ̱th ɣɔaa ɛmɛ, kɛnɛ buɔ̱m yieeni tin te ro̱o̱l nhial.

Ji̱ Ko-lɔ-thi 1:21

Mëëdan na̱ŋ yɛn kɛ Kuoth kä kɛ yɛn ji̱ tɛ̈rɛ rɛy cärädun, kä la̱tdɛ lät ti jiäk,

2 Tim 4:10

Kɛ ɣöö ci Dii-mɛth min nhɔk ɣɔw ɛmɛ ɣä ba̱ny piny cɛ wä kä Thɛ-tha-lo-ni-ka, Ku-rɛ-thɛn cɛ wä kä Gä-lee-cia, ci Tay-täth wä kä Dal-me-cia.

Je-mɛth 1:27

Ciaŋ ŋäthä min gɔaa pa̱ny kä /ka̱n nyon nhiam Kuɔth in la Gua̱a̱ra ɛ nɛmɛ, ɛ ɣöö bi tit ni gaat ti rɛ̈tni kɛnɛ män jɔɔkni rɛy riknikiɛn, kɛnɛ ɣöö bia rɔ̱ gaŋ a thil mɛ̈ɛ̈ny kä ɣɔw ɛ jiääk ɛmɛ.

Je-mɛth 1:7

Kɛ ɣöö ram mi ce̱tkɛ nɔ cärɛ kä rɛɛw, kä thilɛ mi ŋokɛ piny kä ti diaal tin lätdɛ, a jɛ /cɛ car ɛn ɣöö bɛ duɔ̱ɔ̱r jek kä Kuäär ni Yecu.

Je-mɛth 4:4

Yɛn nɛy tin /ca ŋäth! /Ci yɛn ɛ ŋäc ɛn ɣöö maar kɛ ɣɔw lotdɛ ni ɣöö tɛri kɛ Kuoth? Kɛ kui̱ ɛmɔ ram mi go̱o̱r ɣöö ba määth ɣɔaa, jakɛ ni rɔɔdɛ kä gua̱n tɛ̈r kɛ Kuoth.

1 Pit 1:14

Ce̱tdɛ kɛ gaat ti tekɛ luth, /cuarɛ tëkdun lɛ jakä la̱tkɛ ɛ di̱t lɔaac nyuɔɔnikun ëë wal mëë ŋuɔtdɛ a kui̱c yɛn ŋɔak.

1 Pit 4:3

Ci yɛn gua̱a̱th mi ro̱ŋ thuk kɛ lätni kä ti nhɔk Jur la̱tdiɛn, ci yɛn tëkdun thuk kɛ ciaŋ leerä, kɛnɛ lät jiäkni, kɛ yɔ̱ŋ kɔaaŋni, kɛnɛ ŋar baaŋ, kɛ lɔk, kɛ pa̱l kuthni guääyni.

2 Pit 2:14

Kɛ wäŋ ti ci thia̱a̱ŋ kɛ dhöm, /ka̱n lätni dueeri ka̱p cuɔ̱ŋ. La buathkɛ nɛy tin kɔ̱c dui̱rä. Tekɛ kɛ lo̱c ti ca ŋi̱eec kɛ da̱r. Kɛ gaat ti ca bit!

1 Jɔ̱ɔ̱n 3:10

Dëë gaat Kuɔth kɛnɛ gaat gua̱n jiäkni ŋic kɛ nɛmɛ. Nɛy diaal tin /ci lät ni cuŋ, /cikɛ nɛɛ Kuɔth, amäni nɛy tin /ca dämani nhɔk.

1 Jɔ̱ɔ̱n 3:8

Ram mi lät dueer, ɛ gat gua̱n jiäkni, kɛ ɣöö gua̱n jiäkni lätdɛ duer ni tukä. Luɔt ëë jɔc kɛ Gat Kuɔth ɛ ɣöö bɛ lät gua̱n jiäkni däk.

1 Jɔ̱ɔ̱n 4:4

Nyin tiɛtnikä, bä yɛn kä Kuoth, kä ci yɛn yiey tɔ̱tɔ̱ puɔ̱t, kɛ ɣöö di̱t ni jɛn ram in te rɛydun kä ram in te rɛy ɣɔaa.

1 Jɔ̱ɔ̱n 5:19

Ŋäc kɔnɛ ɛn ɣöö lapnɛ gaat Kuɔth kä te ɣɔw ɛmɛ kɛɛliw piny bumä gua̱n jiäkni.

1 Jɔ̱ɔ̱n 5:4

Kɛ ɣöö gat mi bä kä Kuoth jɛn tiamɛ ɣɔw. Kä min tiamɛ ni ɣɔw, ɛ ŋa̱thdan.

Nyuuth 12:9

Kä cua nyaŋ in di̱i̱t yuɔr piny, min la thɔ̱l ëë wal, in cɔalkɛ i̱ “Gua̱n Jiäkni”, kiɛ “Cɛy-tan”, mëë ci ɣɔw kɛɛliw mɛt. Cua jɛ yuɔr piny kɛnɛ ja̱a̱kɛ kɛɛl.

Nyuuth 13:14

Kä kɛ nyuuthni tin ga̱ykɛ naath tin ca pa̱l jɛ i̱ bɛ la̱t kɛ kui̱ lɛ̱̈ɛ̱̈, cuɛ nɛy tin ciaŋkɛ wi̱c muɔ̱ɔ̱n mɛt, cuɛ naath com kɛ ɣöö bikɛ puɔ̱ny la̱t mi ce̱tkɛ ley in ca moc buɔ̱t kɛ thɛp, kä ŋotdɛ kɛ tëk.

Nyuuth 13:8

kä bi ji̱ wec muɔ̱ɔ̱n diaal jɛ pal, nɛy diaal tin /ka̱n ciöötkiɛn gɔ̱r ni tukä ɣɔaa rɛy warɛgakä teekä Ruath Dɛ̈ɛ̈l min ca ŋot.

Nyuuth 16:17

Cu jääk nhial in bärɔwdiɛn min te rɛy thaakdɛ wuɔc rɛy jiɔam, kä cu jɔw mi di̱i̱t ben raar luaak Kuɔth bëë kɔam kuäärä, wëë i̱, “Ca jɛ la̱t!”

Nyuuth 20:2

Kä cuɛ nyaŋ käp, ala thɔ̱l ëë wal, min la Gua̱n Jiäkni kiɛ Cɛy-tan, kä cuɛ jɛ yian kɛ run ti bathdɔɔr kɛl.