Ji̱ Ɛ-pɛ-thäth 2:10 - RUAC KUƆTH IN RƐL RƆ

¹⁰ Kɛ ɣöö Kuoth cɛ kɔn la̱t kɛ ta̱a̱dan ɛmɛ, cakɛ kɔn rɛy Kritho Yecu kɛ kui̱ lätni ti gɔw, min ci Kuoth ɛ rialikä nikɛ nhiam, kɛ ɣöö ba duɔ̱ɔ̱p teekädan.

Ji̱ Ɛ-pɛ-thäth 2:10 Iomraidhean Croise

Diit 100:3

Yɛn ŋa̱cɛ ɣöö Kuoth Nhial ɛ Kuoth, ɛ jɛn ɛ nëë cak kɔn kä kɛ kɔn nyinkɛ. kɛ kɔn nɛɛkɛ ti la detkɛ tin la yienɛ.

Diit 119:3

tin thilɛ dueer ti la̱tkɛ, tin guɔ̱ɔ̱rkɛ ni dupkɛ!

Diit 138:8

Bi Kuoth Nhial ɣä lät kä min cɛ la̱r ɣä, kɛ ɣöö nhökdu tëë thi̱n amäni cäŋ kɛl lö Kuoth Nhial. /Cu la̱t tetniku bäny piny.

Diit 51:10

Jakni lɔcdä kä puɔth lö Kuoth, kä läthni yiëë in thuɔ̱k mi pay tuɔɔk lɔɔcdä.

Diit 81:13

Duŋ mi liŋ nɛɛkä ɣä, ɛ dëë I-thɛ-rɛl guɔ̱ɔ̱r ni dupkä,

I-ca-yaa 19:25

min bi Kuoth Nhial in la Ruey Ɣɔaa ɛ pothnikɛ wëë i̱, “Ɛ puɔ̱th tekɛ nɛɛkä ni ji̱ I-jëp kɛnɛ ji̱ A-thi-ri-ya la̱t tetkädä kɛ ji̱ I-thɛ-rɛl duŋdä.”

I-ca-yaa 29:23

Kɛ ɣöö mi wa gaatkiɛn nɛn rɛydiɛn, ɛn la̱t tetädä, bikɛ ciötdä tit ala mi rɛl rɔ, bikɛ Kuoth Je-kɔb liak, bikɛ Kuoth I-thɛ-rɛl luɔ̱th.

I-ca-yaa 43:21

kɛn nɛy tin cä lät kä rɔɔdä, kɛ ɣöö ba ɣä puany.”

I-ca-yaa 43:7

kɛn nɛy diaal tin cɔalkɛ kɛ ciötdä, tin cä cak kɛ kui̱ wutädä, kɛn tin cä la̱t kä cä täth.”

I-ca-yaa 44:21

Tim ti̱ti̱ lö Je-kɔb, kɛ ɣöö ɛ ji̱n ja̱ŋdä lö I-thɛ-rɛl, cä ji̱ cak, ɛ ji̱n ja̱ŋdä, kä lö I-thɛ-rɛl ɣän /cä ji̱ bi pa̱l ruëëc.

I-ca-yaa 60:21

Bi nɛɛku diaal a ji̱ cuŋni, bikɛ mun ciɛŋ amäni cäŋ kɛl. Kɛ kɛn tëë piɛɛthä, tëë la̱tdä nikɛ tetdä, kɛ ɣöö ba ɣä liak.

I-ca-yaa 61:3

kä bɛ nɛy tin pär kä Dha-yɔn moc, bɛ kɛ moc kum kuäärä kɛ gua̱a̱th ŋɛthä, kä bɛ kɛ moc kɛ tɛ̈th lɔaac kɛ gua̱a̱th pärä, kä bɛ kɛ moc diit puɔnyä kɛ gua̱a̱th jiɛthä lɔaac, dɔ̱ŋ dëë kɛ cɔli jiath riɛt cuŋni, mi ca pith ɛ Kuoth Nhial, kɛ ɣöö ba jɛ liak.

Bok Go̱kä ni Yir-mɛ-yaa 31:33

Duundɛ ɣöö ɛn ruac ɛ bä lat kɛ thok duëël I-thɛ-rɛl kɛ kɔr ni̱ni ti̱ti̱ mɔ ɣän bä ŋutkä la̱th rɛydiɛn kä bä kɛ gɔ̱a̱r ni rɛy lo̱cnikiɛn, kä bi ɣän a Kuothdiɛn kä bi kɛn a nɛɛkä.

Mɛ̈t 5:16

Kɛ jɛn duɔ̱ɔ̱p ɛmɔ a buaydun buɔy nhiam nath, kɛ ɣöö bikɛ lätkun ti gɔw nɛn, kä bikɛ Guurun in te nhial liak.”

Jɔ̱ɔ̱n 3:21

Kä nɛy tin la̱tkɛ thuɔ̱k bäkɛ kä buay, kɛ ɣöö dee lätkiɛn kɛ jɔɔc a gɔaa ɛn ɣöö lätkɛn kɛ nhiam Kuɔth.”

Lät Jaakni Yecu 9:31

Kä ɛnɔ cu duel Kuɔth kɛɛliw kä Ju-dia kɛ Gɛ̈-lɛ-li kɛnɛ Tha-mɛ-ria tekɛ mal. Kä cuɛ ciëŋ rɛy luthä Kua̱r ni Kuoth kä buɔ̱mkɛ jɛ ɛ Yiëë in Gɔaa in Rɛl Rɔ, kä cuɛ rɔ rep.

Lät Jaakni Yecu 9:36

Täämɛ kä Yapa tëëkɛ raan kɔaar Yecu mi cɔal i̱ Ta-bi-tha, mi cɔali Dor-käth kɛ thok Gɛ-rith. Ɛn ciek ɛmɛ cɛ thia̱a̱ŋ kɛ lät ti gɔw kɛnɛ luäk can.

Ji̱ Röm 8:1

Kɛ kui̱ ɛmɔ, thilɛ kuëth täämɛ kä nɛy tin te rɛy Kritho Yecu.

Ji̱ Röm 8:29

Kɛ ɣöö nɛy tin cɛ ŋa̱c kɛ nhiam cɛ kɛ rialikä i̱ bikɛ ce̱tkɛ Gatdɛ, kɛ ɣöö derɛ a kɛ̱̈ɛ̱̈ rɛy gan ti ŋuan.

1 Kor 3:9

Kɛ ɣöö kɛ kɔn la̱a̱t Kuɔth ti lät kɛɛl. Kä kɛ yɛn kak Kuɔth, kä kɛ yɛn ti̱c Kuɔth bä.

2 Kor 5:17

Kɛ kui̱ ɛmɔ, mi te raan rɛy Kritho, ɛ jɛn ram mi ca nyɔk kɛ di̱eth. Ci ta̱a̱dɛ mëë wal thuuk, nɛnɛ, ci ciaŋ mi pay tuɔɔk ben.

2 Kor 5:5

Ram mi ci kɔn rialikä kɛ kui̱ kä mɛmɛ ɛ jɛn Kuoth, in ci kɔn ka̱m Yiëëdɛ ala lär in thuɔ̱ɔ̱k kɛ kui̱ kä tin ca rialikä kɛ kui̱dan.

2 Kor 9:8

Kä te Kuoth kɛ lua̱ŋ kɛ ɣöö bɛ yɛ moc puth diaal ti ŋuan, kɛ ɣöö bia tekɛ mi ro̱ŋ kɛ min görɛ ciaŋ, kɛ ɣöö dee yɛn kɛ nyuak rɛy lätni diaal ti gɔw.

Ji̱ Gä-lëë-cia 6:15

Cuël kɛnɛ thil cuelä /ciɛ kɛn tekɛ luɔt ɔ, ɛ jɛn mi pay cak ɛ Yiëë Kuɔth tekɛ luɔt ɔ.

Ji̱ Ɛ-pɛ-thäth 1:1

Ɣän Puɔl, jak Kritho Yecu kɛ ruac Kuɔth, gɔ̱a̱rä jɛ yɛ, yɛn nɛy tin ci Kuoth kɛ lɛy tin te kä Ɛ-pɛ-thäth, amäni nɛy tin tekɛ ŋa̱th rɛy Kritho Yecu.

Ji̱ Ɛ-pɛ-thäth 1:4

Kä cɛ kɔn mɛk a /ka̱n ɣɔw ni cak rɛy Kritho kɛ ɣöö bi kɔn a nɛy ti rɛ̈l kɛ rɔ̱, ti thil bɛ̈l nhiamdɛ rɛy nho̱kä.

Ji̱ Ɛ-pɛ-thäth 2:13

Kä täämɛ rɛy Kritho ca yɛn tin ci kɔn na̱n ɛlɔ̱ŋ, nöŋ thiäkä kɛ riɛm Kritho.

Ji̱ Ɛ-pɛ-thäth 2:15

Cuɛ ŋuɔ̱t kɛnɛ luëëk woc, kɛ ɣöö bɛ gua̱th nɛɛni da̱ŋ rɛw mat ala ram kɛl kɛ mat kɛ jɛ kɛɛl. Kɛ jɛn duɔ̱ɔ̱p ɛmɔ lätdɛ ni mal.

Ji̱ Ɛ-pɛ-thäth 2:2

Kɛ gua̱a̱th ëëdan cia guɔ̱ɔ̱r ni dup ɣɔaa ɛ jiääk ɛmɛ, kä guur yɛn ni buɔ̱m kua̱r jiɔam mi jiääk, ɛ jɛn yiëë in lät täämɛ rɛy nɛɛni tin /ca Kuoth luth.

Ji̱ Ɛ-pɛ-thäth 2:6

Kä cɛ kɔn jiɛc kɛ Kritho kɛɛl, kä cɛ kɔn jakä nyuur kɛ jɛ kɛɛl nhial rɛy Kritho Yecu.

Ji̱ Ɛ-pɛ-thäth 4:1

Ɣän ram mi ca yian kɛ kui̱ Kua̱r ni Yecu, la̱ŋä yɛ kɛ ɣöö bia cieŋ kɛ ciaŋ mi ro̱ŋ kɛ ciöt ëë cɔalkɛ yɛ.

Ji̱ Ɛ-pɛ-thäth 4:24

kä bia pua̱nykun kum kɛ puɔ̱ny mi pay tuɔɔk, mi ca cak kɛ cät Kuɔth rɛy ciɛɛŋä thukä kɛnɛ ciaaŋ cuŋni kɛ ciaaŋ mi rɛl rɔ.

Ŋuɔ̱t 32:6

Ɛ jɛn duɔ̱ɔ̱p in bia ciɛŋ ni Kuoth Nhial. Lö yɛn nɛy ti thil ca̱r kä ji̱ dueeri? Ciɛ guurun ëë cak yɛ, kä jak yɛ kä dör?

Ŋuɔ̱t 5:33

Luɔ̱kɛ ni duɔ̱ɔ̱p in ci Kuoth Nhial Kuothdun ɛ la̱r yɛ, kɛ ɣöö bia cu tëk, bɛ cu gɔaa kɛ yɛ, kä bi ni̱nkun ŋuan wi̱i̱ muɔ̱ɔ̱n in bia wä cieŋ thi̱n.”

Ji̱ Pi-li-pi 1:6

Ɣän ŋa̱a̱thä jɛ ɛn ɣöö Kuoth in ci mi gɔaa ɛmɛ tok kɛ lätni rɛydun, bɛ jɛ cuɔ̱p amäni cäŋ in bi ben kɛ Yecu Kritho.

Ji̱ Pi-li-pi 2:13

Kɛ ɣöö lätni Kuoth rɛydun, kɛ ɣöö bɛ yɛ moc kɛ lua̱ŋ mi go̱r yɛn ɛ la̱t kä mi bi lɔcdɛ jakä tɛth.

Ji̱ Ko-lɔ-thi 1:10

Kɛ ɣöö bi yɛn tëk kɛ tëk mi ro̱ŋ kɛ Kuäär ni Yecu kɛ dup diaal. Kä bia dɛy kuir rɛy lätni diaal ti gɔw, kä bia piith rɛy ŋäcä Kuɔth.

Ji̱ Ko-lɔ-thi 3:10

kä cia ciaŋ mi pay tuɔɔk la̱th, min ca nyɔk kɛ rialikä rɛy ŋäcä ce̱tkɛ cät Kuɔth in cak jɛ.

2 Thɛ 2:17

cuɔmɛ lo̱ckun, kä akɛ bum, rɛy lätni diaal ti gɔw kɛnɛ ruacni.

1 Tim 2:10

Kä akɛ la̱tkɛ ni lät ti gɔw ti ro̱ŋ kɛ män ti palkɛ Kuoth.

1 Tim 5:10

Kä ba jɛ yi̱k ŋa̱c kɛ gɔɔy lätnikɛ, ce̱tkɛ ram mi ci gaat pith, kä nyuurɛ ja̱a̱l, kä la̱kɛ ciök nɛɛni tin ci Kuoth kɛ lɛy, kä luäkɛ nɛy tin tekɛ rik, kä cɛ rɔɔdɛ la̱th lätni ti gɔw gua̱thni diaal.

1 Tim 5:25

Inɔ bä, lät ti gɔw thia̱k nëndiɛn, kä cäŋɛ kɛn tin /ci jɔc, /cikɛ dee lɛ ŋot a tɛ̱̈ɛ̱̈kɛ kɛ.

1 Tim 6:18

Kɛn bikɛ gɔy la̱t, kɛ ɣöö bikɛ ria̱ŋ kɛ lät ti gɔw, kä bikɛ muɔ̱c kɛ ɣöö bikɛ ŋɔak nyuak.

2 Tim 2:21

Mi ci raan rɔɔdɛ lak kä ti diaal tin jiäk, bakɛ jakä ti gɔw ti ca lɛy kɛ kui̱ la̱t mi gɔaa, kɛ ɣöö cakɛ lëy Kuääri kɛ kui̱ la̱t mi gɔaa.

2 Tim 3:17

kɛ ɣöö dee raan Kuɔth ro̱ŋ agɔaa diaal tin go̱o̱rɛ kɛ kui̱ lätni diaal ti gɔw.

Tay-täth 2:14

Jɛn cɛ rɔɔdɛ thöp kɛ kui̱dan, kɛ ɣöö bɛ kɔn luɛl kä jiäk diaal, kä bɛ kɔn jakä wiɛc wiɛɛc ti la nɛɛkɛ, ti di̱t lo̱ckiɛn kɛ lätni kä ti gɔw.

Tay-täth 2:7

Nyoth rɔ rɛy ŋɔaani diaal ala nyuuth lätni ti gɔw, kä rɛy ŋi̱i̱cädu nyothɛ ɛ thuɔ̱k kä lotdi ni jɛ.

Tay-täth 3:1

Ti̱mni jɛ ji̱ ŋäthä ɛn ɣöö bikɛ ruëëc kɛnɛ ji̱ bumni liŋ, bikɛ tekɛ luth, kä bikɛ rɔ̱ rialikä kɛ kui̱ la̱t mi gɔaa.

Tay-täth 3:14

Kä jakni naath kä ŋa̱ckɛ ɣöö bikɛ rɔ̱ ka̱m lät ti gɔw, kɛ ɣöö bikɛ rik mal luäk, kɛ ɣöö /ci tëkdiɛn bi a mi jiääk.

Tay-täth 3:8

Ruac ɛmɛ ɛ thuɔ̱k. Ɣän göörä ɣöö bi la̱t ni kɛnɛ ti̱ti̱, kɛ ɣöö bi nɛy tin ca Kuoth ŋäth rɔ niɛk kɛ ɣöö bikɛ rɔ̱ ka̱m lät ti gɔw. Lät ti̱ti̱ gɔwkɛ ɛlɔ̱ŋ, kä lua̱kɛ naath.

Ji̱ Ɣi-bɛ-ru 10:24

Kuanɛ diɛɛr kɛ rɔ kä lua̱knɛ rɔ̱ kä nyuɔthnɛ nhök kɛnɛ lät ti gɔw.

Ji̱ Ɣi-bɛ-ru 13:21

kämɛ yɛ ciɛŋ gɔyni diaal kɛ ɣöö dërɛ ruacdɛ la̱t, kä derɛ min tɛɛth lɔcdɛ la̱t rɛydan kɛ Yecu Kritho. Kä a liak tekɛ jɛ a thil pek. Inɔnɔ.

1 Pit 2:12

Ciëŋɛ agɔaa rɛy Juri, kɛ ɣöö mi dee kɛ yɛ lat jɔ̱ɔ̱r i̱ lapɛ ji̱ nyuɔɔni, bikɛ lätkun tin gɔw nɛn kä bikɛ Kuoth liak kɛ cäŋ in bɛ ɣɔw ben gui̱l.

1 Jɔ̱ɔ̱n 1:7

Kä mi jäl kɔn rɛy buɔyä, ce̱tkɛ min tëë rɛy buɔyä, ta̱nɛ kɛ nyuaak kamnikɔn, kä ci riɛm Gatdɛ ni Yecu dueerkɔn diaal lak raar.

1 Jɔ̱ɔ̱n 2:6

Kä ram mi laar jɛ i̱, “Ta̱a̱ rɛy Yecu,” gɔaa ni ɣöö bɛ cieŋ kɛ ciaŋ ëë cieŋ kɛ Yecu.