Ji̱ Ɛ-pɛ-thäth 1:6 - RUAC KUƆTH IN RƐL RƆ

⁶ Kä liak nɛ Kuoth kɛ kui̱ gɔɔyä puthädɛ, kɛ kui̱ mucä baaŋ min cɛ ka̱m kɔn kɛ Gatdɛ min nhɔkɛ.

Ji̱ Ɛ-pɛ-thäth 1:6 Iomraidhean Croise

Diit 22:20

Bër kän ti̱eydä kä thɛp, kän tëkdä kä jio̱o̱k ti̱ti̱!

Diit 60:5

Kän kɔ kɛ buɔ̱mdu kä palä, dɔ̱ŋ bi nɛy tin nhɔki kään.

Ruac Pɛli 16:4

Ci Kuoth Nhial ti diaal la̱t kɛ luɔtdiɛn, amäni gua̱n dueeri kɛ cäŋ rikä.

I-ca-yaa 42:1

Kä cu Kuoth Nhial wee i̱, “Nɛnɛ, nɛmɛ ɛ jɛn ja̱ŋdä min cä jak kä bum, ɛ jɛn ram in cä mɛk min nhɔk lɔcdä jɛ, ɣän cä jɛ thiäŋ kɛ yiëëdä, bɛ thuɔ̱k nööŋ rɛy dööri.

I-ca-yaa 43:21

kɛn nɛy tin cä lät kä rɔɔdä, kɛ ɣöö ba ɣä puany.”

I-ca-yaa 61:11

Ce̱tkɛ min la kuay a do̱ny piny, kä ce̱tkɛ min la tin ca pith rɛy kakä a do̱ny, inɔ bä bi Kuäär ni Kuoth cuŋ kɛnɛ puɔnyni nööŋ nhiam dööri diaal.

I-ca-yaa 61:3

kä bɛ nɛy tin pär kä Dha-yɔn moc, bɛ kɛ moc kum kuäärä kɛ gua̱a̱th ŋɛthä, kä bɛ kɛ moc kɛ tɛ̈th lɔaac kɛ gua̱a̱th pärä, kä bɛ kɛ moc diit puɔnyä kɛ gua̱a̱th jiɛthä lɔaac, dɔ̱ŋ dëë kɛ cɔli jiath riɛt cuŋni, mi ca pith ɛ Kuoth Nhial, kɛ ɣöö ba jɛ liak.

Bok Go̱kä ni Yir-mɛ-yaa 23:6

Rɛy ni̱nikɛ ba Juda kän kä bi I-thɛ-rɛl cieŋ kɛ mal. Kä ba ciötdɛ cɔl i̱, ‘Kuoth Nhial ɛ cuɔ̱ɔ̱ŋda.’ ”

Bok Go̱kä ni Yir-mɛ-yaa 33:9

Kä wec ɛmɛ bɛ la gua̱a̱th tɛthkä lɔaac, kä ba gua̱a̱th liakä, kä ba gua̱a̱th puɔnyä kä ɣä nhiam dööri diaal wi̱i̱ muɔ̱ɔ̱n, tin ba gɔy tin cä la̱t kɛ kui̱diɛn liŋ. Kä bikɛ tekɛ dual kɛnɛ riɛk mi wa tin gɔw kɛnɛ ria̱ŋ in di̱i̱t in cä ka̱m kɛ jek.”

Liib 15:15

bi bööth palä kɛ thöp ala muc, kɛl ba luur dui̱rä bi min dɔ̱ŋ a luur mi waŋkɛ, bɛ raam ɔ cu luɛl nhiam Kuɔth Nhial kɛ kui̱ lönyädɛ.

Dhɛk 13:7

Kä cu Kuoth Nhial in la Ruey Ɣɔaa wee i̱, “Jiɛc rɔ lö mut, kä mak ni yiëën deetkä, kä näk ramɛ te cuŋä gekädä mi. Yɔ̱t yieen deet, kä bi det rɔ̱ cu wɛ̈r piny, kä bä tin tiɛtni mak.”

Mɛ̈t 17:5

Min ŋotdɛ kɛ ruac, cu pua̱r mi bo̱r kɛ kuɔ̱m piny, kä ruac jɔw rɛy puɔ̱rä wëë i̱, “Nɛmɛ ɛ jɛn Gatdä min nhɔakä, min tɛth lɔcdä kɛ jɛ ɛlɔ̱ŋ. Liɛŋɛ ruacdɛ.”

Mɛ̈t 20:9

Kä mëë ci la̱a̱t tëë bëë kɛ thaak dhieec ben, cu ramɔ pek yio̱o̱ni ca̱ŋ kɛl jek.

Mɛ̈t 3:17

Kä cu jɔw ben nhial, cuɛ wee i̱, “Mɛmɛ ɛ jɛn Gatdä min nhɔakä, in tɛth lɔcdä kɛ jɛ.”

Luk 2:14

“A liak wä kä Kuoth ni nhial, kä a mal tekɛ ji̱ piɛny tin tɛ̈thkɛ lɔc Kuɔth!”

Jɔ̱ɔ̱n 10:17

Kɛ kui̱c ɛmɔ nhɔk Gua̱a̱r ɣä, kɛ ɣöö cä tëkdä thöp, kɛ ɣöö bä nyɔk kɛ käni.

Jɔ̱ɔ̱n 3:35

Kɛ ɣöö nhɔk Gua̱a̱r in te nhial Gatdɛ, cɛ ŋɔak diaal kuëŋ tetädɛ.

Ji̱ Röm 8:1

Kɛ kui̱ ɛmɔ, thilɛ kuëth täämɛ kä nɛy tin te rɛy Kritho Yecu.

2 Kor 4:15

Kä ŋɔak diaal ti̱ti̱ ɛ kui̱dun, kɛ ɣöö ce̱tkɛ min räth puɔ̱th Kuɔth kä nɛy kɔ̱kiɛn ti ŋuan, kɛ ɣöö dee liak tɛthä lɔaac buɔyä Kuɔth rɔ rep.

2 Kor 5:21

Cɛ Yecu jakä tekɛ duer kɛ kui̱dan, jɛn ram min /ken met duer, kɛ ɣöö rɛydɛ dënɛ ciaaŋ cuŋni Kuɔth jek.

Ji̱ Ɛ-pɛ-thäth 1:12

Kɛ kui̱c ɛmɔ kɔn nɛy tin nhiam tin ci Kritho ŋäth, dënɛ tëk kɛ ɣöö liaknɛ buay Kuɔth.

Ji̱ Ɛ-pɛ-thäth 1:14

Jɛn Yiëë ɛmɔ ɛ jɛn läär in thuɔ̱k min banɛ jek min ci Kuoth ɛ la̱r nɛɛkɛ, kä nɔmɔ nyuthɛ jɛ kɔn ɛn ɣöö bi Kuoth ciaaŋ lɔrä ka̱m nɛɛkɛ. Kä bikɛ buaydɛ liak!

Ji̱ Ɛ-pɛ-thäth 1:18

Kä ɣän thiëcä ɛn ɣöö bia jɛ ŋa̱c kɛ lo̱ckun kɛ ɣöö bi yɛn ŋa̱th in cɛ yɛ cɔal thi̱n ŋa̱c, kɛnɛ ria̱ŋ puthä min ci Kuoth ɛ la̱r nɛy tin cɛ lɛy,

Ji̱ Ɛ-pɛ-thäth 2:7

Cɛ nɛmɛ la̱t kɛ ɣöö kɛ gua̱a̱th ɔ bi ben ɔ bɛ kɔn nyuɔ̱th ria̱ŋ puthädɛ min di̱i̱t kɛ gɔɔydɛ kɛ kɔn rɛy Kritho Yecu.

Ji̱ Pi-li-pi 1:11

Kɛ ɣöö dërɛ thia̱ŋ kɛ ti gɔw ti bä kä ciaŋ cuŋni rɛy Yecu Kritho kɛ puɔny kɛnɛ liak Kuɔth.

Ji̱ Pi-li-pi 3:9

kɛ ɣöö dëë te rɛydɛ, ɣän thilɛ ɣä cuɔ̱ɔ̱ŋ mi rɛ̈lä, mi jëkä kɛ luth ŋuɔ̱tni, kä duundɛ ɣöö bëë kɛ ŋa̱th kɛ Kritho, jɛn ciaŋ cuŋni min bä kä Kuɔth kɛ ŋa̱th.

Ji̱ Pi-li-pi 4:19

Kä bi Kuothdä yɛ ka̱m ŋɔaani diaal tin dak kä yɛ ce̱tkɛ pek riäŋädɛ rɛy buɔyädɛ kɛ Kritho Yecu.

Ji̱ Ko-lɔ-thi 1:13

Jɛn cɛ kɔn kän kä buɔ̱m muɔ̱th, kä cɛ kɔn naŋ rɛy kuäärä Gatädɛ min nhɔkɛ.

1 Pit 2:5

Kä yɛn pua̱nykun ce̱t yɛn kɛ päm in tëk a yɛ ta̱thkɛ ala duel yieekä, kɛ ɣöö bi yɛn a bööth palä ti gɔw ti rɛ̈lkɛ rɔ̱, kɛ ɣöö bia muc yieekä ti nhɔakɛ thöp Kuoth kɛ Yecu Kritho.

1 Pit 2:9

Yɛn lapɛ thok duëël mi ca mɛk, ti bööth palä, mi la do̱r mi rɛl rɔ, nɛɛ Kuɔth ti rɛlɛ, kɛ ɣöö dee yɛn lätkɛ tin buɔ̱m buɔ̱ɔ̱m lat jɛn ram min cɔl yɛ raar rɛy muɔ̱th, cɔlɛ yɛ rɛy buɔyädɛ min gɔaa.

1 Pit 4:11

Ram mi ruac, a jɛ ruac ce̱tkɛ ram mi lat ni ruac Kuɔth. Kä ram mi lät naath ikä, a jɛ lät kɛ buɔ̱m min ci Kuoth ɛ ka̱m jɛ, kɛ ɣöö dëë Kuoth liak rɛy kä ti diaal kɛ Yecu Kritho. Kä buay kɛnɛ buɔ̱m kɛ nyinkɛ a thil pek. Inɔnɔ.