Ji̱ Ɛ-pɛ-thäth 1:4 - RUAC KUƆTH IN RƐL RƆ

⁴ Kä cɛ kɔn mɛk a /ka̱n ɣɔw ni cak rɛy Kritho kɛ ɣöö bi kɔn a nɛy ti rɛ̈l kɛ rɔ̱, ti thil bɛ̈l nhiamdɛ rɛy nho̱kä.

Ji̱ Ɛ-pɛ-thäth 1:4 Iomraidhean Croise

2 Tham 22:24

Kä thilɛ ɣä bɛ̈l nhiamdɛ, kä cä rɔ tit kä duer.

Diit 135:4

Ci Kuoth Nhial Je-kɔb mëk rɔ, kä I-thɛ-rɛl ɛ duŋdɛ.

I-ca-yaa 42:1

Kä cu Kuoth Nhial wee i̱, “Nɛnɛ, nɛmɛ ɛ jɛn ja̱ŋdä min cä jak kä bum, ɛ jɛn ram in cä mɛk min nhɔk lɔcdä jɛ, ɣän cä jɛ thiäŋ kɛ yiëëdä, bɛ thuɔ̱k nööŋ rɛy dööri.

Liib 19:2

“Ruac nikɛ duɔl ji̱ I-thɛ-rɛl diaal, jiök nikɛ i̱ ɛ gɔɔydun rɛl rɔ, kɛ ɣöö ɣän Kuoth Nhial Kuothdun rɛl gɔɔydä rɔ.

Liib 20:7

Kɛ kui̱ ɛmɔ jakɛ rɔ kä gɔw, kɛ ɣöö ɛ ɣän Kuoth Nhial Kuothdu.

Mɛ̈t 24:22

Kä mi /ka̱n ni̱n tɔ̱tɔ̱ jakä kuiy, thilɛ ram kɛl mi ba kän, kä ba ni̱n tɔ̱tɔ̱ jakä ciɛk kɛ kui̱ nɛɛni ti ca mɛk.

Mɛ̈t 24:24

Kɛ ɣöö bi mɛthiani kɛnɛ göök ka̱a̱cni rɔ̱ jiɛc, kä bikɛ nyuuthni ti ga̱ykɛ naath la̱t, kɛ ɣöö bikɛ naath böth jɔ̱ɔ̱r, mi tekɛ kɛ lua̱ŋ, bikɛ nɛy ti ca mɛk böth jɔ̱ɔ̱r.

Mɛ̈t 24:31

Kä bɛ jaakɛ jäkä raar kɛ ciöt kaaŋä mi di̱i̱t, kä bikɛ nɛɛkɛ tin cɛ mɛk ruɔ̱l kui̱cni da̱ŋ ŋuan, ni kä pek kɛl amäni min dɔ̱ŋ.”

Mɛ̈t 25:34

Kä bi Kuäär nɛy tin te cueecdɛ jiök i̱, ‘Bia, lö nɛy tin ca poth ɛ Gua̱a̱r, ka̱nɛ nyin kuäärä tëë ca rialikä kɛ kui̱dun ni tukä ɣɔaa.

Jɔ̱ɔ̱n 10:16

Ɣän ta̱a̱kɛ det ti kɔ̱kiɛn ti /ci te rɛy pa̱a̱ny deet. Ɣän bä kɛ nööŋ bä, kä bikɛ jɔwdä liŋ. Kä inɔ, bi buɔ̱n deet cua̱ kɛl kɛ yieen deet kɛl.

Jɔ̱ɔ̱n 15:16

/Ken yɛn ɣä mɛk, kä cä yɛ mɛk kä cä yɛ kuany, kɛ ɣöö bia lät ti gɔw wä la̱t, kä bi gɔɔy la̱tdun cu te thi̱n amäni cäŋ kɛl. Kä inɔ bi Gua̱a̱r yɛ ka̱m min bi yɛn ɛ thiec kɛ ciötdä.

Jɔ̱ɔ̱n 17:24

Gua̱di̱n, go̱o̱r lɔcdä ɣöö dee nɛy tin ci ka̱m ɣä te kɛɛl kɛ ɣä guäth in ta̱a̱ thi̱n, kɛ ɣöö bikɛ liakdä mëë ci ka̱m ɣä rɛy nho̱kädu a /ka̱n ɣɔw ni cak nɛn.

Lät Jaakni Yecu 13:48

Mëë ci Jur mɛmɛ liŋ, cu lo̱ckiɛn tɛɛth, kä cukɛ ruac Kua̱r ni Kuoth liak. Kä cu nɛy diaal tin ca mɛ̈k teekä mi do̱raar ɛ Kuoth ŋa̱th.

Lät Jaakni Yecu 15:18

Kä kɛn ŋɔaani ti̱ti̱ diaal ŋa̱ckɛ kɛ ni wal.’

Lät Jaakni Yecu 18:10

kɛ ɣöö ta̱a̱ kɛɛl kɛ ji̱. Thilɛ ram mi bi ji̱ moc riɛk, kɛ ɣöö ta̱a̱ kɛ nɛy ti ŋuan ɛn wi̱c ɛmɛ.”

Ji̱ Röm 8:33

Ɛŋa mi bi nɛy ti ci Kuoth kɛ kuany nöŋ go̱o̱ny ɔ? Ɛ jɛn Kuoth ɛnɔ tho̱p cuɔ̱ɔ̱ŋ ɔ.

1 Kor 1:8

Kä bɛ yɛ jakä bum amäni guutdɛ bia thil bɛ̈ɛ̈l kɛ cäŋ Kua̱ran ni Yecu Kritho.

Ji̱ Gä-lëë-cia 5:13

Kɛ ɣöö ca yɛ cɔal ciɛɛŋä mi lɔr, dämaari. Kä /cuarɛ ciaŋ lɔrädun kän ala gua̱a̱th kɛ kui̱ ciɛŋni pua̱ny ti jiäk, kä kɛ nhök bia rɔ̱ lätikä kamnikun.

Ji̱ Gä-lëë-cia 5:22

Kä kuay Yieekä Kuɔth ɛ jɛn nhök, tɛ̈th lɔaac, mal, li̱ep bitdä, ciaŋ gɔɔyä, kɛ muɔ̱c mi lɔr, ŋa̱th mi ro̱ŋ,

Ji̱ Gä-lëë-cia 5:6

Kɛ ɣöö rɛy Kritho Yecu /ciɛ cuël kiɛ thil cuelä tekɛ luɔt ɔ, ɛ ni ŋa̱th in lät rɛy nho̱kä tekɛ luɔt ɔ.

Ji̱ Ɛ-pɛ-thäth 2:10

Kɛ ɣöö Kuoth cɛ kɔn la̱t kɛ ta̱a̱dan ɛmɛ, cakɛ kɔn rɛy Kritho Yecu kɛ kui̱ lätni ti gɔw, min ci Kuoth ɛ rialikä nikɛ nhiam, kɛ ɣöö ba duɔ̱ɔ̱p teekädan.

Ji̱ Ɛ-pɛ-thäth 3:17

Ɣän palä kɛ ɣöö dee Kritho cieŋ lo̱cnikun kɛ ŋa̱th. Kä palä bä kɛ ɣöö dee nhökdun buɔ̱m,

Ji̱ Ɛ-pɛ-thäth 4:2

Ni ciaŋ jakni rɔ kä muɔ̱l, kä jakni rɔ kä wut pa̱ny, kɛ li̱ep bitdä, kä nhɔakɛ rɔ̱ kamnikun rɛy nho̱kä,

Ji̱ Ɛ-pɛ-thäth 5:2

Kä ciëŋɛ rɛy nho̱kä, ce̱tkɛ min ci Kritho kɔn nhɔk, kä cɛ tëkdɛ thöp kɛ kui̱dan, ala ŋuäny mi gɔaa kä muc mi tɛɛth lɔc Kuɔth.

Ji̱ Ɛ-pɛ-thäth 5:27

Cɛ nɔmɔ la̱t kɛ ɣöö bi duel Kuɔth ben cuɔ̱ŋ nhiamdɛ kɛ gɔɔydɛ kɛɛliw, kɛ ɣöö bɛ a wic wic mi thil pia̱a̱r, kiɛ biɛl mi jiääk kiɛ duɔ̱ɔ̱r mi ce̱tkɛ nɔ, kɛ ɣöö derɛ a mi rɛl rɔ mi thil bɛ̈l.

Ji̱ Pi-li-pi 2:15

kɛ ɣöö bi yɛn thil bɛ̈l kä bia thil duer, ala gaat Kuɔth ti thil gua̱r ti riaw, ce̱tkɛ kuɛl rɛy ɣɔaa, rɛy ri̱cä mi wän wän mi thil luth.

Ji̱ Ko-lɔ-thi 1:22

kä täämɛ cɛ yɛ luɔ̱c maarä kɛ puɔ̱nydɛ pa̱ny kɛ lia̱a̱dɛ, kɛ ɣöö bɛ yɛ naŋ nhiam Kuɔth a cia rɔ̱ rɛl, a thil bɛ̈l, kä /ca yɛ dee cäkikä.

Ji̱ Ko-lɔ-thi 2:2

Ɣän göörä ɣöö bi lo̱ckiɛn buɔ̱m, kä bikɛ mat rɛy nho̱kä, kɛ ɣöö bikɛ tekɛ ti̱el ŋäcä ŋɔaani, kä bikɛ ruac Kuɔth in cuääŋ naath ŋa̱c, min la Kritho.

Ji̱ Ko-lɔ-thi 3:12

Kä kɛ ɣöö ci Kuoth yɛ mɛk, ala ti rɛ̈lkɛ rɔ̱, kä nhɔkɛ, kä kuɔ̱mɛ rɔ̱ kɛ nhök, kɛ gɔɔy, kɛ mua̱l, kɛ kɔ̱a̱c, kɛ li̱ep bitdä.

1 Thɛ 3:12

Kä a Kuäär jak yɛ kä bia rɔ̱ rep a bia thia̱a̱ŋ kɛ nhökdun kɛ rɔ̱ kamnikun kɛnɛ nɛy diaal, ce̱tnikɛ min nhɔk nɛy yɛ.

1 Thɛ 4:7

Kɛ ɣöö /ken Kuoth kɔn cɔal ciɛɛŋä mi jiääk, cɔlɛ ni kɔn rɛy ciɛɛŋä mi rɛl rɔ.

2 Tim 1:9

Kä cɛ kɔn kän, kä cɛ kɔn cɔl ala nɛɛkɛ ti rɛl rɔ, kä /ciɛ kui̱ lätnikɔn kä duundɛ ɣöö ɛ kui̱ cäpädɛ pa̱ny kɛnɛ puɔ̱thdɛ. Jɛn puɔ̱th ɛmɔ ca jɛ ka̱m kɔn rɛy Kritho Yecu /ka̱n gua̱a̱th ni tok.

2 Tim 2:10

Kɛ kui̱ ɛmɔ ruɔ̱ɔ̱tdä ŋɔak diaal kɛ kui̱ nɛɛni tin ca kuany, kɛ ɣöö bikɛ ka̱n teekä buɔyä mi do̱raar rɛy Kritho Yecu jek.

2 Tim 2:19

Kä min ci Kuoth ɛ yiath piny a bum tëë cuŋä, kä ca rieet ti̱ti̱ gɔ̱a̱r thi̱n i̱, “Ŋäc Kuäär nɛy tin la nɛɛkɛ,” kä “A nɛy diaal tin cɔalkɛ kɛ ciöt Kua̱r ni Kuɔth wuɔckɛ rɔ̱ kä jiäk.”

Je-mɛth 2:5

Yɛn, dämaari ti nhɔakä, liɛŋɛ jɛ. /Ken Kuoth nɛy ti can wi̱i̱ muɔ̱ɔ̱n ɛmɛ mɛk kɛ ɣöö bikɛ ria̱ŋ kɛ ŋa̱th, kä bikɛ a dieel kuäärä min ci Kuoth ɛ lar i̱ bɛ ka̱m nɛy tin nhɔakɛ jɛ?

1 Pit 1:2

Kɛ yɛn nɛy ti ca mɛk ce̱tkɛ ca̱r Kuɔth in la Gua̱a̱r in te nhial, kä ca yɛ jakä nɛy ti gɔw kɛ Yiëë Kuɔth kɛ ɣöö ba Yecu Kritho luɔ̱th kä bakɛ lɛy kɛ riɛmdɛ. A puɔ̱th kɛnɛ mal mi di̱i̱t te kɛɛl kɛ yɛ.

1 Pit 1:20

Jɛn ca jɛ mɛk ɛ Kuoth a /ka̱n ɣɔw ni cak, kä duundɛ ɣöö ca jɛ nyoth kɛ gua̱a̱th ɛ jɔak ɛmɛ kɛ kui̱dun.

1 Pit 2:9

Yɛn lapɛ thok duëël mi ca mɛk, ti bööth palä, mi la do̱r mi rɛl rɔ, nɛɛ Kuɔth ti rɛlɛ, kɛ ɣöö dee yɛn lätkɛ tin buɔ̱m buɔ̱ɔ̱m lat jɛn ram min cɔl yɛ raar rɛy muɔ̱th, cɔlɛ yɛ rɛy buɔyädɛ min gɔaa.

2 Pit 3:14

Kɛ kui̱c ɛmɔ nhöökä, min liɛpɛ ŋɔaani ti̱ti̱, ɣɔ̱a̱nɛ jɛ ɛn ɣöö bi yɛn a wiɛc wiɛɛc ti thil bɛ̈ɛ̈l kä thil mɛ̈ɛ̈ny, kä ta̱yɛ kɛ mal kɛ Kuoth.

1 Jɔ̱ɔ̱n 4:16

Kä ɛnɔ ŋäc kɔn kä ŋääth kɔn nhök in nhɔk Kuoth ɛ ni kɔn. Kuoth ɛ nhök, kä nɛy tin cieŋ rɛy nho̱kä cieŋkɛ rɛy Kuɔth, kä cieŋ Kuoth rɛydiɛn.

Nyuuth 13:8

kä bi ji̱ wec muɔ̱ɔ̱n diaal jɛ pal, nɛy diaal tin /ka̱n ciöötkiɛn gɔ̱r ni tukä ɣɔaa rɛy warɛgakä teekä Ruath Dɛ̈ɛ̈l min ca ŋot.

Nyuuth 17:8

Ley in ci nɛn cɛ kɔŋ te thi̱n, kä /cɛ lɛ ŋot thi̱n, bëë raar rɛy kɔ̱kä mi thil piny kä wëë däkä. Kä nɛy tin ciaŋkɛ wi̱c muɔ̱ɔ̱n tin /ka̱n ciöötkiɛn gɔ̱a̱r rɛy warɛgakä teekä ni tukä ɣɔaa, bikɛ ga̱a̱c mi wa ley wä nɛn. Kɛ ɣöö cɛ kɔŋ te thi̱n, kä /cɛ lɛ ŋot thi̱n, kä bɛ ben.