Ji̱ Ɛ-pɛ-thäth 1:11 - RUAC KUƆTH IN RƐL RƆ

¹¹ Ŋɔak diaal cakɛ la̱t kɛ ca̱r Kuɔth kɛnɛ min cɛ lar. Kä Kuoth cɛ kɔn mɛk kɛ ɣöö bi kɔn a nɛɛkɛ kɛ matdan kɛ Kritho kɛ kui̱ kä min cɛ car. Kä nɛmɛ bëë kä ca̱rɛ nikɛ tukdɛ.

Ji̱ Ɛ-pɛ-thäth 1:11 Iomraidhean Croise

I-yob 12:13

“Kä pɛl kɛnɛ buɔ̱m kɛ nyin Kuɔth, kä luek kɛnɛ ŋäc ŋɔaani kɛ nyin kɛ.

I-yob 33:29

“Kä nɛnɛ Kuoth la lätdɛ raan, kä ti ce̱tkɛ kɛn ti̱ti̱ kä rɛɛw kiɛ kä diɔ̱ɔ̱k,

Diit 37:18

Kuoth Nhial ŋäcɛ ni̱n raam in thil bɛ̈ɛ̈l, kä bi ŋɔakiɛn te thi̱n amäni cäŋ kɛl.

Ruac Pɛli 8:14

Luk mi gɔaa kɛnɛ luek kɛ nyinkä. Ɣän ta̱a̱ kɛ tiit lɔaac kɛnɛ buɔ̱m.

I-ca-yaa 25:1

Lö Kuoth Nhial ɛ ji̱n Kuothdä, ɣän bä ji̱ liak, kä bä ciötdu puany, kɛ ɣöö ci ti ga̱ykɛ naath la̱t, ti ci car ni wal ɛgɔaa kɛ ŋa̱th.

I-ca-yaa 28:29

Kɛn ti̱ti̱ diaal bäkɛ kä Kuoth Nhial in la Ruey Ɣɔaa, tëëkɛ luek mi gääy naath, kä tëëkɛ pɛl mi gɔaa.

I-ca-yaa 5:19

tin la wee i̱, “Ɛ Kuoth pɛ̈th, a jɛ pɛth la̱tdɛ, kɛ ɣöö dɔ̱ŋ dëëkɔ jɛ nɛn. Ɛ cär Kuɔth I-thɛ-rɛl in rɛl gɔɔydɛ rɔ mal ben, a jɛ bëë kɛ ɣöö bakɔ jɛ nɛn!”

Bok Go̱kä ni Yir-mɛ-yaa 23:18

Kä kuɛ la ŋa kä kɛ mɔ ci ruac ben go̱r kä Kuoth Nhial ɔ, mɔ ci ruacdɛ ben liŋ ɔ kä ci jɛ tit ɔ?

Bok Go̱kä ni Yir-mɛ-yaa 32:19

ɛ ji̱n rueec mi gɔaa kä bum lätkɛ. Kä guic ciɛŋ nɛɛni diaal, kä kämni ramɔ min ro̱ŋ kɛ lätkɛ.

Dhɛk 6:13

Ba jɛn bi luak Kuɔth Nhial la̱t ɔ, kä bi luth kuäärä tekɛ jɛ, kä bɛ ruëc wi̱i̱ kɔaam kuäärädɛ. Kä bɛ tekɛ bo̱o̱th palä kuäärädɛ, bikɛ lät kɛɛl nikɛ mal kɛnɛ tɛ̈th lɔaac.’ ”

Lät Jaakni Yecu 13:48

Mëë ci Jur mɛmɛ liŋ, cu lo̱ckiɛn tɛɛth, kä cukɛ ruac Kua̱r ni Kuoth liak. Kä cu nɛy diaal tin ca mɛ̈k teekä mi do̱raar ɛ Kuoth ŋa̱th.

Lät Jaakni Yecu 2:23

Yecu ɛmɛ ca kuëŋ tetnikun kɛ ca̱p Kuɔth in thuɔ̱k, kɛnɛ ŋäcdɛ min wen, cuarɛ jɛ pua̱t jiaath, kä cuarɛ jɛ näk kɛ tet nɛɛni ti thil ŋut.

Lät Jaakni Yecu 20:27

Kɛ ɣöö thilɛ mi cä ba̱ny jɔk mi /ka̱n la̱t yɛ kä min lot Kuoth kɛɛliw.

Lät Jaakni Yecu 20:32

Kä täämɛ kuëŋä yɛ tetdä Kuɔth kɛnɛ ruac puthädɛ, min tekɛ lua̱ŋ kɛ no̱o̱ŋdun nhial, kɛnɛ muɔ̱cdun kɛ puɔ̱th rɛy nɛɛni diaal tin ca lɛy.

Lät Jaakni Yecu 26:18

Kä bi wäŋkiɛn lɛp, kɛ ɣöö dee kɛ rɔ̱ ri̱t kä muth kä dee kɛ wä buɔyä, kɛnɛ rietdiɛn kɛ rɔ̱ kä buɔ̱m Cɛy-tan, wädiɛn kä Kuoth, kɛnɛ ɣöö dee kɛ päl dueeri jek, kɛnɛ gua̱a̱th rɛy nɛɛni tin ca lɛy kɛ ŋa̱thdiɛn kɛ ɣä.’ ”

Lät Jaakni Yecu 4:28

Kä cukɛ ti diaal tëë ci rialikä i̱ bi tuɔɔk kɛ buɔ̱mdu kɛnɛ ca̱ru la̱t.

Ji̱ Röm 11:34

Ce̱tkɛ min ci ruac Kuäär ni Kuɔth ɛ lar i̱, “Kä ɛŋa mi ŋäc ca̱r Kuɔth? Kä ɛŋa mi bia̱ lueekdɛ?”

Ji̱ Röm 8:17

Kä mi lapnɛ gaat, kɛ kɔn dieel dhɔaar Kuɔth pa̱ny, amäni ɣöö lapnɛ dieel dhɔaar kɛɛl kɛ Kritho, mi ruɔ̱tnɛ bɛ̈c bɛ̈ɛ̈c kɛ jɛ kɛɛl kä ba kɔn puany kɛ jɛ kɛɛl bä.

Ji̱ Röm 8:28

Ŋäc kɔn ɛ rɛy kä ti diaal, i̱ lät Kuoth kɛ kui̱ gɔɔyä nɛɛni tin nhɔakɛ jɛ, tin ca cɔl ce̱tkɛ luɔtdɛ.

Ji̱ Röm 8:29

Kɛ ɣöö nɛy tin cɛ ŋa̱c kɛ nhiam cɛ kɛ rialikä i̱ bikɛ ce̱tkɛ Gatdɛ, kɛ ɣöö derɛ a kɛ̱̈ɛ̱̈ rɛy gan ti ŋuan.

Ji̱ Röm 8:30

Kä nɛy tin cɛ lɛ̈y gekä cɛ kɛ cɔl bä, kä nɛy tin cɛ cɔl cɛ kɛ moc cuɔ̱ɔ̱ŋ bä, kä nɛy tin cɛ moc cuɔ̱ɔ̱ŋ cɛ kɛ puany bä.

Ji̱ Röm 9:11

A cäŋɛ ni mëë ŋotkɛ a /ka̱nkɛ ni dap, kiɛ thilɛ mi ca ni la̱t, mi gɔaa kiɛ mi jiääk (kɛ ɣöö bi luɔt kuëny Kuɔth wee wä,

Ji̱ Gä-lëë-cia 3:18

Kɛ ɣöö mi muc Kuɔth bëë kä ŋut, /cɛ dee lɛ ŋot ala ruac mi cɛ lar. Kä duundɛ ɣöö ci Kuoth muc ɛmɔ ka̱m A-bɛ-ram kɛ min cɛ la̱r jɛ.

Ji̱ Ɛ-pɛ-thäth 1:14

Jɛn Yiëë ɛmɔ ɛ jɛn läär in thuɔ̱k min banɛ jek min ci Kuoth ɛ la̱r nɛɛkɛ, kä nɔmɔ nyuthɛ jɛ kɔn ɛn ɣöö bi Kuoth ciaaŋ lɔrä ka̱m nɛɛkɛ. Kä bikɛ buaydɛ liak!

Ji̱ Ɛ-pɛ-thäth 1:18

Kä ɣän thiëcä ɛn ɣöö bia jɛ ŋa̱c kɛ lo̱ckun kɛ ɣöö bi yɛn ŋa̱th in cɛ yɛ cɔal thi̱n ŋa̱c, kɛnɛ ria̱ŋ puthä min ci Kuoth ɛ la̱r nɛy tin cɛ lɛy,

Ji̱ Ɛ-pɛ-thäth 1:5

Jɛn cɛ kɔn rialikä rɛy nho̱kä ɛn ɣöö bi kɔn a gaatkɛ rɛy Kritho Yecu nikɛ tɛ̈th lɔaacdɛ min cɛ car.

Ji̱ Ɛ-pɛ-thäth 1:8

min cɛ ka̱m kɔn ɛlɔ̱ŋ. Kɛɛl kɛ pɛlɛ kɛnɛ ŋäc ŋɔaani

Ji̱ Ɛ-pɛ-thäth 1:9

kɛ ɣöö cɛ kɔn nyuɔ̱th mi cuäŋ naath kɛ ruacdɛ ce̱tnikɛ gɔɔy lɔaacdɛ a min cɛ jakä jɔc rɛy Kritho.

Ji̱ Ɛ-pɛ-thäth 3:11

Cu Kuoth mɛmɛ la̱t kɛ ca̱rɛ mi do̱raar mi cuɛ la̱t kɛ Kritho Yecu Kuääran.

Ŋuɔ̱t 4:20

Ca yɛ mɛk ɛ Kuoth Nhial, kä cɛ yɛ nööŋ raar rɛy la̱t mi bɛc rööl I-jëp, i̱ bi yɛn ben a nɛɛkɛ, ce̱tkɛ ni̱n ɛ ti.

Ji̱ Ko-lɔ-thi 1:12

La̱rɛ Gua̱a̱ra min ci kɔn cɔl, kɛ ɣöö bi kɔn tekɛ kui̱c kä ti diaal tin cɛ rialikä kɛ kui̱ nɛɛnikɛ tɛth lɔaac rɛy buɔyä.

Ji̱ Ko-lɔ-thi 3:24

Tiɛmɛ jɛ ɛn ɣöö bia muc jek kä Kuäär ni Yecu, min cɛ la̱r nɛɛkɛ. Yɛn la̱tdɛ ni Kuäär in la Kritho ikä.

Tay-täth 2:14

Jɛn cɛ rɔɔdɛ thöp kɛ kui̱dan, kɛ ɣöö bɛ kɔn luɛl kä jiäk diaal, kä bɛ kɔn jakä wiɛc wiɛɛc ti la nɛɛkɛ, ti di̱t lo̱ckiɛn kɛ lätni kä ti gɔw.

Tay-täth 3:7

kɛ ɣöö ba kɔn moc cuɔ̱ɔ̱ŋ kɛ puɔ̱thdɛ, kä banɛ a dieel gɔaal kɛ kui̱ ŋäthä teekä mi do̱raar.

Ji̱ Ɣi-bɛ-ru 6:17

Kä inɔ mi go̱o̱r Kuoth ɣöö bɛ min cɛ lar jak kä mi thil diw kä nɛy tin bi jɛ jek, kä go̱o̱rɛ ɣöö bɛ nyuɔ̱thkɛ min cɛ car /ca jɛ gɛr, la ya̱cdɛ cua̱ matdɛ thi̱n.

Je-mɛth 2:5

Yɛn, dämaari ti nhɔakä, liɛŋɛ jɛ. /Ken Kuoth nɛy ti can wi̱i̱ muɔ̱ɔ̱n ɛmɛ mɛk kɛ ɣöö bikɛ ria̱ŋ kɛ ŋa̱th, kä bikɛ a dieel kuäärä min ci Kuoth ɛ lar i̱ bɛ ka̱m nɛy tin nhɔakɛ jɛ?

1 Pit 1:4

Kä ɛn täämɛ ŋa̱thnɛ puth tin tekɛ Kuoth kɛ kui̱ nɛɛnikɛ. Kɛn puth ɛ tɔ̱ ci Kuoth kɛ tɔ̱w kɛ kui̱dun nhial guäth in /cikɛ bi kɛɛth kä /cikɛ bi jiääk kä /ci gɔɔydiɛn bi jiääk thi̱n.

1 Pit 3:9

/Cuarɛ mi jiääk col kɛ mi jiääk, kiɛ kuëth kɛ kuëth, kä duundɛ ɣöö cuɔ̱lɛ naath ni mi gɔaa. Kɛ ɣöö ca yɛ cɔl kɛ jɛn nɛmɛ, kɛ ɣöö dee yɛn puɔ̱th jek.