Diit 70:4 - RUAC KUƆTH IN RƐL RƆ

⁴ Kä ɛ nɛy diaal tin görkɛ ji̱ lo̱ckiɛn tɛth rɛydu. Kä ɛ nɛy tin nhɔakɛ ka̱ndu ruac ni ciaŋ ɛ thil pek wäkɛ i̱, “Kuoth di̱tdɛ!”

Diit 70:4 Iomraidhean Croise

Jiɛth 3:25

Kuoth Nhial gɔaaɛ kɛ nɛy tin ŋa̱thkɛ jɛ, kɛnɛ ram mi go̱o̱r jɛ.

Diit 40:16

Kä dëë nɛy diaal tin görkɛ ji̱ lo̱ckiɛn tɛɛth kɛ ji̱, kä dëë nɛy tin nhɔakɛ luäkdu ruac ni ciaŋ wäkɛ i̱, “Kuoth Nhial di̱tdɛ!”

Diit 35:27

A nɛy diaal tin görkɛ gɔɔy luɔ̱kdä, ku ki̱et kɛ tɛ̈th lɔaac wäkɛ i̱, “Kuoth Nhial di̱t ni jɛn la tɛth lɔcdɛ kɛ kui̱ gɔɔyä jäŋädɛ.”

I-ca-yaa 61:10

Ɣän bi lɔcdä tɛɛth ɛlɔ̱ŋ kɛ Kuoth Nhial, bi ti̱eydä Kuothdä liak, kɛ ɣöö cɛ ɣä kum kɛ bi̱i̱ känä, cɛ ɣä yi̱k piny kɛ bi̱i̱ cuŋni, ce̱tnikɛ min la cɔ nyaal rɔ a pik kɛ jiöŋgööni, kɛnɛ min la kaw rɔ a pik kɛ dɔ̱a̱kni.

Diit 97:12

A lo̱ckun tɛth rɛy Kuoth Nhial lö nɛy ti̱n gɔw, kä liakɛ ciötdɛ min rɛl gɔɔydɛ rɔ.

Jɔ̱ɔ̱n 16:20

Ɛpuc ɛpuc, ɣän la̱rä jɛ yɛ, bia wiee, kä bia pa̱r, kä bi ji̱ ɣɔaa lo̱ckiɛn tɛɛth. Bia tekɛ bɛ̈c lɔaac, kä bi bɛ̈c lɔaacdun rɔ̱ loc ni tɛ̈th lɔaac.

Diit 5:11

Duundɛ ɣöö ɛ nɛy diaal tin guɔ̱ɔ̱rkɛ ji̱ jëkɛ tɛ̈th lɔaac, kä ala ki̱t nikɛn kɛ tɛ̈th lɔaac. Gaŋkɛ, kɛ ɣöö nɛy tin ŋa̱thkɛ ciötdu, bi lo̱ckiɛn tɛɛth kɛ ji̱.