Diit 4:3 - RUAC KUƆTH IN RƐL RƆ

³ Ŋa̱cɛ jɛ ɛn ɣöö Kuoth Nhial, cɛ raan ŋäthä ciöl rɔɔdɛ. Kä bi Kuoth Nhial ɣä liŋ mi wa̱a̱ jɛ cɔl.

Diit 4:3 Iomraidhean Croise

Diit 31:23

Nhɔakɛ Kuoth Nhial, yɛn nɛɛkɛ diaal! La päl Kuoth Nhial ji̱ ŋäthä ikä kä bɛ nɛy tin la̱a̱t jiäkni culikä.

Diit 34:15

Kuoth Nhial guicɛ ji̱ cuŋni, kä liŋɛ luliɛn.

Diit 49:3

Ɣän bä lat ni rieet pɛlä, kä bi lɔcdä lat ni ruac ŋäcä ŋɔaani.

Diit 50:5

Cuɛ wee i̱, “Bia ma̱tdɛ rɔ̱ ɣä yɛn nɛɛkä tin gɔw, tëë ca mat ruac lat kɛ ɣä kɛ tho̱p mucä!”

Diit 56:9

Mi wä ji̱ tɛ̈rä loc jɔk, kɛ cäŋ in bä cɔɔl ni ji̱kɛ luäk, kɛ jɛn duɔ̱ɔ̱p ɛmɔ ɣän bä jɛ ku ŋa̱c ɛn ɣöö te Kuoth kɛɛl kɛ ɣä.

Diit 6:8

Wuɔcɛ rɔ̱ gekädä yɛn la̱a̱t jiäkni diaal, kɛ ɣöö ci Kuoth Nhial wieedä liŋ.

Diit 62:10

Ji̱n /cu ŋäth ni kar, kä /cu rɔ liak kɛ tin kualkɛ, cäŋ ci ria̱ŋ jek, /cu lɔcdu läth thi̱n.

Ɣöth 33:16

Kä dëëkɔ jɛ ku lɛ ŋa̱c i̱di ɛn ɣöö cakɔ puɔ̱th je̱k nhiamdu, /ciɛ ni ɣöö bi wä kɛ kɔ kɛɛl? Kɛ ɣöö ba kɔ cua ŋiɛckɛ kä nɛy diaal tin cieŋ rɛy ɣɔaa.”

Jɔ̱ɔ̱n 15:16

/Ken yɛn ɣä mɛk, kä cä yɛ mɛk kä cä yɛ kuany, kɛ ɣöö bia lät ti gɔw wä la̱t, kä bi gɔɔy la̱tdun cu te thi̱n amäni cäŋ kɛl. Kä inɔ bi Gua̱a̱r yɛ ka̱m min bi yɛn ɛ thiec kɛ ciötdä.

Ji̱ Ɛ-pɛ-thäth 2:10

Kɛ ɣöö Kuoth cɛ kɔn la̱t kɛ ta̱a̱dan ɛmɛ, cakɛ kɔn rɛy Kritho Yecu kɛ kui̱ lätni ti gɔw, min ci Kuoth ɛ rialikä nikɛ nhiam, kɛ ɣöö ba duɔ̱ɔ̱p teekädan.

2 Tim 2:19

Kä min ci Kuoth ɛ yiath piny a bum tëë cuŋä, kä ca rieet ti̱ti̱ gɔ̱a̱r thi̱n i̱, “Ŋäc Kuäär nɛy tin la nɛɛkɛ,” kä “A nɛy diaal tin cɔalkɛ kɛ ciöt Kua̱r ni Kuɔth wuɔckɛ rɔ̱ kä jiäk.”

Tay-täth 2:14

Jɛn cɛ rɔɔdɛ thöp kɛ kui̱dan, kɛ ɣöö bɛ kɔn luɛl kä jiäk diaal, kä bɛ kɔn jakä wiɛc wiɛɛc ti la nɛɛkɛ, ti di̱t lo̱ckiɛn kɛ lätni kä ti gɔw.

1 Pit 2:9

Yɛn lapɛ thok duëël mi ca mɛk, ti bööth palä, mi la do̱r mi rɛl rɔ, nɛɛ Kuɔth ti rɛlɛ, kɛ ɣöö dee yɛn lätkɛ tin buɔ̱m buɔ̱ɔ̱m lat jɛn ram min cɔl yɛ raar rɛy muɔ̱th, cɔlɛ yɛ rɛy buɔyädɛ min gɔaa.

2 Pit 2:9

Kä inɔ ŋäc Kuoth ɛ ɛn ɣöö bɛ ji̱ cuŋni kän rɛy ɣɔ̱ɔ̱nikiɛn, kä bɛ nɛy tin thil Kuoth duäc amäni cäŋ luɔ̱k.