Diit 102:2 - RUAC KUƆTH IN RƐL RƆ

² /Cu rɔɔdu tey kɛ ɣä kɛ cäŋ riknikä. Gäŋni ji̱thdu ɣä, kä loc palä kɛ pɛ̈th mi wa̱a̱ ji̱ wä cɔl.

Diit 102:2 Iomraidhean Croise

I-yob 34:29

Kä mi tëë bitdä, ɛŋa dëë jɛ bɛl ɔ? Kä mi cɛ rɔ tɛ̱̈ɛ̱̈, ɛŋa dëë jɛ nɛn ɔ? Ɛ dëë jɛ ku nɛn dör kiɛ raan.

I-yob 7:21

Ɛŋu /ci jiäkä tin cä la̱t kɛnɛ dueerkä päl ɔ? Kɛ ɣöö bä li̱w niɛ täämɛ, bi ɣä go̱r, kä /ci ɣä bi jek.”

Diit 104:29

Kä mɔ ci jiɛɛn kä kɛ mɔ, lakɛ cua̱ dual, kä mɔ ci yiëëdiɛn woc ɔ, la li̱wkɛ, kä bikɛ loc tuur.

Diit 13:1

Bɛ kulɛ amäni nɛy bi ɣä pa̱l ruëëc ɔ lö Kuoth Nhial? Ɛ bɛ ku mäni cäŋ kɛl? Kä bɛ amäni nɛy bi rɔ tɛ̱̈ɛ̱̈ kɛ ɣä mɔ?

Diit 143:7

Loc ɣä kɛ pɛ̈th, lö Kuoth Nhial, ci yi̱eykä bɛ̈c. /Cu rɔ lɛ tɛ̱̈ɛ̱̈ kɛ ɣä, kiɛ bä ce̱tnikɛ nɛy tin ci li̱w.

Diit 17:1

Liŋ ɣä lö Kuoth Nhial mi latdä ni cuɔ̱ɔ̱ŋ, kä liŋ wieedä kɛ kui̱ lua̱k, liŋɛ kɛ ɣöö thilɛ ɣä mɛ̈ɛ̈t.

Diit 22:19

/Cu na̱n lö Kuoth Nhial! Bër luäk ɣä kɛ pɛ̈th!

Diit 27:9

/Cu nhiamdu tëë kä ɣä. /Cu ja̱ŋdu loc jɔk kɛ gak, ɛ ji̱n ɛ nëë la luäk ɣä. /Cu ɣä lo̱k kä /cu ɣä päl lö Kuoth käändä!

Diit 31:2

Gäŋni ji̱thdu ɣä, kä kän ɣä kɛ pɛ̈th! Jak ni rɔ kä päm lua̱kdä, jak ni rɔ kä ko̱t mi gaŋ ɣä!

Diit 40:13

A lɔcdu tɛth kɛ ka̱ndä lö Kuoth Nhial, ber luäk ɣä kɛ pɛ̈th lö Kuoth Nhial!

Diit 69:17

Cu rɔ lɛ tɛ̱̈ɛ̱̈ kɛ ɣän ja̱ŋdu kɛ ɣöö ɣän ta̱a̱ rikä mal ɣä loc kɛ pɛ̈th.

Diit 70:1

Ɛ lɔcdu tɛth kɛ ɣöö bi ɣä kän lö Kuoth, aɣ Kuoth Nhial bër luäk ɣä kɛ pɛ̈th!

Diit 71:2

Kɛ kui̱ cuŋniku kän ɣä kä luäk ɣä, gäŋni ji̱thdu ɣä kä kän ɣä.

Ɣöth 2:23

Kɛ gua̱a̱th mi bäär, cu kuäär I-jëp li̱w, cu ji̱ I-thɛ-rɛl lɔcdiɛn ŋot kɛ dɛ̈t kɛ yaakdiɛn, kä cukɛ wiee kɛ ɣöö baak kɛ luäk, kä cu wieediɛn cop nhiam Kuɔth.

Ɣöth 2:24

Kä cu Kuoth lulliɛn liŋ, kä cuɛ ruac ëë cɛ gok kɛnɛ A-bɛ-ram, kɛ Ay-dhɛk, kɛ Je-kɔb tim.

I-ca-yaa 43:2

Mi wä yɛn pi̱w wä jiɛth, ɣän bä te kɛɛl kɛ yɛ, mi jiathɛ kiɛr /ci yɛn bi mua, kä mi ja̱lɛ rɛy maac /cɛ yɛ bi waŋ, /cɛ yɛ bi pɛt ɛn bo̱l maac.

I-ca-yaa 65:24

A /kenkɛ ni ciöt bäkɛ loc, a ŋotkɛ kɛ ruac ɣän bä jɛ liŋ.

I-ca-yaa 8:17

Ɣän bä Kuoth Nhial lip, min ci nhiamdɛ tɛ̱̈ɛ̱̈ kɛ ji̱ dhɔaar Je-kɔb, ɣän bä ŋäth ni jɛ.

1 Kor 10:13

Thilɛ ɣɔ̱n mi ci ben kä yɛ, mi /ken tuɔɔk kä nɛy diaal. Kuoth ɛ gua̱n ŋäthä, kä /cɛ yɛ bi pa̱l ɣöö ba yɛ ɣɔam kɛ buɔ̱m mi leny buɔ̱mdun. Kä mi wa yɛ ɣɔam bɛ yɛ moc duɔ̱ɔ̱p känä, kɛ ɣöö bia jɛ luäŋ kɛ ruɔ̱t.