Dhɛp 3:8 - RUAC KUƆTH IN RƐL RƆ

⁸ Kä cu Kuoth Nhial wee i̱, “Kɛ kui̱c ɛmɔ lipä kɛ cäŋ in wa̱a̱ rɔ wä jiɛc ala neen. Kɛ ɣöö ruacdä ɛ ɣöö bä döör ma̱a̱t, kä bä kuääri dol, kä bä waŋ lɔaacdä wuɔ̱ckɛ, kɛ waŋ lɔaacdä bä wi̱c muɔ̱ɔ̱n thuk kɛɛliw.

Dhɛp 3:8 Iomraidhean Croise

Diit 12:5

Cu Kuoth Nhial ruac wëë i̱, “Kä kɛ kui̱ ciɛɛŋä mi jiääk kɛ nɛy tin thil lua̱ŋ, kɛnɛ lul cani, ɛn täämɛ, ɣän bä ben, bäkɛ ben gaŋ kä nɛy tin yakɛ kɛ.”

Diit 123:2

Ce̱tnikɛ min la kuany wutdä a guic ni kuäärɛ, kä guic kuany nyaal ni ciek in kuäärɛ, inɔ bä bi nɛy guic ni Kuoth Nhial ni Kuothda, amäni mi cɛ tekɛ kɔ̱a̱c lɔaac kɛ kɔ.

Diit 27:14

Lip ni luäk Kuɔth Nhial, bum rɔ a lɔcdu /ci bath, lip ni luäk Kuɔth Nhial!

Diit 37:34

Lipni Kuoth Nhial, kä tit ni duɔ̱pkɛ, bɛ ji̱ ka̱m luth kɛ ɣöö bi mun ka̱n, kä bi ji̱ nyuɔɔni guic guäth in tekɛ riɛk.

Diit 37:7

Pälni rɔɔdu piny, kä lipni Kuoth Nhial, /cu gak kɛ ram in jek ria̱ŋ, kɛnɛ ram in lät ca̱a̱p ti jiäk.

Diit 62:1

Jek tieeydä lɔ̱a̱ŋ kä Kuoth ni kärɔa, kä ɛ jɛn bä ka̱ndä kä jɛ mɔ.

Diit 62:5

Jek tieeydä lɔ̱a̱ŋ kä Kuoth ni kärɔa, kä bä ŋäthni jɛ.

Diit 79:5

Kä bɛ ku mäni nɛy lö Kuoth Nhial bi ŋɛ̈ɛ̈nyɔ amäni cäŋ kɛl ɔ? Kä bi tiɛɛlu pɛ̈t ce̱tkɛ mac mäni nɛy?

Diit 79:6

Ɛ ŋɛ̈ɛ̈nydu wä kä döör tin kueckɛ ji̱, kɛnɛ kuääri tin /ca ji̱ pal.

Ruac Pɛli 20:22

Kä /cu wee i̱, “Ɣän bä ji̱ cuɔ̱l duer ɛmɛ.” Lipni Kuoth Nhial bɛ ji̱ luäk.

Thɔl 8:6

Car ɣä kɛ rɛy lɔaacdu, rɔm ni ɣä kɛ tetdu. Kɛ ɣöö nhök te lua̱ŋ ce̱tdɛ nikɛ lia̱a̱, kä tëë kɛ buɔ̱m ce̱tnikɛ kɔ̱a̱k. Kä jɛn la pɛtdɛ ce̱tnikɛ mac, ce̱tdɛ nikɛ mac mi ci kac nhial.

I-ca-yaa 14:26

Nɔmɔ ɛ jɛn min cä car kɛ kui̱ wec muɔ̱ɔ̱n kɛɛliw, ɛ jɛn buɔ̱mdä min bä däk ni döör diaal.

I-ca-yaa 30:18

Kä ŋotdɛ go̱o̱r Kuoth ɣöö bɛ gɔaa kɛ yɛ, kɛ kui̱c ɛmɔ cɛ rɔ jiɛc kɛ ɣöö bɛ yɛ nyuɔ̱th kɔ̱a̱c lɔaac. Kɛ ɣöö Kuoth Nhial ɛ Kuoth mi gua̱n cuŋni, puɔ̱th akɛ nɛy diaal tin liɛpkɛ ni jɛ.

I-ca-yaa 34:2

Kuoth Nhial gakɛ kɛ döör diaal, te ŋɛ̈ɛ̈nydɛ kɛ rɛmkiɛn diaal, bɛ kɛ näk, bɛ kɛ jak kä na̱kɛ kɛ.

I-ca-yaa 63:6

Cua̱ döör dɔany kɛ ŋɛ̈ɛ̈nydä, cua̱kɛ tɔ̱ŋ kɛ gakdä, kä cua̱ riɛmdiɛn wuɔ̱th piny.”

Bok Go̱kä ni Yir-mɛ-yaa 10:25

Wucni gakdu döör tin /ca ji̱ ŋäc, kɛnɛ nɛy tin /ca cɔl kɛ ciötdu. Kɛ ɣöö ca dhɔr Je-kɔb däk, cikɛ jɛ da̱k ni piny kɛɛliwdɛ, kä ca ji̱kɛ riaw kä dɔɔr.

Ɣocä 12:6

Kä yɛn kua rɔ riet Kuothdun kɛ luäkdɛ ɛ lat yɛn nhök kɛnɛ thuɔ̱k, kä liɛpɛ Kuothdun ni ciaŋ.

Yo-el 3:2

Ɣän bä döör diaal duɔl wi̱i̱ lo̱o̱lä mi cɔali Yɛ-ɣo-ca-pat, kɛ ɣöö bäkɛ wä luk thi̱n. Kɛ kui̱ kä tin diaal tin ca lät kä nɛɛkä ni ji̱ I-thɛ-rɛl. Inɔ cikɛ kɛ riaw rɛy nɛɛni kɔ̱kiɛn, kä cikɛ mundä da̱a̱k.

Mikaa 7:7

Duundɛ ɣöö ɣän bä guic ni Kuoth Nhial, ɣän bä lip ni käändä ni Kuoth, ɛn Kuothdä bɛ ɣä liŋ.

Bok Go̱kä ni Ɣä-bɛ̈-kuk 2:3

Gɔ̱r ni jɛ piny kɛ ɣöö /ken gua̱a̱thdɛ ni ben, kä bɛ ben kɛ pɛ̈th, kä bɛ thuɔ̱k. Kä mi cɛ jääny, lipɛ, bɛ ben ɛ thuɔ̱k, /cɛ bi jääny.

Dhɛp 1:18

Kä /ci ciɛkdiɛn in bo̱r kɛnɛ da̱a̱pdiɛn kɛ bi kän, kɛ cäŋ kɛcä Kuɔth Nhial. Kä bi wi̱c muɔ̱ɔ̱n kɛɛliw da̱k kɛ mac kɛckä lɔaacdɛ. Kä bi guut cu ben inɔ, kä nɛy diaal tin tëk wi̱i̱ muɔ̱ɔ̱n.

Bok Go̱kä ni Ɣa-gay 2:22

kä bä kuäär kua̱ri woc, kä bä lua̱ŋdiɛn moc pe̱k. Bä thurbiɛɛli ko̱o̱r buɔ̱p kɛnɛ ji̱kiɛn. Bi jio̱o̱k tuɔ̱ruɔ̱k li̱w kä bi ji̱kiɛn rɔ̱ cɔ̱k.

Mɛ̈t 25:32

Kä ba döör diaal duɔl nhiamdɛ, kä bɛ mɔ koc kä min dɔ̱ŋ, ce̱tkɛ min koc yieen deet rɔɔm kiɛ böwni.

2 Pit 3:10

Kä duundɛ ɣöö bi cäŋ Kua̱r ni Yecu ben ce̱tkɛ kueel, kä bi pua̱a̱r cu thil kɛ wuɔ̱w mi di̱i̱t, kä bi nyin nhial diaal waaŋ kɛ mac. Kä bi piny kɛnɛ ti diaal tin ca la̱t thi̱n, bikɛ pɛ̈t.

Nyuuth 16:1

Kä cua jɔw mi di̱i̱t liŋ rɛy luaak Kuɔth, jio̱kɛ ja̱a̱k nhial da̱ŋ bärɔw i̱, “Wiaa, wuɔcɛ thääk waŋä lɔaac Kuɔth da̱ŋ bärɔw wi̱i̱ muɔ̱ɔ̱n.”

Nyuuth 16:14

Kɛn yiey ti jiäk ti̱ti̱ la̱tkɛ nyuuthni ti ga̱ykɛ naath, kä räthkɛ ni kä kua̱r wec muɔ̱ɔ̱n kɛɛliw, kɛ ɣöö ba kɛ dol kɛ kui̱ köör kɛ cäŋ Kuɔth in Leny Buɔ̱mdɛ ti Diaal in di̱i̱t.