Dhɛp 3:5 - RUAC KUƆTH IN RƐL RƆ

⁵ Kä Kuoth Nhial ɛ cuɔ̱ɔ̱ŋ rɛydɛ, /cɛ duer a lätdɛ. Kä kɛ runwaŋni diaal la latdɛ cuŋ, kä /kenɛ met pa̱k kɛ cäŋ kɛl. Kä ŋotdɛ kui̱c gua̱n dueeri pöc.

Dhɛp 3:5 Iomraidhean Croise

Tuk Cäkä Ɣɔaa 18:25

A jɛ na̱n kɛ ji̱, /cu mi ce̱tkɛ nɛmɛ lät, kɛ ɣöö de̱ri ji̱ cuŋni näk kɛɛl kɛnɛ ji̱ nyuɔɔni, a dëë gua̱n cuŋni kua̱ kɛl kɛnɛ gua̱n nyuɔɔni! Ɛpuc /ci mɔmɔ dëë tuɔɔk inɔ. A ci Kuäär in luk ɣɔw kɛɛliw dëë cu la̱t ni cuɔ̱ŋ?”

I-yob 34:10

“Kɛ kui̱ ɛmɔ liɛŋɛ ɣä lö nɛy tin ŋa̱ckɛ ŋɔak, a jɛ nɔ̱a̱n kɛ Kuoth in leny buɔ̱mdɛ ti diaal, ɛn ɣöö derɛ dueer la̱t.

I-yob 7:18

la gui̱li jɛ kɛ runwaŋ ni ciaŋ, kä la ɣɔ̱ni jɛ ni ciaŋ?

I-yob 8:3

Ɛ ku Kuoth thuɔ̱k a wooc? Kiɛ la cuɔ̱ɔ̱ŋ woocɛ?

Diit 145:17

Kä Kuoth Nhial lätkɛ diaal kɛ cuŋ, kä gɔaaɛ kɛ tin diaal tin cɛ la̱t.

Diit 37:6

Bɛ cuŋku jak kä riawkɛ ce̱tnikɛ bak ɣɔaa, kä bɛ thuɔ̱ɔ̱ku jak kä buɔy ce̱tnikɛ cäŋ ca̱ŋda̱a̱r.

Diit 92:15

mi nyooth ni ɣöö Kuoth Nhial ɛ cuɔ̱ɔ̱ŋ, jɛn ɛ gääŋdä mi thil mi jiääk kä jɛ.

I-ca-yaa 12:6

Rɔalɛ kɛ̈tdɛ diit tɛthkä lɔaac lö yɛn ji̱ Dha-yɔn, kɛ ɣöö te Kɛl I-thɛ-rɛl in Rɛl Gɔɔydɛ rɔ rɛydun.”

I-ca-yaa 28:19

Ce̱tnikɛ ben in la bäkɛ jɛ bɛ ji̱ naŋ, bɛ la bëë kɛ runwaŋ kɛnɛ runwaŋ, kɛ cäŋdäär kɛnɛ wäär ba bëëkɛ, bɛ la riɛk mi di̱i̱t kɛ ŋäc ruac ɛmɛ.

I-ca-yaa 33:2

Lö Kuoth Nhial gɔaani kɛ kɔ, kɔn liɛpkɔ ni ji̱. Jakni rɔ kä buɔ̱mda kɛ runwaŋni diaal, kä jakni rɔ kä käända kɛ gua̱a̱th rikä.

I-ca-yaa 45:21

Bia latdɛ ruacdun guäth luɔ̱k, akɛ ca̱a̱tkɛ ruac kɛɛl! Ɛŋa mi ci ti̱ti̱ lat ni wal? Ɛŋa mi ci jɛ lat mëëdan? /Ciɛ ɣän Kuoth Nhial ɛ nëë lat kɛ? Kä thilɛ Kuoth mi dɔ̱ŋ mi /ci mɔ a ɣän, ɛ ɣän Kuoth cuŋni kä kään, thilɛ Kuoth mi dɔ̱ŋ ɛ ni ɣän.

I-ca-yaa 50:4

Ci Kuoth Nhial ɣä ka̱m lɛp ŋi̱i̱cä nath, kɛ ɣöö dëë riet in dëë ram mi cuc jak kä bum ŋa̱c. La ɣä a keerɛ kɛ runwaŋ, la ɣä a jak kä liɛŋä ruac ce̱tnikɛ ram mi ŋi̱eeckɛ.

Bok Go̱kä ni Yir-mɛ-yaa 21:12

Lö dhɔr Dee-bid! Ci Kuoth Nhial wee i̱, ‘La̱tdɛ cuŋ ni ciaŋ kɛ runwaŋ, kä lua̱kɛ ram in ciaŋkɛ a jiäk lua̱kɛ ram in ca mac, kiɛ bi kɛ̈cdä ben pɛ̈t ce̱tkɛ mac, a bɛ thil ram mi dee jɛ yieny, kɛ kui̱ dueeri tin lätdi.’ ”

Bok Go̱kä ni Yir-mɛ-yaa 3:3

Kɛ kui̱c ɛmɔ cɛ thil nhiaal, kä /ken nhiaal ruëël dɛ̈m. Kä curi ŋot kapi ni wi̱cdu nhial ce̱tkɛ ler, curi jɛ lo̱k ɛn ɣöö bi pöc.

Bok Go̱kä ni Yir-mɛ-yaa 6:15

Kä lɛ kɛn lɛ pöc kɛ ciaŋdiɛn ɛ jiääk ɛmɔ? Eey, /ci kɛ dee met pöc, kuec kɛ ɣöö dee waŋdiɛn wee rɛp. Kɛ kui̱c ɛmɔ bi kɛ pën ce̱tnikɛ nɛy tin kɔ̱kiɛn, bɛ cua̱ guutdiɛn mi wa̱a̱kɛ wä duäc,” ruac ni ɣän Kuoth Nhial.

Bok Go̱kä ni Yir-mɛ-yaa 8:12

Kä lɛ kɛn lɛ pöc kɛ ciaŋdiɛn ɛ jiääk ɛmɔ? Eey, /cikɛ dee met pöc kuec kɛ ɣöö dee waŋdiɛn wee rɛp. Kɛ kui̱ ɛmɔ, bikɛ pën ce̱tnikɛ nɛy tin kɔ̱kiɛn, bɛ cua̱ guutdiɛn mi wa̱a̱kɛ wä duäc, ruac ni ɣän Kuoth Nhial.

Jiɛth 3:23

La tekɛ thi̱n ni ciaŋ kɛ runwaŋ, kɛ ɣöö di̱t gɔɔydɛ ɛlɔ̱ŋ.

Yɛdh 18:25

“Kä ŋotdɛ ruac yɛn i̱, ‘Min lät Kuäär ni Kuoth ɛ /ciɛ cuɔ̱ɔ̱ŋ.’ Liɛŋɛ jɛ lö thok duëël I-thɛ-rɛl. /Cikɛ lätkun kɛn tin /ci tɔ̱ a thuɔ̱ɔ̱k tɔ̱?

Yɛdh 48:35

Kä ɛn wec ni kɛɛliw bɛ a jua̱th tetni ti bathdɔɔri wäl wi̱cdɛ bädäk. Kä bi ciötdɛ ɛn wec niɛn guäth ɛmɔ a wee wä a ɣöö, Kuoth Nhial a wa̱nɔ.

Ɣocä 14:9

A dee nɛy tin ŋa̱ckɛ ŋɔak ti̱ti̱ mal liŋ, ti ca gɔ̱r wa̱nɛ mɔ ti, a dee kɛn kɛ cu käp kɛ lo̱ckiɛn. Kɛ ɣöö dup Kuɔth Nhial cuŋkɛ, kä nɛy tin ŋa̱th kɛ jɛ jälkɛ thi̱n. Kä nɛy tin ji̱ dueeri kɔ̱th kɛ kɔ̱a̱a̱th ikä, a teth kɛ.

Ɣocä 6:5

Kɛ kui̱c ɛmɔ cä kɛ ŋuɔ̱k ni dhoon kɛ göökä. Kä kɛ lɛpdä cä kɛ näk. Ci lukdä cu lät ce̱tnikɛ bo̱l maac rɛydun.

Mikaa 3:11

Kä lat bööthkɛ luk kɛ kök, kä ŋi̱i̱c bööth palädɛ naath kɛ kök, kä lat göökɛ nyuuthni kɛ yio̱w, kä lat kɛnɛ i̱, “Te Kuoth Nhial kɛɛl kɛ kɛ, thilɛ riɛk mi bi ben kä nɛy.”

Mikaa 7:9

Ɣän bä ŋɛ̈ɛ̈ny Kuɔth Nhial rut, kɛ ɣöö cä jɛ lät kä duer, amäni mi cɛ ɣä gaŋ rɛy luɔ̱k kä cɛ ɣä ka̱m cuɔ̱ɔ̱ŋdä. Bɛ ɣä cu nööŋ rɛy buɔyä, kä bä cuŋkɛ ku nɛn.

Bok Go̱kä ni Ɣä-bɛ̈-kuk 1:3

Ɛŋu jak i̱ ɣä kä guɛcä jiäk kɛnɛ dueer ɔ? Kä te da̱k kɛnɛ ko̱r ni nhiamdä. Kä te ko̱o̱ri kɛnɛ gak gaakni gua̱th ni diaal.

Dhɛp 2:1

Matdɛ rɔ̱ guäth kɛl lö do̱r mi thil pöc,

Dhɛp 3:13

Kä duɔth ji̱ I-thɛ-rɛl tin tëk, /cikɛ bi lɛ duer. Kä /ca kac bi lat, kä /ca mi la kaŋ bi lat. Bikɛ mi̱th kä bikɛ tɔ̱ɔ̱c, kä thilɛ mi bikɛ jak kä dual.”

Dhɛp 3:15

Ci Kuoth Nhial lukdu päl, kä cɛ ji̱ tɛ̈ru luɔc jɔk kä ji̱. Te Kuoth Nhial ni Kuäär I-thɛ-rɛl kɛɛl kɛ ji̱. /Cu lɛ dual kɛ riɛk.

Dhɛp 3:17

Te Kuoth Nhial ni Kuoth I-thɛ-rɛl kɛɛl kɛ ji̱, ɛ wääth köör la ŋunɛ juc nath. Kä bi lɔcdɛ tɛɛth rɛydun kä kɛ nhökdɛ bɛ yɛ moc tëk mi pay tuɔɔk. Kä bɛ yɛ puany kɛ jɔw mi di̱i̱t kɛ dit.

Dhɛk 2:5

Kä ɣän puɔ̱nydä ba̱a̱ päny maac mi wil jɛ, kä ba̱a̱ gɔɔydiɛn rɛydɛ,’ ruac ni ɣän Kuoth Nhial.”

Dhɛk 9:9

A lɔcdu tɛth, lö nya Dha-yɔn! Kä a rɔal ni ji̱n, lö nya Jɛ-ru-tha-lɛm! Nɛnɛ, kuääru a bëë kä ji̱ ni. Jɛn ɛ cuɔ̱ŋ kä cɛ naath joc, jɛn muɔ̱lɛ kä cɛ kɔt kɛ muul, tëë jɔɔk ruath muɔ̱l.

Luk 12:2

Thilɛ mi ca kum, mi /ca bi lɛp, kä thilɛ mi ca tɛ̱̈ɛ̱̈, mi /ca bi ŋa̱c.

Ji̱ Röm 2:5

Kä kɛ buɔ̱m wecdu, kä ɛnɔ jaki ni duäcdu kä bɛ di̱t ɛlɔ̱ŋ kɛ cäŋ luɔ̱k, in bi jɔɔc kɛ cäŋ gaak luɔ̱k Kuɔth in cuŋ.

Ji̱ Röm 3:26

Kä tho̱pɛ jɛ kɛ ɣöö ba nyoth ɛn täämɛ i̱ te ni jɛn kɛ cuɔ̱ɔ̱ŋ, kä mocɛ ram in tekɛ ŋa̱th kɛ Yecu kɛ cuɔ̱ɔ̱ŋ.

1 Kor 4:5

Kɛ kui̱ ɛmɔ, /cu luk ŋok mi /ken gua̱a̱thdɛ ni ben. Li̱epɛ amäni mi ci Kuäär ni Yecu ben. Jɛn bɛ ŋɔaani tin ca tɛ̱̈ɛ̱̈ täämɛ rɛy muɔ̱th nööŋ rɛy buɔyä, kä bɛ cär lo̱cni jakä jɔc. Kä bi ram ɔ liakdɛ jek kä Kuoth.

Ŋuɔ̱t 23:14

Kɛ ɣöö jäl Kuoth Nhial Kuothdun rɛydun, kɛ ɣöö bɛ yɛ luäk kä bɛ ji̱ tɛ̈run joc nhiamdun, kɛ kui̱ ɛmɔ jakɛ wecdun kä gɔaa ala mi rɛl rɔ. Mi cɛ mi jiääk jek rɛydun derɛ rɔ gik rit.”

Ŋuɔ̱t 32:4

“Ɛn Kuoth, latdɛ cuŋ. Kɛ ɣöö dupkɛ diaal cuŋkɛ. Ɛ Kuoth mi gɔaa mi thil duer, ɛ cuɔ̱ŋ ni kä rɔ.

1 Pit 1:17

Kä mi cɔl yɛn ɛ ala Guurun, ɛn ram in luk nɛy diaal a päär kɛ pek lätnikiɛn pa̱ny, ciaŋɛ rɔ kɛ dual kɛ gua̱a̱th ɛ lapɛ rööl wi̱i̱ muɔ̱ɔ̱n ɛ.