Dhɛp 3:4 - RUAC KUƆTH IN RƐL RƆ

⁴ Kä göökɛ thilɛ kɛ ŋa̱th. Kä ci bööth palädɛ min rɛl gɔɔydɛ rɔ yia̱r, kä ca ŋuɔ̱t jak kä nyin köör.

Dhɛp 3:4 Iomraidhean Croise

I-ca-yaa 9:15

kɛ ɣöö wi̱c ɛ bööth kɛnɛ nɛy tin luɔ̱th kɛ, kä juäl ɛ go̱o̱k tin ŋi̱eeckɛ ka̱a̱cni.

Bok Go̱kä ni Yir-mɛ-yaa 23:32

Kä ɣän gakä kɛ nɛy tin latkɛ ruac go̱o̱kä kɛnɛ la̱a̱k kacä, lät kɛn nikɛ ka̱a̱cni, kä buathkɛ nɛɛkä raar kɛ ka̱a̱cnikiɛn kɛnɛ nyɔɔpdiɛn, kä /ka̱n kɛ ja̱k kä /ka̱n kɛ kuany. Kä thilɛ luɔt mi ci nɛy ti̱ti̱ jɛ jëk thi̱n, ruac ni ɣän Kuoth Nhial.”

Bok Go̱kä ni Yir-mɛ-yaa 34:19

Ɣän bä kua̱r Juda, kɛ kua̱r Jɛ-ru-tha-lɛm, kɛ jio̱wni, kɛ bööth palä kɛ nɛy diaal tëë ci ja̱l kɛ kam ŋuɔɔkni ruaath,

Bok Go̱kä ni Yir-mɛ-yaa 5:31

Cu go̱o̱k lat ni ruaacni ka̱a̱cni, kä cu bööth palä ruac kɛ ca̱riɛn, cu nɛɛkä nhɔk ni jɛn duɔ̱ɔ̱p ɛmɔ, kä bi ku lɛ la̱t ni ŋu mi wä guut wä ben?

Bok Go̱kä ni Yir-mɛ-yaa 8:10

Kɛ kui̱c ɛmɔ, bä mänkiɛn ka̱m nɛy ti kɔ̱kiɛn, kä ba ka̱a̱kiɛn ka̱n bä, kɛ ɣöö ni kä ram in tɔt wä amäni ram in di̱i̱t kä kɛ, di̱t lo̱ckiɛn kɛ mi ba jek kɛ duɔ̱ɔ̱p dui̱rä, amäni go̱o̱k kɛnɛ bööth palä cukɛ la̱t ni ka̱a̱cni.

Jiɛth 2:14

Nën göökniku ɛ kac thilɛ jɛ luɔt, /ka̱n dueerku lat raar tin jakɛ ji̱ kä pɛ̈c. Ca la̱t ni ji̱ nyuuthni kacä tin kua ji̱ lɛ bath.

Yɛdh 22:26

Kä ci bööth palädɛ ŋuɔ̱tkä töl kä cikɛ ŋɔakä tin rɛ̈lkɛ rɔ̱ ya̱r. Kä thilɛ kɛ dääk kamä kä tin rɛl gɔɔydiɛn rɔ̱ kɛnɛ tin kɔ̱ŋ. Kä /kenkɛ dääk kä mi jiääk kɛnɛ mi gɔaa nyoth. Kä /kenkɛ ca̱ŋ lɔ̱ŋnikä tit, inɔ, ci kɛn ɣä jakä mi thil luɔt rɛydiɛn.

Yɛdh 22:6

“Ɛ ci ruëëc I-thɛ-rɛl tin te rɛydu, ci ram ɔ la̱t ni buɔ̱mdɛ cikɛ rɔ̱ mat ni näk nath.

Yɛdh 44:23

Bikɛ nɛɛkä ŋi̱eec kɛ dääk kä min rɛl gɔɔydɛ rɔ kɛnɛ min la duɔ̱ɔ̱r baaŋ. Kä bikɛn kɛ nyuɔ̱th dääk kä mi jiääk kɛnɛ mi gɔaa.

Ɣocä 9:7

Ci gua̱a̱th kɛ kui̱ duäcä cop, gua̱a̱th in bi ram ɔ min ro̱ŋ kɛ jɛ jek. Mi wee tuɔɔk ɛn nɔmɔ, bi I-thɛ-rɛl ɛ ŋa̱c! Kä bikɛ wee i̱, “Gök ɛmɛ ɛ dɔ̱a̱r, kä ɛn ramɛ tekɛ yiëë ɛ yɔŋ.” Kɛ ɣöö ŋuan dueerkun kɛnɛ nyi̱er di̱tdun.

Mikaa 2:11

Kä mi ci gua̱n kacä kɛnɛ ram kaaŋ naath ben, kä ba yɛ jiök i̱, “Ɣän bä ruac kɛ ɣöö bi tekɛ kɔaŋ mi di̱i̱t,” jɛn ba gök nɛɛni ti̱ti̱!

Mikaa 3:11

Kä lat bööthkɛ luk kɛ kök, kä ŋi̱i̱c bööth palädɛ naath kɛ kök, kä lat göökɛ nyuuthni kɛ yio̱w, kä lat kɛnɛ i̱, “Te Kuoth Nhial kɛɛl kɛ kɛ, thilɛ riɛk mi bi ben kä nɛy.”

Mɛ̈l 1:6

Kä cu Kuoth Nhial in la Ruey Ɣɔaa in leny buɔ̱mdɛ ti diaal bööth palä jiök i̱, “La gat gua̱n a luth, kä la läät kuäärɛ a luth. Kä mi ɛ ɣän gua̱n nath luthdä kula nikä? Kä mi ɛ ɣän kuäär, luthdä kula nikä? Cia ciötdä yia̱r, kä laar yɛnɛ i̱, ‘Cakɔ ciötdu yia̱r i̱di?’

Mɛ̈l 2:7

Kä dee bo̱o̱th palä lat ni ŋäc, kä dee naath ruac thiec kä jɛ, kɛ ɣöö ɛ jääk Kuɔth Nhial in la Ruey Ɣɔaa.

Mɛ̈l 2:8

Kä cia päl ni duɔ̱p, kä cia nɛy ti ŋuan jak kä la̱tkɛ dueer kɛ ruacdun. /Cia mat ruac kɛ Lii-bay yia̱r, ruac ni ɣän Kuoth Nhial in la Ruey Ɣɔaa.

Mɛ̈t 7:15

“Niɛkɛ rɔ̱ kɛ göök ti guäy, tin bëë kä yɛ a ca rɔ̱ moc kɛ tuac rɔɔmä, kä ce̱t rɛydiɛn kɛ jio̱o̱k nyapëc ti näk buɔth kɛ.

2 Kor 11:13

Kɛ ɣöö kɛn nɛy tɔ̱ ji̱ liakä tɔ̱tɔ̱ kɛ jaak ti guäy, ti la̱a̱t mɛɛtdä, jakɛ rɔ̱ kä ce̱tkɛ jaak Kritho.

1 Jɔ̱ɔ̱n 4:1

Nhöökä, /cuarɛ yiey diaal ŋäth. Ɣɔ̱a̱nɛ yiey kɛ ɣöö bia nɛn mi kɛ yiey ti bä kä Kuoth, kɛ ɣöö ci göök kacä ti ŋuan däk wi̱i̱ muɔ̱ɔ̱n.

Nyuuth 19:20

Kä cua ley käp kɛɛl kɛ gök mi gua̱n kacä min ci nyuuthni la̱t nhiamdɛ, tin mɛ̈tkɛ nɛy tin ca biɛl lɛ̱̈ɛ̱̈ jek kɛnɛ nɛy tin palkɛ cätdɛ. Kɛn rɛw ti̱ti̱ cua kɛ yuɔr yier maac mi waŋ kɛ wäl mi kɛc ŋuänydɛ a tëkɛ.

Ruëëc 9:4

Kä cukɛ jɛ moc kɛ yio̱w ti jiɛn bärɔw duëël kuɔth Baal-bɛ-rith tin cu Ä-bi-mɛ-lɛk kɛ ben kɔk ni nɛy tin thil luɔt kä /ci riɛk ala ji̱ kɔaarɛ.

1 Tham 2:22

Kä täämɛ Eli cɛ dɔŋ, kä cɛ tin diaal tin lät gaatkɛ kɛ kä ji̱ I-thɛ-rɛl diaal liŋ, ɛn ɣöö la kɛn a tɔ̱ɔ̱c kɛ män tin la̱a̱t thok kɛmɛkä ro̱mä kɛ Kuoth Nhial.