Dhɛp 3:2 - RUAC KUƆTH IN RƐL RƆ

² Kä thilɛ ram mi luthɛ, kä lökɛ ɣöö nyuɔ̱thkɛ jɛ duɔ̱ɔ̱r. Kä /cɛ Kuoth Nhial ŋäth, kä /cɛ rɔ thieek kɛ Kuothdɛ.

Dhɛp 3:2 Iomraidhean Croise

Nɛ-ɣɛm-yaa 9:26

“Duundɛ ɣöö cukɛ thil luth cua riet ni rɔ̱ ji̱, cua yuɔr ni ŋuɔ̱tku jɔkdiɛn kä na̱kɛ gööku tëë luëkɛ kɛ, kɛ ɣöö deekɛ luny kä ji̱, cua la̱t ni dueer ti di̱t.

Diit 10:4

Kä ji̱ dueeri la liakɛ ni rɔ̱, kä lökɛ Kuoth. Cärkiɛn diaal la latkɛ ni ɣöö thil ɣɔw Kuoth.

Diit 50:17

Kä yɛn lo̱ki ŋi̱i̱cdä, ɛ yor yɛn ni rieetkä jɔkdu.

Diit 73:28

Duundɛ ɣöö kɛ ɣä gɔaaɛ ɛn ɣöö thie̱e̱kä kɛ Kuoth, kä cä Kuäär ni Kuoth jak kä gääŋdä, kä bä lätkɛ diaal lat.

Diit 78:22

kɛ ɣöö thilɛ kɛ ŋa̱th kɛ Kuoth, kä /ca buɔ̱m känädɛ ŋäth.

Ruac Pɛli 1:7

Kä luth Kuɔth Nhial, ɛ jɛn tuk pɛlä. Kä dɔa̱a̱r kueckɛ pɛl kɛnɛ cieŋ yupä.

Ruac Pɛli 5:12

Kä bi wee i̱, “Ɛŋu mi lökä luek, kä ɛŋu /ka̱n com nhɔk ɔ!

I-ca-yaa 1:5

Ɛŋu go̱o̱ri duäc mi dɔ̱ŋ ɔ? Ɛŋu ciɛŋi ni kac raar ɔ? Kä wi̱cdu cɛ thia̱a̱ŋ kɛ buɔ̱ɔ̱t kɛɛliw, kä bɛc lɔcdu kɛɛliw.

I-ca-yaa 29:13

Cu Kuoth Nhial wee i̱, “Nɛy ɛ ti thia̱kɛ kɛ ɣä kɛ thukiɛn, kä luɔ̱thkɛ ɣä kɛ lëëpkiɛn, kä nɔ̱a̱n lo̱ckiɛn ɛlɔ̱ŋ kɛ ɣä, kä paliɛn kɛ ɣä ɛ nyuuth nath ti ŋi̱eeckɛ kɛ kɛɛt,

I-ca-yaa 31:1

Riɛk akɛ nɛy tin wa luäk go̱r kä I-jëp, nɛy tin ŋa̱thkɛ ni jiöŋkööri, nɛy tin ŋa̱thkɛ ni thurbiɛɛli kɛ ɣöö ŋuankɛ, kä ŋa̱thkɛ ni ji̱ jiöŋkööri kɛ ɣöö bumkɛ, tin /ca guic ni Kuoth I-thɛ-rɛl in rɛl gɔɔydɛ rɔ, kä /ca luäk go̱r kä Kuoth Nhial!

I-ca-yaa 43:22

Cu Kuoth Nhial wee i̱, “Yɛn ji̱ Je-kɔb /ka̱nɛ ɣä cɔl, kä ci yɛn ŋɔa̱a̱ŋ kɛ ɣä lö ji̱ I-thɛ-rɛl!

I-ca-yaa 9:12

Ji̱ Thi-ri-ya kui̱ känyä ca̱ŋ, kɛ ji̱ Pi-li-thɛt kui̱ konyä ca̱ŋ, duɔ̱pkɛ I-thɛ-rɛl kɛ rɛmkiɛn. Kɛ kui̱ kä ti̱ti̱ ŋot gak Kuɔth /kenɛ ni thuɔ̱k, ŋotdɛ duääcɛ naath kɛ buɔ̱mdɛ.

Bok Go̱kä ni Yir-mɛ-yaa 13:25

Nɛmɛ ɛ baŋdu ɛ kui̱du min cä thëm ji̱, kɛ ɣöö ci ɣä pa̱l ruëëc kä ci wä ŋäth ni ka̱a̱cni.

Bok Go̱kä ni Yir-mɛ-yaa 2:30

Ɣän cä gaatkun näk, kä thilɛ mi cɛ lot kä yɛ, kä cuarɛ göökun näk nikɛ thɛpnikun ce̱tnikɛ lony mi näk buɔthɛ.

Bok Go̱kä ni Yir-mɛ-yaa 22:21

Kä ɣän cua̱ ji̱ luek mëë ŋotdi kɛ gɔɔy, kä curi wee i̱, ‘/Cä jɛ bi liŋ.’ Ɛ jɛn ta̱a̱du ni mëë ɛ ji̱n ŋuɛ̈t, /ci ruacdä liŋ.

Bok Go̱kä ni Yir-mɛ-yaa 32:33

Kä cikɛ ɣä riet ni jɔkdiɛn a /ci mɔ nhiamdiɛn, cäŋ ŋi̱eecä kɛ ni ciaŋ bä, lo̱k ɛn ɣöö bikɛ jɛ liŋ.

Bok Go̱kä ni Yir-mɛ-yaa 35:13

ɛ Kuoth Nhial in la Ruey Ɣɔaa ni Kuoth I-thɛ-rɛl i̱, “Wër jio̱kni ji̱ Juda kɛnɛ nɛy tin cieŋ kä Jɛ-ru-tha-lɛm i̱, ‘/Ci yɛn ruacdä bi ku liŋ?’

Bok Go̱kä ni Yir-mɛ-yaa 35:17

Kä inɔ cu ɣän Kuoth Nhial in la Ruey Ɣɔaa, ni Kuoth I-thɛ-rɛl ruac ɛn ɣöö, bä ji̱ Juda kɛnɛ ji̱ Jɛ-ru-tha-lɛm nöŋ jiäk diaal tin cä lat kɛ kui̱diɛn. Kɛ ɣöö cä ruac kɛ kɛ, kä /ken kɛ ɣä liŋ. Cä kɛ cɔl kä /ken kɛ ɣä loc.”

Bok Go̱kä ni Yir-mɛ-yaa 5:3

Kä lö Kuoth Nhial, a /ci waŋdu ku guic ni thuɔ̱k? Cikɛ näk, kä /ka̱n bɛ̈cdɛ jek, cikɛ thum, kä cikɛ luek lo̱k. Cukɛ jak ni wi̱cdiɛn kä bum ce̱tnikɛ päm, cukɛ riet kɛ rɔ̱ lo̱k.

Yɛdh 22:24

“Gat ran, lätni jɛ Jɛ-ru-tha-lɛm ɛn ɣöö ɛ wec mi ca lɔth, kä thilɛ nhiaal kɛ pek ni̱n i̱ gaak.

Yɛdh 24:13

Kä ŋotdɛ, mëë cä ɣɔ̱n i̱ lakä ji̱, kä leeru, ji̱n /keni rɔ luäŋ kɛ la̱k leerädu. Ji̱n /ci rɔɔdu bi nyɔk kɛ gɔɔy, amäni mi cä ŋɛ̈ɛ̈nydä jakä thuk kä ji̱.’

Dhɛp 1:6

Kɛ nɛy tin ci rɔ̱ ri̱et jɔk kɔɔrä, kɛ nɛy tin /ci bä kä ɣä, kä /ca ɣä thiec.”

2 Tim 3:16

Ruac Kuɔth kɛɛliw ŋunɛ Kuoth, kä gɔaaɛ kɛ kui̱ ŋi̱i̱cä, kɛnɛ kui̱ luekä kä mi jiääk, kɛ kui̱ nyuuthä dui̱rä, kɛnɛ kui̱ ŋi̱i̱cä ciɛŋä cuŋni,

Ji̱ Ɣi-bɛ-ru 10:22

Kɛ kui̱ ti̱ecnɛ rɔ̱ thiäkä kɛ lo̱c ti thuɔ̱ɔ̱k, kɛnɛ ŋa̱th mi ro̱ŋ, kɛ lo̱ckɔn ti ca jakä puɔth kä mi jiääk, kɛnɛ pua̱nykɔn ti ca lak kɛ pi̱ ti wi̱er wi̱eer.