Dhɛp 3:18 - RUAC KUƆTH IN RƐL RƆ

¹⁸ Kä kɛ cäŋ ŋarä, ɣän bä da̱k woc rɛydun, kɛ ɣöö /cia riɛkdɛ bilɛ jek.

Dhɛp 3:18 Iomraidhean Croise

Diit 43:3

Jäk ni ɣä kä buaydu kɛnɛ thuɔ̱kdu, akɛ ba ɣä ben bo̱th, akɛ naŋkɛ ɣä guäth cieŋädu wi̱i̱ pa̱a̱mdu min rɛl rɔ.

Diit 79:4

La cua̱ dɔalkɛ ni kɔ ɛ ji̱ thieekäda, lɛ̈ŋkɛ kɔ kä dɔalkɛ kɔ.

Bok Go̱kä ni Yir-mɛ-yaa 23:3

Ɣän bä duɔth deetkä ma̱a̱t rɛy wi̱i̱ni diaal tin cäkɛ riaw kä thi̱n, bä kɛ luɔ̱c guäth lo̱kdiɛn, kä bikɛ rɔ kuay ɛlɔ̱ŋ.

Jiɛth 1:4

Kä duɔ̱p Dha-yɔn pärkɛ, kɛ ɣöö thilɛ nɛy ti bëë palä kɛ cäŋ lɔ̱ŋä. Kä thuk rɛ̈knikɛ diaal tekɛ lɔrä, ku bööth palädɛ lɛ ruac ca̱a̱r. Kä ci nyieekɛ lɔcdiɛn jiath, kä jɛn puɔ̱nydɛ cɛ cuuc ɛlɔ̱ŋ.

Jiɛth 1:7

Kä cu Jɛ-ru-tha-lɛm nyinkɛ, diaal tëë wal tim kɛ ni̱n rikädɛ kɛnɛ ni̱n cucädɛ, mëë ci nɛɛkɛ pɛn tetni ji̱ tɛ̈rɛ, kä thilɛ ram mi luäk jɛ. Kä cua jɛ dɔl ɛ ji̱ tɛ̈rɛ, kɛ kui̱ däkädɛ.

Yɛdh 34:13

Ɣän bäkɛ ma̱a̱t rɛy dööri kä bä kɛ ruɔ̱ɔ̱l rɛy wi̱i̱ni, kä bäkɛ nööŋ muundiɛn pa̱ny. Kä bäkɛ wä mi̱eeth ni wuɔ̱thni päämni I-thɛ-rɛl, gekä pi̱i̱ni gua̱th ni diaal tin la ciaŋkɛ.

Yɛdh 36:24

Ɣän bä yɛ nööŋ raar rɛy dööri diaal kä bä yɛ ruɔ̱ɔ̱l rɛy wi̱i̱ni diaal, kä bä yɛ nööŋ ni rɛy wecdun pa̱ny.

Yɛdh 9:4

Kä cuɛ jɛ jiök i̱, “Wër, jäl rɛy wec Jɛ-ru-tha-lɛm, wër moc nhiam nɛɛni tin jiɛth lo̱ckiɛn kä pär kɛ kui̱ jiäkni diaal tin la̱tkɛ kä Jɛ-ru-tha-lɛm kɛ biɛl.”

Ɣocä 1:11

Kä bi ji̱ I-thɛ-rɛl mat kɛnɛ ji̱ Juda ala kɛl, kä bikɛ rɔ̱ cu kueny bööth kɛl. Kä bikɛ buɔ̱m wi̱i̱ muɔ̱ɔ̱n, kɛ ɣöö gɔaa cäŋ Yidh-rɛɛl.

Ɣocä 9:5

Kä ɛŋu ɛnɔ bia la̱t ɔ kɛ cäŋ ŋarä min ca mɛk, cäŋ ŋarä Kuɔth Nhial?

Dhɛp 3:20

Ɛn cäŋ ɛmɔ bä yɛ nööŋ cieŋ, cäŋ in bä yɛ mat kɛɛl. Ɣän bä yɛ ka̱m liak kɛnɛ luth rɛy nɛɛni diaal wi̱i̱ muɔ̱ɔ̱n, mi wa̱a̱ yɛ wä luɔ̱c baŋkun,” ruac ni ɣän Kuoth Nhial.