Dhɛp 3:15 - RUAC KUƆTH IN RƐL RƆ

¹⁵ Ci Kuoth Nhial lukdu päl, kä cɛ ji̱ tɛ̈ru luɔc jɔk kä ji̱. Te Kuoth Nhial ni Kuäär I-thɛ-rɛl kɛɛl kɛ ji̱. /Cu lɛ dual kɛ riɛk.

Dhɛp 3:15 Iomraidhean Croise

Tuk Cäkä Ɣɔaa 30:23

kä cuɛ ruët kä cuɛ dap kɛ gatdɛ. Cuɛ ku wee i̱, “Ci Kuoth buarä woc.”

Diit 149:2

Kä ɛ I-thɛ-rɛl lɔcdɛ tɛth kɛ Cääkdɛ, kä ɛ gaat Dha-yɔn lo̱ckiɛn tɛth kɛ Kuääriɛn.

Diit 19:9

Luth Kuɔth Nhial gɔaaɛ ɛlɔ̱ŋ, kä bɛ te thi̱n amäni cäŋ kɛl. Kä luɔ̱ɔ̱k Kuɔth Nhial kɛ cuŋ, kä kɛn diaal kɛ thuɔ̱ɔ̱k.

Diit 85:3

Kä ci ŋɛ̈ɛ̈nydu päl kɛɛliw, kä ci lëth gaakdu wä piny.

I-ca-yaa 12:6

Rɔalɛ kɛ̈tdɛ diit tɛthkä lɔaac lö yɛn ji̱ Dha-yɔn, kɛ ɣöö te Kɛl I-thɛ-rɛl in Rɛl Gɔɔydɛ rɔ rɛydun.”

I-ca-yaa 25:8

Bi Kuäär ni Kuoth mer cu poc wäŋni diaal, kä bɛ buar nɛɛnikɛ cu woc, wi̱i̱ muɔ̱ɔ̱n kɛɛliw. Ruac ni ɣän Kuoth Nhial.

I-ca-yaa 33:22

Kɛ ɣöö Kuoth Nhial ɛ luukda, Kuoth Nhial ɛ rueecda, ɛn Kuoth Nhial ɛ kuäär, jɛn bɛ kɔ kän.

I-ca-yaa 35:10

Kä bi nɛɛ Kuɔth Nhial tin cɛ luɛl luny jɔk, bikɛ ben kä Dha-yɔn ɛ kɛ̈tkɛ diit, bikɛ tekɛ tɛ̈th lɔaac mi thil pek, bikɛ tekɛ tɛ̈th lɔaac kɛnɛ gɔɔy lɔaac, bi jiath lɔaac kɛnɛ lul rɔ̱ bar kä kɛ.

I-ca-yaa 51:22

Nɛmɛ ɛ min ci Kuäär ni Kuoth ɛ lar, ɛn Kuothdu min la gaŋ nɛɛkɛ wëë i̱, “Nɛnɛ ɣän cä liɛɛr kɔŋä min ci ji̱ jak kä yɔ̱ŋ woc tetkädu, cä jɛ woc ɛn tuɔ̱k gaakdä /ci jɛ bi nyɔk kɛ ma̱th.

I-ca-yaa 52:9

Kɛ̈tdɛ diit tɛthkä lɔaac kɛɛl, lö yɛn da̱k Jɛ-ru-tha-lɛm, kɛ ɣöö ci Kuoth Nhial nɛɛkɛ bum, cɛ Jɛ-ru-tha-lɛm luɛl.

I-ca-yaa 54:14

Kä ba ji̱ yiath piny rɛy cuŋni, kä bi ciaaŋ jiääk na̱n kɛ ji̱, kɛ ɣöö thilɛ mi bi dual kɛ jɛ, bi dual nɔ̱a̱n kɛ ji̱ ɛlɔ̱ŋ, kɛ ɣöö /cɛ bi ben thiekädu.

I-ca-yaa 60:18

/Ca ko̱r bi nyɔk kɛ li̱eŋ muundu, kä thilɛ da̱k kiɛ rik ti bi tuɔɔk këthniku, bi pa̱nyniku cɔli Ka̱n, kä bi thiekniku cɔli Liak.

I-ca-yaa 65:19

Bi lɔcdä tɛɛth kɛ Jɛ-ru-tha-lɛm, kä bi lɔcdä gɔaa kɛ nɛɛkä, /ca wiee bi nyɔk kɛ li̱eŋ thi̱n, kä /ca jɔw jiɛthkä lɔaac bi nyɔk kɛ li̱eŋ thi̱n.

Bok Go̱kä ni Yir-mɛ-yaa 8:19

Liŋ lul nɛɛni ti̱ti̱ wieekɛ ni muun mi na̱n ɛlɔ̱ŋ wä kɛ i̱, “A /ci Kuoth ku te kä Dha-yɔn? A /ci kuäärɛ ku te rɛydɛ?” Kä cu Kuoth kulɛ wee i̱, “Ɛŋu jak kɛn ɣä kä gak ɔ kɛ kui̱ kuthni jiɛnkiɛn?”

Yɛdh 35:10

“Kä kɛ ɣöö ci jɛ lar i̱, ‘Kɛn döör da̱ŋ rɛw ti̱ti̱ kɛnɛ wi̱i̱ da̱ŋ rɛw ti̱ti̱ bikɛ la nyinkɔ, kä bi nɛy kɛ cu ka̱n ala nyinkɔ,’ a cäŋɛ mëë te Kuoth Nhial ɛn wani.

Yɛdh 36:15

Kä /cä ji̱ bi nyɔk kɛ jakä ɣöö liŋi kuethni dööri, kä /ci buar dööri bi nyɔk kɛ ruɔ̱t. Kä /ci do̱ru bilɛ jakä tɛth, ruac ni ɣän Kuäär ni Kuoth Nhial.”

Yɛdh 39:29

Kä /cä waŋdä bi nyɔk kɛ tëë kɛ kɛ, mi wa̱a̱ yiëëdä wä ka̱m ji̱ thuɔk duëël I-thɛ-rɛl, ruac ni ɣän Kuäär ni Kuoth Nhial.”

Yɛdh 48:35

Kä ɛn wec ni kɛɛliw bɛ a jua̱th tetni ti bathdɔɔri wäl wi̱cdɛ bädäk. Kä bi ciötdɛ ɛn wec niɛn guäth ɛmɔ a wee wä a ɣöö, Kuoth Nhial a wa̱nɔ.

Yo-el 3:17

“Kä bia cu ŋa̱c, ɛn ɣöö ɛ jɛn ɣän Kuoth Nhial Kuothdun, in cieŋ kä Dha-yɔn, wi̱i̱ päämdä in rɛl gɔɔydɛ rɔ. Kä bi Jɛ-ru-tha-lɛm a wec mi rɛl rɔ, mi /ca bi lɛ me̱t ka̱n ɛ nɛy kɔ̱kiɛn.

A-mɔth 9:15

Kä bä nɛɛkä cu la̱th muun ëë cä ka̱m kɛ, kä /ca kɛ bi lɛ nyɔk kɛ pëc thi̱n,” ruac ni Kuoth Nhial ni Kuothdun.

Mikaa 7:10

Kä bi gua̱n tɛ̈rä jɛ cu nɛn, kä bɛ cu pöc ɛn ram in ci ɣä jiök i̱, “Kuoth Nhial Kuothdu a nikä?” Bä cu guic ala mi caanyä, kä bä cu dɔny kä piny ce̱tkɛ tuäk duɔ̱p.

Bok Go̱kä ni Ɣä-bɛ̈-kuk 2:17

Kä bi riɛk ëë ci lät kä ji̱ Lɛ-ba-nɔn ji̱ roc, kä bi da̱k ëë ci däk ni ley ji̱ jak kä dual, kɛ ɣöö ci nɛy ti ŋuan näk, kä ci wi̱c muɔ̱ɔ̱n däk kɛnɛ wi̱i̱, kɛ tin diaal tin cieŋ thi̱n.

Bok Go̱kä ni Ɣä-bɛ̈-kuk 2:8

Kä kɛ ɣöö ci döör ti ŋuan pɛc, bi nɛy tin ci duɔth ji̱ pɛc, kɛ ɣöö ci nɛy ti ŋuan näk, kä ci wi̱c muɔ̱ɔ̱n däk kɛnɛ wi̱i̱, kɛ tin diaal tin cieŋ thi̱n.

Dhɛp 3:17

Te Kuoth Nhial ni Kuoth I-thɛ-rɛl kɛɛl kɛ ji̱, ɛ wääth köör la ŋunɛ juc nath. Kä bi lɔcdɛ tɛɛth rɛydun kä kɛ nhökdɛ bɛ yɛ moc tëk mi pay tuɔɔk. Kä bɛ yɛ puany kɛ jɔw mi di̱i̱t kɛ dit.

Dhɛp 3:5

Kä Kuoth Nhial ɛ cuɔ̱ɔ̱ŋ rɛydɛ, /cɛ duer a lätdɛ. Kä kɛ runwaŋni diaal la latdɛ cuŋ, kä /kenɛ met pa̱k kɛ cäŋ kɛl. Kä ŋotdɛ kui̱c gua̱n dueeri pöc.

Dhɛk 12:3

Kä ɛn cäŋ ɛmɔ, mi wä döör wec muɔ̱ɔ̱n diaal rɔ mat kɛ makdɛ, ɣän bä Jɛ-ru-tha-lɛm cu jak kä ce̱tnikɛ päm mi thiɛk thiɛk kä döör diaal. Kä nɛy tɔ̱ bi wee kapkɛ jɛ nhialɔ, bikɛ rɔ moc buɔ̱ɔ̱t.

Dhɛk 14:11

Kä bi naath cu cieŋ thi̱n, kä ca bi lɛ nyɔk kɛ däk, kä ba cu ciɛŋ a thil dual.

Dhɛk 9:9

A lɔcdu tɛth, lö nya Dha-yɔn! Kä a rɔal ni ji̱n, lö nya Jɛ-ru-tha-lɛm! Nɛnɛ, kuääru a bëë kä ji̱ ni. Jɛn ɛ cuɔ̱ŋ kä cɛ naath joc, jɛn muɔ̱lɛ kä cɛ kɔt kɛ muul, tëë jɔɔk ruath muɔ̱l.

Jɔ̱ɔ̱n 1:49

Cu Na-than-el ɛ jiök i̱, “Ŋi̱i̱c, ɛ Ji̱n Gat Kuɔth! Kä ɛ ji̱n Kuäär I-thɛ-rɛl in di̱i̱t!”

Jɔ̱ɔ̱n 12:15

“/Cu dual, lö nya Dha-yɔn. Nɛ̈nɛ jɛ, kuääru a bëëni, kä ko̱tdɛ kɛ muul.”

Jɔ̱ɔ̱n 19:19

Kä cu Pay-lɛt ciöt gɔ̱a̱r puɔ̱ny jiaath, ca jɛ gɔ̱r i̱, “Yecu raan Na-dha-rɛth, Kuäär ji̱ Juudh.”

Jɔ̱ɔ̱n 5:30

“Thilɛ ŋu mi dëë la̱t kɛ lua̱ŋdä. Ɣän luɔ̱kä kɛ min cä liŋ, kä lukdä ɛ cuɔ̱ɔ̱ŋ, kɛ ɣöö /cä go̱r ni liakdä. Göörä ni ruac raam ëë jäk ɣä.

Nyuuth 12:10

Kä cua jɔw mi di̱i̱t liŋ nhial, wëë i̱, “Täämɛ ci ka̱n kɛnɛ buɔ̱m kɛ kuäär Kuɔthdan kɛ lua̱ŋ Mɛ-thiadɛ cop, kɛ ɣöö ca ram in gɔny dämanikɔn yuɔr piny, min gɔnykɛ kɛ cäŋ kɛnɛ wäär nhiam Kuɔthdan.

Nyuuth 18:20

A lɔcdu tɛth kɛ kui̱dɛ, lö nhial, yɛn nɛy tin ci Kuoth kɛ lɛy, kɛ ja̱a̱k kɛnɛ göök! Kɛ ɣöö ci Kuoth ɛ kuɛth kɛ kui̱ kä min cɛ lät kä yɛ.”

Nyuuth 19:16

Kä tëëkɛ ciöt mi ca gɔ̱a̱r puɔ̱ny bieydɛ, kɛnɛ ɣämdɛ i̱, “Kuäär kua̱ri kä Rueec ruëëcni.”

Nyuuth 7:15

Kɛ kui̱ ɛmɔ tekɛ nhiam kɔam kuäärä Kuɔth, kä palkɛ jɛ kɛ cäŋ kɛnɛ wäär rɛy luaak Kuɔth, kä bi ram in nyuur wi̱i̱ kɔam kuäärä kɛ gaŋ kɛ ta̱a̱dɛ kɛɛl kɛ kɛ.