Dhɛp 3:13 - RUAC KUƆTH IN RƐL RƆ

¹³ Kä duɔth ji̱ I-thɛ-rɛl tin tëk, /cikɛ bi lɛ duer. Kä /ca kac bi lat, kä /ca mi la kaŋ bi lat. Bikɛ mi̱th kä bikɛ tɔ̱ɔ̱c, kä thilɛ mi bikɛ jak kä dual.”

Dhɛp 3:13 Iomraidhean Croise

2 Kuɛ̈n 20:30

Kä cu Yɛ-ɣo-ca-pat ruëc kɛ mal, kɛ ɣöö ci Kuothdɛ jɛ ka̱m lɔ̱a̱ŋ kä ji̱ thieekädɛ.

I-yob 11:19

Bi tɔ̱ɔ̱c a thilɛ mi jak ji̱ kä dual, kä bi nɛy ti ŋuan luäk go̱r kä ji̱.

Diit 119:3

tin thilɛ dueer ti la̱tkɛ, tin guɔ̱ɔ̱rkɛ ni dupkɛ!

Diit 120:2

cua̱ wee i̱, “Kän ɣä lö Kuoth Nhial kä ji̱ ka̱a̱cni kɛnɛ ji̱ mɛɛtdä.”

Diit 120:3

Yɛn ji̱ ka̱a̱cni kuɛla ŋu mi bi Kuoth ɛ ka̱m yɛ? Kä ɛ tɔ̱ɔ̱ŋ mi ce̱tkɛ ŋu mi bi Kuoth ɛ lät kä ji̱ mɛɛtdä?

Diit 23:2

La ɣä a jakɛ kä tɔ̱ɔ̱c rɛy juaacni ti tɔ̱ɔ̱c. Cɛ ɣä bo̱th kut pi̱i̱ni ti cuŋ ɛ til,

I-ca-yaa 17:2

Ba ti̱ec Ä-ro-er ba̱ny piny, bɛ la gua̱a̱th tɔ̱ɔ̱cä deet, kä thilɛ ram mi bikɛ yiɛl.

I-ca-yaa 35:8

Kä bi duɔ̱p tin di̱t te thi̱n, kä bakɛ cɔli Duɔ̱p tin Gɔw, kä /ci nɛy tin jiäk bi ja̱l kɛ jɛ, /ci ji̱ dueeri bi rët kɛ jɛ. Bi ja̱l ni nɛɛ Kuɔth kɛ jɛ, kä /ci dɔ̱a̱a̱r bi ja̱l kɛ jɛ.

I-ca-yaa 54:14

Kä ba ji̱ yiath piny rɛy cuŋni, kä bi ciaaŋ jiääk na̱n kɛ ji̱, kɛ ɣöö thilɛ mi bi dual kɛ jɛ, bi dual nɔ̱a̱n kɛ ji̱ ɛlɔ̱ŋ, kɛ ɣöö /cɛ bi ben thiekädu.

I-ca-yaa 6:13

Mi ci nɛy da̱ŋ wäl duɔth muun, ba nyɔk nikɛ wa̱ŋ ɛn mun, bikɛ ce̱tnikɛ jiath ŋɔ̱a̱p mi ca jɔap piny.” Kä kɛn nɛy tɔ̱ bi ŋot kɛ tëk tɔ̱ bikɛ ce̱tnikɛ jiath mi nyɔk rɔ kɛ tunh.

I-ca-yaa 60:21

Bi nɛɛku diaal a ji̱ cuŋni, bikɛ mun ciɛŋ amäni cäŋ kɛl. Kɛ kɛn tëë piɛɛthä, tëë la̱tdä nikɛ tetdä, kɛ ɣöö ba ɣä liak.

I-ca-yaa 63:8

Kɛ ɣöö cɛ wee i̱, “Kɛ thuɔ̱k kɛ nɛɛkä, gaat ti /ca ɣä bi kaŋ,” kä cuɛ cua̱ Käändiɛn.

I-ca-yaa 65:10

Kä bi Ca-ron a gua̱a̱th la̱k deet, kä bi Lo̱o̱l A-kor a gua̱a̱th tɔ̱ɔ̱cä ɣɔ̱ɔ̱k, gua̱a̱th la̱k ɣɔ̱ɔ̱k nɛɛnikä tin görkɛ ɣä.

Bok Go̱kä ni Yir-mɛ-yaa 23:4

Kä bä kɛ moc yiëën ti bikɛ tit, kä thilɛ mi bi lɛ dual kɛ kɛ, kiɛ mi bi kɛ jak kä ga̱y, kä thilɛ mi bi lɛ bath, ruac ni ɣän Kuoth Nhial.”

Bok Go̱kä ni Yir-mɛ-yaa 30:10

Cu Kuoth Nhial ɛ laar wëë i̱, “/Cu dual lö Je-kɔb ja̱ŋdä kä /cu bath lö I-thɛ-rɛl. Kɛ kui̱ kä ɣöö bä ji̱ luäk ni nänä, kä bä kuayku luäk guäth in ca kɛ pɛ̈c thi̱n. Kä Je-kɔb bi luny jɔk kä bi tekɛ mal. Kä /thilɛ mi bi ji̱ jak kä dual.

Bok Go̱kä ni Yir-mɛ-yaa 31:33

Duundɛ ɣöö ɛn ruac ɛ bä lat kɛ thok duëël I-thɛ-rɛl kɛ kɔr ni̱ni ti̱ti̱ mɔ ɣän bä ŋutkä la̱th rɛydiɛn kä bä kɛ gɔ̱a̱r ni rɛy lo̱cnikiɛn, kä bi ɣän a Kuothdiɛn kä bi kɛn a nɛɛkä.

Yɛdh 39:26

Kä bikɛ pöcdiɛn pa̱l ruëëc, kɛn tëë jiäk diaal tëë ci kɛn kɛ lät kä ɣä, mi wäkɛ wä cieŋ kɛ mal muundiɛn a thilɛ ram mi bikɛ lɛ jakä dual.

Yo-el 3:17

“Kä bia cu ŋa̱c, ɛn ɣöö ɛ jɛn ɣän Kuoth Nhial Kuothdun, in cieŋ kä Dha-yɔn, wi̱i̱ päämdä in rɛl gɔɔydɛ rɔ. Kä bi Jɛ-ru-tha-lɛm a wec mi rɛl rɔ, mi /ca bi lɛ me̱t ka̱n ɛ nɛy kɔ̱kiɛn.

Yo-el 3:21

Kä bä nɛy tëë ca näk col, kä /cä ji̱ dueeri bi pälikä. Kɛ ɣöö ɣän Kuoth Nhial bä cu cieŋ kä Dha-yɔn.”

Liib 26:6

Kä bä piny moc kɛ mal, kä bia tɔ̱ɔ̱c muundun, a thil mi dual kɛ yɛ. Kä bä le̱y tin jiäk woc muundun, kä bɛ thil ko̱r mi bi ben kɛ wecdun.

Mikaa 4:4

Kä bi ramɔ cu nyuur thar jiaath ŋɔ̱a̱pdɛ, kä thilɛ mi bikɛ jak kä dual. Kɛ ɣöö latdɛ Kuoth Nhial in la Ruey Ɣɔaa.

Mikaa 4:7

Kä bä tin ci duɔth jak kä kuay, kɛnɛ nɛy tin ca buath raar ɛ do̱r mi bum bum. Kä bi Kuoth Nhial kɛ ruac wi̱i̱ pa̱a̱m Dha-yɔn ɛn cäŋ ɛmɔ amäni cäŋ kɛl.

Mikaa 7:14

Yien nɛɛku kɛnɛ detku kɛ kɛɛtdu, lö Kuoth Nhial, tin cieŋ kärɔ rɛy ruɔ̱ɔ̱p, rɛy muɔ̱ɔ̱n mi tëë wal. Jak nikɛ kä läk kä Ba-can kɛnɛ Gil-yad ce̱tnikɛ ni̱n tëë wal.

Dhɛp 2:7

Kä bi mun thuɔk yiëër a duŋ ji̱ dhɔaar Juda tin ci duɔth, ba gua̱a̱th la̱k, kä kɛ thiaŋ bikɛ la tɔ̱ɔ̱c kä Ac-kɛ-lon, kä bi Kuoth Nhial Kuothdiɛn kɛ tit, kä bɛ kɛ luɔ̱c mundiɛn.

Dhɛp 3:5

Kä Kuoth Nhial ɛ cuɔ̱ɔ̱ŋ rɛydɛ, /cɛ duer a lätdɛ. Kä kɛ runwaŋni diaal la latdɛ cuŋ, kä /kenɛ met pa̱k kɛ cäŋ kɛl. Kä ŋotdɛ kui̱c gua̱n dueeri pöc.

Dhɛk 8:12

Kä bikɛ pi̱eth kɛ mal. Bi jiɛn dɛykiɛn kui̱r, kä bi mun dɛykɛ rep, kä bi pua̱a̱r nhiaal jak kä dɛm. Kä ɣän bä duɔth nɛɛni ti̱ti̱ ka̱m kɛn ti̱ti̱ diaal.

Dhɛk 8:16

Kä ti̱ti̱ kɛ tin bia la̱t. La̱tdɛ rɔ̱ thuɔ̱k kamnikun, kä latdɛ ni luɔ̱ɔ̱k ti cuŋ, kä la̱tdɛ ni mal.

Dhɛk 8:3

Kä cuɛ ruac ɛn ɣöö, ɣän bä loc kä Dha-yɔn, a bä wä cieŋ ni rɛy Jɛ-ru-tha-lɛm, kä ba cɔli wec ŋäthä kä päm Kuɔth Nhial in la Ruey Ɣɔaa, päm in rɛl gɔɔydɛ rɔ.

Mɛ̈t 13:41

Bi Gat Ran ja̱a̱kɛ ja̱k, kä bikɛ ŋɔak diaal tin nööŋkɛ duer kuany raar cieŋ kuäärädɛ kɛnɛ la̱a̱t dueeri diaal,

Jɔ̱ɔ̱n 1:47

Kä mëë ci Yecu Na-than-el nɛn a bä kä jɛ, cuɛ ruac kɛ kui̱dɛ, cuɛ wee i̱, “Nɛ̈nɛ, ɛ raan I-thɛ-rɛl mi thuɔ̱k pa̱ny, mi thil kac!”

Ji̱ Ko-lɔ-thi 3:9

/Cuarɛ kac lat kamnikun, kä ŋa̱cɛ jɛ ɛn ɣöö cia ciaaŋdun ëëdan kɛnɛ lätkɛ päl,

1 Pit 3:14

A cäŋɛ mi cuc yɛn kɛ lätnidun kɛ ciaaŋ cuŋni, ba yɛ poth. /Cuarɛ dual kɛ min dual kɛ kɛ, kä /cuarɛ diɛɛr.

1 Jɔ̱ɔ̱n 5:18

Ŋäc kɔn ɛ ɛn ɣöö nɛy tin ca di̱eth ɛ Kuoth /cikɛ duer lät, kä duundɛ ɣöö gaŋ Gat Kuoth kɛ, kä /ci gua̱n jiäkni kɛ gueer.

Nyuuth 14:5

Kä thilɛ thukiɛn kac, kɛ ɣöö thilɛ kɛ bɛ̈l.

Nyuuth 21:27

Kä thilɛ duɔ̱ɔ̱r mi jiääk mi bi wä rɛydɛ, kiɛ ram mi lät nyuɔɔn, kiɛ ka̱a̱cni, ɛ ni nɛy tin ca ciöötkiɛn gɔ̱a̱r rɛy buɔk teekä Ruath Dɛ̈ɛ̈l.

Nyuuth 21:8

Kä kɛ kui̱ nɛɛni ti dual duaal, ti thil ŋa̱th, kɛ ji̱ nyuɔɔni kɛnɛ na̱a̱k nath, kɛ lëër, kɛnɛ ti̱t, kɛ pa̱a̱l kuthni jiɛth, kɛnɛ ji̱ ka̱a̱cni diaal, bi gua̱a̱thdiɛn a bar maac mi pɛt kɛ wäl mi kɛc ŋuänydɛ min la lia̱a̱ in rɛwdɛ.”