Dhɛp 3:1 - RUAC KUƆTH IN RƐL RƆ

¹ Riɛk akɛ wec in ciɛŋ naath a jiäk kä lät dueer!

Dhɛp 3:1 Iomraidhean Croise

I-ca-yaa 30:12

Kɛ kui̱c ɛmɔ cu Kuoth I-thɛ-rɛl wee i̱, “Kɛ ɣöö ci yɛn ruac ɛmɛ lo̱k, cia nhɔk ni ciaŋ jiääk, kä ŋa̱thɛ ni kac,

I-ca-yaa 5:7

Kä ɛn kak wal kɛ kui̱ kɔaŋ Kuɔth Nhial in la Ruey Ɣɔaa ɛmɔ, ɛ dhɔr ji̱ I-thɛ-rɛl. Kä ji̱ Juda kɛ dɛy jiɛn tin gɔw tin cɛ pith. Kä jɛn guicɛ ni thuɔ̱k thi̱n, duundɛ ɣöö cuɛ nɛn ni näk nath. Kä derɛ jek ni cuɔ̱ɔ̱ŋ thi̱n, cuɛ kulɛ liŋ ni lul.

I-ca-yaa 59:13

nyuɔɔn kɛnɛ lo̱k Kuɔth Nhial, kɛ locda jɔk kɛ guur Kuɔthda, kä ruac nɛy a jiäk kɛ nɛy tin kɔ̱ŋ, kä caar nɛy ni ti jiäk kä lat nɛy ni ka̱a̱cni.

I-ca-yaa 59:6

Kä ɛn lathdiɛn /ca jɛ dëë lät bieyni, thilɛ nɛy ti dëë rɔ kum kɛ min ci kɛn ɛ la̱t. Lätkiɛn kɛ lät jiäkni te ni ciɛŋ ko̱o̱ri kɛ kɛ.

Bok Go̱kä ni Yir-mɛ-yaa 22:17

Duundɛ ɣöö wäŋku kɛnɛ lɔcdu ci la̱th nikɛ kä ɣöö bi duɔ̱ɔ̱r jek kɛ duɔ̱ɔ̱p po̱cä kä rɔa, kɛnɛ ɣöö bi riɛm nɛɛni ti kuec kɛ ŋu wuɔ̱th piny baaŋ, kɛ ciaŋ jiääk kɛnɛ ko̱o̱ri,” ruac ni ɣän Kuoth Nhial.

Bok Go̱kä ni Yir-mɛ-yaa 5:23

Duundɛ ɣöö kɛn nɛy ti̱ti̱ kɛ nɛy ti bum wuɔ̱thkiɛn, cikɛ wä ni raar kä cikɛ bath.

Bok Go̱kä ni Yir-mɛ-yaa 6:6

Kä cu Kuoth Nhial in la Ruey Ɣɔaa nɛmɛ lar i̱, “Jiɔapɛ jiɛn, kä la̱tdɛ ko̱o̱tni ti ba go̱l ni Jɛ-ru-tha-lɛm. Jɛn ro̱ŋɛ kɛ däk kɛ ɣöö cɛ thia̱a̱ŋ kɛ ciaŋ mi jiäk.

Bok Go̱kä ni Yir-mɛ-yaa 6:7

Ce̱tkɛ min la pi̱w jiɛw a lo̱ny, inɔ bä Jɛ-ru-tha-lɛm cɛ dueerkɛ nyuɔ̱th raar, ca wiee köör kɛnɛ da̱k liŋ thi̱n, ɣän guɛcä jueydɛ kɛnɛ buɔ̱ɔ̱tkɛ.

Yɛdh 22:29

Kɛn ji̱ wec diaal ca ŋi̱eec ni rɔ̱ kɛ pɛl kɛnɛ mac nath. Kɛn yɔaŋkɛ can kɛnɛ ga̱y kä pɛɛl kɛn nyin juri kɛ ciɛŋ ti jiäk.

Yɛdh 22:7

Kä /ca gua̱ni nath kɛnɛ mani nath luth rɛydu. Kä ciaŋkɛ jur tin cieŋ rɛydu a jiäk. Kä rɛ̈tni kɛnɛ män jɔɔkni thilkɛ luɔt rɛydu.

Yɛdh 23:30

kɛ kɛn nöŋkɛ ji̱ ti̱ti̱ ɔ, kɛ ɣöö ci nyin leerä la̱t kɛ döör, kä ci rɔ ya̱r kɛ palu kɛ kuth guääynikiɛn.

Liib 1:16

Kä bɛ jicdɛ kɛnɛ juätkɛ wä yiäk nhiam yi̱kä gua̱th in la ŋɛ̈th a di̱erkɛ thi̱n.

A-mɔth 3:9

A liɛŋkɛ ɛ ji̱ ti̱ecni Ac-dod, kɛnɛ ji̱ ti̱ecni rööl I-jëp, kä jiökɛ kɛ i̱, “Ruɔlɛ rɔ̱ guäth kɛl päämni Tha-mɛ-ria. Kä bia nɛ̈nɛ rɔal mi di̱i̱t rɛydɛ, kɛnɛ nɛy ti̱n ca yɔŋ thi̱n.”

A-mɔth 4:1

“Liɛŋɛ riet ti̱ti̱, yɛn näc Ba-can, ti̱n te pääm Tha-mɛ-ria, ti̱n yɔaŋkɛ ga̱y, kä dɔanykɛ kɛ kä piny, ti̱n löŋkɛ cɔwkiɛn i̱, ‘Nöŋɛ kɔ kɔaŋ mi mathkɔ.’

Mikaa 2:2

Kä mɔ cikɛ kak bɛc ɔ, naŋ kɛn kɛ, kä mi kɛ duel, naŋ kɛn kɛ. Kä la kɛn raan a mac kɛ dhɔrɛ, kä mackɛ raan kɛ kakdɛ.

Dhɛk 7:10

Kä /cuarɛ ciek jɔkä ciɛŋ a jiäk, kɛnɛ rɛ̈tni kɛ jur kɛ can. Kä cu mi jiääk car kɛ rɛydu kɛ kui̱ dämuɔɔr.

Mɛ̈l 3:5

“Inɔ bä cu ben rɛydun kɛ luk, kä kɛ pɛ̈th bä cua̱ neen ji̱ kolaaŋni kɛnɛ dhööm kɛ nɛy tin yackɛ rɔ̱ baaŋ, kɛ nɛy tin mackɛ naath kɛ kökdiɛn, kɛ män jɔɔkni, kɛ gaat ti rɛ̈tni kɛ jur, kɛ ɣöö /ca ɣä luth, ruac ni ɣän Kuoth Nhial in la Ruey Ɣɔaa.