Dhɛp 2:7 - RUAC KUƆTH IN RƐL RƆ

⁷ Kä bi mun thuɔk yiëër a duŋ ji̱ dhɔaar Juda tin ci duɔth, ba gua̱a̱th la̱k, kä kɛ thiaŋ bikɛ la tɔ̱ɔ̱c kä Ac-kɛ-lon, kä bi Kuoth Nhial Kuothdiɛn kɛ tit, kä bɛ kɛ luɔ̱c mundiɛn.

Dhɛp 2:7 Iomraidhean Croise

Tuk Cäkä Ɣɔaa 50:24

Täämɛ cu Jo-thɛp dämani ku jiök i̱, “Ɣän bä li̱w. Kä Kuoth bɛ yɛ tit kä bɛ yɛ naŋ raar ɛn wi̱c ɛ, kä bɛ yɛ naŋ ro̱o̱l in cɛ lat i̱ bɛ ka̱m A-bɛ-ram kɛ Ay-dhɛk kɛ Je-kɔb.”

Diit 80:14

Lunyni kä kɔ lö Kuoth in la Ruey Ɣɔaa, liecni ni nhial, kä bër nɛnɛ, titdɛ ɛn jiath ɛmɛ,

Diit 85:1

Ji̱n ti kɛ nhök mi di̱i̱t kɛ mundu lö Kuoth Nhial, kä ji̱n ci ji̱ I-thɛ-rɛl luɔ̱c gɔykiɛn.

Ɣöth 4:31

Cu naath ɛ ŋäth mëë cikɛ jɛ liŋ i̱ ci Kuoth Nhial ji̱ I-thɛ-rɛl gui̱l, kä cɛ bɛ̈c bɛ̈ɛ̈ckiɛn nɛn, cukɛ wuɔ̱thkiɛn guɔ̱l piny, cukɛ jɛ pal.

I-ca-yaa 11:11

Ɛn cäŋ ɛmɔ bi Kuäär ni Kuoth rɔ nyɔk kɛ mi no̱o̱ŋɛ duɔth nɛɛnikɛ tin ŋot kɛ tëk kä A-thi-ri-ya kɛnɛ cam I-jëp kɛ cuec I-jëp kɛ Kuc kɛnɛ Ee-lam kɛ Ci-nar kɛnɛ Ä-math kɛ dhuɔ̱li baar.

I-ca-yaa 11:14

Bikɛ ji̱ Pi-li-thɛt mak kui̱c konyä ca̱ŋ, kɛɛl bikɛ ji̱ kuec känyä ca̱ŋ pɛc. Kä bikɛ Ɛ-dɔm kɛnɛ Mo-ab pɛc, kä bakɛ luɔ̱th ɛ ji̱ Am-on.

I-ca-yaa 11:16

Bɛ tekɛ duɔ̱ɔ̱p mi di̱i̱t kɛ kui̱ duɔthni nɛɛnikɛ kä A-thi-ri-ya, ce̱tkɛ mëë bä ji̱ I-thɛ-rɛl raar kä I-jëp.

I-ca-yaa 14:1

Bi Kuoth Nhial tekɛ kɔ̱a̱c lɔaac kɛ Je-kɔb kä bɛ I-thɛ-rɛl nyɔk kɛ mëk kä bɛ kɛ jäkä muundiɛn. Kä bi jur rɔ̱ ma̱tkɛ, bikɛ cieŋ kɛɛl kɛ dhɔr Je-kɔb.

I-ca-yaa 32:14

Ba dho̱r tin bum pa̱l ruëëc, kä ba wi̱i̱ tin ciaŋkɛ ɛlɔ̱ŋ päl, dho̱r kɛnɛ biɛɛni ga̱ŋ bi kɛn a duël leeyni amäni cäŋ kɛl, ba nhɔk ni jɛ ɛ muɔ̱li, kä ba gua̱a̱th la̱k deet,

Bok Go̱kä ni Yir-mɛ-yaa 23:3

Ɣän bä duɔth deetkä ma̱a̱t rɛy wi̱i̱ni diaal tin cäkɛ riaw kä thi̱n, bä kɛ luɔ̱c guäth lo̱kdiɛn, kä bikɛ rɔ kuay ɛlɔ̱ŋ.

Bok Go̱kä ni Yir-mɛ-yaa 29:10

Kä cu Kuoth Nhial wee i̱, “Mi wä run ti jiɛn bärɔw wä thuuk kä Bɛ̈-bi-lɔn, ɣän bä yɛ gui̱l, bä ruacdä cu jak kä thuɔ̱k, bä yɛ luɔ̱c ɛn guäth ɛmɛ.

Bok Go̱kä ni Yir-mɛ-yaa 29:14

bi yɛn ɣä jek, bä yɛ luɔ̱c kui̱dun kä bä yɛ ruɔ̱ɔ̱l rɛy dööri diaal kɛnɛ gua̱th diaal tin cä yɛ naŋ thi̱n, bä yɛ luɔc guäth ëë naŋä yɛ pecä thi̱n.

Bok Go̱kä ni Yir-mɛ-yaa 3:18

Ɛn ni̱ni tɔ̱tɔ̱ bi ji̱ Juda rɔ̱ ma̱t ji̱ I-thɛ-rɛl, kɛɛl bikɛ jiɛɛn ro̱o̱l kuec caam wä kɛ muun ëë cä ka̱m guuri ala duŋdiɛn.’ ”

Bok Go̱kä ni Yir-mɛ-yaa 30:3

Nɛnɛ kɛ ni̱n tia̱ bëëni bä nɛɛkä ni ji̱ I-thɛ-rɛl kɛnɛ ji̱ Juda luɔ̱ɔ̱c muun ëë cä ka̱m gua̱nikiɛn kä bɛ la duŋdiɛn.”

Bok Go̱kä ni Yir-mɛ-yaa 31:7

Kä mɛmɛ ɛ min ci Kuoth Nhial ɛ lar wëë i̱, “Këtdɛ Je-kɔb diit tɛthä lɔaac kɛ jɔw mi di̱i̱t, kapɛ jiööthkun nhial kɛ kui̱ bo̱o̱thä dööri. Latdɛ jɛ kä liakɛ jɛ wiaa i̱, ‘Ci Kuoth Nhial nɛɛkɛ kän, tin ci kään kä I-thɛ-rɛl.’

Bok Go̱kä ni Yir-mɛ-yaa 32:44

Ba ka̱a̱k kɔk kɛ yio̱w, kä ba ruaacni thany kä bakɛ pi̱m kɛ katim, kä ba nëën nööŋ thi̱n, muun Ben-ya-min, rɛy cieŋ Jɛ-ru-tha-lɛm, rɛy wi̱i̱ni Juda kɛnɛ rɛy wi̱i̱ni rööl päämni, kɛnɛ rɛy wi̱i̱ni täpä Cɛ-pe-laa kɛ rɛy wi̱i̱ni tin te tɔ̱ɔ̱rä Nɛ-gɛb. Kɛ kui̱c ɛmɔ, bä nɛɛkä cu luɔ̱ɔ̱c muundiɛn, ruac ni ɣän Kuoth Nhial.”

Bok Go̱kä ni Yir-mɛ-yaa 33:12

“Kä mɛmɛ larɛ Kuoth Nhial in la Ruey Ɣɔaa i̱, ‘Rɛy muɔ̱ɔ̱n ɛmɛ ca ba̱ny piny a thil raan kɛnɛ ley ɛ, kɛ wi̱i̱kɛ diaal ɛ bɛ lɛ ni tekɛ naath ti bi cieŋ thi̱n ti yiënkɛ detkiɛn.

Bok Go̱kä ni Yir-mɛ-yaa 33:7

Kä ɣän bä Juda kɛnɛ I-thɛ-rɛl luɔ̱c gɔɔy ciɛŋädiɛn ce̱tnikɛ ta̱a̱diɛn ëë wal.

Bok Go̱kä ni Yir-mɛ-yaa 47:5

Kä bi ji̱ Gadha mi̱emkiɛn mut kɛ pa̱r, kä bi ji̱ Ac-kɛ-lon da̱k. Kä yɛn ji̱ lo̱o̱lä, bi wieedun kulɛ mäni nɛy?

Yɛdh 39:25

Kɛ kui̱ ɛmɔ, cu Kuäär ni Kuoth Nhial mɛmɛ lar wëë i̱, “Täämɛ ɣän bä Je-kɔb luɔc muundɛ, kä bä tekɛ kɔ̱a̱c lɔaac kɛ thok duëël I-thɛ-rɛl ni kɛɛliw. Kä bä tekɛ tiɛɛl kɛ kui̱ cio̱tädä min rɛl gɔɔydɛ rɔ.

Ɣocä 6:11

Amäni ji̱n Juda, ca gua̱th ŋër rialikä kɛ kui̱du. Gua̱a̱th in wa̱a̱ jɛ wä go̱r i̱ bä nɛɛkä luɔ̱c ta̱a̱diɛn ëë wenkä.

Obad 1:19

“Kä bi ji̱ Nɛ-gɛb, Ɛ-dɔm ka̱n, kä bi ji̱ täpni konyä ca̱ŋ, jɔk yiëër röl ji̱ Pi-li-thɛt ka̱n, amäni röl ji̱ Ɛ-pa-rim kɛnɛ röl Tha-mɛ-ria, kä bi Ben-ya-min Gil-yad ka̱n.

Mikaa 2:12

Kä ɣän ɛ puc bä yɛ ruɔ̱ɔ̱l yɛn diaal lö ji̱ I-thɛ-rɛl, ɛ puc ɣän bä duɔth ji̱ I-thɛ-rɛl ma̱a̱t. Ɣän bäkɛ ruɔl guäth kɛl ce̱tkɛ rɔɔm rɛy luaak, ce̱tnikɛ det rɛy tɔ̱ɔ̱rä, kä bi mun thia̱a̱ŋ kɛ nɛy ti ŋuan.

Mikaa 4:10

Kä kuin rɔ lö nya Dha-yɔn, ce̱tkɛ ciek mi dap. Kä täämɛ bi wec ba̱ny piny, kä bi wä ciɛŋ ni piny wec, kä bi wä kä Bɛ̈-bi-lɔn. Ɛn wi̱ni ba ji̱ wä luäk, kä bi Kuoth Nhial ji̱ wä luɛl tetni ji̱ tɛ̈ru.

Mikaa 4:7

Kä bä tin ci duɔth jak kä kuay, kɛnɛ nɛy tin ca buath raar ɛ do̱r mi bum bum. Kä bi Kuoth Nhial kɛ ruac wi̱i̱ pa̱a̱m Dha-yɔn ɛn cäŋ ɛmɔ amäni cäŋ kɛl.

Dhɛp 2:9

Kä cu Kuoth Nhial in la Ruey Ɣɔaa, Kuoth I-thɛ-rɛl wee i̱, “Ɣän cä yac i̱ bä Mo-ab jak kä ce̱tkɛ Thɔ-dɔm, kä bä A-mon jak kä ce̱tkɛ Go-mo-ra, a ba gua̱a̱th korwaayä kɛnɛ milɛ, ba dɔr amäni cäŋ kɛl. Kä bakɛ pɛc ɛ duɔth nɛɛnikä, a bi nɛɛkä tin ŋot kɛ tëk mundiɛn ka̱n.”

Dhɛp 3:13

Kä duɔth ji̱ I-thɛ-rɛl tin tëk, /cikɛ bi lɛ duer. Kä /ca kac bi lat, kä /ca mi la kaŋ bi lat. Bikɛ mi̱th kä bikɛ tɔ̱ɔ̱c, kä thilɛ mi bikɛ jak kä dual.”

Dhɛp 3:20

Ɛn cäŋ ɛmɔ bä yɛ nööŋ cieŋ, cäŋ in bä yɛ mat kɛɛl. Ɣän bä yɛ ka̱m liak kɛnɛ luth rɛy nɛɛni diaal wi̱i̱ muɔ̱ɔ̱n, mi wa̱a̱ yɛ wä luɔ̱c baŋkun,” ruac ni ɣän Kuoth Nhial.

Bok Go̱kä ni Ɣa-gay 1:12

Ɛ jɛn, cu Dhɛ-ru-ba-bɛl gat Cal-ti-ɛl kɛnɛ Jɔ-cua gat Yo-dha-dak, amäni duɔth nɛɛni diaal tëë luny jɔk ro̱o̱l pe̱cä tëë /ken ruac Kuɔthdiɛn ni Kuoth Nhial liŋ. Cukɛ dual kä cukɛ ruac go̱kä ni Ɣa-gay in ca ja̱k ɛ Kuoth Nhial nhɔk.

Bok Go̱kä ni Ɣa-gay 2:2

“Täämɛ, ruacni kɛ Dhɛ-ru-ba-bɛl gat Cɛ-ɛ̈l-ti-el in la kuäär Juda, kɛnɛ Jɔ-cua gat Yɛ-ɣo-dha-dak bööth palä min di̱t, matdiɛn amäni ni kɛn duɔth nɛɛni tëë luny jɔk ro̱o̱l pe̱cä, kä jio̱kni kɛ i̱,

Luk 1:68

“Puɔ̱th akɛ Kuäär ni Kuoth ni Kuoth I-thɛ-rɛl, kɛ ɣöö cɛ nɛɛkɛ ben luäk, kä cuɛ kɛ ben kän.

Luk 7:16

Cu naath diaal dual ɛlɔ̱ŋ, kä cukɛ Kuoth liak, wäkɛ i̱, “Ci gök mi di̱i̱t jɔɔc rɛydan!” Kä cukɛ wee i̱, “Ci Kuoth ben kɛ ɣöö bɛ nɛɛkɛ ben kän.”

Lät Jaakni Yecu 8:26

Kä cu jääk Kua̱r Pi-lip jiök i̱, “Jiɛc rɔ, wër lot ni kui̱c cuëëc ɣɔaa kɛ dup in jiɛy kä Jɛ-ru-tha-lɛm min luŋ rɔ kä Gadha.” (Mɛmɛ ɛ duɔ̱ɔ̱p rɛy rɛ̈y dɔaar.)

Lät Jaakni Yecu 8:40

Kä cu Pi-lip rɔ jek kä A-dho-täth, kä mëë wëë cuɛ thuk Kuɔth ti gɔw lat rɛy wi̱i̱ni diaal amäni cuɔ̱pdɛ kä Thɛ-tha-ria.

Ji̱ Röm 11:5

Inɔ bä, kɛ jɛn gua̱a̱th ɛmɛ, ɛ te duɔth nath thi̱n, ti ca kuany kɛ puɔ̱th baaŋ Kuɔth.

Ruth 1:6

Kä mëë ci Na-omi jɛ guic, cuɛ rɔ jiɛc a lunyɛ jɔk rööl Mo-ab kɛɛl kɛnɛ män gankɛ tëë ci gaatkɛ kɛ kuɛn ɛn thɔ̱ŋi̱ kɛ ɣöö cɛ jɛ liŋ ɛn thɔ̱ŋi ɛn ɣöö ci Kuoth Nhial nɛɛkɛ ben gui̱l kä cɛ kɛ moc kɛ bɛl ti ro̱ŋ.