12 Kä yɛn bä lö ji̱ Kuc, bä yɛ näk.
Ku jiɛɛn lö Kuoth Nhial ro̱mni kɛ kɛ, bër bikɛ ben joc! Kän tëkdä kä ji̱ nyuɔɔni kɛ mutdu.
Riɛk akɛ A-thi-ri-ya, kɛɛt gaakdä, jɛn min la kɛɛt köörä!
Bäkɛ ni muun mi nɔ̱a̱n, bäkɛ ni peek ɣɔaa, ɛn Kuoth Nhial kɛnɛ yio̱w gaakdɛ, kɛ ɣöö bɛ wi̱c muɔ̱ɔ̱n däk kɛɛliw.
Kä cu Kuoth Nhial wee i̱, “Ce̱tnikɛ mɔ jäl ja̱ŋdä ni I-ca-yaa mɔ juutdä, kä jälɛ kɛ pa̱a̱tkɛ kɛ run diɔ̱k, bɛ la nyuuth kɛ kui̱ I-jëp kɛnɛ Kuc,
Kɛ ɣöö ɛ ɣän Kuoth Nhial ni Kuothdun, ɣän Kuoth I-thɛ-rɛl kä Käändun. Ɣän bä I-jëp jak kä pälɛ yɛ, bä Kuc kɛnɛ Thɛba thöp kɛ gua̱a̱thdun.
Ɣän bä wuɔ̱ɔ̱k kua̱r Bɛ̈-bi-lɔn jakä bum, kä bä thɛpdä la̱th tetädɛ, duundɛ ɣöö bä wuɔ̱ɔ̱k Pɛro töl. Kä bɛ cu wiee nhiam kua̱r Bɛ̈-bi-lɔn kɛ wiee raam mi ca moc kɛ buɔ̱t mi bɛc ɛlɔ̱ŋ.
