Dhɛp 1:4 - RUAC KUƆTH IN RƐL RƆ

⁴ Kä ɣän bä ji̱ Juda duäc, kɛnɛ ji̱ Jɛ-ru-tha-lɛm diaal. Kä bä duɔth nɛɛni tin palkɛ kuoth Baal däk ɛn wa̱nɛ, kɛ ciööt bööthni palä tin, la palkɛ jɛ.

Dhɛp 1:4 Iomraidhean Croise

2 Kua̱r 21:13

Ɣän bä Jɛ-ru-tha-lɛm duäc ce̱tkɛ Tha-mɛ-ria kɛnɛ dhɔr Ɛ̈-ɣab. Kä ba Jɛ-ru-tha-lɛm poc ce̱t min la raan tuɔ̱k a lak kä bɛ jɛ buɔ̱p piny.

2 Kua̱r 23:12

Kä cuɛ yi̱k in te wi̱i̱ duëël A-ɣadh nhial, mëë la̱tkɛ ɛ kuäär Juda, kɛnɛ yi̱kni tëë ca la̱t ɛ Ma-na-thɛ rɛy käli luaak Kuɔth Nhial da̱ŋ rɛw da̱k piny, kä cuɛ tupdiɛn wä yuɔr ni rɛy waŋ Kid-ron.

2 Kuɛ̈n 34:4

Kä cua yi̱kni kuɔth Baal däk kä piny kɛ ruacdɛ. Kä cuɛ yi̱kni tin la wal a waŋkɛ thi̱n ciel kä piny wi̱i̱diɛn. Kä cuɛ kuoth Ä-ce-rim to̱l kä piny kɛnɛ kuth tin ca la̱t kɛ jiɛn kɛnɛ yiëëth kä cuɛ kɛ yuɔr wi̱i̱ muɔ̱ni nɛɛni tëë la thöpkɛ kɛ muc.

Ɣöth 15:12

Ci tet cuëëcdu riny, cu piny kɛ bät.

Bok Go̱kä ni Yir-mɛ-yaa 15:6

Kä ci yɛn ɣä lo̱k, ɛ loc ni yɛn jɔk, inɔ ɣän bä yɛ däk nikɛ tetdä. Ɣän cä ŋɔ̱a̱ŋ kɛ pälunikä.

Bok Go̱kä ni Yir-mɛ-yaa 6:12

Kä ba dho̱rkiɛn ka̱n ɛ nɛy ti kɔ̱kiɛn, kɛɛl kɛ ka̱a̱kiɛn kɛnɛ mänkiɛn, kɛ ɣöö bä ji̱ muɔ̱ɔ̱n ɛmɔ däk.”

Yɛdh 25:7

kɛ kui̱ ɛmɔ ɣän bä yɛ däk, kä bä yɛ la̱th tetni dööri ce̱tkɛ kuak tin la pɛ̈ckɛ ko̱o̱r. Ɣän bä yɛ woc rɛy dööri, kä bä yɛ däk rɛy wi̱i̱ni. Kä bi yɛn ɛ cu ŋa̱c ɛn ɣöö ɛ ɣän Kuoth Nhial.’ ”

Yɛdh 6:14

Kä bä tetdä ri̱c a jiäk kɛ kui̱diɛn, kä bä mundiɛn jak kä te ni lutdä gua̱thni diaal tin cakɛ kiɛth thi̱n ɛ cieŋkɛ thi̱n, ni däär dɔaar wä amäni Rib-laa. Bikɛ jɛ cu ŋa̱c ɛn ɣöö ɛ ɣän Kuäär ni Kuoth.”

Ɣocä 10:5

Kä nɛy diaal tin cieŋ kä Tha-mɛ-ria dualkɛ kɛ kui̱ ruaath Beth-a-wɛn, kɛ jɛ bi lo̱ckiɛn jiath. Kä bi bööthkɛ tin jiäk cu wiee kɛ kui̱dɛ, kä bikɛ wiee kɛ kui̱ wutdä min ci jiɛn kä jɛ.

Mikaa 5:13

Kä bä jɔɔk kolaaŋnikun kɛnɛ riäkni woc rɛydun, kɛ ɣöö /cia kuth ti la̱tdɛ kɛ tetkun bilɛ nyɔk kɛ pa̱l.

Dhɛp 2:11

Kä bi Kuoth Nhial rɔ̱ɔ̱th kɛ kɛ, mi wëë kuth wec muɔ̱ɔ̱n diaal wä däk, kä ba jɛ pal ɛ döör diaal, bi ramɔ jɛ pal gua̱a̱thdɛ.

Dhɛp 2:13

Kä bi Kuoth Nhial A-thi-ri-ya däk kɛ buɔ̱mdɛ. Kä bɛ Ni-nɛ-be ba̱ny piny ni baaŋ, ala mi day ce̱tnikɛ dɔr mi luɔ̱t.