Dhɛp 1:3 - RUAC KUƆTH IN RƐL RƆ

³ Kä cuɛ wee i̱, “Ɣän bä naath kɛnɛ ley woc. Kä bä diit nhial kɛnɛ rɛc yiëër woc. Kä bä ji̱ dueeri woc. Kä bä kuɛ̈ɛ̈ ran thuk wi̱i̱ muɔ̱ɔ̱n.

Dhɛp 1:3 Iomraidhean Croise

Tuk Cäkä Ɣɔaa 6:7

Ɛ jɛn, cu Kuoth Nhial ɛ cu lar i̱, “Ɣän bä ŋɔak tëë cä cak niɛ ɣän poc wi̱i̱ muɔ̱ɔ̱n, a tookɛ ni kä naath, kɛ le̱y kɛ muɔɔl piɛny amäni tin diaal tin ca cak kɛ juät, kɛ ɣöö ci lɔcdä jiääk kɛ ca̱kdiɛn.”

I-ca-yaa 27:9

Kɛ ɣöö cɛ nɔmɔ la̱t, bɛ duer I-thɛ-rɛl woc. Kä nɛmɛ ɛ jɛn min ba ŋäc ni jɛ, mi wä ti̱ti̱ wä tuɔɔk, mi wëë pääm yi̱kni diaal wä tiath kä cɛ thil riäk Ä-ce-rim kɛnɛ yi̱k in la wal ɛ waŋkɛ thi̱n mi bi ŋot cuŋä.

I-ca-yaa 6:11

Kä cua̱ wee i̱, “Amäni nɛy Kuäärä?” Kä cuɛ wee i̱, “Amäni mi ci wec te baaŋ a thilɛ nɛy ti cieŋ thi̱n. Kä a thilɛ ciëŋ naath, kä a /cɛ thil ram mi cieŋ muun,

I-ca-yaa 6:12

amäni mi cä naath jäk ni nɔ̱nä, ɛ ca mun pa̱l ruëëc.

Bok Go̱kä ni Yir-mɛ-yaa 12:4

A bi ku mäni nɛy bi mun pa̱r ɔ, kä bi jol ka̱a̱kni diaal rɔɔlɔ? Kä kɛ kui̱ jiäkni nɛɛni tin cieŋ thi̱n, ci ley kɛnɛ diit li̱w, kɛ ɣöö ruac naath i̱, “/Cɛ min bi tuɔɔk kä kɔn bi nɛn.”

Bok Go̱kä ni Yir-mɛ-yaa 50:3

“Kɛ ɣöö ci do̱r ben pek kuec caam mi bi jɛ mak, min bi mundɛ jak kä doth baaŋ, kä bɛ thil ram mi bi cieŋ thi̱n. Kä bi ji̱kɛ kɛnɛ leykɛ rɔ̱ bar rɛydɛ.

Bok Go̱kä ni Yir-mɛ-yaa 7:20

Kɛ kui̱c ɛmɔ, bä gakdä wuɔc ɛn guäth ɛmɛ, kä naath kɛnɛ ley kɛ jiɛn diaal kɛnɛ tin do̱ny muun. Kä bɛ pɛ̈t a thilɛ ram mi bi jɛ yieny. Ruac ni ɣän Kuoth Nhial.”

Bok Go̱kä ni Yir-mɛ-yaa 9:10

“Kä ɣän Yir-mɛ-yaa bä wiee kɛ kui̱ päämni, kä bä pa̱r kɛ kui̱ wal dɔaar, kɛ ɣöö cikɛ duɔ̱p kä thilɛ ram mi ret kɛ kɛ, kä thilɛ jɔw yaaŋ mi dëë liŋ thi̱n, ci diit nhial rɔ̱ bar kä ci ley dɔaar jiɛɛn.

Yɛdh 44:12

Kä kɛ ɣöö cikɛn kɛ lätikä ni nhiam kuthni guääynikiɛn, kä cikɛ thok duëël I-thɛ-rɛl jakä dui̱r, kɛ kui̱c ɛmɔ cä rɔ yac kɛ kui̱diɛn, ɛn ɣöö bikɛ duäcdiɛn rut ruac ni ɣän Kuäär ni Kuoth Nhial.

Yɛdh 7:19

Kä bikɛ ciɛkdiɛn in bo̱r ya̱k rɛy duɔ̱pni, kä bi da̱a̱pdiɛn ce̱tnikɛ mi ca ya̱r. Kä /ci ciɛkdiɛn in bo̱r kɛnɛ da̱a̱pdiɛn kɛ bi kän kɛ cäŋ waŋä lɔaac Kuɔth Nhial. /Cikɛ buɔthdiɛn bi woc, kä /cikɛ jia̱a̱ckiɛn bi thiäŋ kɛ kɛ. Kɛ ɣöö ɛ jɛn min jakɛ kä kac rɛy dui̱rä.

Ɣocä 14:3

Kɛ ɣöö /ci A-thi-ri-ya kɔ dee me̱t kän, ca̱kɔ bi ŋäth ni buɔ̱m jiöŋkööri. Kä /ca̱kɔ kolaaŋkɔ tëë ca̱kɔ la̱t kɛ tetkɔ bi me̱t nyɔk kɛ ciöt i̱ kuthkɔ, kä lapi gua̱n kɔ̱a̱c lɔaac kɛ rɛɛt.”

Ɣocä 14:8

“Kä ji̱n Ɛ-pa-rim, ɛŋu bä lɛ la̱t kɛ kuth jiɛn ti̱ti̱ ɔ? Ɛ ɣän ɛn nëë loc palun, kä ɛ ɣän tiit ji̱ mɔ. Kɛ ɣöö ce̱t ta̱a̱dä kɛ jiath mi /ci rɔl, kä puɔ̱thdun bëë kä ɣä.”

Ɣocä 4:3

Kɛ kui̱c ɛmɔ wi̱c muɔ̱ɔ̱n bɛ tekɛ jiath lɔaac, kä bi tin diaal tin cieŋ thi̱n riaw, ley dɔaar, diit, amäni rɛc yieer bä bikɛ riaw.

Dhɛk 13:2

Kä ɛn cäŋ ɛmɔ, cu Kuoth Nhial in la Ruey Ɣɔaa wee i̱, “Ɣän bä kolaaŋ woc wi̱i̱ muɔ̱ɔ̱n, kä /ci kɛn kɛ bi lɛ met tim. Kä ɣän bä go̱o̱k guäyni kɛnɛ nɛy tin tekɛ yi̱ey ti jiäk woc bä.

Mɛ̈t 13:41

Bi Gat Ran ja̱a̱kɛ ja̱k, kä bikɛ ŋɔak diaal tin nööŋkɛ duer kuany raar cieŋ kuäärädɛ kɛnɛ la̱a̱t dueeri diaal,

Mɛ̈t 23:39

Kä ɣän la̱rä jɛ yɛ, /cia ɣä bi nyɔk kɛ nën, amäni mi wiaa jɛ lar i̱, ‘Puɔ̱th akɛ ram mi bëë kɛ ciöt Kua̱r ni Kuoth.’ ”

Nyuuth 2:14

Kä duundɛ ɣöö ɣän ta̱a̱kɛ ti tɔt ti dɛ̈ɛ̈cä kä yɛ. Tëë tha̱a̱ŋkun ɛn wi̱ni ti ka̱pkɛ ŋi̱i̱c Bil-am, mëë ŋi̱i̱c Ba-lak kɛ ɣöö bɛ ji̱ I-thɛ-rɛl jakä la̱tkɛ duer, kɛ mi̱ethdiɛn kɛ mi̱th ti ca thöp kuth jiɛn, kɛnɛ ɣöö bikɛ la̱t leerä la̱t.