Dhɛp 1:17 - RUAC KUƆTH IN RƐL RƆ

¹⁷ Kä bä naath miɛɛt, a bikɛ ja̱l ce̱tnikɛ ciöör, kɛ ɣöö cikɛ ɣä duer duer. Kä ba riɛmdiɛn wuɔ̱th piny ce̱tnikɛ tup, kä ba ri̱ŋdiɛn yiäk ce̱tnikɛ waw.

Dhɛp 1:17 Iomraidhean Croise

Diit 83:10

tëë cua däk kä Een-dor, tëë cu ce̱tnikɛ wär ɣɔ̱ɔ̱k piny.

I-ca-yaa 29:10

Kɛ ɣöö ci Kuoth Nhial yɛ wuɔ̱c yiëë ni̱en mi di̱i̱t, kä cɛ wäŋ göökni kum, kä cɛ cär ti̱tni kum.

I-ca-yaa 50:1

Kä cu Kuoth Nhial wee i̱, “Warɛgak däkä muɔɔr a nikä, mëë cä jak kä wëë kɛ jɛ? Kiɛ ɛ ŋua̱l in mi̱th mɔ dëë jɛ kök ji̱ mɔ? Kɛ kui̱ dueerikun ca yɛ kɔak, kä kɛ kui̱ jiäkni muɔɔr ca jɛ tuk.

Bok Go̱kä ni Yir-mɛ-yaa 10:18

Kɛ ɣöö ci Kuoth Nhial nɛmɛ lar i̱, “Nɛnɛ, ɣän bä nɛy tin cieŋ ɛn muun ɛmɛ woc kɛ jɛn gua̱a̱th ɛmɛ, ɣän bä kɛ nöŋ riɛk dɔ̱ŋ ɛ jɛn bi kɛn ɛ ŋa̱c ɔ.”

Bok Go̱kä ni Yir-mɛ-yaa 15:3

Kä cu Kuoth Nhial wee i̱, “Ɣän bä kɛ moc ŋuaan ti ba kɛ däk, ko̱r mi bi kɛ näk, kɛ jio̱o̱k ti ba kɛ ka̱c yɔ̱ɔ̱ŋ, kɛ diit nhial kɛnɛ ley dɔaar ti bakɛ cam kä ba kɛ däk.

Bok Go̱kä ni Yir-mɛ-yaa 18:21

Kɛ kui̱ ɛmɔ päli gaatkiɛn buɔth kä jak nikɛ kä na̱kɛ, kä a mänkiɛn thil gaat kä akɛ la män jɔɔkni. Kä a wutnikiɛn li̱w kɛ juey, kä ɛ ŋuɛ̈tnikiɛn na̱kɛ ko̱o̱r.

Bok Go̱kä ni Yir-mɛ-yaa 2:17

Kä /ciɛ ji̱n no̱ŋ jɛ rɔ mɔ ɛn nɛmɛ kɛ pälu kɛ Kuoth Nhial ni Kuothdu, mëë bo̱o̱th ji̱ kɛ duɔ̱p in gɔaa?

Bok Go̱kä ni Yir-mɛ-yaa 2:19

Ba ji̱ däk ɛ dueerku, kä ba ji̱ luk ɛ pälu kɛ Kuoth. Kä ŋäc ni jɛ ɛ riɛk mi bɛ̈c bɛ̈c kä ji̱ ɛn ɣöö päli Kuoth Nhial min la Kuothdu ruëëc, thilɛ ji̱ luth kɛ ɣä, ruac ni ɣän Kuoth in la Ruey Ɣɔaa.”

Bok Go̱kä ni Yir-mɛ-yaa 3:25

Tɔ̱a̱cnɛ rɛy po̱cädan, kä ɛ kɔn kuɔ̱mkɛ piny ɛ thil luthädan, kɛ ɣöö canɛ Kuoth Nhial min la Kuothdan duer duer, kɔn kɛ gua̱nikɔn, ni ŋuɛɛtädan cu mäni walɛ. Kä /ka̱nɛ ruac Kuɔth Nhial min la Kuothdan luɔ̱th.”

Bok Go̱kä ni Yir-mɛ-yaa 4:18

Ciɛŋku kɛnɛ lätku kɛ kɛn nöŋ kɛ ji̱ nɛmɛ ɔ. Nɛmɛ ɛ jɛn da̱kdu, kä bɛcɛ ɛlɔ̱ŋ, kä cɛ cop ni lɔcdu pa̱ny, ruac ni ɣän Kuoth Nhial.”

Bok Go̱kä ni Yir-mɛ-yaa 8:2

Kä cua pa̱l nikɛ raar waaŋ ca̱ŋ kɛnɛ pay kɛ kuɛl kɛ nyin nhial diaal, tin nhɔk kɛn nikɛ kä lät kɛn nikɛ ikä, kä guur kɛn nikɛ, kä palkɛ nikɛ. Kä cu kɛn ruulidiɛn kɛnɛ kuɔ̱nydiɛn lo̱k, cua päl nikɛ ala di̱r jiäkni.

Jiɛth 1:14

“Kä guicɛ dueerkä, kä cɛ kɛ ruɔl guäth kɛl, kä cuɛ kɛ la̱th ŋuääkdä, kä cuɛ buɔ̱mdä cu jak kä thil. Ci Kuäär ni Kuoth ɣä ka̱m ji̱ tɛ̈rä, tin thilɛ mi dëë luäŋ kä kɛ.

Jiɛth 1:18

“Te Kuoth Nhial kɛ cuɔ̱ɔ̱ŋ, kɛ ɣöö cä ruacdɛ lo̱k. Kä liɛŋɛ jɛ yɛn nɛy diaal, guɛcɛ cuɔ̱cdä. Ca ŋuɛ̈tni wutni kä kɛnɛ nyieekä naŋ ala pɛ̈ɛ̈c.

Jiɛth 1:8

Jɛ-ru-tha-lɛm cɛ duer mi di̱i̱t la̱t, kɛ kui̱c ɛmɔ cɛ jiääk. Kä ca lo̱k ɛ nɛy diaal tëë luɔ̱thkɛ jɛ, kɛ ɣöö ca ŋa̱c ɛn ɣöö thilɛ ram mi luäk jɛ. Kä jɛn puɔ̱nydɛ cɛ nuään a cɛ wi̱cdɛ riet ni dɔɔr.

Jiɛth 2:21

Ŋuɛ̈tni kɛ dɔŋ cikɛ li̱w duɔ̱pni. Ŋuɛ̈tni wutnikä kɛnɛ nyier cakɛ näk kɛ thɛp. Cikɛ näk kɛ cäŋ gaakdu, cikɛ näk a thil pälikä.

Yɛdh 16:38

Ɣän bä ji̱ luk ce̱tkɛ ciek mi ca dhɔm kiɛ bä ji̱ luk ce̱tkɛ nɛy ti ca naath näk, ɣän bä ji̱ kum kɛ lia̱a̱ kɛ ŋɛ̈ɛ̈nydä kɛnɛ tiɛɛl waŋä lɔaacdä.

Yɛdh 24:7

Kɛ ɣöö te riɛm in cɛ wuɔ̱th piny rɛydɛ, cɛ jɛ la̱th wi̱i̱ pa̱a̱m mi puɔth. /Kenɛ jɛ wuɔc piny rɛy tupä, a bi tup ɛ kulɛ kum.

Yɛdh 24:8

Kɛ ɣöö bi waŋ lɔaacdä rɔ jiɛc, kä bɛ duɔ̱ɔ̱r col, cä riɛm nɛɛni tëë cɛ näk la̱th wi̱i̱ pa̱a̱m mi puɔth, kɛ ɣöö ca jɛ /bilɛ kum.’

A-mɔth 4:10

“Cä yɛ luɔ̱ny liaw mi ce̱tkɛ duŋ ji̱ I-jëp, cä ŋuɛ̈tnikun näk kɛ mut, kä ca jiöŋköörikun pɛ̈c, kä /ci ŋuäny wecdun yɛ bi nhök ciaŋ, kä ŋotdɛ /cia luny kä ɣä,” ruac ni Kuoth Nhial.

Mikaa 7:13

Kä duundɛ ɣöö bi wi̱c muɔ̱ɔ̱n a day, kɛ kui̱ lätni dueeri ji̱kɛ.

Mɛ̈t 15:14

Palɛ kɛ kä rɔ̱, kɛ bööth ciööri ti ciöör. Kä mi buɔth cɔr cɔr dɔ̱diɛn, bi kɛn da̱ŋ rɛw pɛn kɔ̱k.”

Ji̱ Röm 11:25

Göörä ɣöö bi yɛn mi cuäŋ naath ɛmɛ ŋa̱c, dämaari, kɛ ɣöö /cia rɔ̱ bi lɛ lat i̱ pɛl yɛn. Cu buɔ̱m wec cu ben kä tha̱a̱ŋ ji̱ I-thɛ-rɛl, amäni mëë ci Juri diaal ben thi̱n.

Ji̱ Röm 11:7

Kä ɛŋu mi ci tuɔɔk? /Ken I-thɛ-rɛl min go̱o̱rɛ jek. Ci nɛy tin ca kuany ɛ jek, kä cua wuɔ̱th nɛɛni tin kɔ̱ŋ jakä bum.

2 Kor 4:4

Kɛ kui̱ nɛɛni ti̱ti̱ ci kuoth ɣɔaa ɛmɛ ca̱r nɛɛni tin thil ŋa̱th cɔr, kɛ ɣöö bɛ kɛ pën guec buɔyä thukni ti gɔw kɛ kui̱ buɔyä Kritho, min la cät Kuɔth.

2 Pit 1:9

Kɛ ɣöö ram mi dak ŋɔaani ti̱ti̱ kä jɛ dak guecdɛ, kä ɛ cɔr, kä cɛ jɛ pa̱l ruëëc ɛn ɣöö ca jɛ lak kä dueerkɛ tëë kɔn.

1 Jɔ̱ɔ̱n 2:11

Kä ram mi nyiir däman tëë rɛy muɔ̱th, kä jälɛ rɛy muɔ̱th, kä kui̱cɛ duɔ̱ɔ̱p mi wä kɛ jɛ, kɛ ɣöö ci muth nyinkɛ cɔr.

Nyuuth 3:17

Kɛ ɣöö laar yɛn ɛ i̱, ‘Ria̱ŋä, kä ci nyinkä rɔ̱ kuay, kä thilɛ mi göörä.’ Kä kuecɛ jɛ ɛn ɣöö lapɛ ji̱ rikä, kä jiɛth lo̱c nath kɛ yɛ, kä lapɛ can, kä ciöör, kä ta̱yɛ juutdä.