Dhɛp 1:13 - RUAC KUƆTH IN RƐL RƆ

¹³ Ba kuakiɛn pɛc kä ba dho̱rkiɛn däk. A cäŋ ni mɔ cikɛ duël la̱t ɔ, /cikɛ bi cieŋ thi̱n. A cäŋ ba ka̱a̱k wal kɛ kui̱ kɔaŋ pith, /cikɛ kɔaŋdiɛn bi math.”

Dhɛp 1:13 Iomraidhean Croise

I-ca-yaa 6:11

Kä cua̱ wee i̱, “Amäni nɛy Kuäärä?” Kä cuɛ wee i̱, “Amäni mi ci wec te baaŋ a thilɛ nɛy ti cieŋ thi̱n. Kä a thilɛ ciëŋ naath, kä a /cɛ thil ram mi cieŋ muun,

Bok Go̱kä ni Yir-mɛ-yaa 15:13

“Ɣän bä ria̱ŋdu kɛnɛ kuaku thöp ala pɛ̈ɛ̈c, a thil kök, kɛ kui̱ dueeriku diaal, rɛy ciëŋdu kɛɛliw.

Bok Go̱kä ni Yir-mɛ-yaa 17:3

kɛ pääm tin te piny wec. Ɣän bä ria̱ŋdu kɛɛliw thöp ala pɛ̈c kɛ kui̱ dui̱rädu kɛɛl kɛ gua̱th palädu rɛy ciëŋdu kɛɛliw.

Bok Go̱kä ni Yir-mɛ-yaa 4:20

Da̱k guɔ̱ɔ̱r kɛ jɛ ɛ da̱k, wec kɛɛliw cɛ da̱k. Kä cu kɛmɛnikä rɔ̱ cu pär kɛ da̱k, ɛn duel cäkädä cɛ da̱k kɛ gua̱a̱th mi tɔt.

Bok Go̱kä ni Yir-mɛ-yaa 4:7

Ci lony ben raar duëëlɛ, dääk dööri cɛ ben raar. Cɛ ben raar guäthdɛ kɛ ɣöö bɛ mundun ben däk, kä bɛ wi̱i̱kun da̱k ni piny a bɛ thil naath ti cieŋ thi̱n.

Bok Go̱kä ni Yir-mɛ-yaa 5:17

Kɛn bikɛ mi̱ethdun kɛnɛ bɛlkun cam, kä bikɛ dhɔɔlkun kɛnɛ nyieekun näk, kä bikɛ detkun kɛnɛ ɣɔ̱ɔ̱kun cam, kä bikɛ dɛy walkun kɛnɛ jiɛn ŋɔ̱a̱p cam, kä bikɛ wi̱i̱kun tin buɔ̱m buɔ̱ɔ̱m tin ŋa̱thɛ däk kɛ ko̱r.”

Bok Go̱kä ni Yir-mɛ-yaa 9:11

Kä ɣän Kuoth Nhial bä Jɛ-ru-tha-lɛm jak kä di̱r jiäkni kɛnɛ ciëŋ guɔɔri, kä bä wi̱i̱ Juda jak kä day a thil ram mi bi cieŋ thi̱n.”

Bok Go̱kä ni Yir-mɛ-yaa 9:19

Kä cua jɔw mi di̱i̱t liŋ kä Dha-yɔn wëë i̱, ‘Cakɔ da̱k! Kä cakɔ ga̱a̱c ɛlɔ̱ŋ, kä cakɔ munda ba̱ny piny kɛ ɣöö ci ti̱ec kɔ da̱k.’ ”

Jiɛth 5:2

Ca kuak kɔ ka̱n ɛ jur, dho̱rkɔ cakɛ ka̱n ɛ nɛy kɔ̱kiɛn.

Yɛdh 22:31

Kɛ kui̱ ɛmɔ ɣän cua̱ ŋɛ̈ɛ̈nydä cu wuɔ̱ckɛ. Cua̱kɛ cu näk kɛ waŋ lɔaacdä, cua lätkiɛn la̱th ni wi̱i̱diɛn ruac ni ɣän Kuäär ni Kuoth Nhial.”

Yɛdh 7:19

Kä bikɛ ciɛkdiɛn in bo̱r ya̱k rɛy duɔ̱pni, kä bi da̱a̱pdiɛn ce̱tnikɛ mi ca ya̱r. Kä /ci ciɛkdiɛn in bo̱r kɛnɛ da̱a̱pdiɛn kɛ bi kän kɛ cäŋ waŋä lɔaac Kuɔth Nhial. /Cikɛ buɔthdiɛn bi woc, kä /cikɛ jia̱a̱ckiɛn bi thiäŋ kɛ kɛ. Kɛ ɣöö ɛ jɛn min jakɛ kä kac rɛy dui̱rä.

Yɛdh 7:21

Kä bä jɛ ka̱m jur ala pɛ̈c köör, bä jɛ thöp ji̱ nyuɔɔni wec muɔ̱ɔ̱n ala mi ca pɛc, kä bikɛ jɛ ya̱r.

Yɛdh 7:24

Ɣän bä do̱r in jiäk ni jɛn nööŋ, kä bɛ dho̱rkiɛn ben ka̱n. Ɣän bä liak nɛɛni tin buɔ̱m buɔ̱ɔ̱m woc, kä ba gua̱thkiɛn tin gɔw ya̱r.

A-mɔth 5:11

Yɛn cia nɛy ti can yak, kä cia bɛ̈lkiɛn ma̱a̱c. Kä inɔ, cäŋɛ ni mi cia rɔ ta̱th duel päämni, duundɛ ɣöö /cia bi cieŋ thi̱n. Kä cia ka̱a̱kni wal kɛ kui̱ kɔaŋ ti gɔw pith, duundɛ ɣöö /cia kɔaŋdiɛn bi math.

Mikaa 3:12

Kɛ kui̱dun, bä Dha-yɔn pur ce̱tkɛ kak, kä bi Jɛ-ru-tha-lɛm a di̱r nyueeyni. Kä bi luak pa̱a̱m do̱ny kɛ rup.

Mikaa 6:15

Yɛn bia pi̱eth, duundɛ ɣöö /ciakɛ bi ŋɛr, bia dɛy Ɔ-lip nhiac, duundɛ ɣöö cia rɔ, bi yi̱r kɛ liɛɛthdɛ. Kä bia bɛl ɣɔ̱l, duundɛ ɣöö /cia kɔaŋdiɛn bi math.

Dhɛp 1:9

Ɛn cäŋ ɛmɔ ɣän bä nɛy diaal tin palkɛ kuth kɔ̱kiɛn, tin thia̱ŋkɛ duël kuthnikiɛn kɛ ti ma̱a̱ckɛ kɛnɛ tin pɛ̈ckɛ däk.”

Ŋuɔ̱t 28:30

Bi kuɛɛn kɛ ciek, bi tɔ̱ɔ̱c ni radɔ̱diɛn kɛ jɛ. Bi ti̱ec la̱t, kä /ci bi cieŋ thi̱n. Bi pi̱eth kɛ kak, kä /ci bɛlkɛ bi cam.

Ŋuɔ̱t 28:39

Bi pi̱eth kɛ ka̱a̱k wal kɛ kui̱ kɔaŋ, /ci kɔaŋdiɛn bi math kä ci dɛykiɛn bi pon. Kɛ ɣöö bi kɔ̱m kɛ cam.

Ŋuɔ̱t 28:51

Ba dɛy ɣɔ̱ɔ̱kun cam kɛnɛ bɛlkun, amäni mi cia duɔ̱p. Thilɛ beel kiɛ kɔaŋ kiɛ liɛɛth mi ba ba̱ny yɛ, cäŋɛ dɔw yaaŋ kiɛ dɛl, amäni mi cia tɛ̈ŋ.