Dhɛk 9:17 - RUAC KUƆTH IN RƐL RƆ

¹⁷ Kä bɛ naath kulɛ dir i̱di, kä bi gɔɔydɛ kulɛ ce̱tkɛ ŋu! Kä bi ŋuɛ̈tni piith a bum kɛ bɛlkɛ kɛnɛ kɔaŋdɛ.

Dhɛk 9:17 Iomraidhean Croise

Diit 144:12

Ku gaatkɔ jakä pith kɛ buɔ̱m ni gaatädiɛn, kä ɛ nyieekɔ ce̱tnikɛ thieer ti la̱tkɛ dhɔr kua̱r.

Diit 145:7

Kä bikɛ gɔɔydu min di̱i̱t tim, kä bikɛ diit kɛt kɛ kui̱ cuŋniku.

Diit 27:4

Ɣän bä thiec ni kɛl kä Kuɔth Nhial, ɛ jɛn nɔmɔ bä thiec ɔ, ɛ ɣöö bä ciɛŋ ni luak Kuoth Nhial kɛ ni̱n teekädä diaal, kɛnɛ ɣöö bä gɔɔy Kuɔth Nhial guic, bä jɛ wä nɛn ni rɛy luaakdɛ.

Diit 31:19

Kä ku gɔyku lɛ ŋuan i̱di tin ci lät kä nɛy tin luɔ̱thkɛ ji̱, tin ci la̱t ni nhiam nath kɛ kui̱ nɛɛni tin lua̱kɛ rɔ̱ ji̱!

Diit 36:7

Gɔaa nhökdu min thil pek lö Kuoth! La luäk nɛy diaal rɔ̱ ti̱pä gɔ̱ɔ̱kniku.

Diit 45:2

Gɔaani ji̱n ɛlɔ̱ŋ kä wutni, kä ji̱n ŋäci ruac gɔaa, kɛ kui̱c ɛmɔ ci Kuoth ji̱ poth amäni cäŋ kɛl.

Diit 50:2

Kä Dha-yɔn, wec in gɔaa, cu buay Kuɔth ben ni thi̱n.

Diit 86:15

Duundɛ ɣöö ɛ ji̱n Kuoth mi gɔaa kä tekɛ pälikä, Kuoth mi kuiy gakdɛ kä tekɛ nhök mi di̱i̱t mi thil pek kɛnɛ ŋa̱th.

Diit 86:5

Kɛ ɣöö ɛ ji̱n ram mi gɔaa kä tekɛ pälikä, moc nɛy tin cɔalkɛ ji̱ kɛ nhökdu min thil pek.

Diit 90:17

A nhök Kua̱ran ni Kuoth tekɛ kɔn kɛɛl, jakni lätkɔ diaal kä thuɔ̱k, ɛ puc jakni lätkɔ diaal kä gɔw!

Ɣöth 15:11

“Kua ŋa mi ce̱t ji̱, ji̱n Kuoth Nhial, rɛy kuthni? Kua ŋa päär ji̱ mɔ, mäni rɛy gɔɔyädu kɛɛliw, kɛ rɛy lätniku tin gɔw, kɛnɛ lätku tin ga̱ykɛ naath?

Thɔl 5:10

Luumdä gɔaaɛ kä tëë kɛ guɔ̱p mi yian, kä deri jɛ ŋic rɛy nɛɛni ti bathdɔɔri wäl.

Thɔl 7:9

Kä ci̱emdu gɔaaɛ ce̱tkɛ kɔaŋ mi gɔaa.” Kä a kɔaŋ wä nikä luumdä, a jɛ lo̱ny ni thokdɛ.

I-ca-yaa 33:17

Bi wäŋkun kuäär nɛn rɛy gɔɔyädɛ, bia mun in räth ni nɔ̱nä nɛn.

I-ca-yaa 63:15

Kuoth guic kɔ ni nhial, guic kɔ guäth cieŋädu min gɔaa in rɛl rɔ. Gɔɔydu anikä kɛnɛ buɔ̱mdu? Nhökdu kɛnɛ kɔ̱a̱c lɔaacdu cikɛ woc kä kɔ.

I-ca-yaa 63:7

Ɣän bä gɔɔy Kuɔth Nhial lat, kä bä jɛ liak kɛ tin diaal tin cɛ la̱t, ce̱tnikɛ tin diaal tin cɛ lät kä kɔn, kɛ kui̱ gɔyni diaal tin cɛ lät kä dhɔr I-thɛ-rɛl, tëë cɛ ka̱mkɛ kɛ kui̱ gɔɔyädɛ, kɛnɛ di̱t nho̱kädɛ min thil pek.

Bok Go̱kä ni Yir-mɛ-yaa 31:12

Bikɛ ben kä bikɛ wä ki̱et nikɛ jɔw mi di̱i̱t, wi̱i̱ pa̱a̱m Dha-yɔn. Kä bi lɔcdiɛn tɛɛth kɛ muc Kuɔth Nhial. Bi lo̱ckiɛn tɛɛth kɛ kui̱ bɛɛl, kɛ kɔaŋ kɛnɛ liɛth, amäni det kɛnɛ ɣɔ̱k bä. Kä bi tëkdiɛn cu ce̱tnikɛ kak dɛɛni wal mi te wi̱c yiëër. Kä /ci kɛn rɔ̱ bi lɛ nyɔk kɛ cuɔ̱c.

Bok Go̱kä ni Yir-mɛ-yaa 31:14

Kä bä bööth palädiɛn moc kɛ ŋɔak ti ŋuan. Kä bi nɛɛkä cu tekɛ ŋɔak ti ŋuan,” ruac ni ɣän Kuoth Nhial.

Yo-el 2:26

“Ɛn täämɛ bia tekɛ ti ŋuan ti bia cam, a bia ria̱ŋ. Kä bia ciöt Kuoth Nhial in la Kuothdu cu liak, mëë ci yɛ lät kä ti gɔw. Kä /ca nɛɛkä bi me̱t nyɔk kɛ jak kä po̱c amäni cäŋ.

Yo-el 3:18

Ɛn cäŋ ɛmɔ bi pääm diaal wuɔ̱th kɛ kɔaŋ mi kɛc kɛc, kä bikɛ lo̱o̱ny kɛ cak, kä bi wäŋ Juda diaal tekɛ pi̱ ti ŋuan, kä bi waŋ pi̱kɛ ben ni luaak Kuɔth Nhial, lonykɛ rɛy lo̱o̱lä Ci-tim.

Jɔ̱ɔ̱n 1:14

Cu Ruac ben ala Raan, kä cuɛ cieŋ rɛydan, kä canɛ gɔɔydɛ min ce̱tkɛ gɔɔy Gatdä Kuɔth in kɛl kärɔa nɛn cɛ thia̱ŋ kɛ nhök kɛnɛ thuɔ̱k.

Jɔ̱ɔ̱n 3:16

“Kɛ ɣöö nhɔk Kuoth nɛy diaal ɛlɔ̱ŋ, cuɛ Gatdɛ kɛl ni kärɔa muɔc, kɛ ɣöö ram mi wä jɛ ŋäth, /cɛ bi li̱w, bɛ tekɛ tëk mi thil pek.

Ji̱ Röm 5:20

Duundɛ ɣöö bä ŋut kɛ ɣöö bi dueer rɔ̱ rep, kä kɛ gua̱a̱th in ci duer rɔ ku rep, bi puɔ̱th baaŋ rɔ rep ɛlɔ̱ŋ.

Ji̱ Röm 5:8

Kä ci Kuoth kɔn nyuɔ̱thɛ nhökdɛ kɛ ɣöö mëë ŋuɔtnɛ ala ji̱ dueer cu Yecu li̱w kɛ kui̱dan.