Dhɛk 9:11 - RUAC KUƆTH IN RƐL RƆ

¹¹ Kä cu Kuoth Nhial wee, kɛ kui̱ riɛm matdä ruacdä kɛ ji̱, ɣän bä nɛɛku tin ca pɛc lony guäth ɛ dak pi̱kɛ tɔ̱.

Dhɛk 9:11 Iomraidhean Croise

2 Tham 13:13

Kä ɣän dëë pöcdä ku lɛ lɛ̱̈ny nikä? Cu ji̱n bi cua̱ ram mi dɔ̱a̱r kä I-thɛ-rɛl. Kɛ kui̱c ɛmɔ täämɛ, kua̱ läŋ ni ji̱, ruacni kɛ kuäär. Dɔ̱ŋ /cɛ ɣä bi ka̱n kä ji̱.”

2 Kuɛ̈n 7:17

Kä kɛ kui̱du mi wi̱i̱ guɔ̱ɔ̱r ni dupkä ce̱tkɛ mëë ci guur ni Dee-bid kɛ guɔ̱ɔ̱r, kä bi la̱t ni tin diaal tin ca lar ji̱, kä bi tit ni ŋuɔ̱tkä kɛnɛ luëëkä,

I-yob 33:30

kɛ ɣöö bɛ yiëë ran luɔ̱c jɔk puul li̱eth, a bɛ lɛ tëk rɛy buɔyä.

Diit 30:3

Kä lö Kuoth Nhial ci yiëëdä wä ka̱m raar ni jɔɔkni, ci ɣä wä luɔ̱ɔ̱c jɔk ni rɛy nɛɛni tin ci li̱w.

Diit 40:2

Cɛ ɣä ka̱m raar rɛy puɔ̱ɔ̱l mi thil wat, rɛy tua̱a̱k mi dɔkdɔk, cɛ ɣä la̱th ni wi̱i̱ pa̱a̱m, cɛ ɣä jak kä cuŋ guäth malä.

Diit 69:33

Kɛ ɣöö Kuoth Nhial liŋɛ jɔw cani, kä /cɛ nɛɛkɛ tin ca yian lo̱k.

Ɣöth 24:8

Kä cu Muthɛ riɛm ka̱n, cuɛ jɛ kiɛth puɔ̱ɔ̱ny nath, cuɛ wee i̱, “Guɛcɛ jɛ, riɛm ɛmɛ ɛ riɛm guk ruac kɛ tëë ci Kuoth Nhial kɛ la̱t kä tɔ̱tɔ̱ kɛ kɛn rieetkɛ.”

I-ca-yaa 24:22

Kä bakɛ ruɔl guäth kɛl ce̱tnikɛ ti ca yiɛn rɛy puɔ̱ɔ̱l, bakɛ yiɛn luak yieenä, kä bakɛ duäc kɛ kɔr ni̱ni ti ŋuan.

I-ca-yaa 42:22

Duundɛ ɣöö kɛn nɛy ti̱ti̱ cakɛ mac kä ca kuakiɛn pɛc, ca kɛn diaal jak kä pɛn kɔ̱k, kä cakɛ tɔ̱w duëël yieenä, mackɛ nikɛ kä pɛ̈ckɛ kɛ a thilɛ ram mi deekɛ luäk, la cua̱ pɛ̈ckɛ nikɛ a thil ram mi wee i̱, “Luɔcɛ kɛ jɔk!”

I-ca-yaa 42:7

Kɛ ɣöö bi yɛn wäŋ tin ci cɔr lɛp, kä bi yɛn ji̱ yieenä lony ɛ lɔr, nɛy tin te nyuurä rɛy muɔ̱th duëël yieenä.

I-ca-yaa 49:9

bä ji̱ yieenä jiök i̱, ‘Bia raar,’ kä bä nɛy tin cieŋ rɛy muɔ̱th jiök i̱, ‘Bia rɛy buɔyä.’ Bikɛ laak gëëkni duɔ̱pni, pääm diaal tin car caar ba gua̱a̱th la̱kdiɛn.

I-ca-yaa 51:14

Kɛn nɛy tin ca yiɛn bakɛ lony ɛ lɔr täämɛ, /cikɛ bi li̱w duëël yieenä, kä /ci mi̱ethdiɛn bi thil.

I-ca-yaa 58:12

Kä bi nɛɛku ti̱ec tin ci da̱k nyɔk kɛ ta̱th, biakɛ nyɔk kɛ ta̱th ni guäth ti̱ecni tëë wal, ba ji̱ cɔl ni nyio̱o̱k ta̱thni pa̱nyni, läät duɔ̱pni tin ciaŋkɛ.”

I-ca-yaa 61:1

Te yiëë Kua̱r ni Kuoth kɛ ɣä, kɛ ɣöö ci Kuoth Nhial ɣä kuany, kɛ ɣöö bä can nöŋ thuk ti gɔw, cɛ ɣä ja̱k kɛ ɣöö bä nɛy tin jiɛth lo̱ckiɛn bum, kä bä pɛ̈ɛ̈c la̱t ɣöö bikɛ lɔar, kä bä ji̱ yieenä la̱t ɣöö cakɛ lony,

Bok Go̱kä ni Yir-mɛ-yaa 38:6

Kä cukɛ Yir-mɛ-yaa naŋ, kä cukɛ jɛ yuɔr rɛy jiɛw Mal-ki-yaa, gat kua̱r in te rɛy rɛ̈ɛ̈k dhɔaar ga̱a̱ŋni. Kä cukɛ Yir-mɛ-yaa luay piny kɛ dep, rɛy jiɛw mi lueŋ lueŋ, duundɛ ɣöö thilɛ jɛ pi̱w te ni tuäk thi̱n, kä cu Yir-mɛ-yaa cuit thi̱n.

Bok Go̱kä ni Da-ni-yel 2:29

Kä min ti̱i̱ tɔ̱ɔ̱cä dhaŋädu lö kuäär, ji̱n la cäri ɛlɔ̱ŋ kɛ kui̱ ŋɔaani ti bi ben, kä ci ram min la nyuth naath tin ga̱ykɛ naath ji̱ cu nyuɔ̱th kɛ ŋɔak tin bi ben.

Mɛ̈t 26:28

kɛ ɣöö mɛmɛ ɛ riɛmdä kɛ kui̱ matdä ruac in pay tuɔɔk kɛ päl dueeri nɛɛni ti ŋuan.

Mak 14:24

Cuɛ kɛ jiök i̱, “Nɛmɛ ɛ riɛmdä ma̱tdä ruac, mi ci lo̱ny kɛ kui̱ nɛɛni ti ŋuan.

Luk 16:24

Kä cuɛ ciöt kɛ jɔw mi di̱i̱t i̱, ‘A-bɛ-ram Gua̱di̱n, a lɔcdu kɔ̱c kɛ ɣä, kä jäkni La-dha-räth kɛ ɣöö bɛ wi̱c yiɛtädɛ cua̱th rɛy pi̱i̱ni kä bɛ lɛpdä ben jakä kɔ̱a̱c, kɛ ɣöö cuɔ̱cä guäth bo̱lä maac ɛ bɛc bɛc ɛmɛ.’

Luk 22:20

Kä cuɛ liɛɛr lɛni ka̱n bä, kɛ kɔr mi̱eth wëë i̱, “Jɛn liɛɛr ɛmɛ min ca tith kɛ kui̱dun, ɛ mat ruac in pay tuɔɔk kɛ riɛmdä.

Luk 4:18

“Te Yiëë Kua̱r ni Kuɔth puɔ̱nydä, kɛ ɣöö cɛ ɣä mɛk ɛn ɣöö bä thuk ti gɔw nöŋ can. Cɛ ɣä ja̱k kɛ ɣöö bä luɔ̱ny nath tëë ca pɛc lat, kɛnɛ ɣöö bä nyin ciööri lɛp, kä bä nɛy tin ciaŋkɛ a jiäk woc.

1 Kor 11:25

Kä kɛ jɛn duɔ̱ɔ̱p ɛmɔ bä kɛ kɔr mi̱eth, cuɛ liɛɛr ka̱n, kä cuɛ wee i̱, “Liɛɛr ɛmɛ ɛ mat ruac in pay tuɔɔk kɛ riɛmdä. Kä ɛn guäthɔ bi yɛn jɛ a maath thi̱n ɔ, la̱tdɛ jɛ ala ti̱emdun kɛ ɣä.”

Ŋuɔ̱t 5:31

Kä ji̱n cuŋni wa̱nɛ mi kutdä, mäni mi cä ji̱ la̱t luëëk kɛnɛ ŋuɔ̱t tin bi wä ŋi̱i̱c nikɛ. Kɛ ɣöö bikɛn kɛ wä la̱t muun in cä ka̱m kɛ in ba wä ciɛŋ.’

Ji̱ Ɣi-bɛ-ru 10:2

Kä mi ci nɛy tin palkɛ Kuoth gɔaa kä dueerkiɛn, /cikɛ dee lɛ ŋot kɛ mi tekɛ kɛ duer, kä dee muc diaal cu cuɔ̱ŋ.

Ji̱ Ɣi-bɛ-ru 10:29

Kuɛ tɔ̱a̱ŋ mi jiääk mi te di ɛnɔ caarɛ mɔ i̱ ba jek ɛ nɛy tin /ca Gat Kuɔth luth, kä guɛckɛ riɛm matdä ruac ëë ca lɛy ni kɛ ce̱tkɛ mi /ciɛ mi gɔaa, kä kueth Yiëë nho̱kä Kuɔth?

Ji̱ Ɣi-bɛ-ru 13:20

Täämɛ a Kuoth malä, mëë jiɛc Kuääran ni Yecu li̱th, min la yieen deet in di̱i̱t, kɛ riɛm matdä ruac mi do̱raar,

Nyuuth 20:3

Kä cuɛ jɛ yuɔr rɛy kɔ̱kä, kä cuɛ jɛ gäk kä thanyɛ wi̱cdɛ thi̱n, kɛ ɣöö /cɛ döör bi nyɔk kɛ mɛtni amäni mi ci run ti bathdɔɔr kɛl thuɔ̱k. Kɛ kɔr kä mɛmɛ ba jɛ dhil lony kɛ gua̱a̱th mi tɔt.