Dhɛk 8:9 - RUAC KUƆTH IN RƐL RƆ

⁹ Kä cu Kuoth Nhial in la Ruey Ɣɔaa wee i̱, “Buɔ̱mɛ rɔ̱, yɛn nɛy tin ci ruac göökni liŋ ɛn ni̱ni ti̱ti̱, mëë yiathkɛ keŋ luaak Kuɔth Nhial in la Ruey Ɣɔaa piny, kɛ ɣöö ba luak Kuɔth Nhial in la Ruey Ɣɔaa la̱t.

Dhɛk 8:9 Iomraidhean Croise

1 Kuɛ̈n 22:13

Kä bi nyinku gɔw, mi wi̱i̱ ŋuɔ̱t tëë cɛ la̱t Muthɛ kɛ kui̱ I-thɛ-rɛl tit agɔaa. Bumni, kä com rɔ cu dual kä cu rɔ luär.

1 Kuɛ̈n 28:20

Kä cuɛ gatdɛ ni Thɔ-lo-mon jiök i̱, “Bumni, kä com rɔ, lätni luak. /Cu dual, kä /cu rɔ luär, kɛ ɣöö te Kuoth Nhial min la Kuothdä kɛɛl kɛ ji̱. /Cɛ ji̱ bi jak kä pɛn kä /cɛ ji̱ bi pa̱l ruëëc, amäni mi ci ta̱th luaak Kuɔth Nhial thuɔ̱k.

2 Kuɛ̈n 15:7

Kä yɛn, buɔ̱mɛ /cuarɛ rɔ luär, kɛ ɣöö ba yɛ cuɔ̱l la̱tdun.”

Ɛdhra 6:14

Kä cu bööth ji̱ Juudh wä agɔaa lät luaak Kuɔth, cuɔmkɛ kɛ ɛ göökiɛn ni Ɣa-gay kɛnɛ Dhɛ-kar-yaa gat Ido. Kä cukɛ ta̱th luaak Kuɔth thuk ce̱tnikɛ ruac Kuɔth I-thɛ-rɛl kɛnɛ ruac Ko-rɛc, kɛ Dɔr-ya-wɛc, kɛ Är-tɛ̈k-cɛ̈th-tɛ kua̱r Pa-rath.

I-ca-yaa 35:3

Bum tet raam mi kɔ̱c, kä luäk ram mi kɔ̱c mua̱a̱lkɛ.

I-ca-yaa 35:4

Kä jio̱kni nɛy tin dual lo̱ckiɛn i̱, “Buɔ̱mɛ, kä /cuarɛ dual! Kä nɛnɛ, Kuothdun bɛ ben, jɛn bɛ ben kɛ cut, bɛ ben bɛ ji̱ tɛ̈run duäc. Bɛ ben bɛ yɛ ben kän.”

Bok Go̱kä ni Ɣa-gay 1:1

Runä min rɛwdɛ guäth ëë la Dɔr-ya-wɛc a kuäär in di̱i̱t ro̱o̱l Pɛ-re-thia, kɛ cäŋ in jio̱l kä pay bäkɛl (Kornyot), cu Kuoth Nhial ruac kɛ thok go̱kä mi cɔal i̱ Ɣa-gay. Kɛ ruac mi no̱pɛ kuäär Juda ni Dhɛ-ru-ba-bɛl gat Cal-ti-ɛl, kɛnɛ bo̱o̱th palä in di̱i̱t ni Jɔ-cua gat Yɛ-ɣo-dha-dak, cuɛ wee i̱,

Bok Go̱kä ni Ɣa-gay 1:12

Ɛ jɛn, cu Dhɛ-ru-ba-bɛl gat Cal-ti-ɛl kɛnɛ Jɔ-cua gat Yo-dha-dak, amäni duɔth nɛɛni diaal tëë luny jɔk ro̱o̱l pe̱cä tëë /ken ruac Kuɔthdiɛn ni Kuoth Nhial liŋ. Cukɛ dual kä cukɛ ruac go̱kä ni Ɣa-gay in ca ja̱k ɛ Kuoth Nhial nhɔk.

Bok Go̱kä ni Ɣa-gay 2:18

Kua nɛmɛ tit agɔaa niɛ wa̱lɛ mi a wä nhiam, nikɛ cäŋ ɛ ca thuuk ni yiɛth luaak Kuɔth in di̱i̱t piny ɛ, kɛ jɛn cäŋ kä jiɛn rɛw wi̱cdɛ ŋuaan kä pay bäŋuan ɛmɛ (pay Yi̱etni), tiɛtdɛ mɔ bi tuɔɔk ɔ.

Bok Go̱kä ni Ɣa-gay 2:21

kä Dhɛ-ru-ba-bɛl kuäär Juda wëë i̱, “Täämɛ min göörä ɛ ɣöö bä nhial kɛnɛ piny moc lath,

Dhɛk 8:13

Kä ce̱tnikɛ mëë la yɛ a latkɛ ala ka̱a̱ŋ rɛy dööri, yɛn ji̱ Juda yɛnɛ ji̱ I-thɛ-rɛl, ɣän bä yɛ kän kä bia tekɛ puɔ̱th. /Cuarɛ dual, buɔ̱mɛ ni rɔ̱.”

Dhɛk 8:18

Kä cu ruac Kuɔth Nhial in la Ruey Ɣɔaa lɛni ben kä Dhɛ-kar-yaa i̱,

Ji̱ Ɛ-pɛ-thäth 6:10

Kɛ jɔak, buɔ̱mɛ rɛy Kua̱r ni Yecu kɛnɛ rɛy bumädɛ min di̱i̱t.

2 Tim 2:1

Ji̱n gatdä, bumni rɛy puthä min te rɛy Kritho Yecu.

Jɔ-cua 1:6

A bum ni ji̱n, kä /cu dual kɛ ɣöö bi nɛy ɛ ti böth muun ëë cä guɔ̱k gua̱ndɔɔŋnikiɛn i̱ bi a duundiɛn.

Jɔ-cua 1:8

Ɛn warɛgak ŋuɔ̱tni ɛmɛ a /ci luɛ̈ɛ̈r thokdu, kä la car rɛydɛ kɛ cäŋ kɛnɛ wäär, kɛ ɣöö bi la tiidi ni tin diaal tin ca gɔ̱a̱r rɛydɛ. Kɛ kui̱ ɛmɔ dëë lätku cu cuɔ̱ŋ.