Dhɛk 8:3 - RUAC KUƆTH IN RƐL RƆ

³ Kä cuɛ ruac ɛn ɣöö, ɣän bä loc kä Dha-yɔn, a bä wä cieŋ ni rɛy Jɛ-ru-tha-lɛm, kä ba cɔli wec ŋäthä kä päm Kuɔth Nhial in la Ruey Ɣɔaa, päm in rɛl gɔɔydɛ rɔ.

Dhɛk 8:3 Iomraidhean Croise

Diit 2:6

“Ɣän cä kuäärä kuany kä Dha-yɔn pämdä min rɛl rɔ.”

Diit 48:1

Kuoth Nhial di̱tdɛ, kä ro̱ŋ ni jɛn kɛ liak, rɛy wec Kuɔthda, päämdɛ min rɛl rɔ.

Ɣöth 29:45

Ɣän ba̱a̱ cieŋä rɛy ji̱ I-thɛ-rɛl, kä ba̱a̱ Kuothdiɛn.

I-ca-yaa 1:21

Jɛ-ru-tha-lɛm wec ëë la ŋa̱th ɛ jɛn ci ce̱tnikɛ ler ɛ! Mëë la cieŋ kɛ thuɔ̱ɔ̱k kä la te ni cuŋ rɛydɛ ɛn täämɛ te ni luɔ̱ɔ̱c nath thi̱n!

I-ca-yaa 1:26

Bä ji̱ luɔ̱c ruëëcku ce̱tnikɛ ni̱n tëë nhiam, kä bä ji̱ luɔ̱c nɛy tin la luëkɛ ji̱, ce̱tnikɛ ni̱n tëë kɔn. Kɛ kɔrɛ ba ji̱ cɔli wec cuŋni, wec mi tekɛ ŋa̱th.”

I-ca-yaa 11:9

Kä cikɛ bi tekɛ riɛk kiɛ da̱k wi̱i̱ pa̱a̱mdä min rɛl rɔ, bi wi̱c muɔ̱ɔ̱n thia̱a̱ŋ kɛ ŋäc ŋɔaani Kuɔth Nhial ce̱tkɛ min la pi̱w yier a thiääŋ.

I-ca-yaa 12:6

Rɔalɛ kɛ̈tdɛ diit tɛthkä lɔaac lö yɛn ji̱ Dha-yɔn, kɛ ɣöö te Kɛl I-thɛ-rɛl in Rɛl Gɔɔydɛ rɔ rɛydun.”

I-ca-yaa 32:16

Ni därdɔaar ba thuɔ̱k jek thi̱n, kä bi cuŋ te muun ciɛkä bɛɛl.

I-ca-yaa 60:14

Kä bi gua̱ni nɛɛni tin ciaŋkɛ ji̱ a jiäk, ben kä ji̱ a ca rɔ goŋ, kä nɛy diaal tin lökɛ ji̱ bikɛ rɔ̱ ben goŋ ciökniku, kä ba ji̱ cɔl i̱ Wec Kuɔth Nhial, Dha-yɔn Kuɔth I-thɛ-rɛl.

I-ca-yaa 65:25

Bi jio̱k nyapëc kɛnɛ ruath dɛ̈ɛ̈l rɔɔmä laak guäth kɛl, kä bi lony lak ni wal ce̱tkɛ yaŋ, kä bi mi̱eth thɔa̱a̱l ɛ tur. Kä thilɛ mi bikɛ jek kiɛ bikɛ däk rɛy pa̱a̱mdä min rɛl rɔ kɛɛliw,” ruac ni ɣän Kuoth Nhial.

I-ca-yaa 66:20

Kä bikɛ gaatmuɔɔri nööŋ rɛy dööri diaal ce̱tkɛ muc ti thöpkɛ Kuoth Nhial, bikɛ ben a cikɛ kɔt kɛ jiöŋkööri kɛ muɔ̱li kɛ thurbiɛɛli kɛ thɔ̱a̱rɔa̱a̱li bäkɛ wi̱i̱ pa̱a̱mdä min rɛl rɔ ni Jɛ-ru-tha-lɛm, ce̱tnikɛ min la ji̱ I-thɛ-rɛl muc bɛɛl a no̱o̱ŋ kɛ kuak ti gɔw rɛy luaak Kuɔth Nhial.

I-ca-yaa 8:18

Nɛnɛ, ɣän kɔnɛ gaat tin Ci Kuoth kɛ ka̱m ɣä, kɛ kɔn nyuuth rɛy I-thɛ-rɛl kä Kuoth Nhial in la Ruey Ɣɔaa, min cieŋ wi̱i̱ Pa̱a̱m Dha-yɔn.

Bok Go̱kä ni Yir-mɛ-yaa 14:9

Ɛŋu ce̱tdi kɛ ram mi ci ga̱a̱c ɔ, mɔ ce̱tdi kɛ ram mi bum mi /ci raan dee luäk ɔ? Kä ŋotdi ti̱i̱ rɛyda lö Kuoth Nhial, kä cɔal kɛ kɔ kɛ ciötdu, /cukɔ bäny piny.”

Bok Go̱kä ni Yir-mɛ-yaa 26:18

“Tëë kɛ wut mi cɔal i̱ Mikaa raan Mo-rɛ-cɛth mi cu ruac go̱o̱kä lat kɛ ni̱n Ɣidh-ki-yaa kuäär Juda, cuɛ ji̱ Juda diaal jiök ɛn ɣöö ci Kuoth Nhial in la Ruey Ɣɔaa wee i̱, ‘Ba Dha-yɔn pur ce̱tnikɛ kak, kä bi Jɛ-ru-tha-lɛm a di̱r jiäkni, kä bi päm in te luak thi̱n a rup.’

Bok Go̱kä ni Yir-mɛ-yaa 31:23

Kä cu Kuoth Nhial in la Ruey Ɣɔaa ni Kuoth I-thɛ-rɛl mɛmɛ lar wëë i̱, “Bi kɛn rieet ti̱ti̱ lɛni nyɔk kɛ lär mun Juda kɛnɛ rɛy wi̱i̱nikɛ, mi wa̱a̱ kɛ nyɔk kɛ luuc jɔk bikɛ wee i̱, ‘Ci Kuoth Nhial ji̱ poth, lö ciëëŋnda min thuɔ̱k, lö päm in rɛl gɔɔydɛ rɔ.’

Bok Go̱kä ni Yir-mɛ-yaa 33:16

Kä ɛn ni̱ni ti̱ti̱ bi Juda luäk jek kä bi Jɛ-ru-tha-lɛm cieŋ kɛ mal. Kä mɛmɛ ba jɛn ciöt in ba cɔɔl ni jɛ i̱, ‘Kuoth Nhial ɛ jɛn cuɔ̱ɔ̱ŋda.’ Ruac ni ɣän Kuoth Nhial.”

Yɛdh 48:35

Kä ɛn wec ni kɛɛliw bɛ a jua̱th tetni ti bathdɔɔri wäl wi̱cdɛ bädäk. Kä bi ciötdɛ ɛn wec niɛn guäth ɛmɔ a wee wä a ɣöö, Kuoth Nhial a wa̱nɔ.

Bok Go̱kä ni Da-ni-yel 9:16

Kä kɛ ti̱etdu kɛ gɔɔydu lö Kuäär ni Kuoth, pal nɛy ni ji̱, ku ŋɛ̈ɛ̈nydu kɛnɛ waŋ lɔaacdu päl kɛ kui̱ wecdu ni Jɛ-ru-tha-lɛm wi̱c pa̱a̱mdu min rɛl rɔ. Kɛ kui̱ dueerikɔ kɛnɛ dueer gua̱ndɔɔŋnikɔ ca Jɛ-ru-tha-lɛm kɛnɛ nɛɛku moc kɛ buar kä nɛy diaal tin thieek kɛ kɔ.

Yo-el 3:17

“Kä bia cu ŋa̱c, ɛn ɣöö ɛ jɛn ɣän Kuoth Nhial Kuothdun, in cieŋ kä Dha-yɔn, wi̱i̱ päämdä in rɛl gɔɔydɛ rɔ. Kä bi Jɛ-ru-tha-lɛm a wec mi rɛl rɔ, mi /ca bi lɛ me̱t ka̱n ɛ nɛy kɔ̱kiɛn.

Yo-el 3:21

Kä bä nɛy tëë ca näk col, kä /cä ji̱ dueeri bi pälikä. Kɛ ɣöö ɣän Kuoth Nhial bä cu cieŋ kä Dha-yɔn.”

Mikaa 4:1

Kä kɛ ni̱n tia̱ bi beni, bi päm in ca luak Kuɔth Nhial täth thi̱n, bär ni jiɛɛn kä pääm diaal. Kä bi nɛy ti ŋuan rɔ̱ dol thi̱n.

Dhɛp 3:13

Kä duɔth ji̱ I-thɛ-rɛl tin tëk, /cikɛ bi lɛ duer. Kä /ca kac bi lat, kä /ca mi la kaŋ bi lat. Bikɛ mi̱th kä bikɛ tɔ̱ɔ̱c, kä thilɛ mi bikɛ jak kä dual.”

Dhɛk 1:16

Kɛ kui̱c ɛmɔ cu Kuoth Nhialɛ lar ɛn ɣöö cä luny kä Jɛ-ru-tha-lɛm kɛ kɔ̱a̱c lɔaac. Kä ba luaakdä la̱t thi̱n, kä ba Jɛ-ru-tha-lɛm nyɔk kɛ ta̱th.’

Dhɛk 12:6

“Kä ɛn cäŋ ɛ mɔ, ɣän bä thok duëël Juda jak kä ce̱tkɛ mac rɛy ruɔ̱ɔ̱p, kä ce̱tkɛ bo̱l maac rɛy burä. Bikɛ kui̱c cuëëc kɛnɛ kui̱c caam kɛ nɛy diaal tin thieek kɛ kɛ dup. Kä bi Jɛ-ru-tha-lɛm ŋot guäthdɛ.

Dhɛk 14:10

Kä bi wi̱c muɔ̱ɔ̱n a day a känɛ jɛ nikä Gabä kui̱c caam a wä nikä Ri-mon kui̱c cuëëc Jɛ-ru-tha-lɛm. Duundɛ ɣöö cu Jɛ-ru-tha-lɛm te ni guäthdɛ a känɛ jɛ ni thi̱ek Ben-ya-min a wä thi̱ek ëë wal a wä ni thi̱ek gɔŋtɔtdä, kä a lɛnɛ ka̱n ni biikä Ɣä-nan-el a wä ni guäth dhi̱mä kɔaŋ kua̱r.

Dhɛk 8:16

Kä ti̱ti̱ kɛ tin bia la̱t. La̱tdɛ rɔ̱ thuɔ̱k kamnikun, kä latdɛ ni luɔ̱ɔ̱k ti cuŋ, kä la̱tdɛ ni mal.

Dhɛk 8:19

“Cäŋ ti̱mä ŋuaani päthni kɛnɛ dhieec päthni kɛ bärɔw päthni kɛ wäl päthni, ba cäŋ ti̱mä tɛthkä lɔaac kä ji̱ Juda. Kɛ kui̱c ɛmɔ nhɔakɛ ni thuɔ̱k kɛnɛ mal.”

Jɔ̱ɔ̱n 1:14

Cu Ruac ben ala Raan, kä cuɛ cieŋ rɛydan, kä canɛ gɔɔydɛ min ce̱tkɛ gɔɔy Gatdä Kuɔth in kɛl kärɔa nɛn cɛ thia̱ŋ kɛ nhök kɛnɛ thuɔ̱k.

Jɔ̱ɔ̱n 14:23

Cu Yecu ɛ loc i̱, “Mi nhɔk raan ɣä, bɛ ruacdä käp. Kä bi Gua̱a̱r ɛ nhɔk, kä bakɔ ben kä jɛ, kä bakɔ cieŋ kɛ jɛ kɛɛl.

2 Kor 6:16

Ɛ mat ruac ŋukä te kam luaak Kuɔth kɛnɛ kuth guäyni mɔ? Kɛ ɣöö lapnɛ luaak Kuɔth in tëk, kä ce̱tkɛ min ca lar ɛ Kuoth i̱, “Bi ɣän cieŋ rɛydiɛn, kä bä ja̱l kamdiɛn, kä bi ɣän a Kuothdiɛn, kä bikɛ a nɛɛkä.

Ji̱ Ko-lɔ-thi 2:9

Kɛ ɣöö rɛydɛ te ciaŋ Kuɔth kɛɛliw thi̱n puɔ̱nydɛ,

Nyuuth 21:10

Rɛy yieekä cuɛ ɣä naŋ wi̱i̱ pa̱a̱m mi di̱i̱t mi bäär, kä cuɛ ɣä nyuɔ̱th wec Jɛ-ru-tha-lɛm mi rɛl rɔ bëë piny nhial kä Kuoth.

Nyuuth 21:27

Kä thilɛ duɔ̱ɔ̱r mi jiääk mi bi wä rɛydɛ, kiɛ ram mi lät nyuɔɔn, kiɛ ka̱a̱cni, ɛ ni nɛy tin ca ciöötkiɛn gɔ̱a̱r rɛy buɔk teekä Ruath Dɛ̈ɛ̈l.

Nyuuth 21:3

Kä cua jɔw mi di̱i̱t mi bëë kä kɔm kuäärä liŋ, wëë i̱, “Nɛnɛ, te gua̱a̱th ciɛŋä Kuɔth kɛɛl kɛ naath. Bɛ cieŋ kɛɛl kɛ kɛ ala Kuothdiɛn, kä bikɛ a nɛɛkɛ, kä bi Kuoth puɔ̱nydɛ te kɛɛl kɛ kɛ.