Dhɛk 8:23 - RUAC KUƆTH IN RƐL RƆ

²³ Kä cuɛ ruac ɛn ɣöö, ɛn ni̱ni ti̱ti̱ bi nɛy da̱ŋ wäl kä döör tin kɔ̱ŋ rɔ̱ ka̱p kä raan ji̱ Juudh wäkɛ i̱, ‘A kɔ wa̱kɔ kɛɛl kɛ ji̱, kɛ ɣöö cakɔ liŋ ɛn ɣöö te Kuoth kɛɛl kɛ yɛ.’ ”

Dhɛk 8:23 Iomraidhean Croise

Tuk Cäkä Ɣɔaa 31:41

kɛn run tɔ̱tɔ̱ tëë ruɔ̱ɔ̱nä kɛ ji̱ kɛɛl cieŋdu. Cä lät thi̱n kɛ run da̱ŋ wäl ŋuaan kɛ kui̱ nyiëëtku da̱ŋ rɛw, kä kɛ run bäkɛl cä lät kɛ kui̱ de̱e̱tku, kä ji̱n ci kök lätnikä nyɔk kɛ wa̱ny ni kä wäl.

Tuk Cäkä Ɣɔaa 31:7

kä cuɛ ŋot nikɛ mi mɛɛtdɛ ɣä, kä cɛ kökdä nyɔk ni kä wäl. Duundɛ ɣöö /ken Kuoth ɛ jak kä mi bɛ ɣä lät kä mi jiääk.

2 Kua̱r 2:6

Kä cu E-li-yaa jɛ jiök i̱, “Dothni ɛn wa̱nɛ mi, la̱ŋä ni ji̱. Kɛ ɣöö ci Kuoth Nhial ɣä jäk ni kä Jɔr-dɛn.” Duundɛ ɣöö cuɛ wee “Ce̱tnikɛ ciöt Kuɔth Nhial in tëk, kɛnɛ tëkdu, Ɣän cä ji̱ bi päl.” Kä cukɛ wä kɛn da̱ŋ rɛw.

1 Kuɛ̈n 12:18

Ɛn wa̱ŋɛ mɔ cu yiëë ben kä Ä-ma-thay bo̱o̱th jiɛn diɔ̱k, kä cuɛ wee i̱, “Kɛ kɔn nɛɛku lö Dee-bid gat Jɛthi. Ɛ mal tekɛ ji̱, kä ɛ mal tekɛ nɛy tin lua̱kɛ ji̱! Kɛ ɣöö ci Kuothdu ji̱ luäk.” Ɛ jɛn cu Dee-bid kɛ lor, kä cuɛ kɛ jak kä bööth rɛ̈mdɛ.

2 Kuɛ̈n 15:9

Kä cu ji̱ Juda kɛ ji̱ Ben-ya-min diaal kɛ ji̱ Ɛ-pa-rim kɛ ji̱ Ma-na-thɛ kɛ ji̱ Cim-on tëë cieŋ rɛydiɛn rɔ ma̱t Atha. Kä cu nɛy ti ŋuan ben kä jɛ kä I-thɛ-rɛl, mëë ca ŋa̱c i̱ te Kuoth Nhial Kuothdɛ kɛɛl kɛ jɛ.

Ɛth-ter 8:17

Rɛy wi̱i̱ni kɛnɛ rɛ̈k diaal tin ci ruac kua̱r kɛnɛ ŋutdɛ cop thi̱n, cu naath tekɛ ŋa̱th kɛnɛ tɛ̈th lɔaac mi di̱i̱t, kä ji̱ Juudh, cukɛ tekɛ ti̱em kɛnɛ lɔ̱a̱ŋ. Kä min di̱t ni jɛn ɛlɔ̱ŋ, cua ɣöö cu nɛy ti ŋuan rɔ̱ ri̱t ala ji̱ Juudh, kɛ ɣöö dualkɛ ɛlɔ̱ŋ kɛ ji̱ Juudh.

I-yob 19:3

Nikä wäl täämɛ ruacɛ kɛ ɣä, /ci yɛn po̱c kɛ ɣöö lät yɛn ɣä duer?

Ŋi̱i̱c 11:2

Dääkni nyinku kä nɛy da̱ŋ bärɔw kiɛ bädäk, kɛ ɣöö kui̱ci riɛk ɔ bi ji̱ jek ɔ rɛy ɣɔaa.

I-ca-yaa 3:6

Mi wä raan däman wä käp dhɔr gua̱n kä bɛ jɛ jiök i̱, “Ji̱n ti̱i̱ kɛ bi̱i̱, bi ji̱n a bo̱o̱thda, ruac ɛn di̱r jiäkni nɛmɛ.”

I-ca-yaa 4:1

Ɛn guäth ɛmɔ bi män da̱ŋ bärɔw wut kɛl käp, kä bikɛ wee i̱, “Bakɔ rɔ̱ mi̱eeth kärɔ̱, kä bakɔ rɔ̱ kök bieyni, kuɛn ni nɛy, woc ni buara.”

I-ca-yaa 45:14

Cu Kuoth Nhial wee i̱, “Bi ria̱ŋ I-jëp kɛnɛ kuak Kuc a nyinku, kä bi ji̱ Thɛba tin ba̱r ba̱a̱r a kuaanyku, kɛn bikɛ ben kä ji̱ ala nyinku, ba ji̱ guɔ̱ɔ̱r ɛ kɛn, bikɛ ben a te ciökiɛn kɛ kuatni ba ji̱ ben goŋ. Ba ji̱ ben lip ɛ kɛn wäkɛ i̱, ‘Kuoth tëë kɛ ji̱n kärɔa, thilɛ Kuoth mi dɔ̱ŋ, thilɛ Kuoth mi dɔ̱ŋ mi /ci mɔ a jɛn.’ ”

I-ca-yaa 45:24

Kä bi naath ruac kɛ kui̱dä ɛn ɣöö, cuɔ̱ɔ̱ŋ kɛnɛ buɔ̱m bäkɛ kä Kuoth Nhial. Kä nɛy diaal tin gak kɛ ɣä, ba kɛn diaal jak kä po̱c.

I-ca-yaa 55:5

Kɛ thuɔ̱k bi döör ti kui̱ci cɔl, kä bi döör ti kueckɛ ji̱ ri̱i̱ŋ kä ji̱, kɛ ɣöö ci Kuoth Nhial ni Kuothdu, Kuoth I-thɛ-rɛl, ji̱ moc kɛ luth kɛnɛ liak.

I-ca-yaa 60:14

Kä bi gua̱ni nɛɛni tin ciaŋkɛ ji̱ a jiäk, ben kä ji̱ a ca rɔ goŋ, kä nɛy diaal tin lökɛ ji̱ bikɛ rɔ̱ ben goŋ ciökniku, kä ba ji̱ cɔl i̱ Wec Kuɔth Nhial, Dha-yɔn Kuɔth I-thɛ-rɛl.

I-ca-yaa 60:3

Bi döör ben kä buaydu, bi kua̱r ben kä buay ca̱ŋdu.

I-ca-yaa 66:18

“Ɣän ŋa̱cä lätkiɛn kɛnɛ cärkiɛn kä gua̱a̱th ɛ bëëni kɛ ɣöö bi döör diaal kɛnɛ lëëp diaal ben kɛɛl, bikɛ buaydä ben nɛn,

Mikaa 5:5

Kä bɛ cua̱ maliɛn. Kä mi wä ji̱ A-thi-ri-ya wecdan wä mak a bikɛ ben muundan, banɛ bööthkɔn jak kä wä nyiëëny kɛ kɛ.

Dhɛp 3:19

Nɛ̈nɛ jɛ, ɛn guäth ɛmɔ ɣän bä nɛy tin ciaŋkɛ ji̱ a jiäk duäc, kä bä ruath dɛ̈ɛ̈l kän kä bä pɛ̈ɛ̈c ruɔ̱ɔ̱l, kä bä pöcdiɛn cu jak kä liak, kä bakɛ liak ɛ wi̱c muɔ̱ɔ̱n kɛɛliw.

Kuen 14:22

Kä nɛy diaal tëë ci buɔ̱mdä nɛn kä I-jëp kɛnɛ lätkä tin ga̱ykɛ naath rɛy dɔaar kä ca ɣä ɣɔ̱n ni kä wäl ɛn täämɛ kä /ka̱n ruacdä liŋ.

Luk 8:44

Cuɛ ben kɛ jɔk Yecu, kä cuɛ thok bieydɛ thiap, kä ni ɛn guäth ɛmɔ, cu löny riɛmdɛ juuc.

Lät Jaakni Yecu 19:12

a cäŋɛ ni putdɛ kɛnɛ bi̱i̱ ŋua̱a̱kdɛ tin ca puɔ̱nydɛ nyɔt nöŋ ji̱ jua̱thni, la liawkiɛn cua̱ jiɛy pua̱nynikiɛn, kä la yiey ti jiäk a bä raar kä kɛ.

1 Kor 14:25

Kä kɛ kɔr kä min ca nyin lɔaac raam in /ci ŋa̱th nööŋ raar, jɛn ram ɛmɔ bɛ rɔ goŋ nhiam Kuɔth kä palɛ jɛ, kä bɛ jɛ la̱r i̱, “Kuoth a rɛydun pa̱ny.”

Jɔ-cua 8:35

Kɛn ŋuɔ̱t diaal tëë ci Muthɛ kɛ gɔ̱r, cu Jɔ-cua kɛ kuen ji̱ I-thɛ-rɛl diaal tëë ci duɔl, kɛ män kɛ gaat amäni jur tëë te rɛydiɛn. Thilɛ riet kɛl mi cuɛ ba̱ny jɔ̱ɔ̱r.