Dhɛk 7:14 - RUAC KUƆTH IN RƐL RƆ

¹⁴ Kä cua̱kɛ däk kä rɛy dööri diaal ti kui̱c kɛn kɛ ce̱tnikɛ thul. Kä cu mun lɔ̱ te baaŋ, kä cuɛ thil ram mi wä thi̱n, kä cuɛ thil ram mi bä thi̱n. Inɔ cukɛ mun in gɔaa cu jak kä te baaŋ.”

Dhɛk 7:14 Iomraidhean Croise

2 Kuɛ̈n 36:21

Kɛ ɣöö bi riet Kuɔth Nhial mëë cɛ lat kɛ thok Yir-mɛ-yaa a thuɔ̱k. Cu mun te lɔ̱ŋä kɛ gua̱a̱th ëë tëë baaŋ, amäni mëë ci run bärɔw thuɔ̱k.

Diit 58:9

Kɛ pɛ̈th mi leny ni leth cukä kä mac kuiiyni, inɔ bi Kuoth ji̱ nyuɔɔni ŋuɔk jɔ̱ɔ̱r kɛ pɛ̈th.

I-ca-yaa 17:13

Rɔal nath ce̱tdɛ nikɛ wuɔ̱w pi̱i̱ni ti ŋuan, duundɛ ɣöö mi wä Kuoth ruac kɛ kɛ, bikɛ rɔ̱ bar ni nɔ̱nä, bɛ kɛ lɔk ce̱tnikɛ tur mi lɔk ruɔth ɛ wi̱i̱ pa̱a̱m, kiɛ ce̱tnikɛ nuɔ̱ɔ̱r mi lɔk thulɛ.

I-ca-yaa 21:1

Nɛmɛ ɛ ruac go̱o̱kä, kɛ kui̱ da̱rdɔaar in thieek kɛ bar. Da̱k a bëëni rɛy dɔaar ce̱tdɛ nikɛ ruɔth mi put kä Nɛ-gɛb, bëëkɛ muun mi dual naath kɛ jɛ.

I-ca-yaa 60:15

Cäŋ ni mëë ca ji̱ pa̱l ruëëc kä ca ji̱ lo̱k, ti thilɛ ram mi ret kɛ jɛ, ɣän bä ji̱ jak kä gɔaa amäni cäŋ kɛl, ala gua̱a̱th tɛthkä lɔaac mi do̱raar.

I-ca-yaa 66:15

Nɛnɛ bi Kuoth Nhial ben kɛ dual, kä ce̱t thurbiɛɛlikɛ nikɛ ruɔth, no̱o̱ŋɛ ŋɛ̈ɛ̈nydɛ piny kɛ gak, bä gakdɛ ce̱tnikɛ bo̱l maac.

Bok Go̱kä ni Yir-mɛ-yaa 12:10

Ci ruëëc juri ti ŋuan kak walkä kɛ kui̱ kɔaŋ däk, cikɛ bɛl kakädä dɔny kä piny, cikɛ kak in tɛth lɔcdä jak kä dɔr mi luɔ̱t.

Bok Go̱kä ni Yir-mɛ-yaa 23:19

Kä nɛ̈nɛ thul Kuɔth Nhial! Gakdɛ cɛ wä raar ɛ ruɔth mi bi wuɔ̱th nɛɛni tin jiäk ɛlɔ̱ŋ.

Bok Go̱kä ni Yir-mɛ-yaa 30:23

Kä nɛ̈nɛ ŋɛ̈ɛ̈ny Kuɔth Nhial cɛ jiɛɛn ce̱tnikɛ thul mi put. Kä bɛ pɛn ni wuɔ̱thni ji̱ dueeri.

Bok Go̱kä ni Yir-mɛ-yaa 36:19

Kä cu ruëëc Ba-ruk jiök i̱, “Wër, wiaa tɛ̱̈ɛ̱̈ ɛ rɔ̱, ji̱n yɛnɛ Yir-mɛ-yaa, kä a jɛ thil ram mi ŋäc gua̱a̱thdun.”

Bok Go̱kä ni Yir-mɛ-yaa 44:6

Ɛ jɛn ɛn nëë cua̱ ŋɛ̈ɛ̈nydä kɛnɛ waŋ lɔacdä jak kä bä wi̱i̱ni Juda kɛnɛ rɛy duɔ̱pni Jɛ-ru-tha-lɛm. Kä cua kɛ cu päl amäni walɛ.

Bok Go̱kä ni Yir-mɛ-yaa 5:15

Kä ɣän bä yɛ nöŋ do̱r mi bi yɛ däk, mi bä ni nänä lö dhɔr I-thɛ-rɛl. Ɛ do̱r mi bum bum, kä ɛ do̱r ëë wal, ɛ do̱r mi kui̱c yɛn thokdiɛn, kä /cia min lat kɛn ɛ dee met liŋ.

Bok Go̱kä ni Yir-mɛ-yaa 52:30

Kɛ ruɔ̱n kä jiɛn da̱ŋ rɛw wi̱cdɛ diɔ̱k ruecä Nɛ-bu-kad-nɛ-dhar, cu Nɛ-bu-dhar-dan in la bo̱o̱th yiëëni nɛy ti kur da̱ŋ bärɔw wi̱cdɛ jiɛn da̱ŋ ŋuaan wi̱cdɛ dhieec naŋ ala pɛ̈ɛ̈c. Kɛn nɛy diaal cu kɛ a nɛy ti bathdɔɔri ŋuaan wi̱cdɛ kur bäkɛl.

Yɛdh 12:19

kä läri jɛ nɛy tin cieŋ muun ɛn ɣöö nɛmɛ ɛ ruac Kua̱r ni Kuoth Nhial kɛ kui̱ nɛɛni tin cieŋ kä Jɛ-ru-tha-lɛm muun I-thɛ-rɛl. Akɛ camkɛ mi̱ethdiɛn kɛ dual mi di̱i̱t kä bikɛ pi̱i̱kiɛn math kɛ pöc mi di̱i̱t ɛlɔ̱ŋ, kɛ ɣöö ba ŋɔak diaal tin te muundiɛn woc, kɛ kui̱ gaak nɛɛni tin cieŋ ɛn muun.

Yɛdh 22:15

Ɣän bä yɛ kiɛth rɛy dööri diaal kä bä yɛ riaw rɛy wi̱i̱ni diaal. Kä bä thil gɔɔyädun cu moc kɛ pek.

Yɛdh 5:10

Kä ɛ puc, bi diëëth gan gaatkiɛn cam rɛydun, kä bi gaat diëëthkiɛn cam. Ɣän, bä yɛ luk, kä ram ɔ bi kään ɔ kä yɛ, ɣän bä jɛ kiɛth rɛy jiɔam.

Bok Go̱kä ni Da-ni-yel 8:9

Kä cu tuŋ mi tɔt do̱ny tuuŋ kɛl, kä cuɛ pith kui̱c cuëëc kɛnɛ nhiam ɣɔaa kɛnɛ mun in gɔaa.

Ɣocä 9:17

Bi Kuothdä kɛ cu lo̱k, kɛ ɣöö /ka̱n ruac Kuɔth liŋ ɛ kɛn, bikɛ cu ga̱y rɛy nath.

Yo-el 2:3

Nhiamdiɛn ɛ mac waŋä mi pɛt ti diaal, kä jɔkdiɛn ɛ bo̱l maac mi pɛt. Nhiamdiɛn ci piny ce̱tnikɛ kak E-dɛn, kä jɔkdiɛn ɛ därdɔaar mi luɔ̱t, mi thil ka̱n mi dëë me̱t jek thi̱n.

Liib 26:22

Kä bä le̱y ti jiäk luɔny rɛydun, tin ba gaatkun näk, kä ba ɣɔ̱ɔ̱kun cam kä bi duɔth ni pëk mi tɔt kä yɛ, kä bi dupkun te baaŋ.

Liib 26:33

Kä bä yɛ riaw rɛy döri, kä bä mut jäk kä kɔɔrun, kä bi mundun thil raan, bi ti̱eckun a baŋ.

A-mɔth 1:14

Kɛ kui̱ ɛmɔ, bä päny Rɛ̈-baa cua̱th kɛ mac, kä bɛ ti̱eckɛ ti̱n buɔ̱m buɔ̱ɔ̱m cu pɛt ɛ pɛt. kä tëë kɛ ko̱o̱k kɛ cäŋ yie̱e̱thä, kɛnɛ thul kɛ cäŋ rothä.

Nɛ̈m 1:3

Ɛn Kuoth Nhial dak gakdɛ, kä di̱t buɔ̱mdɛ, kä /cɛ gua̱n dui̱rä päl baaŋ a /cɛ duäc. Kä duɔ̱ɔ̱pdɛ ɛ thul, kä tur ciöknikɛ kɛ pua̱a̱r.

Bok Go̱kä ni Ɣä-bɛ̈-kuk 3:14

Kä curi wi̱cdɛ yiɛth kɛ mutdɛ, mëë ci rɛmdɛ ben ce̱tkɛ thul, ba nɛy ben riaw kä dɔɔr, liakɛ rɔ̱ ce̱tkɛ nɛy ti ci can näk kɛ tɛ̱̈ɛ̱̈.

Dhɛp 3:6

“Ɣän cä döör näk, kä cä wi̱i̱kiɛn däk. Kä cä duɔ̱pkiɛn yia̱r, a bɛ thil ram mi jäl thi̱n. Kä cä wi̱i̱kiɛn däk, a thilɛ ram mi bi cieŋ thi̱n.

Dhɛk 2:6

Kä cu Kuoth Nhial wee i̱, “Biakɛ! Biakɛ! Barɛ rɔ̱ muun kuec caam, kɛ ɣöö cä yɛ däkä tuɔ̱ŋni ɣɔaa da̱ŋ ŋuaan.”

Dhɛk 8:1

Kä cu ruac Kuɔth Nhial in la Ruey Ɣɔaa ben kä ɣä, wëë i̱,

Dhɛk 9:14

Kä bi Kuoth Nhial jɔɔc wi̱i̱ nɛɛnikɛ, kä bɛ bäärɛ yuɔr ce̱tkɛ yiël nhial kä bi Kuäär ni Kuoth Nhial kaaŋ koth, kä bɛ ja̱l kɛ thul kui̱c cuëëc.

Ŋuɔ̱t 28:33

Kä bi dör kɔ̱kiɛn ti kui̱c yɛn kɛ bɛl muɔ̱ɔ̱ndun tin cia la̱t cam. Ni ciaŋ ba ciɛŋ ni yɛ a jiäk kä ba näk ni yɛ.

Ŋuɔ̱t 28:49

Kä bi Kuoth Nhial yɛ nöŋ dör ni guäth mi na̱n, ni peek ɣɔaa, ce̱tkɛ cuɔr mi wur, dör mi /cia thokdiɛn ŋäc.

Ŋuɔ̱t 28:64

“Bi Kuoth Nhial yɛ däkä rɛy nath pëkni ɣɔaa. Bia wä pal ni kuth ti kɔ̱kiɛn, kuth jiɛɛn kɛnɛ pääm tin kui̱c yɛn kɛ kiɛ guurikun.

Ŋuɔ̱t 4:27

Bi Kuoth Nhial yɛ riaw kä rɛy dör, bi pëkdun kuɛ̈ɛ̈ rɛy döri tin bi Kuoth Nhial yɛ naŋ thi̱n.