Dhɛk 6:3 - RUAC KUƆTH IN RƐL RƆ

³ kä diɔ̱ɔ̱kdiɛn tëë kɛ jiöŋkööri ti bo̱o̱r, kä ŋuaandiɛn tëë kɛ jiöŋkööri ti tekɛ biɛɛl ti yiël.

Dhɛk 6:3 Iomraidhean Croise

Tuk Cäkä Ɣɔaa 31:10

Kɛ cäŋ kɛl kɛ gua̱a̱th in la buɔ̱p det rɔ̱ thi̱n, ɣän cä la̱k läkikä, kä cua tut de̱e̱t tin buɔ̱pkɛ det nɛn tekɛ kɛ ti cua̱ny kɛnɛ cuɔri kɛ ti kuac.

Bok Go̱kä ni Da-ni-yel 2:33

kä ca ciökɛ la̱t kɛ ladiit, kä ca pa̱a̱tkɛ liɔm, tha̱a̱ŋdɛ mɔ ladiit kä tha̱a̱ŋdɛ mɔ mun.

Dhɛk 1:8

Kɛ wäär cua̱ wut mi ci kɔt jɔk jiöŋköör mi lual nɛn! Tëë cuŋä rɛy jiɛn ti tɔ̱ɔ̱c rɛy lo̱o̱lä. Jɔkdɛ te jio̱o̱k ti dɛɛr li̱tdä kɛ jio̱o̱k ti bo̱o̱r thi̱n.

Nyuuth 19:11

Kä ɛnɔ cua nhial nɛn cɛ rɔ lɛp, kä nɛnɛ, tëëkɛ jio̱k tuɔ̱ruɔ̱k mi bo̱r! Kä ram min ko̱t jɔkdɛ, cɔalɛ Ram mi Gɔaa, kä Thuɔ̱k jɛn la lukɛ kä tɛɛrɛ ko̱r kɛ cuɔ̱ɔ̱ŋ.

Nyuuth 20:11

Kä cua kɔm kuäärä mi bo̱r mi di̱i̱t kɛnɛ ram in nyuur thi̱n nɛn, kä cu piny kɛnɛ nhial rɔ̱ bar nhiamdɛ, kä cuɛ thil gua̱a̱th kɛ kui̱diɛn.

Nyuuth 6:2

Kä cua guic, kä nɛnɛ, tëëkɛ jio̱k tuɔ̱ruɔ̱k mi bo̱r, kä te ram in kɔt jɛ kɛ bäär. Kä cua jɛ ka̱m kum kuäärä, kä cuɛ ben raar ala tieem, kɛ ɣöö bɛ tiëm.

Nyuuth 6:8

Kä cua guic, kä nɛnɛ, tëëkɛ jio̱k tuɔ̱ruɔ̱k mi yian, kä cɔalkɛ ciöt raam min kɔt jɛ i̱ “Lia̱a̱”, kä guɔ̱ɔ̱rkɛ jɛ ɛ Ro̱l jɔɔkni. Kä cua kɛ ka̱m lua̱ŋ kɛ ɣöö ba kɛl ŋuaani kä ji̱ wec muɔ̱ɔ̱n näk kɛ ko̱r, kɛnɛ buɔth, kɛ liaw, kɛnɛ ley dɔaar.