Dhɛk 4:7 - RUAC KUƆTH IN RƐL RƆ

⁷ Kä ɛ ji̱n ŋa lö päm in bum bum? Kä bi ce̱tnikɛ wi̱c muɔ̱ɔ̱n kä Dhɛ-ru-ba-bɛl. Kä bɛ päm gɔŋtɔtdä ka̱m raar, kä bɛ cu rɔal i̱, ‘Kuoth pothɛ! Kuoth pothɛ!’ ”

Dhɛk 4:7 Iomraidhean Croise

Ɛdhra 3:10

Kä min ci ta̱a̱th luak Kuɔth Nhial tok kɛ ta̱th, cu bööth palä ben a te bieynikiɛn puɔ̱ɔ̱nydiɛn kɛ kaaŋni kɛ ji̱ Lii-bay gaat A-thap kɛ thuɔmni, kɛ ɣöö ba Kuoth Nhial ben puany, ce̱tkɛ mëë ca lat ɛ Dee-bid kuäär I-thɛ-rɛl.

Diit 114:4

Kä cu pääm kuëŋ ce̱tnikɛ rueeth deet, kä cu rët ka̱c ce̱tnikɛ rueeth rɔɔmni.

Diit 114:6

Kä ɛŋu lö pääm mɔ cuarɛ rɔ̱ yuɔ̱ɔ̱r ce̱tkɛ rueeth deet ɔ? Kä ɛŋu ka̱c rët ce̱tkɛ rueeth rɔɔmni mɔ?

Diit 118:22

Jɛn päm in ci ta̱a̱th duëli jɛ lo̱k, ɛ jɛn ci ben a päm in tuɔkɛ ta̱th duëël ɔ.

Diit 84:11

Kɛ ɣöö Kuoth Nhial ni Kuoth ce̱tdɛ kɛ cäŋ kɛnɛ ko̱t, jɛn la ŋunɛ gɔɔy kɛnɛ luth. Thilɛ mi gɔaa mi la Kuoth Nhial jɛ a pen nɛy tin thil bɛ̈ɛ̈l.

I-ca-yaa 28:16

Kɛ kui̱c ɛmɔ cu Kuäär ni Kuoth wee i̱, “Nɛnɛ, ɣän la̱thä päm kä Dha-yɔn ala tuk, päm mi ca ɣɔ̱ɔ̱nä, ɛ päm gɔŋtɔtdä mi gɔaa mi la duŋ tukä mi lɛy lɛy. ‘Kä ram ɔ bi jɛ ŋäth ɔ /cɛ bi ga̱a̱c.’

I-ca-yaa 41:15

Kä nɛnɛ ɣän bä ji̱ jak kä car caar, car caar mi pay la̱t mi moth kä tekɛ lɛc ti ŋuan, bi pääm ŋɛr kä bikɛ nor, kä bikɛ dup ce̱tnikɛ tup.

Bok Go̱kä ni Yir-mɛ-yaa 33:11

Jɔw tɛthkä lɔaac, kɛ nɛy ti köök kɛ kuën kɛ jɔw nɛɛni ti ki̱t kɛ diit tɛthkä lɔaac ti nööŋ kɛ muc rɛy luaak Kuɔth Nhial wä kɛ i̱, ‘Ka̱mɛ Kuoth Nhial in la Ruey Ɣɔaa tɛ̈th lɔaac, kɛ ɣöö Kuoth Nhial gɔaaɛ, kä nhökdɛ min thil pek tëë thi̱n amäni cäŋ kɛl!’ Kä bä mun luɔ̱c gɔɔydɛ ce̱tnikɛ ta̱a̱dɛ mëë jio̱l.

Bok Go̱kä ni Yir-mɛ-yaa 51:25

“Nɛ̈nɛ jɛ, ɣän gakä kɛ ji̱ lö päm mi dääk, min däk wi̱c muɔ̱ɔ̱n ni kɛɛliw. Ɣän bä tetdä riny, gakä kɛ ji̱ bä ji̱ lɛ̈r kɔ̱a̱kni pa̱a̱m. Kä bä ji̱ jakä päm mi ci waaŋ.

Mikaa 1:4

Kä bi pääm thia̱y ciöknikɛ, ce̱tkɛ kɔl rɛy maac, Kä bi lööli rɔ ba̱k, ce̱tkɛ pi̱w, ti ca wuɔc guäth mi lɛ̈ɛ̈r.

Mikaa 4:1

Kä kɛ ni̱n tia̱ bi beni, bi päm in ca luak Kuɔth Nhial täth thi̱n, bär ni jiɛɛn kä pääm diaal. Kä bi nɛy ti ŋuan rɔ̱ dol thi̱n.

Bok Go̱kä ni Ɣä-bɛ̈-kuk 3:6

Mi cɛ cuɔ̱ŋ lathɛ piny, kä mi cɛ liɛɛc dual döör. Kä pääm tëë wal, ci kɛ thia̱y piny. Kä dupkɛ thilɛ kɛ pek.

Dhɛk 4:8

Kä cuɛ ŋot kɛ mi bä ruac Kuɔth Nhial kä ɣä, wëë i̱,

Dhɛk 4:9

“Ɛn tuk duëël ɛmɛ ci Dhɛ-ru-ba-bɛl ɛ la̱t kɛ tetdɛ, kä bɛ jɛ thuk. Kä ɛ jɛn bia ŋa̱c ɔ jäk ɣä Kuoth Nhial in la Ruey Ɣɔaa kä yɛ.

Mɛ̈t 21:21

Kä cu Yecu kɛ loc i̱, “Ɛpuc, ɣän la̱rä jɛ yɛ, mi ta̱yɛ kɛ ŋa̱th, mi thil diw, /cia bi la̱t ni mɛ cä lät kä ŋɔ̱p ɛ kärɔa, cäŋ jiökɛ ni päm mi di̱i̱t ɛmɛ i̱, ‘Woc rɔ̱ wanɛ mɛ kä yuɔrɛ ji̱ där bar,’ ba jɛ la̱t.

Mɛ̈t 21:42

Cu Yecu kɛ jiök i̱, “/Ka̱nɛ jɛ met kuɛn rɛy ruaacni Kuɔth i̱, ‘Päm ëë ca lo̱kɛ ɛ ta̱a̱th duëli ɛ jɛn ci ben a päm gɔŋtɔtdä mɔ. Mɛmɛ ɛ la̱t Kuäär ni Kuoth, kä ɛ mi gääy nëndɛ naath’?

Mak 12:10

/Ka̱nɛ ruac ɛmɛ kuɛn i̱, ‘Päm ëë ca lo̱k ɛ ta̱a̱th duëli, Ɛ jɛn ci ben a päm gɔŋtɔtdä mɔ.

Luk 20:17

Kä cuɛ kɛ guic, cuɛ wee i̱, “Kä ɛŋu lot nɛmɛ jɛ mɔ? Mëë cɛ wee i̱, ‘Päm ëë ca lo̱k ɛ ta̱a̱th duëli, ɛ jɛn ci a päm gɔŋtɔtdä mɔ?’

Luk 3:5

Ba täp diaal di̱er, kä ba pääm diaal tin di̱t kɛnɛ tin tiɛtni pa̱a̱r kɛ piny. Ba gɔ̱a̱ŋ dupni cuɔ̱ŋ, kä ba dup tin yath yaath jakä puɔth.

Lät Jaakni Yecu 4:11

Ɛn Yecu ɛmɛ ‘Jɛn ɛ päm in cia lo̱k yɛn ta̱a̱th duëli, kä ɛ jɛn ci ben a päm gɔŋtɔtdä mɔ.’

Ji̱ Röm 11:6

Kä mi kuanyɛ kɛ kɛ puɔ̱th baaŋ, /cɛ kɛ kuany kɛ lätkiɛn. Kɛ ɣöö mi ɛ lätkiɛn /ci puɔ̱th baaŋ Kuɔth dee lɛ ŋot ala puɔ̱th baaŋ.

Ji̱ Ɛ-pɛ-thäth 2:20

Kä yɛn bä ca yɛ cuŋ wi̱i̱ keŋni min ca la̱t ɛ jaak kɛnɛ göök, kä jɛn Yecu Kritho puɔ̱nydɛ ɛ päm gɔŋtɔtdä.

1 Pit 2:7

Kɛ kui̱dun, yɛn nɛy tin ŋa̱th, jɛn ɛ min gɔaa mi tekɛ luɔt. Kä duundɛ ɣöö kɛ kui̱ nɛɛni tin /ca jɛ ŋäth, “Päm in ca lo̱k ɛ ta̱a̱th duëli, ɛ jɛn päm in ci ben a päm gɔŋtɔtdä duëël.”

Nyuuth 16:20

Kä cu dhuɔ̱li diaal rɔ bar, cuɛ thil pääm ti dëë jek.