Dhɛk 4:14 - RUAC KUƆTH IN RƐL RƆ

¹⁴ Kä cuɛ ɣä jiök i̱, “Kɛ kɛn rɛw tin ca kuany, kɛ ɣöö ba Kuäär ni Kuoth lätikä wi̱i̱ muɔ̱ɔ̱n kɛɛliw.”

Dhɛk 4:14 Iomraidhean Croise

1 Kua̱r 17:1

Täämɛ cu E-li-yaa raan Tic-be mi cieŋ kä Gil-yad Ɛ̈-ɣab jiök i̱, “Ce̱tnikɛ ciöt Kuɔth Nhial Kuoth I-thɛ-rɛl, mi ta̱a̱ cuŋä nhiamdɛ mi, /cɛ bi tekɛ thäc kiɛ nhiaal ɛn runi ti̱ti̱, ɛ ni mi cä lar.”

Ɛdhra 5:2

Kä cu Dhɛ-ru-ba-bɛl gat Cɛ-ɛ̈l-ti-el kɛnɛ Yɛ-cuwä gat Yo-dha-dak luak Kuɔth Nhial in te kä Jɛ-ru-tha-lɛm tok kɛ mi nyɔakɛ jɛ kɛ ta̱th. Kä cu go̱o̱k Kuɔth te kɛɛl kɛ kɛ, cuakɛ luäk.

Diit 110:4

Kuoth Nhial cɛ rɔɔdɛ yac, kä /cɛ ruacdɛ bi gɛr mëë wëë i̱, “Ɛ ji̱n bo̱o̱th palä mi do̱raar mi ce̱tnikɛ Mal-ki-dhɛ-dɛk.”

Diit 2:6

“Ɣän cä kuäärä kuany kä Dha-yɔn pämdä min rɛl rɔ.”

Diit 89:20

Ɣän cä ja̱ŋdä ni Dee-bid jek, kä cua̱ jɛ yi̱r kɛ liɛɛthdä min rɛl rɔ,

Ɣöth 29:7

Kä bi liɛɛth yi̱rä ka̱n, bi jɛ wuɔc wi̱i̱dɛ, biɛ cu yi̱r.

Ɣöth 40:15

bi kɛ yi̱r kɛ yieer in yi̱i̱ri ni gua̱ndiɛn, kɛ ɣöö bikɛ lätkä la̱t ala kua̱r ŋuɔ̱tni, kä bi yi̱eriɛn ɛmɔ kɛ nöŋ ɣöö bi kuääriɛn ɛmɔ a mi lööthkɛ ɛ di̱eeth ri̱cnikiɛn diaal.”

I-ca-yaa 5:1

Ɣän bä dit kɛt kɛ gua̱a̱th mäthdä, dit kɛ kui̱ kakä walkɛ kɛ kui̱ kɔaŋ. Määthdä tëë kɛ kak wal kɛ kui̱ kɔaŋ wi̱i̱ pa̱a̱m mi tekɛ mun mi gɔaa.

I-ca-yaa 54:5

Kɛ ɣöö Cääkdu ɛ cɔwdu, kä cɔalkɛ ciötdɛ Kuoth Nhial in la Ruey Ɣɔaa, ɛn Kuoth I-thɛ-rɛl, ɛ jɛn la Lueelu mɔ, cɔalkɛ jɛ Kuoth wec muɔ̱ɔ̱n kɛɛliw.

Bok Go̱kä ni Yir-mɛ-yaa 49:19

Nɛnɛ, ɣän bäkɛ jak kä bar kɛ rɔ̱ kä Ɛ-dɔm kɛ Pɛ̈th ce̱tnikɛ lony mi ri̱i̱ŋ raar rɛy ruɔ̱ɔ̱p Jɔr-dɛn, mi ban tɔ̱ɔ̱r la̱k deet, ɣän bäkɛ jakä bar kɛ rɔ̱ ni kä kɛɛl kä jɛ. Kä bä ram mi bi jɛ ruac kuany ce̱tnikɛ min göörä. Kɛ ɣöö ɛŋa mi ce̱tkɛ ɣä? Kä ɛŋa ɛnɔ bi ɣä cɔl? Kä ɛ yieen deet in mith bi cuɔ̱ŋ nhiamdä mɔ?

Liib 8:12

Kä cuɛ tha̱a̱ŋ liɛɛth yi̱i̱rä wuɔ̱c wi̱i̱ Ä-ron, kä cuɛ jɛ yi̱r, kä cuɛ jɛ ley Kuoth Nhial.

Mikaa 4:13

Kä cuɛ wee, jiɛc rɔ lö nya Dha-yɔn, kä kɔ̱mkɛ, kɛ ɣöö bä ji̱ moc buɔ̱m mi ce̱tkɛ buɔ̱m yieethä. Kä ji̱n bi dör ti ŋuan riam, kä bi ɣä ley tëë cikɛn kɛ mac, bi ria̱ŋdiɛn ka̱m Kuäär wec muɔ̱ɔ̱n kɛɛliw.

Dhɛk 6:13

Ba jɛn bi luak Kuɔth Nhial la̱t ɔ, kä bi luth kuäärä tekɛ jɛ, kä bɛ ruëc wi̱i̱ kɔaam kuäärädɛ. Kä bɛ tekɛ bo̱o̱th palä kuäärädɛ, bikɛ lät kɛɛl nikɛ mal kɛnɛ tɛ̈th lɔaac.’ ”

Dhɛk 6:5

Kä cuɛ ɣä loc i̱, “Kɛ yi̱ey puɔ̱ɔ̱rä da̱ŋ ŋuaan bäkɛ raar nhiam Kua̱r wec muɔ̱ɔ̱n kɛɛliw.

Luk 1:19

Kä cu jääk nhial ɛ loc i̱, “Ɛ ɣän Gab-ri-yel. Ɣän cuɔ̱ŋä nhiam Kuɔth, kä cɛ ɣä ja̱k kɛ ɣöö bä ben ruac kɛ ji̱, nöŋä ji̱ thuk ti gɔw ti̱ti̱.

Ŋuɔ̱t 10:8

Niɛ guäth ɛmɔ cu Kuoth Nhial ji̱ Lii-bay lɛy kɛ ɣöö ba thanduk luëëkni Kuɔth Nhial kap. Kä bikɛn a bööth la̱t Kuɔth Nhial, kä bikɛ puɔ̱th la̱t kɛ ciötdɛ, mäni walɛ.

Jɔ-cua 3:11

Bia jɛ ŋa̱c kɛ ɣöö mi wä thanduk matdä Kua̱r ni gua̱n wec muɔ̱ɔ̱n kɛɛliw yɛ böth Jɔr-dɛn.

Jɔ-cua 3:13

Kä mi wä bööth palä tin kapkɛ thanduk matdä Kuɔth Nhial in la Kuäär wec muɔ̱ɔ̱n kɛɛliw pa̱a̱t ciöknikiɛn cua̱th yie̱e̱r kä Jɔr-dɛn, bi löny yiëër ɛmɔ cuɔ̱ŋ kä bi pi̱ tin lony ni kui̱c i̱ wee nhial i̱ rɔ̱ rol guäth kɛl.

Nyuuth 11:4

Kɛn nëën da̱ŋ rɛw ti̱ti̱ kɛ jiɛn Ɔ-lip da̱ŋ rɛw kɛnɛ cuuŋni lɛmbärni da̱ŋ rɛw tin cuŋ nhiam Kua̱r ni Kuoth piɛny.

1 Tham 10:1

Kä cu Tha-muɛl liɛɛth ɣo̱kä wuɔc wi̱i̱ Thɔɔl, kä cuɛ jɛ cim kä cuɛ wee i̱, “Ci Kuoth Nhial ji̱ yier kɛ ɣöö bia̱ kuäär nɛɛnikɛ ni ji̱ I-thɛ-rɛl.

1 Tham 16:1

Kä cu Kuoth Nhial Tha-muɛl jiök i̱, “Ɛ bi Thɔɔl ku par amäni nɛy, kä nɛɛni jɛ cä lo̱k ɛn ɣöö ba kuäär kä I-thɛ-rɛl? Thieŋ tuuŋdu kɛ liɛɛth, kä bi̱i̱ ben jäk kä Jɛthi raan Beth-lɛ-ɣɛm kɛ ɣöö cä rɔ moc kuäär rɛy gankɛ.”