Dhɛk 3:9 - RUAC KUƆTH IN RƐL RƆ

⁹ Kä nɛnɛ ɣän la̱thä päm kɛl nhiam Jɔ-cua, ɛn päm ɛ mɔ tëë kɛ pek da̱ŋ bärɔw. Kä ɣän bä gɔ̱r, kä bä duer muɔ̱ɔ̱n ɛ mi woc kɛ jɛn cäŋ ɔ kɛl ɔ, ruac ni ɣän Kuoth Nhial in la Ruey Ɣɔaa.

Dhɛk 3:9 Iomraidhean Croise

1 Kua̱r 1:20

Kä täämɛ kuäärä ji̱ I-thɛ-rɛl diaal guɛckɛ ni ji̱, kɛ ramɔ bi nyuur wi̱i̱ kɔamdu mɔ gua̱a̱thdu.

2 Kuɛ̈n 16:9

Kä Kuoth Nhial guicɛ wi̱c muɔ̱ɔ̱n kɛɛliw, kɛ ɣöö bɛ nɛy tin ci lo̱ckiɛn ka̱m jɛ moc kɛ buɔ̱m. Ci nɛmɛ la̱t ni dɔ̱ɔ̱rä. Kä niɛ täämɛ a wä nhiam bi tekɛ ko̱o̱ri.”

Diit 103:12

ce̱tnikɛ min nɔ̱a̱n nhiam ɣɔaa kɛ jɔk ɣɔaa, cɛ dueerkɔ nɔa̱a̱n ni nɔ kɛ kɔ.

Diit 118:22

Jɛn päm in ci ta̱a̱th duëli jɛ lo̱k, ɛ jɛn ci ben a päm in tuɔkɛ ta̱th duëël ɔ.

Ɣöth 28:11

Bi ciööt gan I-thɛ-rɛl kɛ̈t jɔk guiiyni da̱ŋ rɛw tɔ̱tɔ̱, ŋatni kɛ thi̱n a gɔ̱ɔ̱ri kɛ ni kɛ kët in la bël mi kuura kɛt ni tiil gɔ̱rä, kä bi kɛ ta̱th kääpni dääpä da̱ŋ rɛw.

Ɣöth 28:21

Kä bɛ tekɛ guiy da̱ŋ wäl rɛw ti luɔtkɛ ni ciööt gan I-thɛ-rɛl, ba kɛ kɛ̈t jɔkdiɛn ce̱tkɛ kuec pa̱a̱m, guɛɛy ɔ kɛ ciöt döör ɔ gua̱thnikiɛn da̱ŋ wäl rɛw.

Ɣöth 28:36

“Bi gɔ̱rɔ̱k mi pat pat kä puɔth täth kɛ da̱a̱p mi ti̱l ti̱l, bi jɔkdɛ gɔ̱r kɛ gɔ̱a̱r guiiyä mi ca kɛt i̱, ‘Duŋ gɔaa mi rɛl rɔ kä Kuoth Nhial.’

I-ca-yaa 28:16

Kɛ kui̱c ɛmɔ cu Kuäär ni Kuoth wee i̱, “Nɛnɛ, ɣän la̱thä päm kä Dha-yɔn ala tuk, päm mi ca ɣɔ̱ɔ̱nä, ɛ päm gɔŋtɔtdä mi gɔaa mi la duŋ tukä mi lɛy lɛy. ‘Kä ram ɔ bi jɛ ŋäth ɔ /cɛ bi ga̱a̱c.’

Bok Go̱kä ni Yir-mɛ-yaa 31:34

Kä /ci raan gua̱n thieekädɛ kɛnɛ däman bilɛ ŋi̱eec a wëë i̱, ‘Ŋäcni Kuoth Nhial’, kɛ kui̱ kä ɣöö kɛn diaal ba ɣä ŋa̱c ɛ kɛn nikä gaat ti tɔatni amäni dɔŋkiɛn. Kɛ kui̱c kä ɣöö ɣän bä dueerkiɛn päl, ɛ puc /cä kɛ bi nyɔk kɛ ti̱em.” Ruac ni ɣän Kuoth Nhial.

Bok Go̱kä ni Yir-mɛ-yaa 50:20

Kɛn ni̱ni tɔ̱tɔ̱ ɛn guäth ɛmɔ, cu Kuoth Nhial ɛ lar ɛn ɣöö ba dueer I-thɛ-rɛl go̱r, kä thilɛ mi bi jek, kä ba dueer Juda go̱r, kä thilɛ mi ba jek. Kɛ ɣöö ɣän bä nɛy tëë ci kään pälikä.’

Dhɛk 13:1

“Kä ɛn cäŋ ɛmɔ ba dhɔr Dee-bid kɛnɛ ji̱ Jɛ-ru-tha-lɛm lëp waŋ pi̱i̱ni ti ba dueerkiɛn kɛnɛ thil gɔɔyädiɛn lak.”

Dhɛk 3:4

Kä cu jääk Kuɔth nɛy tin te cuŋä nhiamdɛ jiök i̱, “Wuɔcɛ bieyni tɔ̱ lɔathni tɔ̱tɔ̱ puɔ̱ɔ̱nydɛ.” Kä cuɛ Jɔ-cua jiök i̱, “Ɣän cä dueerku woc kä ji̱, kä bä ji̱ moc kɛ bieyni ti gɔw.”

Dhɛk 4:10

Kä ram ɔ bi cäŋ kä mi tɔt cany ɔ, mi wëë Dhɛ-ru-ba-bɛl nɛn a lätdɛ luak, bi lo̱ckiɛn tɛɛth. “Kä kɛn bärɔw ti̱ti̱ kɛ wäŋ Kuɔth Nhial, tin guicɛ wi̱c muɔ̱ɔ̱n kɛɛliw.”

Jɔ̱ɔ̱n 1:29

Mëë ruɔ̱n cu Jɔ̱ɔ̱n Yecu nɛn a bä kä jɛ, cuɛ wee i̱, “Nɛ̈nɛ jɛ, ɛ jɛn Ruath Dɛ̈ɛ̈l Kuɔth in bi dueer ɣɔaa woc!

Jɔ̱ɔ̱n 6:27

/Cuarɛ lät kɛ kui̱ mi̱eth mi la jiäk, la̱tdɛ kɛ kui̱ mi̱eth mi bi yɛ nöŋ tëk mi thil pek, min bi Gat Ran ɛ ka̱m yɛ. Kɛ ɣöö ci Gua̱a̱r in te nhial ɛ ka̱m lua̱ŋ la̱tdɛ.”

Lät Jaakni Yecu 4:11

Ɛn Yecu ɛmɛ ‘Jɛn ɛ päm in cia lo̱k yɛn ta̱a̱th duëli, kä ɛ jɛn ci ben a päm gɔŋtɔtdä mɔ.’

Ji̱ Röm 9:33

ce̱tkɛ min ca gɔ̱r i̱, “Nɛ̈nɛ jɛ, ɣän kuëŋä päm kä Dha-yɔn, mi bi naath jakä kɔ̱a̱thkɛ kɔ̱thikä, ɛ päm mi bi kɛ jakä tɛth. Kä ram ɔ bi jɛ ŋäthɔ /ca jɛ bi jakä po̱c.”

2 Kor 1:22

Jɛn cɛ ciötdɛ gɔ̱a̱r wi̱i̱da, kä cɛ Yiëëdɛ jäkä rɛy lo̱cnikɔn ala min nhiam kä tin cɛ tɔ̱w kɛ kui̱dan.

2 Kor 3:3

Kä nyooth yɛn ɛ ɛn ɣöö lapɛ warɛgak mi ca gɔ̱r ɛ Kritho min ca̱kɔ ja̱k, mi /ka̱n gɔ̱r kɛ wäl gɔ̱rä, duundɛ ɣöö gɔ̱a̱rkɛ jɛ kɛ Yiëë Kuɔth in tëk. Kä /ka̱n jɛ gɔ̱a̱r päämni ti pat paat, duundɛ ɣöö ca jɛ gɔ̱a̱r rɛy lo̱cni nath.

2 Tim 2:19

Kä min ci Kuoth ɛ yiath piny a bum tëë cuŋä, kä ca rieet ti̱ti̱ gɔ̱a̱r thi̱n i̱, “Ŋäc Kuäär nɛy tin la nɛɛkɛ,” kä “A nɛy diaal tin cɔalkɛ kɛ ciöt Kua̱r ni Kuɔth wuɔckɛ rɔ̱ kä jiäk.”

Ji̱ Ɣi-bɛ-ru 7:27

Jɛn /cɛ ce̱tkɛ bööth palä tin di̱t tin kɔ̱kiɛn, tin la thöpkɛ muc ni ciaŋ kɛ kui̱ dueerikiɛn kɛ nhiam, kɛnɛ kui̱ dueeri nath. Kä duundɛ ɣöö jɛn cɛ mucdɛ thöp kä kɛl kärɔa mëë cɛ puɔ̱nydɛ thöp.

1 Jɔ̱ɔ̱n 2:2

Kä ɛ jɛn muc in ca luɛl ni dueerkɔn, kä /ciɛ kui̱ dueerikɔn kärɔ̱, kä amäni dueer ɣɔaa diaal.

Nyuuth 5:6

Kä kam kɔam kuäärä kɛnɛ ley da̱ŋ ŋuan tin tëk, kɛ rɛy di̱tni, cua Ruath Dɛ̈ɛ̈l nɛn cuŋä ce̱tkɛ mi ca ŋot, mi tekɛ tuɔ̱ŋ da̱ŋ bärɔw kɛnɛ wäŋ da̱ŋ bärɔw, tin la yiey Kuɔth da̱ŋ bärɔw tin ca jäkä wi̱i̱ muɔ̱ɔ̱n kɛɛliw.