6 Kä cu jääk Kuɔth Nhial Jɔ-cua jiök i̱,
Kɛ cuɔ̱cdiɛn, cuɛ cuuc bä, kä cu jääkdɛ min te gekädɛ kɛ kän, kɛ nhökdɛ kɛnɛ pa̱rɛ kɛ kɛ cuɛ kɛ luɛl. Cuɛ kɛ jiac nhial kä cuɛ kɛ kap ce̱tnikɛ ni̱n tëë wal.
Kä nikɛ gua̱a̱th ëë nööŋä guurikun raar ro̱o̱l I-jëp amäni walɛ, la ruacä kɛ kɛ ni ciaŋ kɛ ɣöö bi kɛ ruacdä luɔ̱th.
Cɛ lɛni kueer kɛ jääk Kuɔth kä cuɛ puɔ̱t, cuɛ wiee kä cuɛ jɛ thiec kɛ puɔ̱th. Kä Beth-ɛl cuɛ röm kɛ Kuoth, ɛn wi̱ni cu Kuoth ruac kɛ jɛ.
Kä cu Kuoth Nhial ɣä lɛ nyuɔ̱th bo̱o̱th palä in di̱i̱t ni Jɔ-cua tëë cuŋä nhiam jääkä Kuɔth Nhial. Kä te Cɛy-tan cuŋä kui̱c cuëëc Jɔ-cua gɔɔnyɛ jɛ.
Kä cua̱ wee i̱, “Akɛ la̱th kɛ kum mi gɔaa wi̱i̱dɛ.” Kä cua jɛ la̱th wi̱i̱dɛ, kä cua jɛ moc kɛ bi̱i̱. Kä te jääk Kuɔth Nhial cuŋä kutdɛ.
“Nɛmɛ ɛ min ci Kuoth Nhial in la Ruey Ɣɔaa ɛ lar, ɛn ɣöö mi guuri ni duɔ̱ɔ̱pdä, kä tiitdi ŋuɔ̱tkä, deri luaakdä yop kä deri rɛy kalɛ tit, kä dëë ji̱ moc kɛ gua̱a̱th rɛy nɛɛni ti te cuŋä ti.
