Dhɛk 2:10 - RUAC KUƆTH IN RƐL RƆ

¹⁰ Kä cu Kuoth Nhial wee i̱, “Rɔali kä a lɔcdu tɛth ji̱n nya Dha-yɔn, kɛ ɣöö ɣän a bëëni, kä bä ben cieŋ rɛydun.

Dhɛk 2:10 Iomraidhean Croise

Diit 40:7

Kä cua̱ wee i̱, “Ɣän ɛn cä ben, ce̱tkɛ min ca jɛ gɔ̱r rɛy buɔk ŋuɔ̱tni kɛ kui̱dä.

Diit 68:18

Kä min wi̱i̱ nhial, curi pɛ̈ɛ̈c naŋ kɛ gatɔru, kä curi muc käp kä naath, amäni nɛy tin ca rɔ̱ luɔ̱c ji̱n Kuoth Nhial bikɛ cieŋ ɛn wi̱ni.

Ɣöth 29:45

Ɣän ba̱a̱ cieŋä rɛy ji̱ I-thɛ-rɛl, kä ba̱a̱ Kuothdiɛn.

I-ca-yaa 12:6

Rɔalɛ kɛ̈tdɛ diit tɛthkä lɔaac lö yɛn ji̱ Dha-yɔn, kɛ ɣöö te Kɛl I-thɛ-rɛl in Rɛl Gɔɔydɛ rɔ rɛydun.”

I-ca-yaa 35:10

Kä bi nɛɛ Kuɔth Nhial tin cɛ luɛl luny jɔk, bikɛ ben kä Dha-yɔn ɛ kɛ̈tkɛ diit, bikɛ tekɛ tɛ̈th lɔaac mi thil pek, bikɛ tekɛ tɛ̈th lɔaac kɛnɛ gɔɔy lɔaac, bi jiath lɔaac kɛnɛ lul rɔ̱ bar kä kɛ.

I-ca-yaa 37:22

Nɛmɛ ɛ ruac in ci Kuoth Nhial ɛ lat kɛ kui̱dɛ, wëë i̱, ‘Ci nya Dha-yɔn ji̱ yɔŋ kä cɛ ji̱ dhɔt, kä ci nya Jɛ-ru-tha-lɛm wi̱cdɛ tɛ̈ŋ kɔɔru min bari rɔ.

I-ca-yaa 42:10

Këtdɛ Kuoth Nhial dit mi pay cak, kɛ̈tdɛ dit puɔnyä pekni ɣɔaa diaal! Yɛn nɛy diaal tin ger rɛy yiëër kɛnɛ tin diaal tin thia̱ŋkɛ jɛ, kɛ dhuɔ̱li kɛ nɛy diaal tin cieŋ thi̱n.

I-ca-yaa 48:20

Jiayɛ kä Bɛ̈-bi-lɔn, barɛ rɔ̱ kä Kɛ̈l-da-ya, latdɛ jɛ kɛ jɔw tɛthä lɔaac, latdɛ jɛ, ja̱kɛ jɛ ni peek ɣɔaa, wiaa i̱, “Ci Kuoth Nhial ja̱ŋdɛ ni Je-kɔb luɛl!”

I-ca-yaa 51:11

Kä bi nɛy tin ca luɛl ɛ Kuoth Nhial luny jɔk, bikɛ ben kä Dha-yɔn kɛ diit, bikɛ tekɛ tɛ̈th lɔaac mi thil pek, bi te ni kɛn kɛ tɛ̈th lɔaac kɛnɛ gɔɔy lɔaac, kä bi jiath lɔaac kɛnɛ pa̱r nɔ̱a̱n kɛ kɛ.

I-ca-yaa 52:11

Jiayɛ jiayɛ wuɔcɛ rɔ ɛn wi̱ni, /cuarɛ ti jiäk thiap, bia raar rɛydɛ kä lakɛ rɔ̱, yɛn nɛy tin kapkɛ kuak Kuɔth Nhial.

I-ca-yaa 54:1

Kä cu Kuoth Nhial wee i̱, “Kɛt dit lö ciek mi rol, ji̱n ram mi /ken met dap, ji̱n kɛt dit tɛthkä lɔaac kɛ jɔw mi di̱i̱t, ji̱n ram mi /ken kɔŋ tekɛ mäc dapä! Kɛ ɣöö bi ŋuan ni gaat ciëk mi ca päl kä gaat ciëk mi tekɛ cɔw.

I-ca-yaa 61:10

Ɣän bi lɔcdä tɛɛth ɛlɔ̱ŋ kɛ Kuoth Nhial, bi ti̱eydä Kuothdä liak, kɛ ɣöö cɛ ɣä kum kɛ bi̱i̱ känä, cɛ ɣä yi̱k piny kɛ bi̱i̱ cuŋni, ce̱tnikɛ min la cɔ nyaal rɔ a pik kɛ jiöŋgööni, kɛnɛ min la kaw rɔ a pik kɛ dɔ̱a̱kni.

I-ca-yaa 66:14

Mi wä yɛn ɛ nɛn, bi lo̱ckun tɛɛth, kä bia piith ce̱tnikɛ juaac, kä ba jɛ ŋa̱c ɛn ɣöö te tet Kuɔth Nhial kɛɛl kɛ ja̱a̱ŋkɛ, kä te gakdɛ kɛ ji̱ tɛ̈rɛ.

Bok Go̱kä ni Yir-mɛ-yaa 30:19

Kä ba diit tɛthkä lɔaac kit ɛn gua̱thni tɔ̱tɔ̱, kä bɛ tekɛ jɔw tɛthä lɔaac. Ɣän bä kɛ rep a bikɛ ŋuan. Kä bä kɛ ka̱m luth, thilɛ ram mi bikɛ cany.

Bok Go̱kä ni Yir-mɛ-yaa 31:12

Bikɛ ben kä bikɛ wä ki̱et nikɛ jɔw mi di̱i̱t, wi̱i̱ pa̱a̱m Dha-yɔn. Kä bi lɔcdiɛn tɛɛth kɛ muc Kuɔth Nhial. Bi lo̱ckiɛn tɛɛth kɛ kui̱ bɛɛl, kɛ kɔaŋ kɛnɛ liɛth, amäni det kɛnɛ ɣɔ̱k bä. Kä bi tëkdiɛn cu ce̱tnikɛ kak dɛɛni wal mi te wi̱c yiëër. Kä /ci kɛn rɔ̱ bi lɛ nyɔk kɛ cuɔ̱c.

Bok Go̱kä ni Yir-mɛ-yaa 33:11

Jɔw tɛthkä lɔaac, kɛ nɛy ti köök kɛ kuën kɛ jɔw nɛɛni ti ki̱t kɛ diit tɛthkä lɔaac ti nööŋ kɛ muc rɛy luaak Kuɔth Nhial wä kɛ i̱, ‘Ka̱mɛ Kuoth Nhial in la Ruey Ɣɔaa tɛ̈th lɔaac, kɛ ɣöö Kuoth Nhial gɔaaɛ, kä nhökdɛ min thil pek tëë thi̱n amäni cäŋ kɛl!’ Kä bä mun luɔ̱c gɔɔydɛ ce̱tnikɛ ta̱a̱dɛ mëë jio̱l.

Yɛdh 37:27

Kä bi gua̱a̱th ciɛŋädä te kɛɛl kɛ kɛ. Kä bi ɣän a Kuothdiɛn, kä bikɛ la nɛɛkä.

Yɛdh 48:35

Kä ɛn wec ni kɛɛliw bɛ a jua̱th tetni ti bathdɔɔri wäl wi̱cdɛ bädäk. Kä bi ciötdɛ ɛn wec niɛn guäth ɛmɔ a wee wä a ɣöö, Kuoth Nhial a wa̱nɔ.

Liib 26:12

Ɣän bä tekɛ kɛ yɛ, kä ba̱a̱ Kuothdun, kä bi yɛn a nɛɛkä.

Dhɛp 3:17

Te Kuoth Nhial ni Kuoth I-thɛ-rɛl kɛɛl kɛ ji̱, ɛ wääth köör la ŋunɛ juc nath. Kä bi lɔcdɛ tɛɛth rɛydun kä kɛ nhökdɛ bɛ yɛ moc tëk mi pay tuɔɔk. Kä bɛ yɛ puany kɛ jɔw mi di̱i̱t kɛ dit.

Dhɛk 1:16

Kɛ kui̱c ɛmɔ cu Kuoth Nhialɛ lar ɛn ɣöö cä luny kä Jɛ-ru-tha-lɛm kɛ kɔ̱a̱c lɔaac. Kä ba luaakdä la̱t thi̱n, kä ba Jɛ-ru-tha-lɛm nyɔk kɛ ta̱th.’

Dhɛk 14:5

Kä bia rɔ̱ bar kɛ rɛy lo̱o̱lä pa̱a̱mdä kɛ ɣöö räthɛ nikä A-dhel. Kä bia rɔ̱ bar ce̱tnikɛ mëë barɛ rɔ̱ kɛ lath piɛny, mëë Ö-dhi-ya ɛ kuäär Juda. Kä bi Kuoth Nhial Kuothdä ben kɛɛl kɛ nɛy diaal tin lɛ̈ykɛ rɔ̱.

Dhɛk 2:11

Kä ɛn cäŋ ɛmɔ, bi döör ti ŋuan ben kä Kuoth Nhial, kä bi kɛna nɛɛkɛ. Kä bɛ cieŋ rɛydun, kä bia cu ŋa̱c ɛn ɣöö ɛ jɛn jäk ɣä kä yɛ mɔ.

Dhɛk 2:5

Kä ɣän puɔ̱nydä ba̱a̱ päny maac mi wil jɛ, kä ba̱a̱ gɔɔydiɛn rɛydɛ,’ ruac ni ɣän Kuoth Nhial.”

Dhɛk 8:3

Kä cuɛ ruac ɛn ɣöö, ɣän bä loc kä Dha-yɔn, a bä wä cieŋ ni rɛy Jɛ-ru-tha-lɛm, kä ba cɔli wec ŋäthä kä päm Kuɔth Nhial in la Ruey Ɣɔaa, päm in rɛl gɔɔydɛ rɔ.

Dhɛk 9:9

A lɔcdu tɛth, lö nya Dha-yɔn! Kä a rɔal ni ji̱n, lö nya Jɛ-ru-tha-lɛm! Nɛnɛ, kuääru a bëë kä ji̱ ni. Jɛn ɛ cuɔ̱ŋ kä cɛ naath joc, jɛn muɔ̱lɛ kä cɛ kɔt kɛ muul, tëë jɔɔk ruath muɔ̱l.

Mɛ̈l 3:1

“Kä nɛ̈nɛ jɛ, ɣän cä jääkdä ja̱k kɛ ɣöö bɛ duɔ̱ɔ̱p wä rialikä nhiamdä. Kä kuäär in go̱rɛ bɛ rɔ pär kɛ ben rɛy luaakdɛ, ɛn jääk in nhɔakɛ, jɛn a bëëni, ruac ni ɣän Kuoth Nhial in la Ruey Ɣɔaa.

Mɛ̈t 28:20

kä ŋi̱eecɛ kɛ, kɛ ɣöö bikɛ ruaacni diaal tin ca la̱t yɛ luɔ̱th. Kä tiɛmɛ jɛ, ɣän a kɛɛl kɛ yɛ ni ciaŋ amäni guut ɣɔaa.”

Jɔ̱ɔ̱n 1:14

Cu Ruac ben ala Raan, kä cuɛ cieŋ rɛydan, kä canɛ gɔɔydɛ min ce̱tkɛ gɔɔy Gatdä Kuɔth in kɛl kärɔa nɛn cɛ thia̱ŋ kɛ nhök kɛnɛ thuɔ̱k.

Jɔ̱ɔ̱n 14:23

Cu Yecu ɛ loc i̱, “Mi nhɔk raan ɣä, bɛ ruacdä käp. Kä bi Gua̱a̱r ɛ nhɔk, kä bakɔ ben kä jɛ, kä bakɔ cieŋ kɛ jɛ kɛɛl.

Ŋuɔ̱t 28:64

“Bi Kuoth Nhial yɛ däkä rɛy nath pëkni ɣɔaa. Bia wä pal ni kuth ti kɔ̱kiɛn, kuth jiɛɛn kɛnɛ pääm tin kui̱c yɛn kɛ kiɛ guurikun.

Ji̱ Pi-li-pi 4:4

A lo̱ckun tɛth rɛy Kua̱r ni Yecu ni ciaŋ. Kä bä jɛ nyɔk kɛ lär, a lo̱ckun tɛth.

Nyuuth 2:1

“Gɔ̱ri mɛmɛ jääk nhial in te dueel Kuɔth kä Ɛ-pɛ-thäth, ‘Ti̱ti̱ kɛ kɛn rieet raam in kääp kuɛl da̱ŋ bärɔw kɛ tet cuëëcdɛ, kä jäl kam cuuŋni lɛmbärni dääpä da̱ŋ bärɔw.

Nyuuth 21:3

Kä cua jɔw mi di̱i̱t mi bëë kä kɔm kuäärä liŋ, wëë i̱, “Nɛnɛ, te gua̱a̱th ciɛŋä Kuɔth kɛɛl kɛ naath. Bɛ cieŋ kɛɛl kɛ kɛ ala Kuothdiɛn, kä bikɛ a nɛɛkɛ, kä bi Kuoth puɔ̱nydɛ te kɛɛl kɛ kɛ.