Dhɛk 14:7 - RUAC KUƆTH IN RƐL RƆ

⁷ Kä bi te ni cäŋ mi bi (ŋa̱c ni Kuoth Nhial) thil cäŋ däär kiɛ wäär, kä kɛ thiaŋ bɛ tekɛ buay.

Dhɛk 14:7 Iomraidhean Croise

Diit 37:18

Kuoth Nhial ŋäcɛ ni̱n raam in thil bɛ̈ɛ̈l, kä bi ŋɔakiɛn te thi̱n amäni cäŋ kɛl.

I-ca-yaa 11:9

Kä cikɛ bi tekɛ riɛk kiɛ da̱k wi̱i̱ pa̱a̱mdä min rɛl rɔ, bi wi̱c muɔ̱ɔ̱n thia̱a̱ŋ kɛ ŋäc ŋɔaani Kuɔth Nhial ce̱tkɛ min la pi̱w yier a thiääŋ.

I-ca-yaa 24:23

Bi pay cuɔl ɛ la muth, kä bi cäŋ buaydɛ thil, kɛ ɣöö bi Kuoth Nhial in la Ruey Ɣɔaa ruëc, bɛ ruëc Pääm Dha-yɔn kɛnɛ Jɛ-ru-tha-lɛm, kä bi bööth buɔ̱mdɛ nɛn.

I-ca-yaa 30:26

Kä bi pay buay ce̱tnikɛ cäŋ, kä bi buay ca̱ŋ rɔ loc nikä bärɔw, bɛ ce̱tnikɛ buay ni̱ni da̱ŋ bärɔw, kɛ cäŋ in wä Kuoth Nhial buɔ̱ɔ̱t nɛɛnikɛ yiɛn kä bɛ jiööri tin cɛ ka̱m kɛ jak kä gɔaa.

I-ca-yaa 45:21

Bia latdɛ ruacdun guäth luɔ̱k, akɛ ca̱a̱tkɛ ruac kɛɛl! Ɛŋa mi ci ti̱ti̱ lat ni wal? Ɛŋa mi ci jɛ lat mëëdan? /Ciɛ ɣän Kuoth Nhial ɛ nëë lat kɛ? Kä thilɛ Kuoth mi dɔ̱ŋ mi /ci mɔ a ɣän, ɛ ɣän Kuoth cuŋni kä kään, thilɛ Kuoth mi dɔ̱ŋ ɛ ni ɣän.

I-ca-yaa 58:10

kɛnɛ mi ci rɔ la̱th guäth raam mi näk buɔthɛ, kä bi ram mi ciaŋkɛ a jiäk ka̱m min go̱o̱rɛ, inɔ bi buaydu päl rɛy muɔ̱th, kä bi wääru ce̱tnikɛ cäŋ däär.

I-ca-yaa 9:7

Kä bi kuäärɛ kɛnɛ mal thil pek, kä bɛ ruëc ala Kuäär wi̱i̱ kɔam kuäärä Dee-bid, bɛ jɛ ruac kɛ cuŋ kɛnɛ thuɔ̱k ɛn cäŋ ɛmɔ amäni cäŋ kɛl. Bi Kuoth Nhial in la Ruey Ɣɔaa jɛ la̱t.

Bok Go̱kä ni Yir-mɛ-yaa 30:7

Kua da̱k mi di̱t ɛ di kɛ jɛn cäŋ ɛ mɔ, /thil mi bi pa̱a̱r kɛ jɛ. Bɛ la gua̱a̱th cucä mi di̱i̱t kɛ kui̱ ji̱ Je-kɔb. Duundɛ ɣöö ba kɛ kän thi̱n.”

Bok Go̱kä ni Da-ni-yel 12:4

Duundɛ ɣöö, ji̱n Da-ni-yel ku rieet ti̱ti̱ lɛ käp kɛ rɛydu, kä a bok te gääkä amäni gua̱a̱th guutdä. Kä bi nɛy ti ŋuan riŋ nhiam kä riŋkɛ jɔk, kä bi jiäk rep ni rɔ̱.”

Ɣocä 3:5

Kä kɛ kɔrɛ bi ji̱ I-thɛ-rɛl rɔ̱ ku riet Kuoth Nhial in la Kuothdiɛn, kä ba Dee-bid kuääriɛn guɔ̱r ɛ kɛn. Kä bikɛ cu ben kä Kuoth Nhial kɛ luth mi di̱i̱t kɛ kui̱ puthädɛ cäŋ guutdä ɣɔaa.

A-mɔth 8:9

Ci Kuäär ni Kuoth Nhial wee i̱, “Ɛn cäŋ ɛmɔ, bä cäŋ jak kä kony däär, kä bä wi̱c muɔ̱ɔ̱n jak kä muth kɛ cäŋdäär.

Mɛ̈t 24:36

“Thilɛ ram mi ŋäc cäŋdɛ kiɛ thaakdɛ, cäŋɛ ni ja̱a̱k nhial kiɛ Gat, ɛ ni Gua̱n in te nhial kärɔa ŋäc jɛ mɔ.

Mak 13:32

“Thilɛ ram mi ŋäc cäŋ ɛmɔ kiɛ thaak ɛmɔ, a cäŋɛ ni ja̱a̱k nhial, kiɛ Gat, ŋäcɛ ni Gua̱a̱r in te nhial kärɔa.

Lät Jaakni Yecu 1:7

Kä cuɛ kɛ loc i̱, “/Ciɛ la̱tdun ɛn ɣöö bia ni̱n kiɛ pek tin ci Gua̱a̱r in te nhial kɛ la̱tkɛ buɔ̱mdɛ kärɔa ŋa̱c.

Lät Jaakni Yecu 15:18

Kä kɛn ŋɔaani ti̱ti̱ diaal ŋa̱ckɛ kɛ ni wal.’

Lät Jaakni Yecu 17:26

Kä ni kä ram kɛl cɛ döör diaal cak kɛ ɣöö bikɛ cieŋ wi̱i̱ muɔ̱ɔ̱n kɛɛliw. Kä cu puɔ̱nydɛ jɛ car ɛ nɛy kä ɛ wi̱ni ɛnɔ bikɛ cieŋ thi̱n ɔ,

Lät Jaakni Yecu 17:31

Kɛ ɣöö cɛ cäŋ in bɛ ɣɔw luk kɛ cuɔ̱ɔ̱ŋ nyoth kɛ ram in cɛ kuany. Kä kɛ mɛmɛ cuɛ thuɔ̱k nyuɔ̱th nɛy diaal kɛ jiëcdɛ li̱th.”

1 Thɛ 5:2

Kɛ ɣöö ŋäc yɛn pua̱nykun agɔaa ɛn ɣöö bi Cäŋ Kuɔth ben pa̱ny ce̱tkɛ cuer kɛ wäär.

Nyuuth 11:15

Kä cu jääk nhial in bärɔwdiɛn kaaŋdɛ koth, cuɛ tekɛ jɔw mi di̱i̱t nhial, wëë i̱, “Ci kuäärä ɣɔaa a Kuäär Kua̱ra in Kuoth kɛnɛ Mɛ-thiadɛ, kä jɛn bɛ ruëc amäni cäŋ kɛl.”

Nyuuth 14:6

Kä cua jääk nhial dɔ̱diɛn mi pär kɛ nhial nɛn, mi tekɛ thuk Kuɔth ti gɔw ti thil pek ti bɛ la̱t nɛy ti cieŋ wi̱i̱ muɔ̱ɔ̱n, kɛ döör diaal kɛnɛ thuk duëli, kɛ thuk ti gööl kɛ nɛy diaal.

Nyuuth 21:23

Kä /ci wec buay ca̱ŋ kɛnɛ pay lɛ go̱r, kɛ ɣöö gɔɔy puɔnyä Kuɔth ɛ jɛn la buaydɛ mɔ, kä lɛmbärɛ ɛ Ruath Dɛ̈ɛ̈l.

Nyuuth 21:25

/Ca thukɛ bi met gäk kɛ cäŋdäär, kä bɛ thil wäär ɛn wi̱ni.

Nyuuth 21:3

Kä cua jɔw mi di̱i̱t mi bëë kä kɔm kuäärä liŋ, wëë i̱, “Nɛnɛ, te gua̱a̱th ciɛŋä Kuɔth kɛɛl kɛ naath. Bɛ cieŋ kɛɛl kɛ kɛ ala Kuothdiɛn, kä bikɛ a nɛɛkɛ, kä bi Kuoth puɔ̱nydɛ te kɛɛl kɛ kɛ.

Nyuuth 22:5

Bɛ cu thil wäär. Kä /ci naath buay lɛmbärä kiɛ cäŋ bi lɛ go̱r, kɛ ɣöö bi Kuäär ni Kuoth a buaydiɛn, kä bikɛ ruëc a thil pek.