Dhɛk 14:4 - RUAC KUƆTH IN RƐL RƆ

⁴ Kä ɛn cäŋ ɛ mɔ bɛ cuɔ̱ŋ wi̱i̱ pa̱a̱m Ɔ-lip min lot ni Jɛ-ru-tha-lɛm kui̱ känyä ca̱ŋ. Kä bi päm Ɔ-lip rɔ da̱a̱k kä rɛɛw a känɛ jɛ ni kui̱c känyä ca̱ŋ a wä ni kui̱ konyä ca̱ŋ kɛ lo̱o̱l mi di̱i̱t. Kä cu kui̱ kɛl wä kui̱c caam kä cu min dɔ̱ŋ wä kui̱c cuëëc.

Dhɛk 14:4 Iomraidhean Croise

2 Tham 15:30

Kä cu Dee-bid wä wi̱i̱ pa̱a̱m Ɔ-lip, kä wieeɛ min wee kɛ, jälɛ kɛ pa̱a̱tkɛ kä cɛ wi̱cdɛ kum. Kä nɛy diaal tin te kɛɛl kɛ jɛ ca wuɔ̱thkiɛn kum. Kä cukɛ wä kɛ wiee min wäkɛ.

Yɛdh 11:23

Inɔ, cu buay Kuɔth jiɛɛn rɛy wec, kä cuɛ wä cuɔ̱ŋ wi̱i̱ pa̱a̱m in te kui̱ känyä ca̱ŋ wec.

Yɛdh 38:20

Kä bɛ rɛc yiëër kɛnɛ diit nhial kɛ ley dɔaar diaal, kɛ muɔɔl piɛny diaal tin la jäl kɛ bapdiɛn, kɛ naath diaal tin te wi̱i̱ muɔ̱ɔ̱n lath nhiamdä. Kä bä pääm diaal wuɔ̱l, kä bä luiiri pa̱a̱m wuɔ̱l bä, kä bä kal diaal jakä tëth.

Yɛdh 43:2

Kä ɛn wani, cu buay Kuɔth I-thɛ-rɛl ben kui̱c känyä ca̱ŋ. Kä ce̱t jɔwdɛ kɛ jɔw pi̱i̱ni ti ŋuan. Kä cuɛ piny riaw kɛ buaydɛ.

Bok Go̱kä ni Ɣä-bɛ̈-kuk 3:6

Mi cɛ cuɔ̱ŋ lathɛ piny, kä mi cɛ liɛɛc dual döör. Kä pääm tëë wal, ci kɛ thia̱y piny. Kä dupkɛ thilɛ kɛ pek.

Dhɛk 14:10

Kä bi wi̱c muɔ̱ɔ̱n a day a känɛ jɛ nikä Gabä kui̱c caam a wä nikä Ri-mon kui̱c cuëëc Jɛ-ru-tha-lɛm. Duundɛ ɣöö cu Jɛ-ru-tha-lɛm te ni guäthdɛ a känɛ jɛ ni thi̱ek Ben-ya-min a wä thi̱ek ëë wal a wä ni thi̱ek gɔŋtɔtdä, kä a lɛnɛ ka̱n ni biikä Ɣä-nan-el a wä ni guäth dhi̱mä kɔaŋ kua̱r.

Dhɛk 14:7

Kä bi te ni cäŋ mi bi (ŋa̱c ni Kuoth Nhial) thil cäŋ däär kiɛ wäär, kä kɛ thiaŋ bɛ tekɛ buay.

Dhɛk 14:8

Ɛn cäŋ ɛ mɔ bi pi̱ ti tëk lo̱o̱ny kä Jɛ-ru-tha-lɛm, kä bi tha̱a̱ŋkiɛn lo̱ny yieer kuec konyä ca̱ŋ. Kä bikɛ lo̱o̱ny kɛ mäy ce̱tnikɛ tɔ̱t.

Dhɛk 4:7

Kä ɛ ji̱n ŋa lö päm in bum bum? Kä bi ce̱tnikɛ wi̱c muɔ̱ɔ̱n kä Dhɛ-ru-ba-bɛl. Kä bɛ päm gɔŋtɔtdä ka̱m raar, kä bɛ cu rɔal i̱, ‘Kuoth pothɛ! Kuoth pothɛ!’ ”

Mak 11:23

Ɛpuc, ɣän la̱rä jɛ yɛ, mi ci yɛn päm ɛmɛ jiök i̱, ‘Woc rɔɔdu wanɛ mɛ, kä wër där baar,’ mi thilɛ lɔcdu diw, a bi ŋa̱th ni ji̱n ɛn ɣöö bi min ci lar tuɔɔk ba lät kä ji̱.