Dhɛk 14:18 - RUAC KUƆTH IN RƐL RƆ

¹⁸ Kä mi wëë tekɛ thok duëël kä ji̱ I-jëp ti /ken ŋar ti̱mä luaak ŋar, bakɛ nöŋ juey in ci Kuoth Nhial ɛ nöŋ nɛy tin /ken ŋar ti̱mä luaak ŋar.

Dhɛk 14:18 Iomraidhean Croise

I-ca-yaa 60:12

Kä do̱r kiɛ kuäär ɛ /ci ji̱ bi lätikä mɔ ba jɛ däk, kɛn döör tɔ̱tɔ̱ bakɛ dup.

I-ca-yaa 66:23

“Kä nikɛ tëth path amäni tëth path in dɔ̱ŋ, kɛnɛ cäŋ lɔ̱ŋä kɛ cäŋ lɔ̱ŋä min dɔ̱ŋ, bi nɛy diaal ben pal nhiamdä,” ruac ni ɣän Kuoth Nhial.

Liib 23:34

jiök ni ji̱ I-thɛ-rɛl i̱, “Kɛ cäŋ kä wäl dhieec kä pay bärɔw ɛ jɛn cäŋ in ba tok ni ti̱em bilɛni kɛ ni̱n bärɔw.

Mikaa 5:8

Kɛn duɔth ji̱ I-thɛ-rɛl bikɛ cieŋ rɛy döri, rɛy nɛɛni ti ŋuan, ce̱tkɛ lony rɛy leeyni ti ŋuan, kɛnɛ ruath luɔny rɛy buni deet, min camɛ kɛ, kä thilɛ ram mi luäkɛ.

Dhɛk 14:12

Kä nɛmɛ ɛ jɛn juey in bi Kuoth Nhial ɛ nöŋ nɛy tin bi ben nyiëëny kɛ ji̱ Jɛ-ru-tha-lɛm. Bi ri̱ŋdiɛn rɔ ŋääŋ kä piny kä tekɛ cuŋä, kä bi wäŋkiɛn ɣo̱w, kä bi lëëpkiɛn rɔ cun thuknikiɛn.

Dhɛk 14:15

Kä bi juey mi di̱i̱t mi ce̱tkɛ juey ɛ mi ben kä jiöŋkööri, kɛnɛ muɔ̱li, kɛ thɔ̱a̱rɔa̱a̱li, kɛ ley diaal tɔ̱ te wi̱c ji̱ tɛ̈r tɔ̱.

Dhɛk 14:19

Kä ɛn nɔmɔ ba jɛn mi ba duäc ji̱ I-jëp kɛnɛ döör diaal tin /ken ŋar ti̱mä luaak ŋar.