Dhɛk 13:8 - RUAC KUƆTH IN RƐL RƆ

⁸ Kä cu Kuoth Nhial wee i̱, “Ba tin ŋuankɛn koc kä bikɛ cu li̱w, kä bi tin kuiynikɛn duɔth a tëk.

Dhɛk 13:8 Iomraidhean Croise

I-ca-yaa 6:13

Mi ci nɛy da̱ŋ wäl duɔth muun, ba nyɔk nikɛ wa̱ŋ ɛn mun, bikɛ ce̱tnikɛ jiath ŋɔ̱a̱p mi ca jɔap piny.” Kä kɛn nɛy tɔ̱ bi ŋot kɛ tëk tɔ̱ bikɛ ce̱tnikɛ jiath mi nyɔk rɔ kɛ tunh.

I-ca-yaa 66:24

“Kɛn bikɛ wä raar ba pua̱ny nɛɛni tin ci li̱w tëë ci rɔ̱ luɔ̱c ɣä wä nɛn, kä /ci lɔa̱a̱t tin camkɛ kɛ bi li̱w, kä thilɛ mi bi mac in waaŋkɛ yieny, bi kɛn a ti jiäk kä nɛy diaal.”

Bok Go̱kä ni Yir-mɛ-yaa 30:11

Kä kɛ ɣöö ta̱a̱ kɛɛl kɛ ji̱ bä ji̱ luäk, kä bä döör diaal tin cä yɛ riaw kä thi̱n jakä thuk. Duundɛ ɣöö cä yɛ bi jakä thuk. Bä duäcdun jak kä päär kuɛla ɣöö cä yɛ bi päl a /ka̱n tɔ̱ŋ,” ruac ni ɣän Kuoth Nhial.

Yɛdh 20:38

Ɣän bä nɛy tin /ca ɣä luth woc rɛydun, kɛnɛ nɛy tin ca ɣä duer duer. Bäkɛ lieny raar muun in cieŋkɛ thi̱n ala jur, duundɛ ɣöö /cikɛ bi wä muun ji̱ I-thɛ-rɛl. Kä bi yɛn ɛ cu ŋa̱c ɛn ɣöö ɛ ɣän Kuoth Nhial.

Yɛdh 5:12

Kä ba kɛl diɔ̱ɔ̱knikun näk, ɛ liaw kɛnɛ buɔth, kä ba kɛl diɔ̱ɔ̱knikun näk kɛ thɛp, kä bä kɛl diɔ̱ɔ̱knikun kiɛth rɛy jiɔam kä bäkɛ joc kɛ thɛp.

Bok Go̱kä ni Da-ni-yel 9:27

Kä jɛn kuäär ɛmɔ, bɛ mat ruac mi bum la̱t kɛ nɛy ti ŋuan kɛ run da̱ŋ bärɔw. Kä kɛ run da̱ŋ diɔ̱k kɛ nuth runi tɔ̱tɔ̱, jɛn bɛ muc tin thöpkɛ kɛnɛ muc tin waŋkɛ ka̱p cuɔ̱ŋ. Kä bɛ gua̱a̱th mucni tɔ̱tɔ̱ guäl kɛ mi jiäk, kä bɛ ti jiäk la̱t amäni mi ci Kuoth ruac ka̱p cuɔ̱ŋ min bi pɛn kä ram in no̱o̱ŋ da̱k.”

A-mɔth 9:10

Kä bi ji̱ dueeri diaal kä nɛɛkä, kɛn ti̱n larkɛ jɛ i̱, ‘/Ci da̱k nɛy bi jek kiɛ /cɛ bi röm kɛ kɔ li̱w köör.’ ”

Dhɛp 3:12

Kɛ ɣöö bä cieŋ rɛydun yɛn nɛy ti mua̱l mua̱a̱l ti tekɛ ŋuɔ̱t, ti ba luäk go̱r kä Kuoth Nhial.

Mɛ̈l 3:5

“Inɔ bä cu ben rɛydun kɛ luk, kä kɛ pɛ̈th bä cua̱ neen ji̱ kolaaŋni kɛnɛ dhööm kɛ nɛy tin yackɛ rɔ̱ baaŋ, kɛ nɛy tin mackɛ naath kɛ kökdiɛn, kɛ män jɔɔkni, kɛ gaat ti rɛ̈tni kɛ jur, kɛ ɣöö /ca ɣä luth, ruac ni ɣän Kuoth Nhial in la Ruey Ɣɔaa.

Mɛ̈t 22:7

Cu kuäär ŋɛ̈ɛ̈ny, cuɛ rɛmdɛ ja̱k, cuɛ luɔ̱ɔ̱c nath wä näk, kä cuɛ wi̱i̱kiɛn waŋ.

Mak 13:20

Kä mi /ken Kuoth ni̱n tɔ̱tɔ̱ jakä kuiy, thilɛ ram kɛl mi dee kään. Kä cɛ ni̱n tɔ̱tɔ̱ jakä kuiy, kɛ kui̱ nɛɛnikɛ ti cɛ mɛk.

Nyuuth 16:19

Cu wec in di̱i̱t rɔ da̱a̱k kä diɔ̱ɔ̱k, kä cu wi̱i̱ dööri tëth. Cu Kuoth Bɛ̈-bi-lɔn in di̱i̱t tim, cuɛ jɛ jakä mäthɛ kɛ kɔaŋ waŋä lɔaac Kuɔth in te rɛy lirä.