Dhɛk 12:8 - RUAC KUƆTH IN RƐL RƆ

⁸ Kä ɛn cäŋ ɛ mɔ, bi Kuoth Nhial ji̱ Jɛ-ru-tha-lɛm gaŋ, kä bi kɔ̱a̱c kɔ̱a̱a̱ckiɛn ce̱tnikɛ Dee-bid, kä bi gaat Dee-bid kɛ bo̱th ce̱tnikɛ jääk Kuɔth Nhial, kiɛ ce̱tnikɛ Kuoth puɔ̱nydɛ.

Dhɛk 12:8 Iomraidhean Croise

Diit 8:5

Kä cikɛ cak a kuiy ni kɛn kä ji̱, kä cikɛ ka̱m wuɔ̱t kɛnɛ luth.

Diit 82:6

Kä cua̱ wee i̱, “Kɛ yɛn kua̱r, kɛ yɛn gaat Kuɔth in Di̱t ni Jɛn yɛn diaal,

Ɣöth 14:19

Cu jääk Kuɔth ëë ci wä nhiam rɛ̈m ji̱ I-thɛ-rɛl rɔɔdɛ woc, cuɛ ben jɔkdiɛn, kä cu pua̱r in ci rɔɔdɛ cuŋ, rɔɔdɛ wä cuŋ jɔkdiɛn bä.

Ɣöth 33:2

Kä ɣän bä jääk jäk kä nhiamdun. Bä ji̱ Kɛ-naan joc, kɛnɛ ji̱ Ɛ-mor kɛ ji̱ Ɣɛ̈th, kɛ ji̱ Pɛ-rii-dhi, kɛ ji̱ Iwi amäni ji̱ Yɛ-buth.

I-ca-yaa 30:26

Kä bi pay buay ce̱tnikɛ cäŋ, kä bi buay ca̱ŋ rɔ loc nikä bärɔw, bɛ ce̱tnikɛ buay ni̱ni da̱ŋ bärɔw, kɛ cäŋ in wä Kuoth Nhial buɔ̱ɔ̱t nɛɛnikɛ yiɛn kä bɛ jiööri tin cɛ ka̱m kɛ jak kä gɔaa.

I-ca-yaa 31:4

Kä nɛmɛ ɛ min ci Kuoth Nhial ɛ la̱r ɣä wëë i̱, “Ce̱tkɛ min la lony kiɛ dɔw luɔny a bur kä ley mi cɛ cam, a cäŋ ci yiëën deet rɔal kɛ jɛ, /cɛ la dualɛ kɛ jɔwdiɛn, kiɛ /cɛ diɛɛr kɛ rɔaliɛn. Inɔ bi Kuoth Nhial in la Ruey Ɣɔaa ben piny, bɛ ko̱r ben tɛr wi̱i̱ Pa̱a̱m Dha-yɔn kɛnɛ päämkɛ.

I-ca-yaa 33:24

Kä bɛ thil ram mi cieŋ kä Dha-yɔn mi bi wee i̱, “Ta̱a̱ kɛ juey”, kä ba dueer nɛɛni tin cieŋ ɛn wi̱ni päl.

I-ca-yaa 49:7

Kä nɛmɛ ɛ min ci Kuoth Nhial ɛ lar, ɛn min la Lueel kä Kuoth I-thɛ-rɛl in rɛy gɔɔydɛ rɔ, lätdɛ jɛ ram in ca nyir ɛlɔ̱ŋ kä ca lo̱k ɛ döör, ɛn ja̱ŋ ruëëcni wëë i̱, “Bi kua̱r ji̱ nɛn kä bikɛ rɔ̱ jiɛc, ruëëc bikɛ ji̱ nɛn kä bikɛ rɔ̱ goŋ, kɛ kui̱ Kuɔth Nhial in gɔaa, ni Kuoth I-thɛ-rɛl in rɛy gɔɔydɛ rɔ in ci ji̱ mɛk.”

I-ca-yaa 53:3

Jɛn nyiɛrkɛ jɛ kä lökɛ jɛ ɛ nɛy tin kɔ̱ŋ, ɛ ram mi ruutni cuɔ̱c kä ɛ gua̱n rikä, jɛn ɛ ram mi tey nɛy tin kɔ̱ŋ nhiamdiɛn kɛ jɛ, lökɛ jɛ kä thilɛ ram mi caar jɛ i̱, ɛ duɔ̱ɔ̱r.

I-ca-yaa 63:9

Kɛ cuɔ̱cdiɛn, cuɛ cuuc bä, kä cu jääkdɛ min te gekädɛ kɛ kän, kɛ nhökdɛ kɛnɛ pa̱rɛ kɛ kɛ cuɛ kɛ luɛl. Cuɛ kɛ jiac nhial kä cuɛ kɛ kap ce̱tnikɛ ni̱n tëë wal.

Bok Go̱kä ni Yir-mɛ-yaa 27:10

Kɛ ɣöö la̱t kɛ ni yɛ ruac go̱o̱kä kacä min bi yɛ naŋ ni guäth mi na̱n kɛ mundun, ɣän bä yɛ naŋ raar, kä bia cu li̱w.

Ɣocä 1:7

Duundɛ ɣöö bä tëë nhök kɛ dhɔr Juda, kä bäkɛ kän. Kä /ciɛ buɔ̱mdiɛn, kööriɛn, bäkɛ kän ɣän Kuothdiɛn in la Kuoth Nhial.”

Ɣocä 12:3

Kɛ ɣöö Je-kɔb cɛ kueer kɛ cuɛ̈kdɛ ni ji̱ man a /ka̱n kɛ ni dap, kä mëë ca wut cɛ lɛni kueer kɛ Kuoth.

Ɣocä 3:5

Kä kɛ kɔrɛ bi ji̱ I-thɛ-rɛl rɔ̱ ku riet Kuoth Nhial in la Kuothdiɛn, kä ba Dee-bid kuääriɛn guɔ̱r ɛ kɛn. Kä bikɛ cu ben kä Kuoth Nhial kɛ luth mi di̱i̱t kɛ kui̱ puthädɛ cäŋ guutdä ɣɔaa.

Yo-el 3:10

Kä jakɛ yamɛnikun kä thɛpni, kä jakɛ puɔ̱rikun kä mutni. Ɛ nyuän laar jɛ i̱, “Ɛ ɣän wääth köör.”

Liib 26:8

Bi nɛy da̱ŋ dhieec nɛy ti kuɔ̱r joc kä yɛ, kä bi nɛy ti kuɔ̱r nɛy ti bathdɔɔri da̱ŋ wäl joc, kɛn ji̱ tɛ̈run bikɛ li̱w kɛ mut nhiamdun.

Mikaa 5:8

Kɛn duɔth ji̱ I-thɛ-rɛl bikɛ cieŋ rɛy döri, rɛy nɛɛni ti ŋuan, ce̱tkɛ lony rɛy leeyni ti ŋuan, kɛnɛ ruath luɔny rɛy buni deet, min camɛ kɛ, kä thilɛ ram mi luäkɛ.

Mikaa 7:16

Kä bi dör ɛ nɛn kä bikɛ cu ga̱a̱c kɛ buɔ̱mdiɛn kɛɛliw. Kä bikɛ thukiɛn cu dɛŋ kä thi̱n kä ba ji̱thkiɛn kum.

Mikaa 7:8

Ɛ lɔcdun /ci tɛth kɛ ɣä lö ji̱ tɛ̈rä, a cäŋ cä tɛɛth ɣän bä rɔ lɛni jiɛc bä. Kä mi wa̱a̱ wä nyuur rɛy muɔ̱th, bi Kuoth Nhial a buaydä.

Dhɛk 10:7

Kä bi Ɛ-pa-rim ce̱tnikɛ wääth köör, kä bi lo̱ckiɛn tɛɛth ce̱tkɛ ji̱ kɔŋä. Kä bi gaatkiɛn ɛ nɛn, kä bi lo̱ckiɛn tɛɛth, kä bikɛ Kuoth Nhial liak.

Dhɛk 2:5

Kä ɣän puɔ̱nydä ba̱a̱ päny maac mi wil jɛ, kä ba̱a̱ gɔɔydiɛn rɛydɛ,’ ruac ni ɣän Kuoth Nhial.”

Dhɛk 9:14

Kä bi Kuoth Nhial jɔɔc wi̱i̱ nɛɛnikɛ, kä bɛ bäärɛ yuɔr ce̱tkɛ yiël nhial kä bi Kuäär ni Kuoth Nhial kaaŋ koth, kä bɛ ja̱l kɛ thul kui̱c cuëëc.

Dhɛk 9:8

Kä ɣän bä cu cieŋ luaakdä ce̱tkɛ gääŋ, kä bɛ cu thil ram mi bi wä kɛ jɛ kiɛ mi bi ben thi̱n. Kä thilɛ ram mi bi nɛɛkä lɛ nyɔk kɛ ciëŋ a jiäk, kɛ ɣöö ɣän cä cuɔ̱c nɛɛnikä nɛn kɛ nyinkä.

Mɛ̈l 3:1

“Kä nɛ̈nɛ jɛ, ɣän cä jääkdä ja̱k kɛ ɣöö bɛ duɔ̱ɔ̱p wä rialikä nhiamdä. Kä kuäär in go̱rɛ bɛ rɔ pär kɛ ben rɛy luaakdɛ, ɛn jääk in nhɔakɛ, jɛn a bëëni, ruac ni ɣän Kuoth Nhial in la Ruey Ɣɔaa.

Mɛ̈t 1:23

“Nɛnɛ, nyal bɛ ruët, kä bɛ gat dap, kä ba ciötdɛ cɔl i̱ I-manu-el.” Min lot ni ɣöö Kuoth akɛ kɔn kɛɛl.

Ji̱ Röm 9:5

kä kɛ kuay gua̱ndɔɔŋni kɔn tin di̱t, kä kɛ ciaaŋ ri̱eŋ bä Mɛ-thia kä kɛ, min te wi̱i̱ kä ti diaal. A puɔ̱th tekɛ Kuoth amäni cäŋ kɛl. Inɔnɔ.

1 Tim 3:16

A thil diw, min cuääŋ naath rɛy ŋäthädan di̱tdɛ ɛlɔ̱ŋ. Jɛn ca jɛ nyoth rɛy ri̱eŋ, kä tëëkɛ cuɔ̱ɔ̱ŋ rɛy yieekä, ca jɛ nɛn ɛ ja̱a̱k nhial, Ca ciötdɛ lat rɛy Juri, kä ca jɛ ŋäth rɛy ɣɔaa, ca jɛ naŋ nhial rɛy buɔyä.

Ji̱ Ɣi-bɛ-ru 11:34

Kä cukɛ mac mi di̱i̱t yieny, cukɛ kään li̱th ko̱o̱r, kɛn kɛ nyua̱n kä cua kɛ jak kä bum, cukɛ buɔ̱m ɛlɔ̱ŋ ko̱o̱r, cukɛ rɛm röli kɔ̱kiɛn joc.

Jɔ-cua 23:10

Ram kɛl kä yɛ jocɛ nɛy ti bathdɔɔr nikɛ ɣöö Kuothdun ni Kuoth Nhial te̱rɛ yɛ tɛrun, nikɛ jɛn mëë cɛ dhil lar i̱ bɛ la̱t.

Nyuuth 22:13

Ɛ ɣän Nhiam, kä ɛ ɣän Jɔk, ɛ ɣän jio̱l, kä ɛ ɣän gik, ɛ ɣän tuk kä ɛ ɣän pek.”

Nyuuth 22:16

“Ɛ ɣän, Yecu, ci jääkdä jäkä ji̱ mɔ kɛ ruac ɛmɛ kɛ kui̱ duëli Kuɔth. Ɛ ɣän cuut, kä ɛ ɣän kaar Dee-bid in la cier bakä.”